§38. Акт
Акт — дакумент, які складаецца некалькімі асобамі сцвярджае ўстаноўлены факт, падзею, дзеянне. Часцей за ўсё акты складаюцца камісіямі як сталадзейнымі так і назначанымі распарадчым дакументам вышэйшай арганізацыі або кіраўніка. У асобных выпадках акт можа быць складзены адной або некалькімі службовымі асобамі.
Тэкст акта падзяляецца на тры часткі: уводзіны, канстатавальная частка і вывады. Ва ўводзінах паказваецца падстава складання акта, пералічваюцца асобы, якія складаюць акт. Пачынаецца гэта частка словам «Падстава», пасля якога падаецца назва распарадчага
дакумента. Напрыклад:
Падстава: загад дырэктара завода ад 17.05.93 № 72 «Аб правядзенні інвентарызацыі матэрыяльных каштоўнасцяў на складзе». 3 новага радка адразу ад поля пішацца слова «Складзены» і далей называюцца прозвішчы з ініцыяламі складальнікаў акта або склад камісіі. Напрыклад:
Складзены:
Старшыня _______________(пасада, прозвішча, ініцыялы)
Члены камісiі 1. __________ (пасада, прозвішча, ініцыялы)
2. ___________(пасада, прозвішча, ініцыялы)
Прысутнiчалi 1. __________(пасада, прозвішча, ініцыялы)
2. __________(пасада, прозвішча, ініцыялы)
Канстатавальная частка пачынаецца з абзаца. У ёй выкладаюцца мэты, задачы і сутнасць працы, выкананай складальнікамі акта, яе вынікі. У заключнай частцы акта робяцца вывады або даюцца рэкамендацыі. Гэтая частка неабавязковая. Акт можа заканчвацца і канстатацыяй фактаў. Завяршаюць тэкст акта подпісы. Як і ў іншых дакументах, у акце перад тэкстам даецца загаловак. У практыцы складання актаў могуць быць нязначныя адхіленні ад прапанаванай формы.
Акт ацэнкі кошту кватэры
Адрас: г. Мінск,
вул. Карбышава,дом № 1, корпус № 2, кватэра № 918 мая 1993 г.
Ацэначная камісія, утвораная рашэннем РВК Першамайскага раёна № 2 ад 26.01.93
____________________(паказаць нумар і дату рашэння выканкама, прадпрыемства, аб'яднання, арганізацыi)
у складзе: старшыні Новіка А. М.
членаў: Емяльянава В. I.
Дасенкі С. I.
Капілевіч С. Д.
Мірановіч Ф. Л.
Кір'янавай 3. М.
правяла ацэнку кватэры, якая перадаецца ва ўласнасцьграмадзяніна Канапелькі Лявона Ішінавіча. Кватэра складаецца з 2 жылых пакояў, агульнай плошчай 30,9 кв. м.
1. Сапраўдны кошт кватэры згодна з прыкладзеным разлікам______рублёў.
2. Каэфіцыент спажывецкіх якасцяў кватэры ________________
3. Індэкс якасці жылога асяроддзя______________________
4. Ацэначны коілт кватэры з улікам спажывецкіх якасцяў складае__________________рублёў
• (пропісам)
Стнршыня камісіі: ______________________Новік А. М.
Члены камісіі: ______________________ Емяльянаў В. I.
___________________ Дасенка С. I.
___________________ Капціевіч С. Д.
___________________ Мірановіч Ф. Л.
___________________Кір'янава 3. М.
Азнаёмлены:________________________________
(подпіс)
20 мая 1993 г.
АКТ прыняцця выкананай працы
г. Мінск "__"__________ 1993г.
Мы, ніжэйпадпісаныя, камісія ў складзе________________з аднаго боку,
і гр. __________________ з другога боку, склалі гэты Акт аб тым, што Наймальнiк прыняў, а Выканаўца здаў выкананую працу згодна з Дагаворам падраду №_____ ад "__"________1993г.
Камісія лічыць, што праца выканана________________і падлягае аплаце ў суме _______________________рублёў, аб чым і складзены гэты Акт.
Працу прыняў: Працу здаў:
Камісія: Выканаўца:____________________________
( подпіс)
