![](/user_photo/2706_HbeT2.jpg)
- •Вучэбны дапаможнік
- •Прадмова
- •УВодзіны
- •Філасофія і жыццёвы свет чалавека
- •ТЭма 1 фІлАсофІя Як сацЫЯкультурны феномен
- •1 Праблема вызначэння філасофіі. Светапогляд і філасофія 1.1 .1. Праблема вызначэння філасофіі. Светапогляд і філасофія
- •1.2. Спецыфіка праблемнага поля класічнай філасофіі. Прадмет філасофіі і яго гістарычная дынаміка
- •1.3. Функцыі філасофіі
- •ТЭма 2 Гістарычныя тыпы класічнай філасофіі
- •2 Станаўленне філасофіі ў культуры старажытных цывілізацый Усходу 2.1 .1. Станаўленне філасофіі ў культуры старажытных цывілізацый Усходу
- •2 Спецыфіка філасофскай традыцыі старажытнай Індыі, яе культурна-светапоглядныя асновы .2. Спецыфіка філасофскай традыцыі старажытнай Індыі, яе культурна-светапоглядныя асновы
- •2 Асаблівасці філасофскай думкі старажытнага Кітая, яе рацыянальна-прагматычны кірунак .3. Асаблівасці філасофскай думкі старажытнага Кітая, яе рацыянальна-прагматычны кірунак
- •2.4. Характар старажытнагрэчаскай цывілізацыі і асаблівасці антычнай філасофскай традыцыі
- •2 Філасофія і рэлігія. Статус і функцыі філасофіі ў сярэднявечнай еўрапейскай культуры 2.5 .5. Філасофія і рэлігія. Статус і функцыі філасофіі ў сярэднявечнай еўрапейскай культуры
- •2 Філасофія і навука: праблема самавызначэння філасофіі ў новаеўрапейскай культуры 2.6 .6. Філасофія і навука: праблема самавызначэння філасофіі ў новаеўрапейскай культуры
- •2.7. Сацыяльна-гістарычныя і светапоглядныя асновы філасофскай думкі эпохі Асветніцтва
- •2 Нямецкая класічная філасофія і яе роля ў развіцці еўрапейскай філасофскай традыцыі .8. Нямецкая класічная філасофія і яе роля ў развіцці еўрапейскай філасофскай традыцыі
- •ТэМа 3 Станаўленне і асноўныя стратэгіі развіцця посткласічнай філасофіі
- •3.1. Крытыка філасофскай класікі і рацыяналізацыя філасофіі ў творчасці а. Шапенгауэра, с. К’еркегара, ф. Ніцшэ
- •3 Трансфармацыя традыцый класічнай філасофскай спадчыны ў марксізме 3.2 .2. Трансфармацыя традыцый класічнай філасофскай спадчыны ў марксізме
- •3.3. Асноўныя гістарычныя формы пазітывісцкай філасофіі
- •Тэма 4 Філасофія і нацыянальная самасвядомасць. Філасофская думка беларусі. Руская філасофія
- •4.1. Філасофская думка Беларусі
- •Тэма 5 Метафізіка і анталогія
- •5 Катэгорыя «быццё» як пачатак філасофскага аналізу рэчаіснасці .1. Катэгорыя «быццё» як пачатак філасофскага аналізу рэчаіснасці
- •5 5.2 .2. Паняцце субстанцыі. Манізм і дуалізм
- •5.3. Катэгорыя матэрыі. Эвалюцыя поглядаў на матэрыю ў гісторыі філасофіі
- •5 Паняцце руху. Рух і развіццё 5.4 .4. Паняцце руху.Рух і развіццё
- •5.5. Прастора і час як формы быцця матэрыі
- •5.6. Ідэя адзінства свету
- •5.7. Дыялектыка як філасофская тэорыя развіцця, яе прынцыпы, законы і катэгорыі
- •Тэма 6 Філасофія прыроды
- •6 Паняцце прыроды 6.1 .1. Паняцце прыроды
- •ТЭма 7 Праблема чалавека ў філасофіі і навуцы
- •7.1. Праблема сутнасці чалавека ў гісторыі чалавецтва
- •7.2. Дыялектыка асобы і грамадства
- •7.3. Свабода як вышэйшая каштоўнасць быцця асобы
- •7 Жыццё, смерць, бяссмерце ў духоўным вопыце сучаснага чалавецтва 7.4 .4. Жыццё, смерць, бяссмерце ў духоўным вопыце сучаснага чалавецтва
- •7.5. Каштоўнасці і іх роля ў жыцці чалавека
- •ТЭма 8 Свядомасць чалавека як прадмет філасофскага аналізу
