- •Давня українська література методично-хрестоматійний посібник для практичних занять з курсу ”історія української літератури х-хvii ст.”
- •2 Серпня 2004 р.)
- •Від упорядників
- •Біблія як пам’ятка перекладної літератури План
- •Література
- •Із книги буття
- •Із книги левіт
- •Із розділу (голови) 19
- •Із псалтиря
- •Із пісні пісень
- •Із євангелій від луки
- •Тема: повість временних літ План
- •Література
- •ПоВhСть временных ЛhТ Оповідання про подорож апостола Андрія
- •Переказ про заснування Києва
- •Оповідання про обрів
- •Про початок слов'янської писемності
- •Смерть Олега
- •Смерть Ігоря і помста Ольги
- •Оповідання про Кожем'яку
- •Печеніги під Білгородом
- •Бій Мстислава з князем касозьким
- •Піклування Ярослава про освіту
- •Тема: “слово о полку ігоревім”
- •Література
- •Київський літопис Похід Ігоря Святославича проти половців у 1185р.
- •Слово о плъку игореВh, игоря, сына святославля, внука ольгова
- •Тема: творчість івана вишенського План
- •Література
- •Тема: вірші климентія зіновієва
- •Література
- •О соляниках торяниках бурлаках: що соли господарскіе варят
- •Тема: шкільна драма XVII – першої половини XVIII століть
- •Література
- •Владимир
- •Пролог к слышателем
- •Действие 1
- •Дѣйствие 2
- •Дѣйствие 5
- •Дѣйствіе 1
- •Дѣйствіе 2
- •Тема: вірші хvіі століття на соціально-політичні та історичні теми План
- •Література
- •[Лhкарство роскошником]
- •Історичні вірші [Про Жовтоводську битву]
- •[Полонення Потоцьких під Жовтими Водами і Корсунем]
- •[Полонення польських гетьманів]
- •Дума козацька о Берестецькім звиченстві 1651 31 іюля
- •Тема: інтермедії
- •Література
- •Инътермедия на дВh персоНh: син с татом
- •Инътермедия на дВh персоНh: НhМец и хлуп
- •Інтерлюдії до драми митрофана довгалевського «комическое ДѣЙствіе»
- •Інтерлюдії до драми митрофана довгалевського «властотворній образ»
- •Інтерлюдіі до драми георгія кониського «воскресеніе мертвых»
- •Тема: козацькі літописи
- •Література
- •Літопис самовидця о началѣ войни Хмелницкого
- •Починается война его царского величества. Року 1654
- •Року 1663. [Чорна рада у Ніжині]
- •Року 1687. [Характеристика гетьмана Самойловича]
- •Року 1695 [Азовські походи Петра I]
- •Року 1700. [Початок Північної війни]
- •Року 1701
- •Року 1702
- •Объявленіе к читателю, коея ради вини сія исторія начатся писати
- •[Характеристика Богдана Хмельницького та про його смерть]
- •Літопис величка [Про похід турків і татар на Запоріжжя] Раздѣл XVI
- •Тема: поезія г.Сковороди
- •Література
- •Тема: байки та філософські твори г.Сковороди
- •Література
- •Пчела и шершень
- •ДВh курицы
- •Два ЦhНныи камушки: алмаз и смарагд
- •Пояснення рідковживаних слів
- •Рекомендована література
Смерть Олега
...И живяше Олег мир имhа ко всhм странам, княжа в Киевh. И приспh осень, и помяну Олег конь свой, иже бh поставил кормити и не вседати на нь, бh бо въпрашал волъхвов и кудесник: «от чего ми есть умрети?» и рече ему кудесник один: «княже! конь, егоже любиши и hздиши на нем, от того ти умрети». Олег же приим в умh, си рече: «николиже всяду на нь, ни вижу его боле того»; и повелh кормити и и не водити его к нему, и пребы нhколико лhт не видh его, дондеже на грекы иде. И пришедшу ему к Кыеву и пребывьшю 4 лhта, на пятое лhто помяну конь, от негоже бяхуть рекли волсви умрети, и призва старейшину конюхом, рече: «кое есть конь мъй, егоже бhх поставил кормити и блюсти его?» Он же рече: «умерл есть». Олег же посмhася и укори кудесника, река: «то ти неправо глаголють волъсви, но все лжа есть: конь умерл есть, а я жив». И повелh оседлати конь: «а то вижю кости его». И приде на мhсто, идhже бhша лежаще кости его голы и лоб гол, и ссhде с коня, и посмеяся рече: «от сего ли лба смьрть было взяти мнh?» и въступи ногою на лоб; и выникнувши змиа изо лба, и уклюну1 в ногу, и с того розболhся и умре. И плакашася людие вси плачем великим, и несоша и погребоша его на горh, еже глаголеться Щековица; есть же могила его и до сего дни, словеть могыла Ольгова. И бысть всhх лhт княжениа его 33.
