Дәрес барышы.
Мотивлаштыру-ориентлаштыру этабы.
Өй эшен тикшерү.
а) иҗади эшләрен тикшерү;
ә ) 5 нче күнегүне тикшерү;
б) 4 нче күнегүне тикшерү.
2. Эш дәфтәрләрендә язу күнегүләре.
3. Актуальләштерү.
- Сүздә ничә иҗек булганын ничек белеп була? (Сузык аваз санына карап).
- Сүздә иҗек санын белү безгә ник кирәк? (Сүзләрне иҗекләп уку, сүзләрнең дөрес язылышын иҗекләп тикшерү өчен).
Уку мәсьәләсен кую.
Биремне укыгыз.
Сүзләрнең бүленешен күзәтеп, нәтиҗә ясагыз. ( 1 нче юлда сүзләр иҗекләргә, 2 нче юлда сүзләр юлдан-юлга күчерерлек итеп бүленгән).
Нәтиҗәләрдән чыгып, бүгенге дәрескә уку мәсьәләсен куегыз.
Уку мәсьәләсе: Без бүген дәрестә сүзләрне юлдан-юлга күчерү алымын үзләштерербез.
Уку мәсьәләсен өлешләп чишү.
1 нче бирем. (Төркемнәрдә эшләү).
6 нчы күнегү.
Биремне укыгыз.
Сүзләрне иҗекләргә бүлеп укыр өчен нишләрсез? (Сүздә сузык аваз санын билгеләрбез, сузык авазларга карап, иҗеккә бүләрбез, иҗекләп укырбыз).
1 нче нәтиҗә: Иҗекләргә игътибар итеп, сүзне юлдан-юлга күчерербез.
2 нче бирем. (Парлап эшләү).
7 нче күнегү.
Биремне укыгыз.
Сүзләрне юлдан-юлга күчерерлек итеп бүлү өчен нишләрбез? (Сузыкларга карап, сүзләрне иҗекләргә бүләрбез).
Парлап эшләгез.
Тикшерү:
Кайсы сүзләрне берничә төрле бүлеп яздыгыз? (Җән-лекләр, җәнлек-ләр; кө-янтә, көян-тә; тә-нәфес, тәнә-фес).
Ә кайсы сүзләрне юлдан-юлга күчереп булмый? (Уен, ком, авыр).
Ни өчен? (Уен, авыр – бер хәрефне аерып калдырмыйбыз, ком – бер генә иҗекле сүз).
Димәк, нинди нәтиҗә ясарбыз?
2 нче нәтиҗә: сүзләрне юлдан-юлга күчергәндә бер хәрефне генә аерып калдырмыйбыз.
3 нче бирем.
8 нче күнегү. (Ысул чыгару).
Сүзләрне юлдан-юлга күчерү өчен сез нишләрсез?
Төркемнәрдә киңәшләшеп, фикерегезне әйтегез.
Ысул:
сүзләрне укыйбыз;
сүздә сузык аваз санын билгелибез;
сүзләрне сузык аваз санына карап, иҗекләргә бүләбез;
сүзләрне иҗекләрдән чыгып, юлдан-юлга күчерү мөмкинлекләрен ачыклау;
нәтиҗә ясау.
4 нче бирем.
8 нче күнегү.
Биремне укыгыз.
Биремне үтәгәндә нәрсәне кулланырсыз? (Ысул).
Ысул кулланып, мөстәкыйль эшләгез.
Тикшерү:
Кайсы сүзләрне юлдан-юлга күчереп яздыгыз.
Ничек күчердегез? Ни өчен?
5 нче бирем.
9 нчы күнегү.
Биремне укыгыз.
Биремне үтәү өчен нәрсәне искә төшердегез? (Дәрестә чыгарган нәтиҗәләрне кулланып).
6 нчы бирем.
10 нчы бирем.
Биремне укыгыз.
Кем эшләргә тели?
7 нче бирем.
Бүгенге дәрескә бирелгән сүзне укыгыз. (Әдәп)
Сүзнең язылышында нинди үзенчәлек бар? (ә).
Мәгънәсен аңлатыгыз.
Әдәп сүзе белән җөмлә язып куегыз.
8 нче бирем.
Дәрестә алган белемнәрегезне модельләштереп куегыз.
Сүзләрне иҗекләп
күчерәбез
Бер хәрефне генә
аерып калдырмыйбыз
Бер иҗекле сүз
юлдан-юлга күчми
Рефлексив бәяләү этабы.
Рефлексив кабатлау.
Нәрсә белдек?
Ничек белдек?
Бәяләү (үзбәя, үзара бәяләү).
Өй эше.
а) 9 нчы күнегү;
ә ) 10 нчы күнегү;
б) *
4. Алдагы дәрескә проблема кую.
- Экранда бирелгән рәсемнәрне сүз белән әйтегез. (Циркуль, кулъяулык, календарь, сәгать рәсеме).
- Ул сүзләрнең язылышында нинди үзенчәлек бар? (Ул сүзләрдә ъ, ь хәрефләре кергән).
- Менә алдагы дәрестә шул хәрефләр кергән сүзләр белән эшләрбез.
3 нче дәрес.
Тема: ъ, ь хәрефләре кергән сүзләрне дөрес уку һәм язу.
Максаты: ъ, ь хәрефләре кергән сүзләрне дөрес уку һәм язу күнекмәсен үстерү.
Планлаштырылган нәтиҗәләр:
шәхескә кагылышлы – укучыларда грамоталы булу теләге уяту;
метапредмет – эзлекле фикер йөртеп, нәтиҗә ясау күнекмәсен үстерү;
предмет – ъ, ь хәрефләре кергән сүзләрне дөрес уку һәм язу күнекмәсе булдыру.