2.4 Лабораториялық сабақтар жоспары (бағдарлама бойынша қарастырылмаған).

2.5. Оқытушының жетекшілігімен орындалатын студенттердің өзіндік жұмыстары бойынша өткізілетін сабақтардың жоспары.

Өзіндік жұмыстарды орындауға көмекші әдістемелік нұсқаулар:

1.1. Практикалық сабақтарда ұсынылған мәтіндерді оқыңыз және талқылаңыз.

1.2. Тақырып бойынша өткен лексиканы пайдалану және сұхбат түрінде жағдаятты ауызша дамыту.

І апта. Соөж 1-3

Тақырып: Ортамен танысу. Өзім, отбасым туралы. Өмірбаян.

Тапсырма:

1. Жағдаятты дамыту

а) Бірге оқитын жолдасыңызды отбасыңызбен таныстырыңыз.

ә) Кездейсоқ танысу

2. Пікірталас

СОӨЖ өткізу түрі

1. Сұрақ-жауап

а) Сіздің туысқандарыңыз

ә) Жұмбақты шешіңіз. Қанша кісі?

Атам, әжем, аға, мен

Әкем, інім және мен,

Апам және енесі,

Әкесінің бөлесі –

Отыр едік шай ішіп,

Жеңгем кірді майысып,

Арқасында кіші інім.

Саны қанша айта ғой

Үйдегі бар кісінің?

Ұсынылған әдебиеттер: [1.7:5]; [1.7:8]; [1.7:30]; [1.7:13]

Іі апта. Соөж 4-6

Тақырып: Әлеуметтік тұрмыс. Мекен-жайым. Менің үйім. Жатақхана өмірі.

Тапсырма:

1. Жағдаятты дамыту:

а) Тақырып бойынша 25-сөзден тұратын сөздік құрастырыңыз.

ә) Үй сату немес сатып алу туралы жарнама жазыңыз.

2. Пікірталас.

СОӨЖ өткізу түрі

1. Сұрақ-жауап.

а) Жеке үйде тұрған жақсы ма, әлде көп қабатты үйде тұрған ба?

ә) Көршіңіздің кім болғанын, қандай болғанын қалар едіңіз?

Ұсынылған әдебиеттер: [1.7:5]; [1.7:8]; [1.7:30]; [1.7:28]

Ііі апта. Соөж 7-9

Тақырып: Тіл қарам-қатынас құралы. Мемлекеттік тіл мәртебесі. Тіл туралы заң. Тіл құдіреті.

Тапсырма:

1. Жағдаятты дамыту:

а) Тіл туралы заңнан (конспект).

ә) М.Мақатаев «Үш бақытым» жаттау.

Ең бірінші бақытым – халқым менің,

Саған берем ойымның алтын кенін.

Ол бар болса, мен бармын, қор болмаймын,

Қымбаттырақ алтыннан нарқым менің.

Ал екінші бақытым – тілім менің,

Тас жүректі тіліммен тілімдедім.

Кей-кейде дүниеден түңілсем де,

Қасиетті тілімнен түңілмедім.

Бақытым бар үшінші – Отан деген,

Құдай деген кім десе, Отан дер ем!

Оты сөнген жалғанда Жан барсың ба?

Ойланбай-ақ кел-дағы от ал менен.

Үш бірдей бақытым бар алақанда,

Мені мұндай бақытты жаратар ма.

Үш күн нұрын төгеді аспанымнаң,

Атырау, Алтай, Арқа, Алатауға!!!

2. Пікірталас

СОӨЖ өткізу түрі:

1. Сұрақ-жауап.

а) Даналар сөздерін оқып, осы мағыналас сөздер жазыңыз.

Халықтың мәңгі ғұмыры – оның тілінде. Әрбір тіл өз халқы үшін – ұлы (Ш.Айтматов).

Тіл сыйлы етер, құтты қылар,

Бас та жарар, қадір-құтты ол өшірер (Ж.Баласағұни)

ә) Ана тіліңізді мақтан етердей біліміңіз бар ма?

Ұсынылған әдебиеттер: [1.7:5]; [1.7:8]; [1.7:30]; [1.7:29]

Іү апта. Соөж 10-12

Тақырып: Күн тәртібім. Уақытыңызды қалай пайдаланасыз? Уақытты үнемдей біл.

Тапсырма:

1. Жағдаятты дамыту

а) «Бір аптаның ішінде сегіз күн жұмыс істемесең, дегеніңе жете алмайсыз» - деген мәтінді қалай түсінесіз?

ә) Уақыт ақсүйекті мойындамайды

2. Пікірталас.

СОӨЖ өткізу түрі:

1. Сұрақ-жауап (ауызша).

а) Өзіңізге есеп бересіз бе?

ә) Сізге жоспар қажет пе?

Ұсынылған әдебиеттер: [1.7:5]; [1.7:8]; [1.7:30]