Тема: творчість івана вишенського План

1. Біографічні відомості про письменника.

2. Ідейно-художній аналіз послання “Писание до всіх в обще Лядской земле живущих...” („Тобh в земли, зовемой Полской...”).

3. Викриття єпископів-уніатів у творі “Писаниє к утекшим от православной веры епископам…” („Велможным их милостям панам арцибискупу Михайлу и бискупом Потhю, Кирилу, Леонтию, Деонисию и Григорку совышше памят покаяния…”).

4. І.Вишенський в оцінці І.Франка.

5. Вивчення творчості письменника в школі.

Література

1. Грабович Г. Авторство і авторитет Івана Вишенського: діалектика відсутності // Слово і час. – 1990. - № 6.

2. Паславський І. „Писав мандрованець, якого звуть Вишенським”// Дзвін. – 1991. - №1. – С.152 – 160.

3. Пінчук С. Іван Вишенський: Життя і діяльність. – К., - 1968.

4. Полєк В. Історія української літератури Х – ХУІІІ ст. –К., 1994.

5. Степанишин Б. Давня українська література в школі. – К., 2000.

6. Франко І. Іван Вишенський, його час і письменницька діяльність // Матеріали. - Т. 1. – С.226 – 278.

7. Яременко В. Іван Вишенський. – К.,1962.

Пройшовши складний шлях бездержавності, національна ідея відродилася в ХVI ст. у літературних поглядах письменників-полемістів.

Полемічна література постала як наслідок суперечностей між православними і католиками у зв’язку з розколом християнства та об’єднання їх (унія) під егідою Риму. Полемічний – слово грецьке, означає войовничий, ворожий. Появі цього жанру в українській літературі передували складні історичні події. У результаті загарбницьких дій Литви і Польщі Правобережна частина України увійшла до складу новоутвореної Речі Посполитої. На політичному, національному, релігійному грунті розпочалася нещадна експлуатація українського населення. Польща поставила собі за мету підлягти православну церкву у лоно римо-католицької. В результаті шантажу і підкупу спокушені православні єпископи І.Потій, К.Терлецький, М.Рогоза та ін. у 1596 р. у Бресті підписали так звану унію, що й стало основою загострення полеміки. Запровадження Брестської унії спричинилося до появи численних полемічних творів з боку як православних, так і католиків. Започаткував цей жанр в українській літературі Г.Смотрицький твором „Ключ царства небесного”

Причини, передумови виникнення полемічної літератури, а також творчість письменників-полемістів Г.Смотрицького, Х.Філалета, К.Острозького, Л.Зизанія розглядаються на лекційних заняттях. На практичному занятті вузівська програма пропонує для вивчення творчість відомого письменника-полеміста Івана Вишенського.

Для того, щоб з’ясувати витоки доробку письменника, студентам пропонується окреслити життєві віхи творчості митця.

Біографічних відомостей про письменника залишилося дуже мало. Дослідники схиляються до думки, що письменник народився приблизно1538-1550рр. у містечку Судова Вишня на Львівщині. Там здобув початкову освіту, згодом навчався у Луцьку та Острозі під наглядом князя К.Острозького. Можливо, саме на той період у житті Вишенського сталася якась особлива подія, адже згодом він постригся у ченці і деякий час жив в Уневському монастирі. У 70-х рр. ХVI ст. Вишенський залишає Україну (причини невідомі) і поселяється в Греції на горі Афон, яка в ті часи була центром православного християнства. На Афоні Вишенський стежив за релігійно-політичною обстановкою в Україні, підтримував зв’язки з Львівським братством, приїжджав на батьківщину, але залишитися тут не захотів. Вчені звичні вважати датою смерті І.Вишенського 1621р.

Літературознавці творчість письменника поділяють на два періоди:

1) до прийняття Брестської унії (1596р.) – характеризується гострою критикою політики папи римського і суспільно-політичного устрою Речі Посполитої та гніту місцевого панства;

2) після прийняття Брестської унії – позначений демократичним пафосним звучанням та несприйняттям унії й католицизму.

З раннього періоду для текстуального вивчення вузівська програма пропонує твір „Писание до всhх обще в Лядской земли живущих”. Твір написаний на початку 90-х рр. XVI ст. і звернений до тих, хто проживає на теренах Речі Посполитої і терпить знущання світських і духовних ідеалів. Варто ще раз апелювати увагу студентів до з’ясування історичної обстановки і з цих позицій аналізувати твір.

Прочитавши послання, студенти мають зосередитися на тому, що в творі Вишенський виступив із рішучим засудженням суспільного та державного ладу Речі Посполитої. Послання пройняте болем і тугою за рідною землею, яка терпить лихоліття з боку шляхетської Польщі. Автор розмірковує над тим, що в суспільстві, себто в Лядській землі, куди належала й Україна, панує лиходійство, облудність, лицемірство, насильство, немає правди і справедливого суду. Можновладці, які називають себе християнами, насправді зневажають Христове ім’я, дбають лише про власне збагачення. Символічним у творі є авторський заклик до покаяння, смиренності, любові; він звернений не лише до власті імущих, а до всього християнського люду. Доцільно наштовхнути студентів на роздуми щодо близькості твору нашому часу.

