- •Вучэбны дапаможнік
- •Прадмова
- •УВодзіны
- •Філасофія і жыццёвы свет чалавека
- •ТЭма 1 фІлАсофІя Як сацЫЯкультурны феномен
- •1 Праблема вызначэння філасофіі. Светапогляд і філасофія 1.1 .1. Праблема вызначэння філасофіі. Светапогляд і філасофія
- •1.2. Спецыфіка праблемнага поля класічнай філасофіі. Прадмет філасофіі і яго гістарычная дынаміка
- •1.3. Функцыі філасофіі
- •ТЭма 2 Гістарычныя тыпы класічнай філасофіі
- •2 Станаўленне філасофіі ў культуры старажытных цывілізацый Усходу 2.1 .1. Станаўленне філасофіі ў культуры старажытных цывілізацый Усходу
- •2 Спецыфіка філасофскай традыцыі старажытнай Індыі, яе культурна-светапоглядныя асновы .2. Спецыфіка філасофскай традыцыі старажытнай Індыі, яе культурна-светапоглядныя асновы
- •2 Асаблівасці філасофскай думкі старажытнага Кітая, яе рацыянальна-прагматычны кірунак .3. Асаблівасці філасофскай думкі старажытнага Кітая, яе рацыянальна-прагматычны кірунак
- •2.4. Характар старажытнагрэчаскай цывілізацыі і асаблівасці антычнай філасофскай традыцыі
- •2 Філасофія і рэлігія. Статус і функцыі філасофіі ў сярэднявечнай еўрапейскай культуры 2.5 .5. Філасофія і рэлігія. Статус і функцыі філасофіі ў сярэднявечнай еўрапейскай культуры
- •2 Філасофія і навука: праблема самавызначэння філасофіі ў новаеўрапейскай культуры 2.6 .6. Філасофія і навука: праблема самавызначэння філасофіі ў новаеўрапейскай культуры
- •2.7. Сацыяльна-гістарычныя і светапоглядныя асновы філасофскай думкі эпохі Асветніцтва
- •2 Нямецкая класічная філасофія і яе роля ў развіцці еўрапейскай філасофскай традыцыі .8. Нямецкая класічная філасофія і яе роля ў развіцці еўрапейскай філасофскай традыцыі
- •ТэМа 3 Станаўленне і асноўныя стратэгіі развіцця посткласічнай філасофіі
- •3.1. Крытыка філасофскай класікі і рацыяналізацыя філасофіі ў творчасці а. Шапенгауэра, с. К’еркегара, ф. Ніцшэ
- •3 Трансфармацыя традыцый класічнай філасофскай спадчыны ў марксізме 3.2 .2. Трансфармацыя традыцый класічнай філасофскай спадчыны ў марксізме
- •3.3. Асноўныя гістарычныя формы пазітывісцкай філасофіі
- •Тэма 4 Філасофія і нацыянальная самасвядомасць. Філасофская думка беларусі. Руская філасофія
- •4.1. Філасофская думка Беларусі
- •Тэма 5 Метафізіка і анталогія
- •5 Катэгорыя «быццё» як пачатак філасофскага аналізу рэчаіснасці .1. Катэгорыя «быццё» як пачатак філасофскага аналізу рэчаіснасці
- •5 5.2 .2. Паняцце субстанцыі. Манізм і дуалізм
- •5.3. Катэгорыя матэрыі. Эвалюцыя поглядаў на матэрыю ў гісторыі філасофіі
- •5 Паняцце руху. Рух і развіццё 5.4 .4. Паняцце руху.Рух і развіццё
- •5.5. Прастора і час як формы быцця матэрыі
- •5.6. Ідэя адзінства свету
- •5.7. Дыялектыка як філасофская тэорыя развіцця, яе прынцыпы, законы і катэгорыі
