- •Обложка
- •Орыс тілді басылымға алғысөз
- •Авторлар алғысын білдіреді
- •Стратегиясы
- •1 Тарау Көгілдір мұхиттардың жасалуы
- •2 Тарау Аналитикалық құралдар мен үлгілер
- •Стратегиялық арқау
- •Төрт әрекет үлгісі
- •«Жою-азайту-арттыру-жасау» торы
- •Жақсы стратегияның үш сипаты
- •Дивергенция
- •Тартымды ұран
- •Құндылық қисығының түсініктемесі
- •Көгілдір мұхит стратегиясы
- •Алқызыл мұхитта батып қалған компания
- •Қайтарымы жоқ, шамадан тыс ұсыным
- •Когерентті емес стратегия
- •Стратегиялық қайшылықтар
- •Ішкі күштер көмегімен қозғалатын компания
- •Көгілдір мұхит стратегиясын жасау
- •3 Тарау
- •Нарық шекарасын қайта құру
- •Бірінші жол: Балама салаларды қарастыру
- •Екінші жол: Саланың стратегиялық топтарын қарастыру
- •Үшінші жол: Сатып алушылардың тізбегіне қараңыз
- •Төртінші жол: Қосымша өнімдер мен қызметтерді қарастыру
- •Бесінші жол: Тауардың сатып алушылар алдындағы атқарымдық және эмоционалдық тартымдылығына талдау жасау
- •Алтыншы жол: Ертеңгі күнге көз тігу
- •Жаңа нарықтық кеңістікті ашу
- •4 Тарау Сандарға емес, жалпы көрініске назар аудару
- •Жалпы көрініске шоғырлану
- •Өзіңіздің жеке стратегиялық арқауыңызды жасау
- •Бірінші қадам: Визуалды ояныс
- •Екінші қадам: Визуалды зерттеу
- •Үшінші қадам: Визуалды стратегиялар жәрмеңкесі
- •Төртінші қадам: Визуалды коммуникация
- •Корпоративтік деңгейдегі стратегияны визуалдау
- •Стратегиялық арқауды қолдану
- •Ізашар-қоныс аударушы-колонистің (іқк) картасын қолдану
- •Стратегиялық жоспарлаудың шектеулерінен өту
- •5 Тарау Қалыпты сұраныстың шеңберінен шығу
- •Клиент еместердің үшінші қабаты
- •Бірінші қабаттың клиент еместері
- •Екінші қабаттың клиент еместері
- •Үшінші қабаттың клиент еместері
- •Қамту аймағын кеңейтіңіз
- •6 Тарау Дұрыс стратегиялық реттілікті сақтау
- •Дұрыс стратегиялық реттілік
- •Айрықша пайдалылықты тексеру
- •Сатып алушы циклінің алты кезеңі
- •Пайдалылықтың алты тетігі
- •Айрықша пайдалылықтан - стратегиялық баға белгіленіміне
- •Бірінші қадам: Көпшілік үшін баға дәлізін белгілеу
- •Екінші қадам: Баға дәлізі шеңберіндегі деңгейді анықтау
- •Стратегиялық баға белгіленімінен таргет-костингке
- •Көгілдір мұхит стратегиясының пайда үлгісі
- •Пайдалылықтан, бағадан және шығыннан - енгізуге
- •Қызметкерлер
- •Бизнес-серіктестер
- •Кең аудитория
- •Көгілдір мұхит идеяларының индексі
- •Көгілдір мұхит стратегиясын жүзеге асыру
- •7 Тарау
- •Ұйымдастырудың басты бөгеттерінен өту
- •Әрекеттегі мақсатты көшбасшылық
- •Басты тетік: сәйкес емес әсер ету факторлары
- •Түсінбеушілік бөгетін жара өтеміз
- •«Электрлі кәріз жүйесімен» жүріп өтіңіз
- •Наразы клиенттеріңізбен сөйлесіп көріңіз
- •Ресурстардың жетіспеушілігін жеңеміз
- •Ресурстарды қызу нүктелерге аударыңыз
- •Суық нүктелердегі ресурстарды босатып алыңыз
- •Пайдалы айырбаспен айналысыңыз
- •Уәждеме тосқауылынан өтеміз
- •«Басты кеглилерге» көз тігіңіз
- •«Басты кеглилерді» аквариумға орналастырыңыз!
