Владимир

ВСѣХ СЛАВЕННОРОССИЙСКИХ СТРАН КНЯЗЬ И ПОВЕЛИТЕЛЬ, ОТ НЕВѣРИЯ ТМИ ВО ВЕЛИКИЙ СВѣТ ЕВАНГЕЛСКИЙ ДУХОМ СВЯТИМ ПРИВЕДЕН В ЛѣТО ОТ РОЖДЕСТВА ХРИСТОВА 988; НИНѣ ЖЕ В ПРЕСЛАВНОЙ АКАДЕМѣИ МОГИЛО-МАЗЕПОВИАНСКОЙ КѣЕВСКОЙ, ПРИВѣТСТВУЮЩОЙ ЯСНЕВЕЛМОЖНОГО ЕГО ЦАРСКОГО ПРЕСВѣТЛОГО ВЕЛИЧЕСТВА ВОИСКА ЗАПОРОЖСКОГО ОБОИХ СТРАН ДНЕПРА ГЕТМАНА И СЛАВНОГО ЧИНУ СВЯТОГО АНДРЕЯ АПОСТОЛА КАВАЛИЕРА ИОАННА МАЗЕПИ, ПРЕВЕЛИКАГО СВОЕГО КТИТОРА, НА ПОЗОР РОССИЙСКОМУ РОДУ ОТ БЛАГОРОДНИХ РОССИЙСКИХ СИНОВ, ДОБРѣ ЗДЕ ВОСПИТУЕМИХ, ДѣЙСТВИЕМ, ЕЖЕ ОТ ПОЕТОВ НАРИЦАЕТСЯ ТРАГЕДОКОМЕДИЯ, ЛѣТА ГОСПОДНА 1705, ИЮЛЯ 3 ДНЯ, ПОКАЗАННИЙ.

Пролог к слышателем

Служаще обичному уставу, в академии нашой от лѣт многых хранимому, се и мы, аще и послѣднѣйшии, недозрѣли плоди трудов нашых на позор вам производим, великоименитие и благороднии слышателие! А яко не ино что, токмо повѣсть о обращении к Христу равноапостолного князя нашого Владимира, обичним дѣйствием представити умислихом. Вина бяше, яко то и мѣсту сему прилично и свойственно слышателем мнится быти: приличен дому ест образ господина; свойственная память сыном отшедшаго далече отца своего. Се же и дом Владимиров, се и Владимирова чада, крещением святим от него рожденная (что паче всѣх изящнѣе на тебѣ является, ясневелможний пане, ктиторе и добродѣю наш, ему же и строение сего отчества Владимероваго по царю от бога врученно ест, и Владимировимы идяй равнимы ему побѣдами, равною в России икономиею, лице его, яко отческое сын, на тебѣ показуеш). Убо сего изображение прийми от нас, яко того ж великий наслѣдник, вмѣсто привѣтствия. Зри себе самаго в Владимерѣ, зри в позорѣ сем, аки в зерцалѣ, твою храброст, твою славу, твоей любвы союз с монаршим сердцем, твое истинное благолюбие, твою искренную к православной апостолской единой кафолической вѣры нашой ревност и усердие.

Действие 1

ЯВЛЕНИЕ ВТОРОЕ

Я р о п о л к

...Не прийде ли во слух вам, что ваш умишляет князь на ви?

Ж е р и в о л

Что новое? Он давно являет

Сверѣпство свое: уби тебе, брата родна.

Я р о п о л к

Жертва великих богов нѣсть к тому свободна.

Ж е р и в о л

Что слишу?

Я р о п о л к

Християнский закон восприяти

Умысли, от богов же всячески отстати хощет.

Ж е р и в о л

Га! Га! Га! Га! Га! Истинное слово.

Аз сам без вѣсти сея (повѣм нѣчто ново

и вам невѣдомое), аз (глаголю вѣрно),

Аз первий в сем подозрѣх его. Лицемѣрно

начат богом служити. Слиши тайну странну.

Первѣе он ко богом и жерцом пространну

имѣ руку и, егда жертву приношаше,

Радость, праздник, торжество, веселие наше

бѣ тогда; волы толсти и тучние кравы

Убиваемы бяху, и доволны стравы

не боги токмо, но и жерци имѣяхом

И не токмо ни мало тогда не алкахом.

Но — вѣруй ми, о княже! — жрец Перуна бога

Добрѣ чрево исполнил от тука премнога.

Со Перуном (вѣси, что имам глаголати),

Со Перуном могох мя, грѣшна, соравняти.

Но уже тую щедрость измѣни. О студа!

Даде вчера едного козла, тако худа,

тако престарѣлаго, тако безтѣлесна,

Тако изнуренного, изсохша, безчестна,

тонка, лиха, немощна, безкровна, безплотна,—

Еще ножа не приях, а смерть самохотна

постиже его. Гнѣв ли уби его божий,

Или яко не бѣ в нем, кромѣ лихой кожи

и под кожею костей, тѣлесе ни мало.

Что убо мнится тебѣ? Кое се настало

время! Не нам се нужда творится, но, стада

Не ядше, измрут бозы.

Я р о п о л к

Еще прежде глада

побиет их Владимир; дерзнувший пролити

Кров братнюю, дерзнет он и богов побити.