- •8 Праблема свядомасці і асноўныя традыцыі яе аналізу ў класічнай філасофіі 8.1 .1. Праблема свядомасці і асноўныя традыцыі яе аналізу ў класічнай філасофіі
- •8 Адлюстравальна-інфармацыйная і сацыяльная прырода свядомасці 8.2 .2. Адлюстравальна-інфармацыйная і сацыяльная прырода свядомасці
- •8.3. Актыўна-творчы характар свядомасці. Свядомасць і самасвядомасць
- •8.4. Грамадская і індывідуальная свядомасць
- •Тэма 9 паЗнаНне як каштоўнасць культуры і прадмет філасофскага аналізу
- •9.1. Спецыфіка пазнавальных адносін чалавека да свету і разнастайнасць філасофскага пазнання
- •9 Суб’ект і аб’ект пазнання. Формы пачуццёвага і рацыянальнага пазнання 9.2 .2. Суб’ект і аб’ект пазнання. Формы пачуццёвага і рацыянальнага пазнання
- •9 Ісціна як аснова, мэта пазнання. Крытэрый ісціны .3. Ісціна як аснова, мэта пазнання. Крытэрый ісціны
- •9 Метады і формы навуковага пазнання .4. Метады і формы навуковага пазнання
- •9 9.5 .5. Формы ненавуковага пазнання
- •Формы ненавуковага пазнання
- •ТэМа 10 Навука, яе кагнітыўны і сацыякультурны статус
- •11.2. Паняцце сацыяльнай рэальнасці. Грамадства як сістэма
- •Паняцце сацыяльнай рэальнасці. Грамадства як сістэма
- •11.3. Паняцце дзейнасці і грамадскіх адносінаў
- •Паняцце дзейнасці і грамадскіх адносінаў
- •Падсістэмы грамадства 11.4
- •11.5. Сацыяльная падсістэма
- •1 11.6 1.6. Палітычная падсістэма
- •11.7. Духоўная падсістэма
- •Тэма 12 АсноЎныя прАблемы пАлІтычнАй фІлАсофІі
- •12.1. Феномен улады ў жыцці грамадства
- •12.2. Палітычная ўлада і сацыяльны інтарэс
- •1 12.3 Дзяржава і грамадзянскае грамадства 2.3. Дзяржава і грамадзянскае грамадства
- •12.4. Палітыка і права. Канцэпцыя прававой дзяржавы
- •12.4 Палітыка і права. Канцэпцыя прававой дзяржавы
- •Тэма 13 філасофскія праблемы сацыяльнай дынамікі
- •13.1. Грамадства як сістэма, што развіваецца
- •1 13.2 Крыніцы і рухаючыя сілы развіцця грамадства 3.2. Крыніцы і рухаючыя сілы развіцця грамадства
- •Тэма 14 ФіЛаСоФіЯ культуры
- •14.1 Паняцце культуры
- •14.1. Паняцце культуры
- •14.2. Традыцыі і навацыі ў дынаміцы культуры
- •Заключэнне Філасофія і каштоЎнасныя прыярытэты ў культуры XXI ст.
11.3. Паняцце дзейнасці і грамадскіх адносінаў
У
Паняцце дзейнасці і грамадскіх адносінаў
11.3
самым шырокім сэнсе слова «дзейнасць» абазначае рознабаковы працэс стварэння грамадскім суб’ектам умоў свайго існавання і развіцця, працэс пераўтварэння сацыяльнай рэальнасці ў адпаведнасці з грамадскімі патрэбамі, мэтамі і задачамі. Дзейнасць людзей мае разнастайныя формы і віды. Спосаб вытворчасці людзьмі свайго матэрыяльнага жыцця, з’яўляючыся асновай дзейнасці, вызначае адзіныя агульнасацыялагічныя законы яго развіцця. У той жа час кожны, грамадска неабходны від дзейнасці, валодаючы спецыфікай, падпарадкоўваецца сваім асаблівым законам і ажыццяўляецца пры розных суадносінах стыхійнага і свядомага ў грамадскіх суб’ектах. Грамадскія законы, ажыццяўляючыся ў дзейнасці людзей, якая фарміруе грамадскую сутнасць чалавека, адлюстроўваюць унутраную сувязь прыроды і грамадства.
Грамадскія законы выражаюць істотныя сувязі і адносіны, якія складваюццца ў розных сферах чалавечай дзейнасці, і перш за ўсё ў асноўнай з іх – матэрыяльнай вытворчасці. Дзейнасць выступае як сіла, што аднаўляе і змяняе сістэму аб’ектыўных і суб’ектыўных умоў: грамадскіх адносінаў і сацыяльных інстытутаў, а разам з гэтым і сістэму адпаведных ім уяўленняў, увесь лад жыцця і думак.
