Серік Биханұлы Мақыш

Мақыш Серік Биханұлы

Экономика ғылымдарының кандидаты, доцент, Қ.И.Сәтбаев атындағы Қазақ ұлттық техникалық университетінің «Қаржы және маркетинг» кафедрасының меңгерушісі. 1994 жылы Қазақ мемлекеттік басқару академиясын «Қаржы және несие мамандығы» бойынша

бітіргеннен бастап, қаржы және банк саласына мамандар даярлауға өз үлесін қосып жүрген білікті маман. Білімін жетілдіру барысында Еуропа қауымдастығы комиссиясының ықпалы мен ұйымдастырылған Алматыдағы банктік кадрларды қайта даярлау орталығында, Қазақстандық менеджмент, экономика және болжау институтының (КИМЭП) «Жазғы мектебінде», Вена бірлескен институты (JBI) мен М. Ломоносов атындағы Мәскеу мемлекеттік университетінің бағдарламасымен бірлесіп ұйымдастырылған білімін жетілдіру курстарына қатысқан.

Көп жылдық жемісті ғылыми-ағартушылық жұмыстары үшін ҚР Білім және ғылым министрлігінің тағайындаған «Жас дарынды ғалымдарға арналған мемлекеттік ғылыми стипендия лауреаты» және Қазақстан экономистері бірлестігінің тағайындаған «Қаржы экономикасы» номинациясында экономика саласындағы ең үздік еңбектері үшін диплом және сыйақымен, сондай-ақ «Ғалымдар одағы» Республикалық қоғамдық бірлесігінің «Ғылым, техника және білім саласындағы зор үлесі үшін» диплом.

Автордың кітаптары:

• Ақша айналысы және несие. Оқу құралы Алматы: Издат-Маркет, 2004.

• Коммерциялық банктер операциялары. Оқу құралы. Алматы: Издат-Маркет, 2004.

• Банк ісі. Оқу құралы Алматы: Қазақ университеті, 2004.

• Банковское дело. Учебное пособие. Алматы: Қазақ университеті, 2006.

• Қаржы-банк терминологиялық және түсіндірме сөздігі Алматы: Издат-Маркет, 2006.

• Қаржы және несие. Тесттер жинағы. Оқу-әдістемелік құралы Алматы: Қазақ университеті, 2000.

• Ақша, несие, банктер. Тесттер жинағы. Оқу-әдістемелік құралы Алматы: Қазақ университеті, 2000.