- •Тэма 6 Філасофія прыроды
- •6 Паняцце прыроды 6.1 .1. Паняцце прыроды
- •ТЭма 7 Праблема чалавека ў філасофіі і навуцы
- •7.1. Праблема сутнасці чалавека ў гісторыі чалавецтва
- •7.2. Дыялектыка асобы і грамадства
- •7.3. Свабода як вышэйшая каштоўнасць быцця асобы
- •7 Жыццё, смерць, бяссмерце ў духоўным вопыце сучаснага чалавецтва 7.4 .4. Жыццё, смерць, бяссмерце ў духоўным вопыце сучаснага чалавецтва
- •7.5. Каштоўнасці і іх роля ў жыцці чалавека
- •ТЭма 8 Свядомасць чалавека як прадмет філасофскага аналізу
- •8 Праблема свядомасці і асноўныя традыцыі яе аналізу ў класічнай філасофіі 8.1 .1. Праблема свядомасці і асноўныя традыцыі яе аналізу ў класічнай філасофіі
- •8 Адлюстравальна-інфармацыйная і сацыяльная прырода свядомасці 8.2 .2. Адлюстравальна-інфармацыйная і сацыяльная прырода свядомасці
- •8.3. Актыўна-творчы характар свядомасці. Свядомасць і самасвядомасць
- •8.4. Грамадская і індывідуальная свядомасць
- •Тэма 9 паЗнаНне як каштоўнасць культуры і прадмет філасофскага аналізу
- •9.1. Спецыфіка пазнавальных адносін чалавека да свету і разнастайнасць філасофскага пазнання
- •9 Суб’ект і аб’ект пазнання. Формы пачуццёвага і рацыянальнага пазнання 9.2 .2. Суб’ект і аб’ект пазнання. Формы пачуццёвага і рацыянальнага пазнання
- •9 Ісціна як аснова, мэта пазнання. Крытэрый ісціны .3. Ісціна як аснова, мэта пазнання. Крытэрый ісціны
- •9 Метады і формы навуковага пазнання .4. Метады і формы навуковага пазнання
- •9 9.5 .5. Формы ненавуковага пазнання
- •Формы ненавуковага пазнання
- •ТэМа 10 Навука, яе кагнітыўны і сацыякультурны статус
- •11.2. Паняцце сацыяльнай рэальнасці. Грамадства як сістэма
- •Паняцце сацыяльнай рэальнасці. Грамадства як сістэма
- •11.3. Паняцце дзейнасці і грамадскіх адносінаў
- •Паняцце дзейнасці і грамадскіх адносінаў
- •Падсістэмы грамадства 11.4
- •11.5. Сацыяльная падсістэма
- •1 11.6 1.6. Палітычная падсістэма
- •11.7. Духоўная падсістэма
- •Тэма 12 АсноЎныя прАблемы пАлІтычнАй фІлАсофІі
- •12.1. Феномен улады ў жыцці грамадства
- •12.2. Палітычная ўлада і сацыяльны інтарэс
- •1 12.3 Дзяржава і грамадзянскае грамадства 2.3. Дзяржава і грамадзянскае грамадства
- •12.4. Палітыка і права. Канцэпцыя прававой дзяржавы
- •12.4 Палітыка і права. Канцэпцыя прававой дзяржавы
- •Тэма 13 філасофскія праблемы сацыяльнай дынамікі
- •13.1. Грамадства як сістэма, што развіваецца
- •1 13.2 Крыніцы і рухаючыя сілы развіцця грамадства 3.2. Крыніцы і рухаючыя сілы развіцця грамадства
- •Тэма 14 ФіЛаСоФіЯ культуры
- •14.1 Паняцце культуры
- •14.1. Паняцце культуры
- •14.2. Традыцыі і навацыі ў дынаміцы культуры
- •Заключэнне Філасофія і каштоЎнасныя прыярытэты ў культуры XXI ст.