У агульнафіласофскім плане чалавечая дзейнасць з’яўляецца сацыяльнай формай руху матэрыі, спосабам існавання і развіцця грамадства і асобнага чалавека. Дзейнасць людзей служыць вытворчасці і змяненню як канкрэтных умоў існавання індывідаў, так і самога грамадства ва ўсіх яго разнастайных праявах; ад спосабу вытворчасці да тыпалогіі асобы.
Дзейнасць – спосаб існавання і развіцця грамадства і чалавека, усебаковы працэс пераўтварэння ім навакольнай прыроднай і сацыяльнай рэальнасці (уключаючы яго самога) у адпаведнасці з яго патрэбамі, мэтамі і задачамі. Для таго, каб ператварыць дзейнасць у рэальнасць, неабходна захаванне наступных асноўных умоў:
1) уключэнне дзейнасці чалавека ў сістэму грамадскай працы;
2) мэтазгоднасць, рэзультатыўнасць працэсу дзейнасці, яе неабходнасць і карыснасць, як для грамадства, так і для асобнага чалавека;
3) спецыялізацыя грамадскай працы, якая, паводле слоў К. Маркса, стварае «спажывецкія вартасці», спараджаючы тым самым неабходныя сувязі паміж людзьмі.
Любая дзейнасць звязана з пераўтварэннем агульнародавага ў індывідуальнае і наадварот. У дзейнасці адбываецца практычнае ўвасабленне сацыяльнага вопыту ў індывідуальнае быццё чалавека, а індывідуальныя намаганні рэалізуюцца ў пабудове грамадскіх адносін.
Зыходзячы з усяго вышэйсказанага, зразумела, што дзейнасць не з’яўляецца механічнай сукупнасцю дзеянняў асобных індывідаў, гэта ёсць грамадска-гістарычны працэс.
Важнай характарыстыкай дзейнасці з’яўляецца і тое, што яна як бы звязвае ў адно ўсе кампаненты грамадскага жыцця, утвараючы ўстойлівыя і дынамічныя сувязі паміж рознымі сферамі дзейнасці, рознымі эпохамі, пакаленнямі людзей. Сувязнымі сродкамі з’яўляюцца прадметы матэрыяльнага і духоўнага свету: прылады працы, прыроднае асяроддзе, веды, ідэалы і г. д. Гэтыя сувязі ў цэлым называюцца грамадскімі адносінамі Іх спецыфіка праяўляецца, перш за ўсё, у спосабе злучэння чалавека з умовамі дзейнасці, іншымі людзьмі і супольнасцямі, у тыпе ўласнасці, характары абмена дзейнасцю, спосабе размеркавання і спажывання яе вынікаў. Усё гэта, у канчатковым выніку, вызначае сутнасць вытворча-эканамічных адносінаў, якія складваюцца ў вырашальнай сферы чалавечай дзейнасці – у матэрыяльнай вытворчасці. Яны складаюць аб’ектыўныя ўмовы разнастайнай дзейнасці людзей. Грамадскія адносіны – галоўнае, што адрознівае сацыяльныя сістэмы ад іншых утварэнняў матэрыяльнага свету. Менавіта яны ператвараюць індывіда ў грамадскага чалавека, жыццядзейнасць людзей у грамадскую жыццядзейнасць, надаюць сацыяльнае значэнне прыродным прадметам і працэсам.
Грамадскія адносіны носяць безасабовы характар, паколькі ў іх выяўляюцца істотныя сацыяльныя сувязі паміж сферамі жыццядзейнасці людзей, відамі працы і супольнасцей. Пры гэтым аб’ектыўныя заканамернасці не залежаць ад канкрэтных індывідаў, якія ўступаюць у адносіны адзін з другім і персаніфікуюць іх сувязі. Безасабовасць, аб’ектыўнасць грамадскіх адносін асабліва відавочная ў сферы раздзялення працы: педагог, інжынер, шафёр, токар паюць патрэбу ў «абмене дзейнасцю», яе прадуктамі незалежна ад таго, якая канкрэтная асоба выступае ў гэтых прафесійных ролях. Пры гэтым, аднак, якасць прадуктаў, вынікаў работы не абыякавая для кожнага з іх, і ў ім, безумоўна, выяўляюцца індывідуальныя здольнасці работнікаў і іх адносіны да справы.
Разгляданне грамадства ў якасці сукупнасці грамадскіх адносін дазваляе, па-першае, падыходзіць да яго канкрэтна гістарычна, па-другое, выявіць спецыфіку галоўных сфер грамадскага жыцця (эканамічнага, сацыяльнага, палітычнага), па-трэцяе, называць суб’екты сацыяльных стасункаў (асоба, сям’я, група, клас, партыя, дзяржава і інш.).
