Дәрес барышы.

1. Мотивлаштыру-ориентлаштыру этабы.

1. Өй эшен тикшерү.

а) иҗади биремне тикшерү;

ә ) 175 нче күнегү.

2. Эш дәфтәрләрендә матур язу күнегүләре.

3. Актуальләштерү.

- Фигыльләр турында белемнәрегезне сөйләгез.

4. Уку мәсьәләсен кую.

• Дәреслектәге уку мәсьәләсен карагыз.

• Нәтиҗә ясагыз.

1 нче нәтиҗә:

• фигыльләрнең мәгънәләре күп төрле була.

• Күп төрле мәгънәләр ничек барлыкка килә?

2 нче нәтиҗә:

• күп мәгънәле сүзләр сүзнең мәгънәләре ераклашу нәтиҗәсендә барлыкка килә.

Бүгенге дәрескә уку мәсьәләсен куегыз.

Уку мәсьәләсе: Без бүген фигыльләрнең күпмәгънәлелеге турында өйрәнербез.

2. Уку мәсьәләсен өлешләп чишү этабы.

1 нче бирем (Төркемнәрдә эшләү).

176 нчы күнегү.

• Биремне укыгыз.

• Төркемнәрдә фигыльләрнең мәгънәсен аңлатыгыз.

• Басу сүзенең ничә мәгънәсе бирелгән? (5).

Басып тордыгыз – көтеп тордыгыз, шыгыр-шыгыр басып – шыгыр-шыгыр атлап, шома басабыз – оста биибез, давылны басар – давылны тынычландырыр, сакал баскан – сакал үскән.

2 нче бирем. (Парлап эшләү).

177 нче күнегү.

• Биремне укыгыз.

• Парлап киңәшләшеп эшләгез, фигыльләрнең мәгънәләрен аңлатыгыз.

(кулын алды, хат алган саен, карандашлар һәм буяулар алды, Берлинны ала, бәрәңге алырга, белем алган).

3 нче бирем (Ысул чыгару).

• Фигыльләрнең күпмәгънәлелеген ничек билгеләрсез?

Ысул:

• фигыльләрне укыйм;

• мәгънәсен аңлыйм;

• фигыльнең мәгънә төрләнешен билгелим;

• нәтиҗә ясыйм.

4 нче бирем

178 нчы күнегү.

• Биремне укыгыз.

• Фигыльләрнең мәгънәсен аңлатыгыз, нәтиҗә ясагыз.

3 нче нәтиҗә:

• фигыльләр туры һәм күчерелмә мәгънәдә кулланылалар.

5 нче бирем

179 нчы күнегү.

• Биремне укыгыз.

• Биремне эшләр өчен нәрсә кулланырсыз? (Ысул).

1 нче адым – фигыльләрне табу;

2 нче адым – фигыльләр белән бәйләнеп килгән сүзне билгеләү;

3 нче адым – фигыльләрнең мәгънәсен аңлау;

4 нче адым – фигыльләрнең нинди мәгънәдә килгәнен ачыклыйм;

5 нче адым – фигыльнең мәгънәсен аңлату.

6 нчы бирем.

180 нче күнегү.

• Биремне укыгыз.

• Кем эшләргә тели?

7 нче бирем.

• Бүгенге дәрескә нинди сүзләр бирелгән ?

• Сүзләрне истә калдырыгыз, үз-үзегезгә әйтеп яздырыгыз.

• Дәреслекне ачып, үз-үзегезне тикшерегез.

• Ә хәзер тикшерегез, бәяләгез.

8 нче бирем.

• Дәрестә алган белемнәрегезне модельләштереп куегыз.

3. Рефлексив бәяләү этабы.

1. Рефлексив кабатлау.

• Нәрсә белдек?

• Ничек белдек?

2. Бәяләү (үзбәя, үзара бәяләү).

3. Өй эше.

а) эш дәфтәрләрендәге күнегүләр;

ә ) 180 нче күнегү;

б) *

4. Алдагы дәрескә проблема кую.

- Фигыль темасын үзләштереп бетердек, алга таба нәрсә эшләрбез? (белемнәребезне тикшерербез).

46 нчы дәрес үз-үзеңне тикшерү күнегүләренә багышлана.

47 нче дәрес.

Тема: Сыйфатның мәгънәсе, сораулары.

Максаты: сыйфатның мәгънәсе, сорауларын үзләштерү.

Планлаштырылган нәтиҗәләр:

• шәхескә кагылышлы – татар теле дәресләрен үзләштерүгә җаваплылык булдыру;

• метапредмет – уку мәсьәләсен төгәл куя белү;

• предмет – сыйфатның мәгънәсе, сорауларын аңлау.