3.3. Асноўныя гістарычныя формы пазітывісцкай філасофіі
Асноўныя гістарычныя формы пазітывісцкай філасофіі
3.3
Тэрмін «пазітывізм» паходзіць ад лацінскага «positivus», што значыць станоўчы. У сучасным філасофскім свеце сэнс гэтага слова раскрываецца шматзначна. Ім абазначаюць вучэнне заснавальніка пазітывізму Огюста Конта, сукупнасць канцэпцый, распрацаваных Контам, Спенсерам, Мілем, усе пазітывісцкія канцэпцыі XIX–XX стст., а таксама асобы метад навуковага пазнання. Найбольш істотным у пазітывізме з’яўляецца тое, што ён, будучы разнавіднасцю эмпірызму, імкнецца звесці навуковыя веды толькі да непасрэдных, пачуццёва ўспрымаемых эмпірычных ведаў. Не выпадкова ўзнікненне пазітывізму і адраджэнне яго традыцый адносіцца да перыядаў бурнага развіцця прыродазнаўчых навук. У эвалюцыі пазітывізму вызначаюць асобныя этапы: класічны пазітывізм, махізм, эмпірыякрытыцызм і постпазітывізм.
Як філасофскі напрамак пазітывізм аформіўся ў 30-я гг. XIX ст. і звязаны з імем французскага мысліцеля О. Конта. У пачатковай інтэрпрэтацыі Конта пазітывізм азначаў асаблівае патрабаванне, якое прад’яўлялася да філасофіі і заключалася ў тым, каб, адмовіўшыся ад пошуку агульных сутнасцей як занятка марнага, «метафізічнага» і, зняўшы пытанне аб першааснове свету (асноўнае пытанне філасофіі) як невырашальнае, абгрунтаваць сапраўдную навуку, пабудаваць сістэму бясспрэчных і дакладных, карысных і зручных для прымянення ведаў. Для абгрунтавання сваіх ідэй Конт распрацаваў канцэпцыю эвалюцыі пазнання, згодна з якой пазнанне ў сваім развіцці паслядоўна праходзіць тры стадыі: тэалагічную, метафізічную і пазітыўную. Пазітывісты лічаць, што няма ніякага сэнсу ставіць пытанне, чаму здараецца ці існуе тая ці іншая з’ява. Задача навукі – даць адказ, «як» яна існуе.
Навука не тлумачыць, а толькі апісвае факты. Тым самым навука зводзіцца да эпістэмалогіі. Практыцызм і абсалютызацыя пазіцыі «здаровага сэнсу», звядзенне навукі да простай рэгістрацыі фактаў (самае большае – да пошуку функцыянальных залежнасцей) садзейнічалі сцвярджэнню ў пазітывізме агнастычных тэндэнцый, а прызнанне вузкапрагматычных арыентацый навуковых даследаванняў прыводзіць да высноў аб немагчымасці навуковага прадбачання, асабліва ў сацыяльнай галіне, таму што немагчыма пабудаваць, стварыць агульную сацыяльную тэорыю.
Асаблівасцю ранняга пазітывізму з’яўляецца спроба разгледзець агульныя пытанні светапогляду (сучасныя неапазітывісты адмовіліся ад гэтай арыентацыі). Станоўчую ролю філасофіі пазітывісты зводзяць да распрацоўкі і абгрунтавання прынцыпаў класіфікацыі ведаў, здабытых эмпірычнымі навукамі. Філасофія для іх – гэта лагічны спосаб, дзякуючы якому аб’ядноўваюцца доследныя вынікі канкрэтных навуковых дысцыплін. Таму філасофія адрозніваецца ад іх толькі ступенню абагульнення. Тым самым пазітывізм імкнецца ліквідаваць філасофію, пазбаўляючы яе неабходных атрыбутаў навукі: самастойнага прадмета, метадаў даследавання, катэгарыяльнага (паняційнага) апарата. Сувязь філасофіі з канкрэтнымі навукамі тлумачыцца пазітывістамі аднабакова і зводзіцца да поўнай залежнасці філасофіі ад гэтых навук. Ідэі класічнага пазітывізму атрымалі сваё далейшае развіццё ў працах Маха і Авенарыуса, а таксама ў філасофіі эмпірыякрытыцызму.