_______________________________________________________________
1ужалила
Смерть Ігоря і помста Ольги
В лhто 6453 [945 ]. В се же лhто рекоша дружина Игореви: «отроці Свhньлъжи изодhлися суть оружьем и порты, а мы нази; поиди, княже, с нами в дань, да и ты добудеши и мы». И послуша их Игорь, иде в дерева1 в дань, и примышляше2 к первой дани, и насиляше им и мужи его; возьемав дань, поиде в град свой. Идущу же ему въспять, размыслив рече дружинh своей: «идhте с данью домови, а я возъвращаюся, похожю и еще». Пусти дружину свою домови, с малом же дружины возъвратися, желая больша имhнья. Слышавше же деревляне, яко опять идеть, сдумавше со князем своим Малом: «аще ся въвадить волк в овцh, то выносить все стадо, аще не убьють его; тако и се, аще не убьем его, то вся ны погубить»; и послаша к нему глаголюще: «почто идеши опять? поимал еси всю дань». И не послуша их Игорь, и вышедше из града Изъкоръстhня деревляне убиша Игоря и дружину его; бh бо их мало. И погребен бысть Игорь, и есть могила его у Искоръстhня града в деревhх и до сего дне. Вольга же бяше в Киевh с сыном своим с дhтьском Святославом, и кормилець его Асмуд, и воевода бh Свhнелд, тоже отець Мистишин. Рhше же деревляне: «се князя убихом рускаго; поимем жену его Вольгу за князь свой Мал и Святослава, и створим ему, якоже хощем». И послаша деревляне лучьшие мужи, число 20, в лодьи к Ользh, и присташа под Боричевым в лодьи. Бh бо тогда вода текущи въздолh горы киевьския, и на подольи не сhдяху людье, но на горh; град же бh Киев, идеже есть нынh двор Гордятин и Никифоров, а двор княжь бяше в городh, идеже есть нынh двор Воротиславль и Чюдин, а перевhсище бh внh града, и бh внh града двор другый, идhже есть двор Демьстиков за святою богородицею; над горою двор теремный, бh бо ту терем камен. И повhдаша Ользh, яко деревляне придоша, и возва я Ольга к собh и рече им: «добри гостье придоша»; и рhша деревляне: «придохом, княгине». И рече им Ольга: «да глаголете, что ради придосте сhмо?» Рhша же древляне: «посла ны дерьвьска земля, рекущи сице: мужа твоего убихом, бяще бо мужь твой акы волк восхищая и грабя, а наши князи добри суть, иже распасли3 суть деревьску землю, да поиди за князь нашь за Мал»; бh бо имя ему Мал, князю дерьвьску. Рече же им Ольга: «люба ми есть рhчь ваша, уже мнh мужа своего не крhсити; но хочю вы почтити наутрия пред людьми своими, а ныне идhте в лодью свою, и лязите в лодьі величающеся, и аз утро послю по вы, вы же рьцhте: не едем на конhх, ни пhши идем, но понесhте ны в лодьh; и възнесуть вы в лодьи»; и отпусти я в лодью.
Ольга же повелh ископати яму велику и глубоку на дворh теремьстhм, внh града. И заутра Волга, сhдяши в теремh, посла по гости, и придоша к ним, глаголюще: «зоветь вы Ольга на честь велику». Они же рhша: «не едем на коних, ни на возhх, ни пhши идем, понесhте ны в лодьи». Рhша же кияне «нам неволя; князь нашь убьен, а княгини наша хочет за вашь князь»; и понесоша я в лодьи. Они же сhдяху в перегъбhх4 в великих сустугах5 гордящеся; и принесоша я на двор к Ользh и, несъше, вринуша е в яму и с лодьею. Приникъши Ольга и рече им: «добра ли вы честь?» они же рhша: «пуще ны Игоревы смерти»; и повелh засыпати я живы, и посыпаша я. И пославши Ольга к деревляном, рече им: «да аще мя просите право, то пришлите мужа нарочиты, да в велицh чти приду за вашь князь, еда не пустять мене людье киевьстии». Се слышавше деревляне, избраша лучьшие мужи, иже дерьжаху деревьску землю, и послаша по ню. Деревляном же пришедъшим, повелh Ольга мовь створити, рькуще сіце: «измывшеся придите ко мнh». Они же пережьгоша истопку6, и влhзоша деревляне, начаша ся мыти; и запроша о них истобъку, и повелh зажечи я от дверий, ту изгорhша вси. И посла к деревляном, рькущи сице: «се уже иду к вам, да пристройте меды многи в градh, идеже убисте мужа моего, да поплачюся над гробом его, и створю трызну мужю своему». Они же то слышавше, съвезоша меды многи зhло, и възвариша. Ольга же, поимши мало дружины, легъко идущи приде к гробу его, и плакася по мужи своем; и повелh людем своим съсути могилу велику, и яко соспоша, и повелh трызну творити. Посемь сhдоша деревляне пити, и повелh Ольга отроком своим служити пред ними; и рhша деревляне к Ользh: «кдh суть дружина наша, ихъже послахом по тя?» она же рече: «идуть по мнh с дружиною мужа моего». И яко упишася деревляне, повелh отроком своим пити на ня, а сама отъиде кромh, и повелh дружинh своей сhчи деревляны; и исhкоша их 5000. А Ольга возъвратися Киеву, и пристрои вои на прок их.
_______________________________________________________________
1на деревлян, 2додав, 3врятували, 4підпершись в боки, 5металеві застіжки, 6у даному випадку - лазню