Грамадскія адносіны разнастайныя: выдзяляюць эканамічныя, сацыяльна-палітычныя, прававыя, маральныя і іншыя грамадскія адносіны. У далейным пры вывучэнні розных сфер жыцця чалавека і грамадства мы будзем аналізаваць канкрэтныя віды грамадскіх адносін і дзейнасці. Катэгорыя «грамадскія адносіны» дазваляе вывучаць сацыяльнае жыццё як працэс.
Дзейнасць і грамадскія адносіны з’яўляюцца неабходнымі бакамі адзінства і ўзаемасувязі асобы і грамадства і ні адзін з гэтых бакоў не можа замяніць іншага: аналіз дзейнасці выяўляе дынаміку, развіццё функцый і здольнасцей грамадскага чалавека, аналіз грамадскіх адносін – рухаючыя сілы, кірунак дзейнасці, гістарычныя формы і законы яе развіцця і стымуляцыі.
Такім чынам, грамадства ўзнікае і існуе пры ўзаемадзеянні двух фактараў: дзейнасці і грамадскіх адносін. Пры вызначэнні грамадства ў цэлым, можна сказаць, што гэта ёсць дынамічная, гістарычна самаразвівальная сістэма грамадскіх адносінаў паміж людзьмі, паміж чалавекам і светам (прыродай).
Аналізуючы спецыфіку сацыяльнага руху, неабходна звярнуць асаблівую ўвагу на тое, што ён заўсёды становіць сабой пэўнае спалучэнне матэрыяльнага і ідэальнага, аб’ектыўнага і суб’ектыўнага, стыхійнага і свядомага. Гэта звязана ўжо з тым, што ў грамадстве, у адрозненне ад прыроды, дзейнічаюць людзі, надзеленыя свядомасцю і воляй. Іх учынкі заўсёды мэтанакіраваныя, яны не залежаць ад таго, робяцца яны абдумана ці пад уплывам сваіх схільнасцей. Разам з тым, як адзначаў яшчэ Гегель, у дзеяннях людзей змяшчаецца і тое, што ніколі не ўваходзіла ў іх намеры.
У дзейнасці найбольш выразна выяўляецца ўзаемасувязь процілеглых тэндэнцый. І гэта не выпадкова: менавіта яна выступае спецыфічным спосабам існавання і змянення сацыяльнай рэчаіснасці. Яна пранізвае ўсе кампаненты грамадскай сістэмы, пачынаючы ад чалавека і заканчваючы прадметамі «другой» прыроды. Адпаведна разнастайныя і формы дзейнасці. Да іх адносяцца, перш за ўсё сама «жывая» дзейнасць, якая выступае ў форме руху. Але гэта і яе аб’ектываваныя вынікі – прадукты дзейнасці, якія валодаюць прадметнай формай, і грамадскія адносіны як формы сувязі людзей паміж сабой. З іншага боку, дзейнасць – гэта не што іншае, як чалавечыя дзеянні. Чалавек з’яўляецца носьбітам і суб’ектам усіх сацыяльных змяненняў. Таму і свядомась (мэты, ідэалы, ацэнкі) неаддзельныя ад дзейнасці.
Першасны і другасны ўзроўні грамадскага жыцця адлюстроўваюцца з дапамогай суадносных парных катэгорый, сярод якіх неабходна вылучыць «грамадскае быццё» і «грамадскую свядомасць», «матэрыяльныя грамадскія адносіны» і «ідэалагічныя адносіны», «эканамічны базіс» і «надстройка». Паколькі ў гэтых суадносінах катэгорый гутарка ідзе пра адлюстраванне адной і той жа альбо першаснай, альбо другаснай дзейнасці грамадскіх індывідаў, пастолькі змест гэтых катэгорый пранікае адзін у другі. Адпаведна грані, якія раздзяляюць гэтыя катэгорыі, – умоўныя і адносныя. Важна пры гэтым падкрэсліць, што кожная пара катэгорый дае цэласную характарыстыку грамадскага жыцця. Таму адрозненне паміж імі заключаецца не ў фармальна-лагічным аб’ёме і змесце, не ў тым, што яны ўключаюць і выключаюць (хоць гэта таксама мае важнае значэнне), а ў аспектах адлюстравання імі грамадскіх з’яў.
Але для таго, каб выстраіць тэарэтычную карціну грамадства як самаразвівальнага арганічнага цэлага, адзінства разнастайных кампанентаў, неабходны змястоўны аналіз катэгорый, пры дапамозе якіх даецца разгорнутае дыялектыка-матэрыяльнае вырашэнне асноўнага пытання філасофіі ў прымяненні да грамадства.