- •Ұйым өзін өзгерте алуы үшін, мақсатты бөлшектеп алыңыз
- •Саяси қастықты жоямыз
- •Періштелерді көмекке шақырып, жындарды тыйыңыз
- •Дәстүрлі көзқарасқа қарсы шығамыз
- •8 Тарау Жүзеге асыру үдерісін стратегияға кіріктіру
- •Нашар үдеріс стратегияның жүзеге асуын болдырмауы мүмкін
- •Әділ үдерістің үш «е» қағидасы
- •Екі зауыт туралы әңгіме
- •Әділ үдерістің маңыздылығы неде?
- •Интеллектуалдық және эмоционалдық мойындау теориясы
- •Әділ үдеріс және көгілдір мұхит стратегиясы
- •9 Тарау Қорытынды: Көгілдір мұхит стратегиясының тұрақтылығы мен жаңартылуы
- •Еліктеушілер жолындағы кедергілер
- •Көгілдір мұхит стратегиясы: еліктеуге қойылған тосқауылдар
- •Құндылық инновациясы тағы қашан қажет болады
- •А қосымшасы Көгілдір мұхит жасау паттерні туралы тарихи очерк
- •Автокөлік өнеркәсібі
- •Дженерал Моторс
- •Шағын да үнемді жапон автомобильдері
- •Chrysler минивэні
- •Компьютерлік индустрия
- •Табулятор
- •Электронды компьютер
- •Дербестендірілген компьютер
- •Compaq дк-серверлері
- •Dell компьютері
- •Кинотеатрлар
- •Никельодеон
- •Палас-Театр
- •Мультиплекс
- •Мегаплекс
- •В қосымшасы Құндылық инновациясы Стратегияға реконструкционистік көзқарас
- •С қосымшасы Құндылық инновациясының нарықтық динамикасы
- •1 Тарау
- •2 Тарау
- •3 Тарау
- •4 Тарау
- •5 Тарау
- •6 Тарау
- •7 Тарау
- •8 Тарау
- •Библиография
Орыс тілді басылымға алғысөз
«Көгілдір мұхит стратегиясының» орыс тіліне аударылғанына және осы кітапта баяндалған ойлардың орыс тілді оқырмандар үшін қол жетімді болғанына біз өте қуаныштымыз. Бірде Ресейге жолымыз түскен болатын. Біздің Ленинградқа келген кезіміз, ол жылдары қазіргі Санкт-Петербург осылай аталатын, 80-жылдардың соңы еді. Сол кезде кездескен адамдарымыздың кәсіпкерлік көңіл-ниетіне, ресейліктерге тән қуат пен жаңа экономикалық мүмкіндіктер ашуға деген талпыныстарына таңданған едік.
Мәселенің мәні мынада. Бүгінгі күні Ресейдегі бизнеспен айналысушылардың бәсеке күресінің шеңберінен шығуы және бәсекеге орын жоқ нарық кеңістігінің «көгілдір мұхиттарын» жасауы үшін өз күш-қуаты мен ой өрісін қалай жұмсағаны дұрыс болады? Қайткенде ресейлік бизнес-компаниялар табысты дамуға жол ашатын және Ресейдегі ғана емес, әлемнің басқа елдеріндегі тұтынушылар үшін қол жетімді болатын өнімдер мен қызметтер жасай алады?
