ПоВhСть временных ЛhТ Оповідання про подорож апостола Андрія

Оньдрhю учащю в Синопии и пришедшю ему в Корсунь, увhдh, яко ис Корсуня близь устье Днhпрьское, и въсхотh поити в Рим, и проиде в вустье Днhпрьское, и оттоле поиде по Днhпру горh, и по приключаю¹ приде и ста под горами на березh. И заутра въстав и речe к сущим с ним учеником: «видите ли горы сия? яко на сих горах восияеть благодать божья; имать град велик быти и церкви многи бог въздвигнути имать». И въшед на горы сия, благослови я и постави крест, и помоливъся богу, и сълhз с горы сея, идеже послhже бысть Киев, и поиде по Днhпру горh. И приде в словhни, идеже нынh Новъгород, и видh ту люди сущая, како есть обычай им, и како ся мыють и хвощются², и удивися им. И иде в варяги, и приде в Рим, и исповhда, елико научи и елико виде, и рече им: «дивно видhх в землh словеньстh идущю ми сhмо; видhх бани дре­вены, и пережьгуть я рамяно³, и совлокуться, и будуть нази, и облh­ются квасом уснияномь⁴, и возмуть на ся прутье младое, и бьють ся сами, и того ся добьють, едва слhзуть лh живи, и облhются водою студеною, и тако оживуть; и то творять по вся дни, не мучими никимже, но сами ся мучать, и то творять мовенье собh, а не мученье». Слышащеі же се дивляхуся. Оньдрhи же, быв в Римh, приде в Синопию.

_______________________________________________________________

¹випадково, ²шмагають себе, ³сильно, ⁴кислотою для оброблення шкіри

Переказ про заснування Києва

Полем же жившем особh и володhющем роды своими, иже и до сее братьh бяху поляне, и живяху кождо с своим родом и на своих мhстhх, владhюще кождо родом своим. И быша три братья, единому имя Кий, а другому Щек, а третьему Хорив, и сестра их Лыбедь. Сhдяше Кий на горh, ідhже нынh увоз Боричев, а Щек сhдяше на горh, идhже ныне зо­вется Щековица, а Хорив на третьей горh, от негоже прозвася Хоривица; и створиша град во имя брата своего старhйшаго, и нарекоша имя ему Киев. И бяше около града лhс и бор велик, и бяху ловяща звhрь, бяху мужи мудри и смыслени, и нарицахуся поляне, от нихже суть по­ляне в Киевh и до сего дне.

Ини же, не свhдуще, рекоша, яко Кий есть перевозник был, у Кіева бо бяше перевоз тогда с оноя стороны Днhпра, тhмь глаголаху: на пере­воз на Киев. Аще бо бы перевозник Кий, то не бы ходил Царюгороду; но се Кий княжаше в родh своемь; и приходившю ему ко царю, якоже сказають, яко велику честь приял есть от царя, при которомь приходив цари; идущю же ему вспять, приде к Дунаеви, възлюби мhсто, и сруби градок мал, и хотяше сhсти с родом своим, и не даша ему ту близь жи­вущии; еже и донынh наричють Дунайци городище Киевець. Киеви же пришедшю в свой град Киев, ту живот свой сконча; и брат его Щек и Хорив и сестра Лыбедь ту скончашася.

Оповідання про обрів

Словhнську же языку, якоже рекохом, живущю па Дунаи, придоша от скуф, рекше от козар, рекомии болгаре и сhдоша по Дунаеви, и населници словhном быша. Посемь придоша угри бhлии, и наслhдиша землю словhньску; си бо угри почаша быти при Ираклии цари, иже находиша на Хоздроя, царя перьскаго. В си же времяна быша и обри, иже ходиша на Ираклия царя и мало его не яша. Си же обри воеваху на словhнhх, и примучиша дулhбы, сущая словhны, и насилье творяху женам дулhбьским: аще поhхати будяше обърину, не дадяше въпрячи коня ни вола, но веляше въпрячи 3 ли, 4 ли, 5 ли жен в телhгу и повести обърhна, и тако мучаху дулhбы. Быша бо Обърh тhлом велици и умомь горди, и бог потреби я, и помроша вси, и не остася ни един обърин, и есть притъча в Руси и до сего дне: погибоша аки обрh; ихже нhсть племени ни наслhдъка. По сих же придоша печенhзи; паки идоша угри чернии мимо Киев, послhже при Олзh.