Палата мен жабдықтарды дайындау

Босанушы босану үйінен шығарылғаннан кейін палатаны жұмсақ жабдықтардан босату керек; ластанған төсек жабдықтарын клеенкалы немесе полиэтиленді қапшық салынған БАКқа салу керек; жастық, матрац, көрпелер дезинфекциялаушы камераға жөнелтілуіне дайындалуы керек.

• Палатаны (қабырғаларын, керуетті, еденді) 5% хлорамин ерітіндісімен 2 сағатқа сулап, жауып тастау

• 2 сағаттан кейін резеңкелі қолғап киіп стерильді шүберектермен палатаны жуып шығу.

• 60 минут бойында палатаны кварцтау.

• Барлық бұйымдарды ылғалды шүберекпен сүртіп шығу.

• 30 минут бойында бөлмені қайтадан кварцтау.

• 20 минут бойында палатаны желдету

Жұмсақ жабдықтарды автоклавтауға дайындау

• Босануды қабылдауға және нәрестені өңдеуге қажетті пакеттерді дайындау.

• Бикстерге төсек жаймасын, халат, шағын орамалдар және басқа қажетті материалдар салып қою.

Палаталардың ылғалды тазалануы жуатын ерітінділерді қолдану арқылы күніне 3 рет жүргізіледі, тәулігіне 1 рет деззаттарды қолдана отырып «екі шелек» тәсілімен тазалау жасалады.

«1» шелекті жуатын немесе дезинфекциялайтын сұйықтықпен толтырады; «2» шелекті – таза ағынды сумен толтырады. Шүберекті «1» шелектегі ерітіндімен сулап, бір аймақты (2-3 м) сүртеді. Одан әрі шүберекті «2» шелектегі сұйықтықта жуып алып, сығып, одан қайта «1» шелектегі сұйықтыққа ылғалдап, басқа аймақтарды сүртеді. «2» шелектегі сұйықтық ластануына қарай ауыстырылады, ал «1» шелектегі сұйықтық 60 шаршы м. Қабат тазаланғаннан кейін ауыстырылады.

Күтім жасауда қолданылатын бұйымдарды өңдеу Медициналық термометрлер

Ерітіндіге толығымен батырып, келесідей жуу керек:

0,5 % хлорамин Б-да – 30 минут

1% хлораминде – 15 минут

2 % хлораминде – 5 минут

3% сутек асқын тотығында – 80 минут

Клизма жасауға және шашыратуға қажетті үштіктер 3% хлорамин ерітіндісіне 1 сағ. салады, ағынды сумен жуады, 15 минутке жуатын ерітіндіге (+50⁰С) салып, қайтадан ағынды сумен жуады, одан кейін таза сумен жуады, кептіреді, ақ жаялықтарға орап, автоклавтайды.

Судналар

Судналарға 1% хлорлы әк құйып, 1 сағатқа қалдырылады, одан кейін оны босатып 3% хлорамин ерітіндісіне 2 сағатқа салынады, кейін жуылып, кептіріледі.

Жабдықтар

3% хлорамин В ерітіндісіне немесе 0,5% натрий гипохлоридіне 1 сағ. салынып жуылады, кептіріледі.

Резеңке жылытқыштар, мұзды ойықтар

Екі мәрте 1% В хлораимн ерітіндісімен немесе 0,25% натрий гипохлоридімен немесе басқа дезинфекциялайтын ерітіндімен 15 минут сайын сүртіп, сумен жуады.

Резеңкелі қолғаптар

3% хлорамин ерітіндісіне 1 сағ. салып, ағынды сумен жуу, жуатын ерітіндіге (+50⁰С) 15 минутке салып, тазалап жуу, кептіру, тальк себу және автоклавтау.

Щеткалар

Ағынды сумен жуып, 2% содылы ерітіндіде 15 минут қайнатады.

Қайшы, кесетін өткір заттар

10% формалинге 15 минутке салып, артынан ағынды сумен жуады немесе 4% сутек асқын тотығына 0,5% жуатын ерітнді қосып 90 минут залалсыздандырады.

Клеенкалар

3% хлораминге 60 минутке салып, артынан жуып кептіреді.

Бөлме аяқ киімі

Дезкамерада немесе аяқ киімнің басына (іш жағынан) 10% формалинмен ылғалданған шүберек салып, қапшыққа 2 сағ. салып қояды, одан кейін 1% аммиак ерітіндісімен ылғалданған шүберекпен сүртеді, бетін матамен жауып 30 минут ұстайды, одан әрі желдетіп, жабық тумбочкада сақтайды.

Қолды өңдеу

Өңдеу үшін қолданылады:

• хлоргексидин биглюконат (гибитон) 0,5% спиртті ерітіндісі; рецептура С-4 (первомур) 2,4% ерітіндісі; дегмин 1% ерітіндісі; йодопирон 0,1% ерітіндісі;

• қолды ағынды суда щеткамен және сабынмен 1 минут бойы жуады (қол, саусақ сүйектері, саусақ аралары, қолдын қарын);

• залалсыздандырылған орамалдармен құрғата сүртеді;

• 0,5% хлоргексидинге ылғалданған екі тампонмен 5 минут бойы өңдейді;

• 1% дегминмен – екі тампонмен 3 минуттан (барлығы 6 минут);

• шыны ыдыста 0,1% йодопиронмен 4 минут залалсыздандырылған орамалмен қолды жуу;

• шыны ыдыстағы рецептура С-4 (первомур), 2,4 % ерітіндіге 1 минут бойы қолды салады, одан кейін залалсыздандырылған орамалмен сүртіп, қолғаптарды киеді.

Операциялық алаңның тері қабатын алдын ала жумай, бірден 1% йодопирон ерітіндісіне немесе 0,5% хлоргексидин ерітіндісіне немесе 5% йодтың спирті тұнбасына ылғалданған томпондармен екі мәрте сүрту арқылы өңдейді.