Іншим твором, який належить другому періоду творчості Вишенського і обговорюється на практичному занятті є „Послание к утекшим от православное вhры епископом”. Твір написаний у 1598р. і є відповіддю на трактат Іпатія Потія „Оборона згоды”, спрямований на захист унії. Автор вдається до нищівної критики українських єпископів І.Потія, К.Терлецького, М.Рогози та ін., які задля власної вигоди перейшли на бік унії, зрадивши український православний народ і його церкву.

Як слушно зауважує вчений-дослідник творчості І.Вишенського Ф.Поліщук,”обсяг, композиція і ідейна наснаженість потребують ретельного відбору матеріалу для аналізу. Зосередивши увагу студентів на проблематиці твору, викладач повинен уникнути розірваності його сприйняття, аналізуючи який студенти повинні не лише розкрити зміст певного епізоду, образу, а й показати ті прийоми, які застосовує полеміст. Цінне те, що письменник змалював правдиві картини тогочасного життя народу, проник у суть соціальних суперечностей”.

Єпископи-уніати представлені Вишенським жорстокими феодалами. Вони привласнювали працю трудового народу, зловживали своїм становищем, вели нечестиве життя, недотримувалися заповідей, які проповідували. Автор вдається до характеристики кожного з них. Доводить, що ренегатство веде до морального занепаду, проливається світло на їхню продажність і пристосуванство. У посланні народні маси протиставляються єпископам, а автор висновує провідну думку твору: проста людина своїми моральними якостями вища за єпископів-зрадників із заплямованою совістю. „Так же и его милость арцибискуп, коли простым Рогозиною был, не знаю, если и два слуговины переховати на службу свою могл, а нынh личбою перебhжит и десяток, барвою ровно с першим”.

Полемічні трактати письменника високо оцінив І.Франко. „Іван Вишенський, - писав він, - належить до тих діячів, які своїм гарячим і чудово-красним словом будили наш народ зо сну, піднімали його до свідомості, своєї людської і народної гідності”. І.Франкові належить грунтовна монографія про життя і творчість І.Вишенського, одноіменна поема, низка наукових трактатів. Окрім Франка творчість письменника досліджували В.Перетц, Л.Махновець, О.Білецький, М.Назарук, А.Пащук, С.Пінчук, В.Яременко та ін. Мотиви життєдіяльності І.Вишенського у своїй творчості використовували Р.Іваничук, В.Шевчук, Ю.Хорунжий, І.Драч, В.Шевчук.

* * *

Коментоване читання уривків із програмних творів І.Вишенського.

ТОБh, В ЗЕМЛИ, ЗОВЕМОЙ ПОЛСКОЙ, МЕШКАЮЧОМУ ВСЯКАГО ВЪЗРАСТА, СТАНУ И ПРЕЛОЖЕНСТВА НАРОДУ, РУСКОМУ, ЛИТОВСКОМУ И ЛЯДСКОМУ, В РОЗДhЛЕНЫХ СЕКТАХ И ВhРАХ РОЗМАИТЫХ, СЕЙ ГЛАС В СЛУХ ДА ДОСТИЖЕ

Ознаймую вам, як земля, по которой ногами вашими ходите и в ней же в жизнь сию рождением произведени есте и нынh обитаете, на вас перед господом богом плачет, стогнет и вопиет, просячи сотворителя, яко да пошлет серп смертный, серп казни погибелное, яко же древле на содомляны, и всемирнаго потопу, которий бы вас выгубити и искоренити (яко да не сквръните болшей оную антихристовым безбожным невhрием и поганским, нечистым и несправедливым житием вашим) могл,— изволяючи лhпше пуста в чистотh стояти, нежели вашим безбожством запустошона от хвалы всесилнаго бога, създателя и творца небеси и земли, быти.

Въмhсто зас евангельское проповhди, апостолское науки, и святых закона, и ограниченя цноты, и учтивости сумненя христианского нынh поганские учители, Аристотели, Платоны и другие тым подобные машкарники и комидийники, в дворех Христа бога владhют. Въмhсто зась смирения, простоты и нищеты гръдост, хитрост, матлярство¹ и лихо­имство владhет. Въмhсто зас суду и правды несправедливост, лъж, крывда, прехитреня, препрене, потвар², лицемhрие, лест и кгвалт анти­христов владhет. Въмhсто зась вhры и надежди, и любви безвhрство, отчаяние, ненавист, завист и мръзост владhет. Въмhсто зась цhломудрънаго жития конечное вшетеченство³, плюгавство и нечистота скверная владhет.