Другі гістарычны этап пазітывізму (М. Шлік, Р. Карнап, Л. Вітгенштэйн і інш.) з’явіўся вынікам метафізічнага тлумачэння вывадаў рэвалюцыі ў прыродазнаўчых навуках на рубяжы XIX–XX стст. Ён характарызуецца ўзмацненнем суб’ектыўна-ідэалістычнага і агнастычнага элементаў. Далейшы адыход ад светапоглядных праблем назіраецца ў неапазітывісцкіх плынях. Асноўныя палажэнні неапазітывізму сфармуляваны ў «Венскім гуртку» – семінары логікаў, матэматыкаў, філосафаў і сацыёлагаў, якім кіраваў М. Шлік. Ідэі неапазітывізму атрымалі шырокае распаўсюджанне ў Англіі, Аўстрыі, Польшчы. Настроі скептыцызму, песімізму, расчаравання адлюстроўваліся ў навукападобнай форме ў канцэпцыях неапазітывісцкай філасофіі.
Характэрныя асаблівасці неапазітывізму праяўляюцца ў трактоўках яго прадстаўнікамі прадмета і функцый філасофіі, абгрунтаванні аналітычных аперацый навукі, вырашэнні праблем ісціны. З гэтай прычыны неапазітывізм выступіў з прэтэнзіяй сфармуляваць прынцыпова новае разуменне прадмета філасофскага даследавання. Яго прадстаўнікі выставілі палажэнне аб нейтральным характары навуковага факта, реанімавалі палажэнне махістаў аб нейтральных элементах вопыту. Імкнучыся пераадолець яўны суб’ектывізм махістаў, якія прызнаюць пачуццёвыя даныя зыходным пунктам пазнання, неапазітывісты лічаць іх толькі «матэрыялам пазнання», падкрэсліваючы прынцыповую розніцу паміж адчуваннямі і вынікамі іх рацыянальнай перапрацоўкі.
Навуковы факт для іх не ёсць простае адчуванне – гэта вынік актыўнага дзеяння суб’екта, які зафіксаваў і запратакаліраваў з дапамогай знакавых сродкаў пазнаваемы аб’ект. Навуковы факт не матэрыяльны і не ідэальны, а ўяўляе сабой не што іншае, як лагічную, моўную канструкцыю альбо паняцце аб аб’екце. Пры гэтым аказваецца, што мова апісвае не сам аб’ект, які існуе незалежна ад суб’екта, які пазнае, выступае своеасаблівай мадыфікацыяй вынікаў (паказанняў) дзейнасці органаў пачуццяў. Тым самым мысленне адрываецца ад моўнай абалонкі думкі, а сама думка супрацьпастаўляецца як слову, так і аб’екту. Рэчаіснасць, свет рэальных прадметаў аказваюцца пры гэтым непазнавальнымі, невыразнымі, таямнічымі. Адгэтуль вынікае шэраг неапазітывісцкіх сцвярджэнняў, дадзеных з пазіцый новага, «вербалісцкага» варыянта суб’ектыўнага ідэалізму: 1) усе веды знаходзяцца ў мове; 2) толькі правільная пабудова моўных формул дае адэкватныя веды ці ўяўленне аб аб’екце; 3) задача навукі – пабудова лагічна дасканалай мовы.
У адпаведнасці з агульнай метадалагічнай устаноўкай неапазітывісты трактуюць навуку як «метанавуку», як галіну, далёкую ад практычных праблем, як «чыстую» навуку. Адзінай задачай навукі яны аб’яўляюць аналіз моўных формаў навуковых ведаў. Аднак аналіз мовы праводзіцца не ў плоскасці суадносінаў лагічных формаў (слоў, паняццяў, катэгорый, тэрмінаў і г. д.) з аб’ектыўным светам. Размова ідзе пра супастаўленне паняццяў з іншымі паняццямі, з катэгорыямі навукі мінулага, са словамі, узятымі з розных навуковых дысцыплін. Тым самым аналіз мовы абмяжоўваецца семантычным, фармальна-лагічным аспектам, зводзіцца да вывучэння сэнсу і значэння паняццяў. У прыватнасці, М. Шлік адкрыта заяўляў, што пытанне пра тое, якое значэнне мае слоўны знак, і ёсць асноўнае пытанне філасофіі.
