Дәрес барышы.
Мотивлаштыру-ориентлаштыру этабы.
Өй эшен тикшерү.
а) иҗади биремне тикшерү;
ә ) 20 нче күнегүне тикшерү;
б) электрон кушымтадагы күнегүләр.
Актуальләштерү.
- Алфавит ник кирәк?
- Сүзләрне алфавит тәртибендә урнаштыру өчен нәрсә кирәк? (Алфавитны яттан белү кирәк).
- Сүзләрне алфавит тәртибендә урнаштырганда нәрсәгә игътибар итәбез? (Сүзнең беренче хәрефенә).
3. Уку мәсьәләсен кую.
1 нче бирем (Төркемнәрдә эшләү).
Биремне укыгыз.
Рәсемдә нәрсәләр сурәтләнгән?
Рәсемнәрне сүз белән әйтегез (Кигәвен, карлыгач, күке, куян, көртлек, колын).
Ул сүзләрдә нинди үзенчәлек сизәсез? (Барысы да к хәрефенә башланган).
Бу сүзләрне алфавит тәртибендә ничек урнаштырырсыз? (Сүзнең икенче хәрефенә карап).
1 нче нәтиҗә:
Сүзләр бертөрле хәрефтән башланса, аларны икенче хәрефенә карап, алфавит тәртибе буенча урнаштырабыз.
Димәк, без бүген дәрестә нишләрбез?
Уку мәсьәләсе. Без бүген дәрестә сүзләрне икенче хәрефләренә карап, алфавит тәртибендә урнаштырырбыз.
II.Уку мәсьәләсен өлешләп чишү этабы.
1 нче бирем (Төркемнәрдә эшләү).
Биремне укыгыз.
Рәсемдә нәрсә сурәтләнгән? (Бер гаилә).
Бу гаиләдә кемнәр бар? (Әби, бабай, әти, әни, малай – онык, кыз – онык, кечкенә – оныкчык).
Гаиләдә һәркем нәрсә эшли?
Бу нинди гаилә?
Төркемнәрдә киңәшләшеп, гаилә әгъзаларын алфавит тәртибендә төзегез.
Кайсы сүзләрдә кыенлык туар? (Оныкларын язганда).
Балалары – оныкларын язганда иң кечкенәсен нинди сүз белән алмаштырып була? (оныкчык).
Тикшерү: әби, әни, әти бабай кыз, малай, оныкчык.
2 нче бирем (Парлап эшләү)
Биремне укыгыз.
Парлап киңәшләшеп эшләгез.
Тикшерү: ташбака, тәкәрлек, тилгән, торна, төлке, тукран.
3 нче бирем (Ысул чыгару).
Сүзләрне икенче хәрефенә карап, алфавит тәртибендә урнаштырганда нишлисез?
Ысул:
сүзне укыйм;
беренче хәрефләрен карыйм;
беренче хәреф бертөрле булса, икенче хәрефенә карыйм;
икенче хәрефнең алфавитта урынын билгелим;
сүзне икенче хәрефенә карап, алфавит тәртибендә язам.
4 нче бирем. (Мөстәкыйль эшләп карау).
28 нче күнегү.
Биремне укыгыз.
Мәгънәсен аңлатыгыз. (Кыш көне карны күп тотсаң, җир дымлы була, иген шуңа уңа).
Бу мәкальдә нинди сүзләр күп? (к хәрефенә).
Бу сүзләрне алфавит тәртибендә тезү өчен нишләрсез?
2 нче нәтиҗә
Биремне тиз, дөрес эшләр өчен ысул куллану уңайлы.
5 нче бирем.
29 нчы күнегү.
Биремне укыгыз.
Рәсемдә нинди сүзләр бирелгән? (Эш коралын белдергән сүзләр).
Нинди эш кораллары бирелгән? (Кайчы, көрәк, пычкы, балта, кисәү).
Сүзләрне алфавит тәртибендә язу өчен нишләрсез?
3 нче нәтиҗә:
әгәр сүзнең арасында бертөрле һәм төрле хәрефенә караган сүзләр булса, иң элек сүзләрне беренче хәрефенә карап, аннан бер үк хәрефенә караган сүзләрне икенче хәрефенә карап, алфавит тәртибендә язабыз.
6 нчы бирем.
3 0 нчы күнегүнең биремен укыгыз.
Кем эшләргә тели?
Моның өчен нишләрсез? (Яраткан язучыларымның фамилияләрен искә төшерермен).
7 нче бирем.
Бүген дәрестә алган белемнәрегезне модельләштереп куегыз.
беренче беренче
=
хәреф хәреф
Икенче хәреф
Икенче хәрефнең алфавитта тәртибен
билгеләү
Сүзне язу
нче бирем.
Бүгенге дәрескә нинди сүзләр бирелгән? (Үзләштергән сүзләрне җыеп тикшерү өчен сүзләр җыйнап бирелгән).
Сүзләрне укыгыз, бер-берегезгә әйтеп яздырыгыз.
Дәфтәрләрегезне алыштырып, сүзләрнең язылышын дәреслек буенча тикшерегез, бәяләгез.
III. Рефлексив бәяләү этабы.
Рефлексив кабатлау.
Нәрсә белдек?
Ничек белдек
2. “Үз-үзеңне тикшер!” биремнәрен үтәү.
Бәяләү (үзбәя, үзара бәяләү).
Өй эше.
а) сүзлек өчен бирелгән сүзләрне ныгытырга;
ә ) 30 нчы күнегү;
б) *
4. Алдагы дәрескә проблема кую.
- Сез бу бүлектә нәрсә өйрәндегез?
- Хәзер алга таба нәрсә эшләргә кирәк булыр дип уйлыйсыз?
7 нче дәрес.
Тема: Грамматик биремле диктант.