Дәрес барышы.
Мотивлаштыру-ориентлаштыру этабы.
Өй эшен тикшерү.
а) иҗади биремне тикшерү;
ә ) 355 нче күнегүне тикшерү;
б) эш дәфтәрләрендәге күнегүләрне тикшерү
Эш дәфтәрләрендәге матур язу күнегүләре.
Актуальләштерү.
- Текстның темасын билгеләү ысулын сөйләгез.
4. Уку мәсьәләсен кую.
- Дәреслектәге уку мәсьәләсен карагыз.
Төркемнәрдә киңәшләшеп эшләгез.
1 нче нәтиҗә:
текстта җөмләләр тыгыз бәйләнә.
2 нче нәтиҗә:
текстның исеме эчтәлекне ача яки төп катнашучы белән бәйле була.
Бүгенге дәрескә уку мәсьәләсен куегыз.
Уку мәсьәләсе. Без бүген текстның темасын билгеләрбез, текстка исем куярбыз.
II.Уку мәсьәләсен өлешләп чишү этабы.
1 нче бирем (Төркемнәрдә эшләү).
356 нчы күнегү.
Биремне укыгыз.
Алда чыккан нәтиҗәләргә игътибар итеп, төркемдә бергәләп эшләгез.
(Темасы: Габдулла, кечкенә Габдулла, көчек).
2 нче бирем (Парлап эшләү)
357 нче күнегү.
Биремне укыгыз.
Нинди сүзләр бирелгән? (Терәк сүзләр).
Ул сүзләр аша текстның темасын билгеләп буламы? (Әйе).
Ни өчен? (Терәк сүзләр – текстның иң кирәкле сүзләре).
3нче бирем. (Мөстәкыйль эшләп карау).
358 нче күнегү.
Биремне укыгыз.
Рәсемдә нәрсәләр сурәтләнгән?
Барысында да уртак рәсемдә нәрсә? (Күгәрчен)ю
Күгәрченнән турында рәсем аша нинди мәгълүмат бирелгән? (Күгәрчен – хат ташучы, тынычлык символы, табигатьтә кешеләр янында якын торучы кош).
Текстның исеме нинди булыр? Ни өчен?
4 нче бирем (Ысул чыгару).
Текстка исем кую өчен нишлисез?
Ысул:
текстны укыйбыз;
текстның эчтәлеген барлыйбыз;
текстта төп катнашучыны табабыз;
текстта вакыйганың үсеше нәрсә турында икәнен ачыклыйбыз;
нәтиҗә ясап, текстның исемен билгелибез.
5 нче бирем.
359 нчы күнегү.
Биремне укыгыз.
Биремне эшләр өчен нишләрсез? (Җөмләләрдәге – пландагы фикерне ачыкларбыз).
Кем бу әсәрнең эчтәлеген хәтерли?
Фәрит йомыркаларны кая күчергән була?
Алиянең чебешләре.
Алия тавык-чебеш ярата. Аларны ашата, эчертә. Ул чебешләрне күзз алдыннан бер дә җибәрми.
Беркөн Алиянең чуар тавыгы югалды. Алия аны ике көн эзләде, тапмады.
Җитмәсә, тавыклар салган йомыркалар да югала башлады.
Алия сакларга уйлады. Шул саклаган чакта Фәритне тотты.
Ә Фәрит чуар тавык чеби чыгарырга утырганны әйтте. Чебешләр күп булсын дип, ул йомыркаларны ояга ташышты.
Фәрит беркатлылыгыннан оялды, ә карак түгеллеген күрсәтте.
6 нчы бирем.
3 60 нч күнегү.
Биремне укыгыз.
Кем эшләргә тели?
7 нче бирем.
Электрон кушымтадагы сүзлек өчен бирелгән сүзләр күнегүләрен эшләгез.
8 нче бирем.
Дәрестә алган белемнәрегезне модельләштереп куегыз.
Теманы чагылдыра
Кыска
Төп катнашучы белән бйәле
III. Рефлексив бәяләү этабы.
Рефлексив кабатлау.
Нәрсә белдек?
Ничек белдек
Бәяләү (үзбәя, үзара бәяләү).
Өй эше.
а) эш дәфтәрләрендәге күнегүләр;
ә ) 360 нчы күнегү;
б)*
4. Алдагы дәрескә проблема кую.
- Текст турында тагын үзләштерәсе белем бармы әле?
- Димәк, алдагы дәрестә бу эшне дәвам итәрбез.
95 нче дәрес.
Тема: Тексттагы җөмләләрнең зат алмашлыклары, һәм, ә, ләкин теркәгечләре һәм синонимнар ярдәмендә берләшүе.
Максаты: тексттагы җөмләләрнең зат алмашлыклары, һәм, ә, ләкин теркәгечләре һәм синонимнар ярдәмендә берләшүен өйрәнербез.
Планлаштырылган нәтиҗәләр:
шәхескә кагылышлы – ана теле аша телнең интеллектуаль үсешен аңлау;
метапредмет - үз эшчәнлегеңне нәтиҗәле оештыра белү;
предмет – тексттагы җөмләләрнең зат алмашлыклары, һәм, ә, ләкин теркәгечләре һәм синонимнар ярдәмендә берләштерә белү.