Еңбектің қауіпсіздігін ұйымдастыру

• ыңғайлы және қорғаныс құрылғылары бар медициналық құрал-жабдықтарды пайдалану;

• қауіпті медициналық құрал-саймандарды қолданудан қашу, егер оларды қауіпсіз және тиімді құрал-сайманға ауыстыруға мүмкіндік болса;

• қолданғаннан кейін шприц инесіне қақпағын кигізбей, арнайы контейнерлерге тастау;

• қолданылған инелерді арнайы контейнерлерде сақтау және тасымалдау.

Өткір, ұшты заттарды беру ережелері:

• құрал-саймандарды қолдан қолға бермеу;

• «қоямын», «аламын» деп айту.

Жарақаттануды болдырмау мақсатында инженерлік қорғаныстары бар қауіпсіз құрал –саймандар:

• СР шприцтер ретракционды инелерімен;

• Скальпель қорғаныс қақпағымен;

• Инелерді сақтауға арналған арнайы контейнер;

• Қанды алуға арналған вакуумды пробиркалар;

Пациенттің қаны мен басқа биологиялық сұйықтықтары арқылы жұғатын вирусты және бактериалды инфекцияны жұқтыру қауіпі жағдайларындағы мейірбике жұмысының ерекшеліктері

Манипуляцияны орындау кезінде биологиялық субстраттар мейірбикенің терісіне, көздің шырышты қабығына, мұрынның шырышты қабығына, бет терісіне, киіміне түскен кезде апат жағдайдағы қобдиша қолданылады.

Апат жағдайдағы қобдиша

Қобдиша құрамына кіреді:

1. Крафт пакеттегі таңу материалы, стерильді мақта тампондары, турундалар.

2. Крафт пакеттегі тамызғыштар - 4 дана.

3. Ерітінділер үшін стерильді ыдыс - 3 дана.

4. Ундинка (көз жууға арналған стакан)- стерильді 2 дана.

5. 70% этил спирті – 100мл.

6. 5% йод -10 мл.

7. 0,05% калий перманганаты- 10мл

8. 1% проторгол

9. 6% сүтегінің асқын тотығы- 100мл

10. Резеңке саусаққап-2-3 дана

11. Бактерицидты лейкопластырь-2-3 дана

12. Қайшы

Манипуляцияны орындаған соң мейірбике міндетті түрде орындауы қажет:

1. Құрал-жабдықтар және таңу материалдарын дезинфекциялау (көрсетілген дезинфекциялық ерітінділердің біреуімен):

• 3% хлораминде -60 минут;

• 1,5% гипохлорид кальций -60 минут:

• 4% сутегінің асқын тотығы -20 минут.

2. Медициналық құрал-жабдықтарды залалсыздандыру алдында тазалау, дайындау және залалсыздандыру.

3. Манипуляциядан соң жұмыс үстелін 3% хлорамин ерітіндісімен (2 рет) немесе басқа ұсынылған ерітіндімен өңдеу.

4. Дезинфекциялық ерітіндісі бар ыдыста қолды жуғаннан соң, резеңке қолғаптарды шешу.

5. Резеңке қолғаптарды дезерітіндіге салып қою.

6. Халат, бет пердені шешіп, лас киімге арналған резеңке қапқа салу.

7. Қолды ағып тұрған судың астында сабынмен (2 рет) жуу, құрғату.

Ескерту: Жұмыс үстелі манипуляция кезінде қанмен ластанса 6% сүтегінің асқын тотығы ерітіндісі және 0,5% жуушы ерітіндіге малынған шүберекпен (2 рет – арасы 15 минуттан) өңдеу қажет.

Жұмыс аяқталғаннан соң жұмыс үстелі 2 рет 3% хлораминмен өңделеді, шүберек 3% хлораминге 60 минутқа салып қойылады.

Науқастың қаны мен басқа биологиялық сұйықтықтардың мейірбикенің киімі мен терісіне түсуі Мейірбикенің іс- әрекеттері:

1. Ластанған киімді аударып шешу.

2. Киімді 1 сағатқа 3% хлорамин ерітіндісіне салып қою.

3. 3% хлораминге малынған салфетканы киімнің ластанған жеріне 60 минутқа қою, соңынан ыстық суда жуу.

4. 70% этил спиртіне малынған мақта тампонымен теріні биологиялық сұйықтық қалдықтарынан тазалау.

5. Мақта тампонын контейнерге тастау.

6. Теріні сабынмен жуу.

7. Антисептикалық ерітіндіге малынған тампонмен теріні биологиялық сұйықтық қалдықтарынан тазалауды қайталау.

8. Тампонды арнайы ыдысқа тастау.

Ескерту: қолданылған тампондар 3% хлорамин ерітіндісі бар ыдысқа 60 минутқа салынады. Киімді зарарсыздағаннан соң клеенкалы қапқа салынып, жууға жіберіледі.