Ғаламдық деңгейдегі бәсеке барған сайын қатігездене түсіп, ал сауда тосқауылдары қирап жатқан заманда бұл сауалдарға жауап табу аса маңызды болып тұр. Осынау күрделі мәселені шешу мақсатында «Көгілдір мұхит стратегиясы» кітабында тұжырымдаманың өзі ғана ұсынылып қоймай, әрбір ресейлік компания өз қызметінің кез келген саласында - өнеркәсіп өнімін шығару, тұтыну тауарларын жасау, қызмет көрсету, бөлшек сауда, мейрамхана қызметінен бастап цирк қойылымдарына дейін – қолданыла алатын аналитикалық құралдар мен әдістемелер беріліп отыр. Соңғы он бес жыл бойына біз өз тарапымыздан жүргізіліп келе жатқан зерттеулеріміз арқасында бітіспес бәсеке майданының шеңберінен шығуға мүмкіндік беретін көгілдір мұхит жасаудың айқын стратегиялық үлгілерін белгілеуге қол жеткіздік.
Біз сіздерді осы кітапты оқып шығып, ондағы идеялар мен тұжырымдамаларды өз компанияларыңызда, өз кәсіпорыныңыздағы тәжірибеде қолдануға шақырамыз. Мүмкіндіктердің көгілдір мұхиттары айналамызда жатыр. Өз жігерімізді жасампаздық іске бағыттай алсақ біреумен бәсекеге түсудің қажеті жоқ. Жаңа, жоғары табыс беретін нарықтарға жол ашу үшін «Көгілдір мұхит стратегиясын» пайдаланыңыз, сонда барлығы – компаниялар, тұтынушылар және жалпы қоғам ұтатын болады. Осы кітап гүлденген ресейлік экономиканың құрылуы ісіне септігін тигізетініне сенеміз.
Алғысөз
Бұл кітап достыққа, адамдардың бір-біріне деген адалдығы мен сеніміне арналады. Дәл осы достық пен сенімнің арқасында, бұл кітапта баяндалған идеяларды зерттеумен айналыса жүріп сапарға аттандық, ал кейін кітаптың өзін де жаздық.
Таныстығымыз жиырма жыл бұрын дәрісханада басталған болатын – ол кезде біреуіміз профессор, ал екіншіміз студент болдық. Содан бастап бір-бірімізге шабыт пен демеу беріп, бірге еңбек етіп келеміз. Бұл кітап – идеяның емес, достықтың жеңісі, ал бұл біз үшін бизнес әлемінің кез келген идеясынан артық. Достығымыздың арқасында өміріміз байи түсті, жан дүниеміз құлпырды. Біздің ешқайсымыз жалғыз болмадық.
Оңай сапарлар болмайды, тек шаттыққа толы достық та кездеспейді. Әйтсе де біз жолымыздың әрбір күнін қуанышпен қарсы алдық, себебі білім мен дамуға ұмтылдық. Кітапта баяндалған идеяларға жан-тәнімізбен сендік. Ол идеялар аман қалуды ғана армандайтындар үшін емес. Амандыққа ғана ұмтылыс бізді ешқашан қызықтырған емес. Сіздердің есі-дерттеріңіз осымен ғана шектелсе – ары қарай оқымай-ақ қойыңыз. Ал егер басқа жолды таңдағыларыңыз келсе, компания құрып, оның көмегімен тұтынушылар да, әріптестеріңіз де, акционерлер де, қоғам да – барлығы ұтыста болатын келешекті жасағыңыз келсе – оқи түсіңіз.
Біз сіздерге ОЛ оңай болады деп уәде бере алмаймыз, бірақ бұл - айтуға тұратын жол. Толассыз табысқа ие саланың болмайтыны сияқты, сәтсіздіктерге ұрынбай жол кешкен компаниялар да жоқтығын зерттеулеріміздің нәтижелері растады. Адамдардың да, корпорациялар секілді, ақылды әрекет ететіндерін, ал кейде олай істемейтіндерін өз тәжірибемізден білдік. Бұрынғыдан артық табысқа жету үшін, жағымды нәтижеге қалай қол жеткізгенімізді ұғынып және осыны жүйелі түрде қалай жаңғыртып отыруға болатынын шешіп алу қажет. Осыны біз ақылды стратегиялық қадамдар деп атаймыз, сондай-ақ, біздің анықтауымызша, көгілдір мұхит жасауға бағытталған стратегиялық қадамның маңызы бірінші дәрежелі мәнге ие.
