Дәрес барышы.
Мотивлаштыру-ориентлаштыру этабы.
Өй эшен тикшерү.
а) иҗади биремне тикшерү;
ә) электрон кушымтадагы күнегүләрне тикшерү;
б) эш дәфтәрләрендәге күнегүләрне тикшерү.
Эш дәфтәрләрендәге матур язу күнегүләре.
Актуальләштерү.
- Охшаш мәгънәле сүзләрне тану ысулын сөйләгез.
4. Уку мәсьәләсен кую.
- Дәреслектәге уку мәсьәләсен карагыз.
- Рәсемдәге предметларның кайсы билгеләре бирелгән? (Буш-тулы, авыр – җиңел).
1 нче нәтиҗә:
капма-каршы мәгънәле сүзләр була.
Ул сүзләр ничек атала?
2 нче нәтиҗә:
капма-каршы мәгънәле сүзләр антонимнар дип атала.
-Бүгенге дәрескә уку мәсьәләсен куегыз.
Уку мәсьәләсе. Без бүген дәрестә антонимнарны кулланырга өйрәнербез.
II.Уку мәсьәләсен өлешләп чишү этабы.
1 нче бирем (Төркемнәрдә эшләү).
46 нче күнегү.
Капма-каршы мәгънәле сүзләрне төркемнәрдә табып, аңлатыгыз. (барсаң – туктасаң (хәрәкәтләнәсең – хәрәкәтләнмисең); бара – туктый (хәрәкәтләнә-хәрәкәтләнми).
2 нче бирем (Парлап эшләү)
47 нче күнегү.
Биремне укыгыз.
Антонимнар уйлар өчен нишлисез? (ул сүзнең капма-каршы мәгънәсен уйлыйбыз).
Парлап эшләгез.
Югары- биек, ерак-якын, каты-йомшак, иртә-кич, тиз-акрын, күп-аз, көн-төн, тигез-кыек, кәкре.
3 нче бирем. (Мөстәкыйль эшләп карау).
48 нче күнегү.
Биремне укыгыз.
Мәкальләрнең мәгънәсен аңлатыгыз. (1-сөйләгәнгә караганда күбрәк белергә кирәк; 2 – кыска фикер төгәл аңлашыла, 3 – һәркем үзенчә аңлый).
4 нче бирем (Ысул чыгару).
Антонимнарны тану өчен нишлисез?
Ысул:
сүзне укыйбыз;
мәгънәләрен чагыштырабыз;
сүзне капма-каршысы, кире ягын ачыклыйбыз;
нәтиҗә ясап, сүзтезмәдә кулланабыз.
5 нче бирем.
49 нчы күнегү.
Биремне укыгыз.
Ничек эшләрсез? (Ысул кулланып).
Тикшерү: кыска-озын, биек-тәбәнәк, юан-нәзек, җитез-акрын.
6 нчы бирем.
5 0 нче күнегү.
Биремне укыгыз.
Кем эшләргә тели?
Нинди белем чыганагыннан файдалана аласыз? (Татар халык авыз иҗаты җыентыклары һ.б.).
7 нче бирем.
Бүген дәрестә алган белемнәрегезне модельләштереп куегыз.
Капма-каршы мәгънәле
Аңа капма-каршы киресен аңлаткан сүз
уйлау
Сүзнең мәгънәсен аңлау
8 нче бирем.
Бүгенге дәрескә нинди сүзләр бирелгән? (пөхтә, ният).
Ул сүзләрнең мәгънәләрен аңлатыгыз.
Аларга капма-каршы мәгънәле сүзләр уйлагыз (пөхтә-пычрак, җыйнаксыз, ният – кире кагу).
III. Рефлексив бәяләү этабы.
Рефлексив кабатлау.
Нәрсә белдек?
Ничек белдек
Бәяләү (үзбәя, үзара бәяләү).
Өй эше.
а) эш дәфтәрендәге күнегүләр;
ә) электрон кушымтадагы күнегүләр;
б) *
4. Алдагы дәрескә проблема кую.
- Сүзләр тагын нинди мәгънәләрдә булырга мөмкин?
- Алдагы дәрестә шулар турында сөйләшербез.
13 нче дәрес.
Тема: Омонимнар.
Максаты: әйтелешләре бер үк, мәгънәләре төрле сүзләрне тану күнекмәсе формалаштыру.
Планлаштырылган нәтиҗәләр:
шәхескә кагылышлы – белем алуга омтылыш булдыру;
метапредмет - уку мәсьәләсен ачык билгеләү күнекмәсе булдыру;
предмет – омонимнарны таный белү.