Покайтеся убо, всh жители тоя земли! Покайтеся, да не погибнете двоякою погибелию, и вhчною и дочасною, от скораго гнhва божия нагло! Аще ли же не хощете, тогды к вам, стаду православному, христианскому роду, мовлю: будhте готови отлучитися от того погибелного антихристова и содомскаго рода, да есте истинною новый Израиль, а не с поганци погане. Где бо в поганhх таковый плод нечистый, яко ж нынh в Лядской земли видится? Стосугубнhй некрещеные в имя отца и сына и святого духа, прелщеные от диаволского слуги и лжепророка Махомета, турки честнhйшие ест пред богом в судh и правдh якой-такой, нежели креще­ные ляхи, которые на евангельскую науку сопротивно борют и оную своим злым житием и гордостию антихристового духа пожерши попи­рают!

Прето вhдаючи вы о сем, православнии християне, не скорбhте! Господ бо ест с нами, и аз убо есм с вами. Имhйте убо вhру и надежду в бога жива крhпку и непоколhбиму! На панов же ваших руского роду, на сыны человhческия, не надhйтеся! В них же нhст спасениа. Всh бо бога живаго и вhры яж в него отступили, прелести же еретической, любви духа тщеславного, жизнолюбию и лихоимству ся поклонили. В них же не благоволит господь по реченному: «А егда обинется, не благоволит душа моя о нем». Тhмже да отступит от неправды всяк именуяй имя гос­подне. Будите убо готови на приятие Исуса, который нынh у вашей земли нhмает где главу подклонити. Духи бо нечистии поднебеснии везде во естествh зовемых христиан гнhздятся и царствуют: прелстили, прехитрили и от бога различными ересьми десно и шуе естество человhческое открали и вслhд себе отволокли сут. Як нынh нhст хвалы богу ни мало з Лядское землh, и христианство в конец исчезе и по­гибе. Всh бо настоящаго вhка гонят, да ся его благыми удовлят и насы­тят. О будущаго же вhчное наслаждение мыслити и искати в жизни сей — и памят тую уморили и, яко ж камень, ко оной⁴ жизни онечувствhли суть. Обаче где ся толко от вас обрhтает истинный священик, инок цhломудр и мирского жития христианин православный, которий от труда своего житие свое, богобойне живучи, а не от лихоимства языче­ского, окормляет и правду видhти алчет и жаждет? Даст вам бог по же­ланию вашому. Не скръбhте убо, но потерпhте мало. Грядый бо приидет и не закоснит.

Да прокляти будут владыки, архимандрити и игумени, которие манастирh позапустhвали и фолварки собh з мhст святых починили, и сами толко з слуговинами и приателми ся в них телесне и скотски переховывают, на мhстох святых лежачи, грошh збирают, с тых доходов, на богомолци Христови наданных, дhвкам своимъ вhно готуют, сыны одhвают, жоны украшают, слугы умножают, барвы⁵ справуют, приателh обогачуют, кариты зиждут, възники⁶ сытые и единообразные спрягают, роскош свою погански исполняют. А в манастырh рhкь и потоков непрестанно в молитвh к небесному кругу текущих иноческого чина по закону цер­ковному видhти нhсть, и вмhсто бдениа, пhсни и молитвы и торжества духовнаго — пси выют, гласят и ликуют. Где нынh правило по уставу святых в Лядской земли в церкви видhти и слышати хощеши, то есть ве­черню, павечерницю, полунощницю, завтредню, 1 час, 3 час, 6 час, 9 час, книжное поучение закона день и нощ? Не все ли превратися в поганское безвhрие, и слhд христианского жития изчезе и погибе? Владыки безбожные вмhсто правила, и книжнаго чтения, и поучения в закони господни день и нощ над статутами и лжею увесь вhк свой упражняют и погубляют и вмhсто богословия и внимания настоящаго жития — пре­лести, хитрости человhческия, лжи, щекарства⁷ и прокураций⁸ диаволского празднословия и угождения ся учат.

О, земле запустhлая и зарослая трънием безвhрия и безбожия! О, образе божий, по подобию зданный, како погребеся от славы нетлhнной и вhчной жизни небеснаго царства во жизни сей, скоро ищезающей! О человhче окаяный, како, чести своее отбhгши, и ко безсловесных скотох несмыслству припрящися и усвоитися изволил еси! О христианине реченный⁹, како помазание крещения в божество божеством духа миро­любием сим посмрадил еси! О сыне вhрою небеснаго бога, како сыном диаволским плоды дhл своих преименоватися изволил еси! О царское священие, языку святый, людие обновления, како во поганьское и ерети­ческое безвhрие превратился еси!