Көгілдір мұхит стратегиясы компанияларды нарықтың бәсекелестік каупінен қорықпауға болатын тауашасын жасау арқылы бәсекенің алқызыл мұхитынан құтылуға түрткі болу үшін жазылған. Көгілдір мұхит стратегиясы бар және көбіне азайып келе жатқан сұранысты өзгелермен бөлісуден, бәсекелестерге үнемі жалтақтаудан бас тартуды, оның орнына жаңа, өсіп келе жатқан сұранысты жасап, бәсекелестіктен қол үзуді ұсынады. Кітап компанияларды осындай қадам жасауға шақырып қана қоймай, ол үшін не істеу керектігін түсіндіреді. Алдымен біз назарларыңызға ұсынылған жолмен жүрген жағдайда қандай жүйелі әрекеттерді жүзеге асыру керектігін көрсететін аналитикалық құралдар мен жоспарларды ұсынамыз, одан соң көгілдір мұхит стратегиясын анықтайтын және оны бәсекеге негізделген стратегиялық шешімдерден ажырататын қағидаларды қарастырамыз.
Біздің мақсатымыз - бізге белгілі нарықтың алқызыл суындағы бәсекенің үздіксіз әрі әсерлі болғаны сияқты, көгілдір мұхит стратегиясын да жүйелі әрі пәрменді қыла отырып құрастыру және жүзеге асыру болып табылады. Сонда ғана компаниялар көгілдір мұхиттарды жасау ісіне байыппен әрі жауапкершілікпен келіп, өз мүмкіндіктерін барынша ұлғайтады да, қауіпті барынша азайтады. Ешбір компания - ауқымы мен жасына қарамастан - өзінің өзен кемесінің алаяқ ойыншысына айналуына жол бере алмайды. Жол бере алмайды – және бермеуі тиіс. Бұл кітап он бес жылдық зерттеулердің және өткен жүз жылдан астам мерзімнің мәліметтерін зерттеп танудың қорытындысы болды. Одан бұрын - мақалалардың тұтас бір топтамасы Harvard Business Review журналында және осы тақырыптың түрлі салаларына арналған академиялық басылымдарда жарық көрген болатын.
Кітапта ұсынылған идеялар, үлгілер және құралдар көп жылдар бойы Еуропадағы, Құрама Штаттардағы және Азиядағы корпорацияларда іс жүзінде тестіленіп, түзетілді. Кітап осы жұмысқа негізделді және осы идеяларды бірыңғай құрылымға біріктіретін баяндауда ары қарай дамытты. Бұл құрылым көгілдір мұхит стратегиясының негізінде жатқан аналитикалық қырларды ғана емес, адамдармен байланысты, дәлірек айтқанда, ұйымдар мен ондағы қызметкерлерді осы жолға қалай бағыттау, осы идеяларды жүзеге асыруға деген ықыласын қалайша ояту қажет деген сауалдарға байланысты маңызы зор мәселелерді де қамтыды. Әсіресе сенім мен адалдыққа, парасаттылық пен эмоционалдық деңгейді арттыруға қалайша қол жеткізуге болатынын түсінудің маңызы ерекше діттелді. Керек десеңіз, бұл түсінік стратегияның өзегіне айналды.
Көгілдір мұхит жасаудың мүмкіндіктері қашан да жанымызда – тек қолымызды созсақ болғаны. Олардың ашылуымен нарық ғаламы кеңейе түсті. Осы кеңею - даму себебі болып табылатынына біз сенеміз. Алайда, теориядағы сияқты, іс жүзінде де адамдар көгілдір мұхиттарды қалай жасап, қалай жүйелеп, оларға қайтіп билік жүргізу керектігін түсіне алмай жатады. Біз сіздерді осы кітапты оқу арқылы нарық кеңістігін кеңейту үдерісіндегі қозғаушы күшке айналу амалдарын білуге шақырамыз.