- •Ранняе Сярэднявечча
- •Кірыла Тураўскі
- •«Слова пра паход Ігара»
- •Гэты твОр.
- •Позняе Сярэднявечча
- •Грыгорый Цамблак
- •Летапісы
- •I на крывавыя бітвы кіруе той люд апантаны,
- •(Пераклад з лацінскай мовы ж. НекрашэвЫ)
- •Францыск Скарына
- •Мікола Гусоўскі
- •Сусвет.
- •Хронікі
- •Публіцыстычная літаратура
- •Сымон Будны
- •3 Дапамогай вершаванага слова паэт імкнецца далучыць моладзь да друкаванага слова, да кніг, якія адкрываюць шлях да пазнання таямніцы рэчаў і з'яваў.
- •I падкідаць лёгка (такая сіла) у паветра),
- •(Пер. З польск. А. Бразгунова)
- •(Пер. З польск. А. Бразгунова)
- •(Пер. З польек. А. Бразгунова)
- •(Пер. З польск. А. Бразгунова)
- •Андрэй Рымша
- •Гальяш Пельгрымоўскі
- •На рубяжы эпох
- •Палемічная літаратура
- •Іпацій Пацей
- •Мялецій Сматрыцкі
- •3 Болем у душы гаварыў Мялецій пра раздваенне ў «рускім» народзе. Калі б не унія, адзначаў палеміст, народы Беларусі і Украіны даўно мелі б свае катэхізічныя кнігі, квітнелі б іх школы і адукацыя.
- •Лявонцій Карповіч
- •Афанасій Філіповіч
- •3 1620 Г. Пісьменнік працуе пры двары Льва Сапегі ў якасці «інспектара» (наглядальніка), г. Зн. Дамашняга настаўніка, Яна
- •ШляхОў.
- •3 Боском, власне, чинил росказаня,
- •3 Молодых лет доселе, скажи нам сегодне? (4-5)
- •Ян Пратасовіч
- •Хiльным!
- •3 Едкім сарказмам апісваецца развязка бітвы - уцёкі маскоўцаў:
- •Сімяон Полацкі
- •Грэху».
- •Гістарычна-мемуарная літаратура
- •Драматургія
- •Перакладная літаратура
- •Францішка Уршуля Радзівіл
- •3 Кім назаўжды я любоўю звязана!
- •Літаратура
- •Прадмова
Гістарычна-мемуарная літаратура
Станаўленне новага віду слоўнага мастацтва — гістарычнамемуарнай прозы — адбывалася ў цеснай узаемасувязі з іншымі літаратурнымі жанрамі. У многіх творах таго часу не столькі апісваюцца факты, колькі адлюстроўваюцца іх індывідуальнае ўспрыняцце і ацэнка пісьменнікам, што служыць выяўленню асабістага стаўлення аўтараў да розных гістарычных з'яў і падзей. Фарміраванне падобнай ідэйна-мастацкай якасці літаратуры XVI ст. звязвалася з агульнымі рэнесансавымі працэсамі — усталяваннем пераважна свецкай сістэмы духоўных каштоўнасцяў (секулярызацыя) і новым разуменнем вартасці чалавека (гуманізм). На ранніх этапах беларускага Адраджэння чалавек раскрываўся як прадстаўнік нацыянальнай культурна-гістарычнай супольнасці, але гуманістычныя тэндэнцыі паступова прыводзілі да адчування значнасці індывіда без уліку яго сацыяльнай і рэлігійнай прыналежнасці. Натуральна, што такое «адкрыццё каштоўнасці чалавечай асобы самой па сабе... было і адкрыццём каштоўнасці аўтарскай асобы».
Самі абставіны — суіснаванне і барацьба ў сацыяльнай сферы, у палітыцы, у мастацкай творчасці дарэнесансавых прын цыпаў 3 НОВЫМІ адраджэнскімі ідэаламі - спрыялі ўзрастанню грамадскай значнасці і духоўнай актьгўнасці чалавека. Новае, што бесперапынна ўзнікала ў грамадскім быцці, падштурхоўвала як да параўнання яго са старым, спрадвечным, так і выклікала жаданне ўспомніць, захаваць, зноў і зноў перажыць даўняе, звязанае для кожнага з гадамі маладосці, а цяпер незваротна страчанае. Падзяліцца з бліжнімі, пакінуць нашчадкам памяць пра сябе рабілася ўнутранай патрэбай самаўсвядомленай асобы. Адчуванне непаўторнасці свайго жыцця і. каштоўнасці ўласнага вопыту, што ўмацоўваецца ў сталым узросце, разуменне значнасці падзей, удзельнікам ці назіральнікам якіх быў чалавек, выклікае падсвядомае імкненне «пераадолець» хуткаплыннасць часу і зафіксаваць на паперы ўбачанае і перажытае. Уласцівы людзям усіх эпох, дадзены псіхалагічны феномен выступае неабходнай псіхалагічнай перадумовай узнікнення аўтабіяграфічнай літаратуры, якая на ранніх этапах развіваецца ў прамежкавых эпісталярнасправавых і хранікальна-дзённікавых формах. Менавіта ў творах, сінкрэтычных па мастацкім змесце, пачынае выяўляцца ўсведамленне аўтарамі грамадскай важнасці прыватных успамінаў пра перажытае. Гэтым тлумачыцца і рост цікавасці чытачоў эпохі барока да твораў гістарычна-мемуарнага характару.