К тебh ж, земле Лядская, с плачем глас Исаин мовлю: «И како быст блудница град вhрный Сион полн суда! В нем же правда успе, в нем же нынh убийци. Сребро ваше непотребно. Корчемници твои смhшают ви­но с водою». Еже ест образ лядского священства; священници бо твои смhшают истинное слово божие со лжею, с похлhбством¹⁰, ласканием, лицемhрием, лестию и человhкоугождением, оводнhвающе винную истинну водою лицемhриа и лести, чесанием слухов, а не бодением и убие­нием грhха, внутр сердца криемаго, истинною обличениа. Князи твои закону божию не покаряются,— обещници¹ татем, любяще мзду, гоняще за посулами, сиротам не судяще и суд вдовиц не внемлюще! Сего ради се глаголеть владыка господь Саваоф: О, горе моцным и преложоным в Лядской земли! Не престанет бо ярост моя на противност их и суд лу­кавства их! И противления над ними учиню, и наведу руку мою на них, и роспалю бhдами и искусом в чистоту. Не хотящих же покаятися и от того злонравствия преложитися — и до конца погублю, и памят имени их во вhки затрачу, и отиму всhх безаконых от тебе, и всhх гръдых смирю. И будет крhпост их, яко паздерие згребное, и дhла их, яко искры огнены. И съжегутся беззаконници и грhшници вокупh, и не будет угашаяй.

О, лютh, страно грhшна, людие полны грhхов, племя злое, сынове беззаконии! Остависте господа и разгнhвасте святого Израилева, отвратистеся въспят! Что и еще уязвляетеся, прилагающе безаконие ко безаконию? От главы и до ног острупhли есте! От началник, от священик и до простых онечистhли есте! Осмраднhли есте гноем миролюбиа! Образ бо­жий огноили есте! Нhсть мhста цhлаго от грhховного недуга — все струп, все рана, все пухлина, все гнилство, все огнь пекелный, все болhзнь, все грhх, все неправда, все лукавство, все хитрост, все коварство, все кознь, все лжа, все мечтание, все сhнь, все пара, все дым, все суета, все тщета, все привидhние — сущее ж нhст ничтоже. Нhст где плястра приложити на исцhление нhкоея части. Все смертоносный грhх, все пеклом, адом и геенною вhчною смръдит!

Покайтеся убо бога ради, покайте, донелиже покаанию время имате; по смерти бо сего обрhсти не можете. Что толико онечувствhли, одебелhли и окаменhли сердцем и помыслом есте? Еда не вhруете, яко помрете? Аще украдает вам диавол тую память и ослhпляет вас миролю­бием, а вы прибhгнете с памятию народивших вась и продков ваших. Где ся подhли и в которую сторону отшли? Не помръли ли? Не и вам же ли там подобает отити и также помрете? А егда и вы мусите, хоть и не хочете, так же, як и родители ваши, помрhти, готовhте ж ся на исход ко будущему вhку! Готовhте дhла, готовhте чистое житие, готовhте богоугождение! Да егда повелит вам маятель от сея жизни преходити, да имате тое готово з собою. Да будет тое сокровище при вас на смертной постели, да видите тое собрание свое...

¹фальш ²наклеп ³розпуста ⁴майбутньої ⁵барвисті одежі(лівреї) слугам ⁶коні ⁷брехні ⁸процесування ⁹християнин по імені ¹⁰лестощами ¹¹спільники

ВЕЛМОЖНЫМ ИХ МИЛОСТЯМ, ПАНОМ АРЦИБИСКУПУ МИХАЙЛУ И БИСКУПОМ ПОТhЮ, КИРИЛУ, ЛЕОНТИЮ, ДЕОНИСИЮ И ГРИГОРКУ СОВЫШШЕ ПАМЯТ ПОКАЯНИЯ, СТРАХ ГЕЕННЫ И БУДУЩАГО СУДА НИЗПОСЛАТИСЯ ОТ ВСЕВИДЯЩАГО ОКА ТРОИЧНАГО БОЖЕСТВА, ОТЦА И СЫНА И СВЯТОГО ДУХА, ИОАН МНИХ 3 ВИШНh ОТ СВЯТОЕ АФОНСКОЕ ГОРЫ УСЕРДНО ВАМ ЗЫЧИТ ^а

...Покажите ми убо, о згоду вяжучии, где который з вас первый степен сам собою выполнил и в вhрh, основаной в непорушенном фундаментh, со исполнеными заповhдми ся знашол? Не ваши милости ли вhру дhлы злыми наперед еще разорили? Не ваши милости ли прагненя лихоимства пhнежного и достатку мирского жерело похотий в собh роспустили и насытитися никакож не можете и еще болшею алчбою и жаждею, свhцких достатков прагнучи, оболhли есте? Покажhте ж ми, о згоду вяжучии, где который з вас, в мирском житии будучи, оных шест заповhдей, от Христа узаконеных, сам собою исполнил, то ест алчных прекормил, жаждных на­поил, странных упокоил, нагих одhял, болным послужил, в темницах навежал? Не ваши милости ли тых шест заповhдей не толко в мирском чину разорили есте, але и нынh, в мнhмаючемся духовном, непрестанно разоряете?

^а «Посланіє» до єпископів-уніатів (1597 або 1598 р.) належить до найкращих творів І.Вишенського. Ця гостра сатира на „владик” церкви, що готові були за будь-яку угоду з польськими магнатами і римською церквою, аби здобути маєтки та привілеї для себе й своїх родичів, є одним з найяскравіших творів старої літератури по силі правдивого зображення пануючих верств.