Сярод гэтых катэгорый выдзяляюцца як найбольш агульныя, абстрактныя, а таму і зыходныя паняцці «грамадскае быццё» і «грамадская свядомасць».
Грамадскае быццё – філасофская катэгорыя, якая абазначае сукупнасць матэрыяльных адносінаў людзей да прыроды і адзін да аднаго, незалежных ад іх свядомасці, і ў канчатковым выніку яны ж і вызначаюць гэту свядомасць. Распрацоўка класікамі марксізму катэгорыі грамадскага быцця мела вырашальнае значэнне для пераадолення ідэалістычнай і натураластычнай трактовак грамадскага развіцця, для матэрыялістычнага вырашэння асноўнага пытання філасофіі ў прымяненні да грамадства і тым самым для матэрыялістычнага разумення гісторыі.
Грамадская свядомасць становіць сабой ідэальнае адлюстраванне грамадскага быцця, г. зн. тыя ідэі, тэорыі, погляды, уяўленні, пачуцці, настроі, прывычку і традыцыі, у якіх людзям дадзена матэрыяльнае жыццё грамадства і ўся сістэма грамадскіх адносін.
Метадалагічнае значэнне закона першасці грамадскага быцця і другаснасці грамадскай свядомасці заключаецца ў тым, што ў ім канкрэтызуецца ў прымяненні да гісторыі чалавечага грамадства асноўнае пытанне філасофіі. Закон патрабуе пры аналізе усіх грамадскіх з’яў зыходзіць з іх матэрыяльных прычын, якія ўтвараюць у канчатковым выніку сапраўдныя рухаючыя сілы гісторыі. Ён не дапускае звядзення матэрыяльнага да ідэальнага. Ва ўсіх выпадках ён патрабуе ўлічваць «аб’ектыўны змест», «аб’ектыўную логіку» гістарычнага працэсу, г.зн. незалежнасць грамадскага быцця ад грамадскай свядомасці. Па сваёй сутнасці гэты закон абазначае самае паслядоўнае прымяненне філасофскага матэрыялізму да галіны гісторыі.
Гэтыя катэгорыі выражаюць абсалютнае проціпастаўленне матэрыяльнага і ідэальнага ў грамадстве як першаснага і другаснага, незалежнага і залежнага, вызначаючага і вызначальнага. Гэтыя паняцці не прэтэндуюць на вычарпальнае вызначэнне грамадскага жыцця. Яны толькі тлумачаць вытокі сацыяльных з’яў, адзначаючы, што быццё людзей вызначае іх свядомасць, і што грамадская свядомасць адлюстроўвае грамадскае быццё.
Устанавіўшы залежнасць грамадскай свядомасці ад грамадскага быцця, ідэальнага ад матэрыяльнага, ходу ідэй ад ходу рэчаў, Маркс раздзяліў грамадскія адносіны на матэрыяльныя і ідэалагічныя.
Першая пара катэгорый характарызуе спецыфіку фарміравання першасных і другасных сацыяльных сувязяў. Сувязі першага ўзроўню – матэрыяльныя адносіны – складваюцца апроч волі і свядомасці чалавека: людзі ўступаюць у вытворчыя (матэрыяльныя адносіны), нават не ўсведамляючы, што тут маюцца грамадска-вытворчыя адносіны.
Матэрыяльныя адносіны таму і матэрыяльныя, што рэалізуючы іх, грамадства ўзнаўляе сябе як «уласнае цела», забяспечвае саму магчымасць свайго існавання. Гэтыя адносіны выражаюць у першую чаргу ўласцівую менавіта чалавечаму грамадству форму абмена рэчываў паміж ім і прыродай. Другасныя – ідэалагічныя адносіны, яны валодаюць пэўнай аб’ектыўнай логікай функцыянавання, тым не менш заўсёды папярэдне ўсведамляюцца людзьмі. Гэта тыя віды дзейнасці, у рамках якіх людзі дзейнічаюць адпаведна сваім мэтам, свайму разуменню.
Ідэалагічныя адносіны і звязаныя з імі сацыяльныя з’явы ад матэрыяльных адносінаў? ператварае апошнія ў базіс грамадства, яго эканамічную структуру. Гэта першасная структура з прычыны яе матэрыяльнасці дазваляе прымяніць да даследавання грамадскага жыцця агульнанавуковыя крытэрыі, вывучыць спецыфічныя сацыяльныя законы. У той жа час яна дае магчымасць растлумачыць у канчатковым выніку ўсю надбудову грамадства.
