Общественная мысль России с древнейших времен до середины ХХ в. В 4 томах. Т.1 становление общественной мысли допетровской Руси

Сабитов Ж.М. Административная реформа хана Узбека // Ислам и власть в Зо­лотой Орде. Казань, 2012. С. 233.

Исайя (XI в.) и Игнатий (XIII в.), затем святые, основатели монастырей – Сергий Радонежский (конец ХІV в.), Варлаам Хутынский (конец ХІІ – нач. XIII в.), Кирилл Белозерский (конец XIV – начало XV в.).

«Аще ли же еще любопришися и глаголеши, яко: “Под клятвою есмы от пра­родителей, – еже не поднимати рукы противу царя, то како аз могу клятву разорити и съпротив царя стати”, – послушай убо, боголюбивый царю, аще клятва по нужди бы­вает, прощати о таковых и разрѣшати нам повелѣно есть, иже прощаем, и разрѣшаем, и благословляем, яко же святѣйший митрополит, тако же и мы, и весь боголюбивый събор, – не яко на царя, но яко на разбойника, и хищника, и богоборца. Тѣм же луче бѣ солгавшу живот получити, нежели истинствовавшу погибнути, еже есть пуща­ти тѣх в землю на разрушение и потребление всему христьанству и святых церквей запустѣние и осквернение. И не подобитися окаанному оному Ироду, иже не хотѣ клятвы преступити и погибе. И се убо который пророк пророчествова, или апостол который, или святитель научи сему богостудному и скверному самому называющуся царю повиноватися тебе, великому Русских стран христьанскому царю! …Не словом же кайся, а въ сердци ина помышляй, не приимлет бо Богь таковаго покааниа, но точию же словом, то и сердцемь. Яко же благоразумный разбойник на крестѣ не в долзѣ вре­мени, но единѣм словом спасенъ бысть, истинно, всѣм сердцемъ позна свое согрѣшение к Творцу возпий: “Помяни мя, Господи, егда приидеши во царствии сии”. Но милости­вый и щедрый Господь не токмо согрѣшениа прости ему, но и раю наслѣдника сотвори его. Сицевому поревнуй покаанию, истинное бо покаяние – престати от грѣха. Аще убо сице покаемся, и тако же помилует ны милосердый Господь, и не токмо свободит и избавит, яко же древле израильских людей от лютаго и гордаго фараона, нас же, но­ваго Израиля, христианских людей, от сего новаго фараона, поганого Измаилова сына Ахмета, но нам и их поработит… Нынѣ же той же Господь, аще покаемся вседушевно престати от грѣха, и возставит нам Господь тебе, государя нашего, яко же дрѣвле Мо­исиа и Исуса и иных, свободивших Израиля. Тебе же подасть нам Господь свободите­ля новому Израилю, христоименитым людем, от сего окааннаго, хвалящагося на ны, новаго фараона, поганаго Ахмата. Но его велерѣчие покорит Господь под нозѣ твои и послет ти способникы, аггелы своя и святыя мученикы, и смятут ихъ, и погибнут. Тѣм же и пророческии рещи, Богом утверженый царю, – напрязи, и спѣй, и царствуй истинны ради, и кротости, и правды; и наставит тя чюдне десница твоя, престолъ твой правдою, и кротостью, и судом истинным свершен есть, и жезл силы послет ти от Сио­на, и удолѣеши посрѣди враг твоих… Се твердое, и честное, и крѣпкое царство дасть Го­сподь Богъ в руцѣ твои, Богом утвержденый государю, и сыновомъ сыновъ твоих в род и род в вѣки… Съ сими же всѣми да будет милость великаго Бога Господа нашего Исус Христа, молитвами Пречистыя Его Матере и всѣх святыхъ и великих чюдотворець земли нашеа, пресвященных митрополит русскых Петра, Алексѣя и Ионы, и Леон­тия, епископа ростовскаго, чюдотворца Исаиа и Игнатиа и преподобных и богоносных отець наших Сергиа, Варлаама и Кирила и прочих, и нашего смирениа благословение на тебѣ, нашем государи, и на твоем сыну, и на твоем государьствѣ, и на твоей братии, на ваших князех, и болярех, и воеводах, и на всем вашем христолюбивом воиньствѣ. И мирно да будет и многолѣтно ваше государьство, побѣдно, со всѣми послушающими