Не ваши милости ли алчных оголоднhваете и жаждными чините бhдных подданых, той же образ божий, што и вы, носячих; на сироты церковные и прекормлене их от благочестивых христиан наданых лупите и з гумна стоги и обороги волочите; сами и з своими слуговинами ся прекормлюете, оных труд и пот кръвавый, лежачи и сhдячи, смhючися и граючи, пожираете, горелки препущаные курите, пиво трояковыборное варите и в пропаст несытнаго чрева вливаете; сами и з гостми ся своими пресы­щаете, а сироты церковные алчут и жаждут, а подданые бhдные и своее неволи рочнего обходу удовлhти не могут, з дhтми ся стискают, оброку собh уймуют, боячися, да им хлhба до пришлого урожаю дотягнет.

Где который з вас странных в дом ввел, упокоил, ублажил, ноги авраамски страннику умыл? Не ваши милости ли сами нынh у мнимаючимся духовном чину из странных ся ругаете, хулите, поносите, ненави­дите, злословите, клевещете? Што ся показало с тых уст, смродливую згоду вяжучих, которые тым духом ругали, мовячи: «А што ж сут, патриар­хи или кгрецкие владыки? Жебраки, волоцуги, змаменники!»¹. Видите ли вашого мудрованиа странноприимство!

Где есте нагих одhвали? Не ваши милости ли сами обнажаете, из оборы конh, волы, овцh у бhдных подданых волочите, дани пhняжные, дани пота и труда, от них вытягаете, от них живо лупите, обнажаете, мучите, томите, до комяг и шкут² безвременно, зимою и лhтом, в непо­годное время, гоните,— а сами, як идоли, на одном мhсцу присhдите или, если и трафится того трупа отидолотворенного на другое мhсце перенести, на колысках, як бы и дома сhдячи, безскорбно преносите, а бhдные под­даные и ден и ноч на вас трудят и мучат; которых кров, силы и праци и подвига выссавши и нагых в оборh и коморh учинивши, вырванцов ва­ших, вам предстоящих³, фалюндышами, утрфинами и каразиами⁴ одhваете, да красноглядством тых слуговин око накормите, а тые бhдные подданые и простое сермяжки доброе, чим бы наготу покрыти могли, не мают! Вы их пота мhшки полны грошми золотыми, талярми, полталярки, орты, четвертаки и потройными напыхаете, сумы докладаете, в шкатулах мhсца, где бы которой особh с тых помененых годное было почивати, росправуете, а тые бhдници шелюга, за што соли купити, не мают.

Где есте болным послужили? Не ваши милости ли болных еще сами от здоровых чините, биете, мучите и убиваете? Пощупайся тылко в лы­сую головку, ксенже бискупе луцкий, колко еси за своего священства живых мертво ко богу послал, одных сhканою, других водотопленою, третих огнепалною смертю от сея жизни изгнал? Так розумhю, иж памятаеш, ваша милость, всhх тых, если схочеш покаятелное исповhди правду отригнути. Воспомяни и Филипа, маляра многопhняжного. Камо тые румяные золотые по его неволном отходh осталися и в чием нынh везеню седят?

Где есте в темницах посhщали? Не ваши милости ли в темницах за правду затворяете и бhды людем христианским терпhти еднаете? Не ваши милости ли и Никифора добре посhтили и в темницу затворити исходотаили есте, яко да со лжею беспечне пануете и обличениа на свое отступление со папою своим от оного уст не относите? Але так вhдайте, если и язык человhчий умолкнет, але зрител видит от горh долних, и узрите все свое нынhшнее тогда, егда, тайнство жизни сея выполнивши, в страну будущаго вhка отидете. Тогда все ся вам тое открыет, чого нынh ощупати и видhти (за окраденям слhпоты мира сего и славы его) не можете.

... Покажhте ми, о згоду вяжучии, где который з вас оставил дом, села, имhния, маетност, сородство и мирское житие господа ради. Не ваши милости ли того ради и бискупства ся докопали, яко да сокровище болшее имhней, маетност, скарбов пhняжных и прибытков в церкви божой знайдете, слуг личбою двояко и трояко, нежли перво есте мhли, умножите; славою вhка сего коронуетеся, в достатках беспечалных и роскошных, як в маслh, плываете, дочки богатым вhном бискупским обвhнуете, зятей панами пышногордшими почините и своих повинных церковным, сирот­ским, убозским и слhда христова держачихся добром обогатhли есте, титулы им славнhйшие у свhта сего починили есте, от войских на подкоморих, от подкоморих на судhй, от судей на каштеляны, от каштелянов на старосты, от старост на воеводы переворочаете?

Покажhте ми, о згоду вяжучие, где который з вас тот конечный степень петрова гласа исполнил: «Се мы,— рече,— оставихом вся и вслhд тебе идохом,— что убо будет нам», слышавше от учителя, яко неудоб богатии вниидут в царство небесное. Не ваши милости ли болшей нынh маете, нежли перво есте имhли, и богатшими и пышнhйшими есте, нежли перво есте были? А если неправду мовлю, отвалhм тот надгробный камен и узрим явно все житие ваше першее в мирском стану и нынh рекомо в духовном, хто што перво был и что имhл и хто тепер ест и што мает.