Катэгорыі «базісу» і «надбудовы» маюць важнае метадалагічнае значэнне перш за ўсё тым, што дазваляюць канкрэтызаваць вырашэнне асноўнага пытання сацыяльнай філасофіі аб суадносінах грамадскага быцця і грамадскай свядомасці, нацэльваць даследчыка грамадскага жыцця матэрыялістычным разуменнем грамадскіх з’яў у адносінах да іх матэрыяльнай асновы, базісу, дзе корань крыніцы і прычыны ўзнікнення і развіцця ідэалагічных з’яў, а таксама агульныя заканамернасці іх развіцця. Акрамя таго, гэтыя катэгорыі даюць больш разгорнутую характарыстыку грамадства як сістэмы, раскрываюць субардынацыю важнейшых элементаў яго агульнай структуры. Але і яны не ахопліваюць усёй разнастайнасці кампанентаў грамадскага жыцця і іх узаемасувязей. Каб наблізіцца да такога ўзроўню даследавання, трэба звярнуцца да вывучэння асноўных сфер грамадскага жыцця.
Асновы іх дыферэнцыяцыі выкладзены ў вядомым палажэнні К. Маркса, згодна з якім, спосаб вытворчасці матэрыяльнага жыцця абумоўлівае сацыяльны, палітычны і духоўны працэсы жыцця наогул. У адпаведнасці з ім у грамадстве выдзяляюцца: 1) матэрыяльна-вытворчая; 2) сацыяльная; 3) палітычная; 4) духоўная сферы. Кожная з іх становіць сабой адносна самастойную падсістэму сацыяльнай рэчаіснасці, займае ў ёй пэўнае месца і выконвае адпаведныя функцыі.
Важна адзначыць, што ў кожнай сферы прысутнічаюць і матэрыяльныя і ідэальныя моманты. Іх суадносіны носяць характар адноснага, а не абсалютнага проціпастаўлення. І па меры пераходу ад эканамічнай сферы да духоўнай узрастае роля і значэнне свядомасці як унутры кожнай сферы, так і пры ўплыве яе на іншыя галіны грамадскага жыцця. Сказанае не азначае адмаўлення значнасці матэрыяльных кампанентаў. Толькі пры іх пасрэдніцтве адбываюцца рэальныя змяненні ў грамадстве. Спосабам сувязі, пераводу ідэальнага ў матэрыяльнае з’яўляецца практыка.
У адрозненне ад пазнання практыка мае сваім вынікам аб’ектыўна-рэальнае змяненне рэчаіснасці. Але адначасова практыка – мэтазаснавальная дзейнасць людзей, а таму мае і суб’ектыўны бок. Таму пры аналізе практыкі трэба ўлічваць асаблівасці як суб’екта, так і аб’екта.
Трэба мець на ўвазе, што ў прымяненні да сацыяльнай рэчаіснасці аб’ектыўнае не тоеснае матэрыяльнаму. Аб’ектыўнае – гэта не толькі тое, што знаходзіцца па-за свядомасцю, але і тое, што не залежыць ад свядомасці. Да апошняй адносіцца, напрыклад, нават такі змест грамадскай свядомасці, які з’яўляецца спантаннай рэакцыяй людзей на змяненне умоў іх жыцця. Таму аб’ектыўнымі выступаюць і натуральныя, і сацыяльныя ўмовы жыцця людзей, і матэрыяльныя, і сацыяльна-палітычныя, і духоўныя.
Важнае месца ў сістэме аб’ектыўных умоў займаюць сацыяльныя законы і грамадскія адносіны людзей, менавіта яны вызначаюць сацыяльнае становішча, патрэбы і інтарэсы грамадскіх суб’ектаў, а адпаведна, рамкі магчымасцей іх дзеянняў.
Паколькі дзейнасць людзей заўсёды свядомая, суб’ектыўны фактар пастаянна ўдзельнічае ў жыцці грамадства. Але сіла і глыбіня яго ўздзеяння на гістарычныя змены розныя ў залежнасці ад ступені свядомасці і арганізаванасці сацыяльных дзеянняў. Па меры таго, як павышаецца ўзровень усведамлення суадносін бліжэйшых і канчатковых мэт усё больш шырокімі масамі людзей, класаў, сацыяльных груп, узрастае і значэнне суб’ектыўнага фактару. Адпаведна змяняюцца формы сацыяльных працэсаў, паскараюцца тэмпы і павялічваюцца маштабы развіцця грамадства.
