Оповідання про Кожем'яку

В лhто 6500 [992]. Иде Володимир на хорваты. Пришедшю бо ему с войны хорватьскыя, и се печенhзи придоша по онои сторонh от Сулы; Володимер же поиде противу им, и срете я на Трубежи на бродh, кде нынh Переяславль. И ста Володимер на сей сторонh, а печенhзи на оной, и не смhяху си на ону страну, ни они на сю страну. И приhха князь печенhжьскый к рhкh, возва Володимера и рече ему: «выпусти ты свой мужь, а я свой, да ся борета; да аще твой мужь ударить моимь, да не воюем за три лhта; аще ли нашь мужь ударить, да воюем за три лhта»; и разидостася разно. Володимер же приде в товары и посла бирічи по товаром¹, глаголя: «нhту лі такого мужа, иже бы ся ял с печенhжином?» и не обрhтеся никдhже. Заутра приhхаша печенhзи и свой мужь приведоша, а у наших не бысть. И поча тужити Володимер, сля по всhм воем, и пріде един стар мужь ко князю и рече ему: «княже! есть у мене един сынь меншей дома, а с четырми есмь вышел, а он дома, от дhтьства бо его нhсть кто им ударил; единою бо ми и сварящю, и оному мьнущю усние², разгнhвавъся на мя, преторже череви³ рукама». Князь же се слышав радъ бысть, и посла по нь, и приведоша и ко князю и князь повhда ему вся; сей же рече: «княже! не вhдh, могу ли со нь, и да искусять мя: нhту ли быка велика и силна?» И налhзоша бык велик и силен, и повелh раздраждити быка; возложиша на нь желhза горяча, и быка пустиша, и побhже бык мимо и, и похвати быка рукою за бок, и выня кожю с мясы, елико ему рука зая⁴; и рече ему Володимер: «можеши ся с ним бороти». И наутрия придоша печенhзи, почаша звати: «нh ли мужа? се нашь доспhл». Володимер же повелh той нощи облещися в оружие, и приступиша ту обои. Выпустиша печенhзи мужь свой, бh бо превелик зhло и страшен; и выступи мужь Володимерь; и узрh и печенhзин и посмhяся, бh бо середний тhломь. И размhривше межи обhма полкома, пустиша я к собh, и ястася, и почаста ся крhпко держати, и удави печенhзина в руках до смерти, и удари имь о землю; и кликнуша, и печенhзи побhгоша, и Русь погнаша по них сhкуще, и прогнаша я. Володимер же рад быв, заложи город на бродh томь, и нарече и Переяславль, зане перея славу отрок тъ. Володимер же великимь мужем створи того и отца его. Володимер же възвратися в Кыев с побhдою и с славою великою.

_______________________________________________________________

¹послав оповісників по табору, ²сиром’ятну шкіру, ³розірвав шкіру з черева (тварини), ⁴скільки рука захопила

Печеніги під Білгородом

В лhто 6505 (997). Володимеру же шедшю Новугороду по верховьниh воh¹ на печенhгы, бh бо рать велика бес перестани, в се же время увhдhша печенhзи, яко князя нh ту, и придоша и сташа около Бhлаго­рода. И не дадяху вылhсти из города, и бысть глад велик в городh, и не бh лзh Володимеру помочи, не бh бо вой у него, печенhг же множьство много. И удолжися остоя в городh² и бh глад велик, и створиша вhче в городh и рhша: «се уже хочем померети от глада, а от князя по­мочи нhту; да луче ли ны померети? дадим ся печенhгом, да кого живять³, кого ли умертвять; уже помираем от глада»; и тако совhт створиша. Бh же един старець не был на вhчи томь, и вьпраша: «что ради вhче было?» И людье повhдаша ему, яко утро хотят ся людье передати печенhгом. Се слышав, посла по старhйшины градьскыя, и рече им: «слышах, яко хочете ся передати печенhгом». Они же рhша: «не стерпять людье глада». И рече им: «послушайте мене, не передайтеся за 3 дни, и я вы что велю, створите». Они же ради обhщашася послушати, и рече им: «сберhте аче и по горсти овса, или пшеницh, ли отрубей»; они же шедше ради снискаша. И повелh, женам створити цhжь⁴, в немьже варять кисель, и по­велh ископати колодязь и вставити тамо кадь, и нальяти цhжа кадь. И по­велh другый колодязь ископати, и вставити тамо кадь, и повелh искати ме­ду; они же шедше взяша меду лукно, бh бо погребено в княжи медуши; и повелh росытити велми и въльяти в кадь в друзhмь колодязи. Утро же повелh послати по печенhгы; и горожане же рhша, шедше к печенhгом: “поимhте к собh таль нашь⁵, а вы поидhте до 10 мужь в град, да видите, что ся дhеть в градh нашем». Печенhзи же ради бывше, мняще, яко предатися хотять, пояша у них тали, а сами избраша лучьшиh мужи и послаша в град, да розглядають в городh, что ся дhеть. И придоша в го­род, и рекоша им людье: «почто губите себе? коли можете престояти нас? аще стоите за 10 лhт, что можете створити нам? имhем бо кормлю от землh; аще ли не вhруете, да узрите своима очима». И приведоша я к кладязю, идhже цhжь, и почерпоша вhдромь и льяша в латки⁶, и яко свариша кісель, и поимше придоша с ними к другому кладязю, и почерпоша сыты⁷, и почаша ясти сами первое, потомь же печенhзи. И удивишася, и рекоша: «не имуть вhры наши князи, аще не ядять сами». Людье же нальяша корчагу⁸ цhжа и сыты от колодязя, и вдаша печенhгом; они же пришедше повhдаша вся бывшая. И варивше яша князи печенhзьстии, и подивишася, и поимше тали своя и онhх пустивше, въсташа от града, въсвояси идоша.

_______________________________________________________________

¹за вояками з верхніх земель, ²облога міста затяглася, ³залишать живими, ⁴розчин, ⁵заложників наших, ⁶горщики, ⁷розварного меду, ⁸посудину