Начну ж от мирославнhйших. Перво его милость каштелян Патей, если и каштелянства титул догонил, але толко по чотыри слуговины и во одежди, якая барва вомhститися могла, за собою волочил, а нынh, коли бискупом зостал, перебhжит личба и десятковая и барва скуподорожшая и славнhйшая. Так же и его милость арцибискуп, коли простым Рогозиною был, не знаю, если и два слуговины переховати на службу свою могл, а нынh личбою перебhжит и десяток, барвою ровно с першим. Так же и Кирило, коли попом простым был, толко дячка за собою воло­чил, которому кермашами пирожными⁵ заплату чинил, а нынh, коли бис­купом зостал, догонит слугами и барвою первых. Так же холмский, коли в Луцку жил, саксоном и майдебурским правом свое черево кормил, а нынh, коли бискупом зостал, мусит быти и слуговин собh набыл. Так же и Григорко, коли дворянином Рогозиным был, и хлопчика не мhл, а нынh и тот тепер, коли бискупом зостал, в черевh ширший, в горлh сластолюбнhший, в помыслh высочайший, в достатку богатший и в слуговинах доволнhйший. А пинского в первом житию не зналем; але по нынhшнем показуется, што и тот, як и другие, так же единою бо вижу, яко не вслhд Христа, но вслhд свhта сего пелгримацию всh вышреченные трудят.

Тут теды вас вопрошу в доконченю тых пяти стопней. Покажhте ми, о згоду вяжучии, откуду есте тое годности вhрою шафовати доспhли, коли плоды вhры сами собою есте разорили и самую вhру обесчестили и поругали. Не видите ли, нендзные мудрцеве, што рек Христос: «Если хто не отречется себе и своея душа, не может быти мой ученик»? А коли не может быти его ученик, як же тот вhры познати тайнство может? А коли вhры тайнство познати не может, як же таковый вhрою шафовати смhет? Видите ли, згоду вяжучие, вашу самых вhру, яко воскресению мертвых не вhруете! Видите ли вашу смhлост, яко во отчаяние воверглися есте! Видите ли вашу слhпоту, яко во погибел миролюбия угрязли есте! Види­те ли вашу премудрост, яко во прелести вhка сего утонули есте! Видите ли ваш подвиг, труд, ревност и тщание, яко да настоящаго вhка благая погоните, о будущаго же памят, теплоту, страх и боязнь уморили есте! Як же ся вы духовными, а не толко духовными, але и вhрными звати мо­жете, коли брата своего, во единой купели крещения — вhрою и от еди­ное матере — благодати ровно з собою породившагося, подлhйшим от себе чините, уничижаете и ни за што быти вмhняете, хлапаете, кожемякаете, сhделникаете, шевцами на поругане прозываете? Добре, нехай будет хлоп, кожемяка, сhделник и швец, але воспомянhте, як брат вам ровный во всем ест. Для чого? Для того, иж во едино треипостасное божество и одным способом з вами ся крестил, и одною благодатию и даром вhры облечен ся стал, и одною печатию духа святого на христианство запечатан ест. А подвигом и вhрою дhлною, если ж и одного отца и матере, вhры и крещения есте, может быти кожемяка от вас лhпший и цнотливший. Откуду то познаемо? Оттуду: два сынове были у одиного отца Исаака и матере Ревеки — Иаков и Исав; Иаков же был лhпшшй и цнотливший, хоч молодший, а Исав зас горший и подлhйший, хоч же старший. Ато чему? Для того, иж Иаков богу угодил и благословение приял, а Исав чрево и похоть над благословение божие предпочтил и от бога отвержен был. Пытаю теды тебе, ругателя имени, чим ты лhпший от хлопа. Албо ты не хлоп такий же, скажи ми! Албо ты не таяж материя, глина и персть, ознайми ми! Албо ты не тоеж тhло и кров! Албо ты не таяж жолчь, хракотины, слина и тлhние! Или ачей ты от камене утесан и немаеш кишок и слюзу хлопского в собh, ознайми ми! Или ачей ты костяный, так, без тhла, родился еси, дай ми знати о том! Зас пытаю тебе и не оставлю, пытаючи, чим ты лhпший над хлопа,— повhж ми и свhдоцтво дай, не гордую хулу и дмение, але божественнаго гласа писанием покажи. А егда показати не можеши, яко ты каменный, костяный или навет и золотый, толко такий же гной, тhло и кров, яко и всяк человhк, чим же ся ты лhпшим показати можеши над хлопа? Явно, яко ничим другим, толко хулою и величанием гордости пред человhки, а пред всевидящим оком — окаяннhйший и всhх тварей безчеснhйший еси. «Всякое бо,— рече,— высокое во человhцhх мерзко и нечисто ест пред богом». А коли ты показати то не можеши, яко ты лhпший над хлопа, а сам ся гордостию чиниши, як же ты духовным или навет и християнином простым зватися можеши? Видите ли, як дух антихристов, ваши мhхи надув, и усты гордо дыхает и рыгает. Видите ли, яко не толко духовными, але ани простыми християны зватися вам не годит и не достоит. Ато чему? Для того, иж на Христа самого и учение его борете, плотским рождением, славою и богатством хвалите и духовными пастырми быти называете, а братию свою и христову подлhйшими от себе и не толко подлhйшими, але и ни за што их пред своею гордостию быти розумhете. Того ради показати то не хитростию речництва, але божествен­ным писанием хощу, як не естесте не толко духовные, але ниже простые христиане, и хто вас христианами звати бы хотел, и тот не ест христи­анин.