Такім чынам, катэгорыі аб’ектыўных умоў і суб’ектыўнага фактару выконваюць важную пазнавальную, тэарэтыка-метадалагічную функцыю. Калі такія катэгорыі, як «грамадскае быццё» і «грамадская свядомасць», «матэрыяльныя і ідэалагічныя адносіны, «базіс і надбудова», служаць для тлумачэння структуры грамадства, то ў пэўнай меры катэгорыі «аб’ектыўных умоў» і «суб’ектыўнага фактару», якія стаяць з імі ў адным шэрагу, раскрываюць працэс змянення грамадскіх адносін. Гэтыя катэгорыі непасрэдна ўказваюць на тое, як здзяйсняецца гістарычны працэс прагрэсіўнага пераўтварэння грамадства чалавекам, як чалавек змяняе ўмовы свайго быцця. Катэгорыі «матэрыяльных і ідэалагічных адносінаў», «базісу і надбудовы» па сутнасці статычныя, іх процілегласць абсалютная: свядомасць не можа быць тоесная быццю, а базіс страціць сваю матэрыяльнасць. Аб’ектыўныя ўмовы таксама з’яўляюцца вызначальнымі ў адносінах да суб’ектыўнага фактару. Гэтым катэгорыям уласцівы дынамізм самога рэальнага жыцця, дзе назіраецца складанае дыялектычнае ўзаемадзеянне аб’ектыўнага і суб’ектыўнага. Прычым, пры пэўных абставінах, калі ў наяўнасці складзеныя аб’ектыўныя ўмовы, сталасць суб’ектыўнага фактару ператвараецца ў вырашальную сілу, ад якой залежыць далейшы ход гістарычных падзей.
Такое дыялектычнае ўзаемадзеянне паміж аб’ектыўнымі ўмовамі і суб’ектыўным фактарам у гісторыі.
Выдзяленне вытворчых адносін як эканамічнай асновы грамадскага жыцця дазволіла К. Марксу ўпершыню прымяніць крытэрый паўтаральнасці да з’яў гісторыі. Гэта і з’явілася ўмовай адкрыцця грамадскай заканамернасці.
Грамадская заканамернасць – аб’ектыўна існуючая неабходная, істотная, якая паўтарае сувязь з’яў грамадскага жыцця, выражае паступальнае развіццё гісторыі. Неабходнасць, такім чынам, існуе ў прыродзе і ў грамадстве ў форме аб’ектыўных законаў. Значыць, заканамернасць ёсць выражэнне неабходнасці. Поспех свядомай дзейнасці людзей забяспечваецца тады, калі гэта дзейнасць ажыццяўляецца ў адпаведнасці з аб’ектыўнымі гістарычнымі законамі (г. зн. заканамернасць, неабходнасць з’яўляецца першаснай аб’ектыўнай асновай, на якой разгортваецца дзейнасць людзей).
Гістарычная заканамернасць і свядомая дзейнасць людзей дыялектычна ўзаемазвязаны. Гістарычная заканамернасць – аб’ектыўная аснова дзейнасці людзей толькі ў тым сэнсе, што закон незалежны ад свядомасці і волі людзей. Грамадская заканамернасць з’яўляецца зместам гістарычнага працэсу, а дзейнасць людзей з’яўляецца формай яе праяўлення.
Гэта дзейнасць (як форма праяўлення неабходнасці) можа быць стыхійнай, свядомай, свабоднай.
Стыхійная – калі людзі не ўсведамляюць аб’ектыўнага складвання грамадскіх наступстваў сваіх дзеянняў і маюць на ўвазе бліжэйшыя мэты.
Свядомая будуецца на адпаведнасці індывідуальных мэтаў агульным мэтам усяго грамадства, калі людзі дзейнічаюць з веданнем справы, разумеюць і прадбачаць тыя грамадскія наступствы, якія вынікаюць з іх дзеянняў, учынкаў. Стыхійнасць і свядомасць як формы грамадскай дзейнасці ёсць выражэнне розных адносінаў людзей да неабходнасці. Стыхійны элемент уяўляе сабой, па сутнасці, не што іншае, як зачаткавую форму свядомасці.
Грані паміж імі рухомыя, дыялектычныя. І выражэннем гэтага з’яўляецца свабода. Менавіта яна і характарызуе здольнасць людзей прымаць рашэнні з веданнем справы на аснове пазнанай неабходнасці. Свабода – вышэйшае выражэнне свядомасці, а неабходнасць – заканамерны тып сувязі з’яў, якая вызначаецца іх устойлівай унутранай асновай, і сукупнасць існуючых умоў іх узнікнення, існавання і развіцця. Свабода, такім чынам, прысутнічае ў неабходнасці, а неабходнасць рэалізуецца праз свабоду выбару.
Існуюць дзве ўмовы ажыццяўлення свабоды. Па-першае, чалавек робіць выбар на свой страх і рызыку. На яго кладзецца поўная адказнасць за тое, як ён скарыстае свабоду. Па-першае, свабода аднаго не павінна шкодзіць свабодзе і інтарэсам іншых людзей. Інакш кажучы, свабода не з’яўляецца абсалютнай і неабмежаванай. Яе межы, г.зн. парадак карыстання ёю, вызначаюцца законам. Закон – агульнапрызнанае і безасабовае, г. зн. яно не залежыць ад асабістых меркаванняў і жаданняў,– устанаўленне права.
