Бій Мстислава з князем касозьким

В лhто 6530 (1022). Приде Ярослав к Берестию. В си же времена Мьстиславу сущю Тмуторокани поиде на касогы. Слышав же се князь касожьскый Редедя, изиде противу тому, и ставшема обhма полкома противу собh, и рече Редедя к Мьстиславу: «что ради губивh дружину межи собою? но снидеве ся сама борот: да аще одолhеші ты, то возмеши имhнье мое, и жену мою, и дhти моh, і землю мою; аще ли аз одолhю, то възму твое все». И рече Мьстислав: «тако буди». И рече Редедя ко Мьстиславу: «не оружьем ся бьевh, но борьбою». И яста ся бороти крhп­ко, и надолзh¹ борющемася има нача изнемагати Мьстислав: бh бо велик и силен Редедя; и рече Мьстислав: «о пречистая богородице! помози ми; аще бо одолhю сему, съзижю церковь во имя твое». И се рек удари имь о землю, и вынзе² ножь, и зарhза Редедю, и шед в землю его, взя все имhнье его, и жену его и дhти его, и дань възложи на касогы. И пришед Тмутороканю, заложи церковь святыя богородица, и созда ю, яже стоить и до сего дне Тьмуторокани.

_______________________________________________________________

¹довго, ²вийняв

Піклування Ярослава про освіту

В лhто 6545 (1037). Заложи Ярослав город великий, у него же града суть Златая врата; заложи же и церков святыя Софья, митрополью, и посемь церковь на Золотыхь воротhх святыя Богородица благовhщенье, посемь святого Георгия манастырь и святыя Ирины. И при семь нача вhра хрестьянська плодитися и раширяти, и черноризьци почаша множитися, и монастиреве починаху быти. И бh Ярослав любя церковныя уставы, попы любяше по велику, излиха¹ же черноризьцh, и книгамь прилежа, и почитая е часто в нощи и в дне. И собра писцh многы и перекладаще от грек на словhньское писмо. И списаша книгы многы, ими же поучащеся вhрнии людье наслаждаются ученья божественаго. Яко же бо се нhкто землю разорет, другый же насhет, ини же пожинають и ядят пищю бескудну²,— тако и сь. Отец бо сего Володимер землю взора и умягчи, рекше крещеньем просвhтив. Сь же насhя книжными словесы сердца вhрных людий; а мы пожинаем, ученье приемлюще книжное.

Велика бо бываеть полза от ученья книжного; книгами бо кажеми и учими есмы пути покаянью, мудрость бо обрhтаем й въздержанье от словес книжных. Се бо суть рhки, напаяюще вселеную, се суть исходяща мудрости; книгам бо есть неищетная глубина; сими бо в печали утhшаеми есмы, си суть узда вhздержанью... Аще бо поищеши в книгах мудрости прилhжно, то обрящеши велику ползу души своей иже бо книгы часто чтет, то бесhдует с Богом, или святыми мужи; почитая пророческыя бесhды, й еуангельская ученья й апостолская, и житья святых отец, въсприемлет души велику ползу.

Ярослав же сей, якоже рекохом, любим бh книгам, и многы напи­сав, положи в святhй Софьи церкви, юже созда сам. Украси ю златом и сребром и сосуды церковными, в ней же обычныя пhсни богу вhздают в годы обычныя.

_______________________________________________________________

¹особливо, ²яка не скудіє

Тема: “слово о полку ігоревім”

План

1. Порівняльний аналіз розповіді про похід князя Ігоря (Київський літопис) та “Слова о полку Ігоревім”.

2. Система образів героїчної поеми:

а) образ Руської землі;

б) образи-персонажі князів;

в) Ярославна та її плач.

3. Художні особливості “Слова о полку Ігоревім”.

4. Вивчення твору у школі.