[...Але когда добрый владыка на проповhд выбрал простых хлопов, смиренных нищих, беззлобивых рыболовов, кожемяк и тым церков свою поручил, в шафунок спасение человhческое, досвhдчивши их быти вhрными, злецил⁶,— так же властне и патриарха ,слhдlа христова держачися, учи­нил; тым, которых быти не еретиками, не отщепенцами, не развратниками благочестия досвhдчивши, церков христову и своего пастырства моц строения злецил и як ей хранити от ереси антихристового учения научил, и Анны и Каиафы оставил, архиерее, широкореверендные⁷ и на лектыках⁸ колышучиеся, пренебрегл, а бискупи, саки по Римh гонячие, ни за что быти и розумhтися осудил. Видите ли, яко патриарха слушне и пристойне учинил, як на простых вhрных, свhтских людей, православных христиан церков христову вложил и строение в ней поручил. Але вы, бискупи, по тому вашему обличению што учините, вержетеся, вhм, зас до того надыманя⁹, мовячи: тые хлопи простые в своих кучках¹⁰ и домках сhдят, а мы пред ся на столах епископских лежимо; тые хлопи з одное мисочки поливку албо борщик хлепчют, а мы пред ся поколко десят полмисков, розмаитыми смаками уфарбованых, пожираем; тые хлопи бетцким албо муравским кгермачком¹¹ ся покрывают, а мы пред ся в гатласh, ядамашку¹² и соболhх шубах ходимо; тые хлопи сами и панове и слуги собh суть, а мы пред ся предстоящих барвяноходцев¹³ поколко десят маемо; перед тыми хлопи нhхто славный шапки не здоймет, а перед нами и воеводы здыймают и низко кланяются. На тое кокошене¹⁴, панове бискупи, вам отповhм так: архиерее они, Христа убившие, подобные вам, не на мhстах ли епископских седhли так же, яко и вы, але хлопи христовы лhпшие от них были и нынh суть; они чрево не так же ли ладовали, якож и вы, але хлопи христовы, алчющие правды, лhпшие от них были и нынh суть; тые трупи не так же ли мякко и коштовне убирали, якож и вы, але про­стаки христовы, одноризные, лhпшие от них были и нынh суть; тые пред­стоящими не так же ли ся были окружили, яко ж и вы, але хлопи христовы, самослужные собh, лhпшие от них были и нынh сут; тых Пилаты и Ироды не так же ли почитали и перед ними уклякали, як же и перед вами, але хлопи христовы, гоненые и оплюваные, обесчещенные, поруганые, по­смhяные, битые и убитые,— лhпшие и цнотлившие и славнhйшие от них были и нынh сут. Так же и вы, панове бискупи, сhдите на мhстах епис­копских, але на достойнствh и учтивости не сhдите; селами владhете, але вашими душами диавол владhет; пастырами ся зовете, але есте волки; священными ся зовете, але есте прокляти; епископами ся именуете, але есте мучители; духовными ся быти розумhете, але есте поганци и язычници; хвалитеся, павловым словом боронячися, попом благочестивым и мовите, як вы попи, а мы епископи, не ко попом, мовит, речено: «Внимайте себh и всему стаду, в нем же вас дух святый поставил епископы пасти церков господа и бога», але ко епископом.