Свабода выражаецца ў дадзеных асобе правах, абавязках, адказнасці. Адказнасць выступае як сацыяльна-маральны рэгулятар узаемасувязі асобы і грамадства. Сутнасць сацыяльнай дыялектыкі выражаецца, такім чынам, ва ўзаемнай адказнасці.
Аснову свабоды асобы складаюць:
эканамічнае вызваленне ад гнёту;
разумная арганізацыя эканомікі і натуральная патрэба ў раскрыцці магчымасцей асобы.
Свабода ўключае ў сябе:
– пазнанне законаў;
– пазнанне законаў грамадскага развіцця;
– пазнанне самога сябе.
Крытэрыем дасягнутай свабоды з’яўляецца грамадска-гістарычная практыка. Пакуль мы не ведаем закона прыроды і грамадства, ён існуе і дзейнічае без нас, па-за нашым пазнаннем, робіць нас рабамі сляпой неабходнасці, але калі мы даведаемся пра гэты закон, то мы – «паны» прыроды і грамадскіх адносін. Але пры гэтым свабода не з’яўляецца раз і назаўсёды дадзенай велічынёй, яна носіць гістарычны характар. Аб’ектыўны змест свабоды змяняецца з пераходам ад адной ступені развіцця грамадства да другой, больш прагрэсіўнай.
Аднак дыялектыка развіцця свабоды і гісторыі грамадства носіць складаны і супярэчлівы характар. Так, з развіццём прамысловасці і навукі ўлада чалавека над сіламі і законамі прыроды пастаянна ўзрастае, а што датычыць грамадскіх адносінаў, то тут, нягледзячы на пэўны прагрэс, чалавек заўсёды знаходзіцца ў той ці іншай форме залежнасці ад іншага чалавека. Свабода паводзін чалавека заўсёды абмяжоўваецца гістарычнымі магчымасцямі. Катэгорыя свабоды раскрываецца ў такіх канкрэтных праявах як свабода слова, свабода друку, свабода асобы, свабода веравызнання і г. д. Выдзяляюць таксама два дыялектычна ўзаемазвязаныя аспекты свабоды: суб’ектыўны і аб’ектыўны, інакш кажучы – унутраны і знешні.
У гісторыі філасофіі, напрыклад, у працах Аўгустына, быў сфармуляваны пункт гледжання гістарычнага фаталізму, згодна з якім гістарычнае развіццё прадвызначаецца лёсам, а дзейнасць чалавека нічога не можа змяніць у гісторыі; тым самым ён выключаў свабодны выбар і лічыў кожны ўчынак непазбежнай рэалізацыяй прадвызначанасці.
Другі кірунак звязаны з валюнтарызмам у разуменні грамадскага развіцця (Шапенгауэр, Ніцшэ і інш.) і заключаецца ў адмаўленні аб’ектыўнага характару законаў і ў прызнанні вырашальнага значэння чалавечай ці Боскай волі ў гісторыі. Валюнтарызм, такім чынам, абсалютызуе свабоду волі, даводзіць яе да самадурства.
Значыць, грамадскае жыццё можна даследаваць у розных аспектах. Яны нераўназначныя, адыгрываюць неаднолькавую ролю ў гісторыі ў цэлым ці ў асобных сферах грамадскага жыцця, ва ўзнікненні, структуры, функцыянаванні ці развіцці грамадства альбо канкрэтных яго кампанентаў.
Адзінай дэтэрмінанты розных сацыяльных змяненняў няма і быць не можа, але агульная для ўсіх – існуе. Гэта сацыяльныя супярэчнасці ў іх разнастайных відах і формах. Дзякуючы супярэчнасцям сацыяльны рух выступае як самарух. Грамадства з’яўляецца, такім чынам, самаразвівальнай сістэмай. Побач з гэтым у складанай, узаемазвязанай, шматмернай сістэме фактараў, дэтэрмінуючых грамадскае жыццё, выдзяляецца фактар, які ў канчатковым выніку вызначае ўсе астатнія. Ён знаходзіцца ў матэрыяльна-вытворчай сферы жыцця грамадства і становіць сабой эканамічную неабходнасць. Такім чынам, у гісторыі неабходным з’яўляецца тое і толькі тое, што народжана чалавечай свабодой і вядзе да далейшага развіцця апошняй.
Жыццядзейнасць чалавека ажыццяўляецца ў розных сферах грамадскага быцця: эканамічная, сацыяльная, палітычная, духоўная.
11.4. Падсістэмы грамадства