Вядома, стыхійная патрэба пісаць, занатоўваць свой жыццёвы шлях ці проста паведамляць пра сябе папярэджвала асэнсаваине мэтаў мемуаратворчасці. Гэтая тэндэнцыя выявілася ўжо ў часы позняга Сярэднявечча і перададраджэння, адлюстраваўшыся ў разнастайных прыпісках чытачоў і рэдактараў на палях або ва ўводзінах ці пасляслоўях кніг. Адным з першых прыкладаў зараджэння мемуарнага жанру ў Беларусі з'яўляецца аўтабіяграфічная нататка Мацея Дзесятага «О написавшем книги сия» ў Супрасльскім кодэксе 1507 г. Аўтар не ўсведамляе яшчэ ідэйна-мастацкай самакаштоўнасці аўтабіяграфіі, але, значна пераўзыходзячы сярэднявечную традыцыю перапісчыкаў царкоўных кніг паведамляць пра сябе мінімальныя звесткі, стварае цэлае сувязнае апавяданне пра сваё жыццё і акалічнасці напісання зборніка, паўстае перад чытачом як выдатны вучоны-багаслоў свайго часу.
Важнае значэнне для ўсталявання сістэмы антрапацэнтрычных каштоўнасцяў мела культурна-асветніцкая і літаратурная дзейнасць Эразма Вітэлія. Знаўца антычнай культуры і заходнееўрапейскай рэнесансавай літаратуры, у якой як перайманне Антычнасці развіўся жанр дзённіка, ён, бадай, першым у ВКЛ рабіў на лацінскай мове запісы асабістага характару. Асабліва ці
му гістарычна-мемуарная літаратура стала галоўнай выразніцай свецкіх інтарэсаў беларускага грамадства. Пачаўшы асэнсоўваць сувязь чалавека з навакольным светам, многія пісьменнікі на яскравых прыкладах вучылі не паддавацца абставінам, супрацьстаяць пануючаму ў свеце злу і тым самым садзейнічалі фарміраванню актыўнай жыццёвай пазіцыі чалавека. Знаёмячы чытачоў з тыповымі фактамі і адзінкавымі выпадкамі, з гістарычнымі падзеямі, што адбываліся не толькі на Радзіме, але і ў замежных краінах, складальнікі дыярыушаў свядома і несвядома выяўлялі сябе ў якасці носьбітаў нацыянальнай самасвядомасці нават тады, калі пісалі па-польску. Кіруючыся агульнаеўрапейскімі духоўнымі прынцыпамі, яны нярэдка пераадольвалі местачковую замкнёнасць інтарэсаў, абмежаваную тутэйшасць. Узятыя ў сукупнасці, аўтабіяграфічныя творы не толькі падаюць абагульнены партрэт чалавека эпохі барока, не толькі прыадчыняюць завесу над яго супярэчлівым светаадчуваннем, духоўнымі арыенцірамі, псіхалогіяй і ўнутраным быццём увогуле, але і ўвасабляюць у жьгаым біяграфічным матэрьыле агульначалавечьы каштоўнасці.
У культурна-гістарычных умовах даўняй Беларусі, дзе развітая мастацкая літаратура ў той час была адносна небагатая, аўтабіяграфічная проза спрабавала пераняць многія функцыі, якія павінны былі выконваць мастацкія празаічныя жанры. Менавіта ў мемуарыстыцы найбольш поўна і непасрэдна ўвасобілася разуменне суадносінаў асобы і грамадства, а таксама адлюстраваліся спосабы, 3 дапамогай якіх людзі фарміравалі ўяўленні пра саміх сябе і акаляючы свет. Вядома, узрастанне ролі творчай задумы і развіццё мастацкай фантазіі былі абмежаваны магчымасцямі матэрыялу, жанравымі асаблівасцямі твораў, мэтамі і самасвядомасцю пісьменнікаў-мемуарыстаў. I ўсё ж уступаючы ў рознае ўзаемадзеянне з іншымі відамі тагачаснага пісьменства і ставячы праблемы асабістага аўтарскага быцця ў кантэкст сацыяльнагістарычных калізій, гістарычна-мемуарная літаратура пашырала сферу магчымасцяў слоўнага мастацтва ў цэлым, садзейнічала ўзрастанню яго ролі ў жыцці і пераўтварэнню ў прыгожае пісьменства Новага часу.