Тут ставши, буду вас пытати силы того слова. Приидhте, приидhте, вси позорищници, на видhние духа антихристова гласа и узрите его, як ся будет румянhти и соромhти, коли его сонце праведное пригрhет и об­личит! Пытаю вас, лживые бискупи, чим ся вы хвалите,— чим не были, ни естесте и николи не будете. Скажhте ми тое первое голое слово, Павлом реченное, что ест «внимайте себh» и кую силу тое внимание мает, а потом и до духа святого, ставящаго епископы, поступимо. Але вhм, о том вниманю не толко вы, богочревци, але и всh философи мирские, посполу з ва­шими машкарники исусоругателми, то ест зовемыми езуиты, сложившися, силы того слова «внимайте себh» ознаймити ми не можете,— развh не мовлю истинного богослова, в пустыни искус безмолвным претерпhвшаго, бhсы мыслъно преборовшаго и ко богу око душевное прозрhти проочистившаго, плоти и крови совлекшагося, от такового толко силу того «внимай себh» услышати могу, а от богокорчемника и мудръца, в миру пресловутого, никакож. А коли того первого слова не знаете, чим же ся вы над попы превозносите и станом епископским славити смhете? Пытаю зас, дух ли святый вас поставил епископы пасти церков господа и бога или дух антихристов пасти чрево и множити несытое лихоимство. Не явно ли всему свhту, яко самого преисподнего Велиара дух вас поставил и его жертовное лакомство! Чим же ся вы над попов православных вышшими во спасении душевном чините? Вhм, яко вышшие есте, и я вам признати мушу, але чревом роскошнhйшим и горлом сластолюбнhйшим, и помыслом пышнhйшим, и лихоимством несытhйшим. Тым есте вышшии от попов православ­ных, а не спасением душевным! А спасением душевным не толко от попов, але и от простых свhцких православных так далеко меншими и послhднhйшими есте, яко из Иерусалима до Рима и далhй. И хвалитеся тым титулом епископским, а не достоинством, мовячи, яко не имают власти духовенство православных (егда с предhлов законных выступите и от жоны власное своее, церкви вhры восточное, до курвы римское на блуд отбhгати хочете и оную вшетечницу, наблудившися там з нею, и еще тайно до чистаго ложа облюбеницh церкве христовы приволокати изволите) вас низлагати, измhтовати и кляти. Так вhдайте, не толко очи здоровые ока гнилого усмотрити и осудити могут и власт имают, але и само тhло церковное, то ест простые християне, по Христову гласу, скверноначалника изверечи, осудити и прокляти власт имают, да не с тым блазненым оком, или пастырем, в геенну внийдут. А священници православное вhры, поборници благочестия, в своем степени неподезренные, таковую силу, власт и началство имают правду евангелскую боронити и о ней ся до крове заставляти, яко же сам Христос и апостоли его и прочии. И аз убо, многогрhшный мних Иоан, первей вас навпоминаю, да ся ко богу обратите и покаяние за дерзнутое вами и другого злого жития, плоды достойные показавши, сотворhте. А если не хочете, проклинаю вас от отца и сына и святого духа, да есте прокляти нынh и в будущий вhк. Амин.

...Пытаю вас зас о той послhдней добродhтели, покажhте ми, о биску­пи, хто давал за вами свhдителство от внhшних, як есте на той степень достойни и як есте житием добрым исполнили всh тые добродhтели, Пав­лом реченные. «Подобает бо,— рече,— ему и свhдителство имhти от внhшних, да не в поношение впадет и в сhть неприязнену». Хто ж давал за вами свhдителство от православных, скажhте ми? А если показати не можете или не хочете, тогды я вам показати хочу, хто давал за вами свhдителство. Первое вам посвhдчили румянцh, то ест чирвоные золотые з бhлыми ве­ликими таляры, полталярки, орты, четвертаки и потройники. Ато як? Ото так, што славнhйшим секретаром и рефендаром, похлhбцям и тайным лгаром его кролевской милости, абы ся причинили и свhдчили, яко годный человhк на панствованя бискупских доходов и пожитков и своволного и вшетечного мешканя на тых имhнях и селах, бискупству належачих, за которую причину тому, особh, завивши в папhрец сто или як ся трафит чирвоных золотых, в руку тыць, другому зас тых же шафранцюв очелюбных, завивши так же, в руку тыць; одправивши же румянолюбцув, потом ступhмо до понеславнhйших особ, тым зас, ворочки¹⁵ понаполнявши, овым — великих бhлых таляров, овым — зас полталярков, овым — ортов и четвертаков, тому в руку тыць, овому тыць и сему тыць, а писародрачh юж не бракуют и потройники з грошами берут и дерут. Тые ходотае, панове бискупи, за вами свhдчили, яко есте годни на своволное житие сел епископских; свhдчил зас поклон, нhкоторая тисеча чирвоных в кишеню кролевскую; а до того свhдчило вам ваше злое сумнhня, иж есте ся обhщали вhры отврещися и антихристу поклонитися, што и скутком есте постигли и желаемое исполнили. И учинивши тое плодоносие, мовите, яко не имают власти православные епископы, священници и общий на­род вас прокляти. Мают и мают, небожата, и юж есте прокляти и геенну вhчную запевно наслhдуете, если ся не покаете. Волно вам не вhровати, але умры тылко, тогда узриши, если лгу или правду мовлю. Видите ли, нендзнороскошници, где заплынули есте. Видите ли, яко на глубокий вир, римскую прелест, натрафили есте, в которой вhчно утонути мусите, если ся не покаете...

¹обманщики ²поромів і барж ³слуг ⁴роди сукна ⁵пирогами відпустовими ⁶доручив ⁷реверенда – попівська ряса ⁸на ношах ⁹погорди ¹⁰хлівах ¹¹грубі сорти сукна ¹²дорогі тканини ¹³ліврейних слуг ¹⁴пишання ¹⁵торбинки