Адгэтуль усе традыцыйныя філасофскія праблемы, уключаючы і асноўнае пытанне філасофіі, неапазітывісты адхіляюць як псеўданавуковыя. Не прызнаюць яны за філасофіяй і статусу навукі, занятай пазнаннем найбольш агульных законаў развіцця аб’ектыўнага свету і чалавечагага мыслення. Філасофія, паводле ўяўлення неапазітывістаў, ёсць вучэнне аб лагічным канструяванні свету ў навуцы, г. зн. філасофія зводзіцца да аднаго са сваіх раздзелаў – логікі. Так, Л. Вітгенштэйн наогул разглядаў філасофію як адну з галін філалагічных ведаў і бачыў яе прыназначэнне ў тым, каб дапамагчы разблытаць клубок розных значэнняў і сэнсаў слоў. Значыць, філасофія павінна адмовіцца ад спроб зразумець агульныя законы развіцця свету, а філосаф, калі ён жадае свабодна тэарэтызаваць па любых праблемах, не павінен быць ні матэрыялістам, ні ідэалістам. Задача філасофіі – зрабіць адбор і класіфікацыю значэнняў і сэнсаў слоў і паняццяў, пакінуўшы ўсё такім, «як яно ёсць», г. зн. не прэтэндаваць на змяненні знешніх абставінаў і аб’ектаў.
Агульныя пасылкі неапазітывізму знайшлі сваё поўнае адлюстраваннне ў інтэрпрэтацыі праблем гнасеалогіі. Найбольш важным у гэтых адносінах з’яўляецца выключэнне з гнасеалогіі праблемы гістарычнага развіцця пазнання. Тым самым выключаецца ідэя аб пазнанні як працэсе суб’ектыўнага адлюстравання аб’ектыўнага свету. Тэорыя адлюстравання проціпастаўляецца знакавай канцэпцыі пазнання. Пазнанне для неапазітывістаў – гэта працэдура абазначэння пачуццяў аб’екта, упарадкавання іх, параўнанне слоўных канструкцый і змяненне іх у выпадку, калі выяўляюцца якія-небудзь лагічныя неадпаведнасці і супярэчнасці. Пры гэтым аказваецца, што суб’ект пазнае нават не свае асабістыя пачуцці (як гэта выглядае ў махістаў ці ў Берклі), а іх запратакаліраваную, акрэсленую ў мове форму. Тым самым адмаўляецца станоўчае значэнне органаў пачуццяў і абсалютызуецца рацыянальная форма пазнання. Пазнанне ператвараецца ў працэдуру інтэрпрэтацыі моўных знакаў, тлумачэнне слоў, наданне ім значэнняў шляхам суаднясення лагічнага канструкта з рэферэнтам, г. зн. адзінкавым вопытам – вопытам суб’ектыўнага ўспрыняцця.
Безумоўна, неапазітывісты, значна пашырылі ўяўленне аб аналізе як метадзе пазнання, звялі яго практычна да высвятлення, удакладнення сэнсаў і значэнняў слоў, да працэсу руху ад аднаго ўзроўню разумення да другога, больш глыбокага. Тым самым яны трактуюць мысленне як актыўны, творчы працэс, які ўздзейнічае на вынік аналітычных аперацый. Пры гэтым усе прапановы, якія выкарыстоўваюцца ў мове і камунікацыі, прапануецца раздзяліць на тры асноўныя класы: 1) антынавуковыя, у якіх ёсць усе элементы прапаноў, але няма сэнсу; гэта абсурдныя прапановы тыпу «Метр больш за кілаграм» альбо «Месяц памнажае трохвугольнік»; 2) ненавуковыя, да якіх адносяцца ўсе асноўныя філасофскія паняцці тыпу «матэрыя ёсць аб’ектыўная рэальнасць»; неапазітывісты лічаць, што такія сцвярджэнні не даказваюцца і не адмаўляюцца і таму маюць псеўдазначэнне; 3) навуковыя веды, у якіх ёсць як праўдзівыя, так і памылковыя паняцці; задача філасофіі ў тым і заключаецца, каб, праяўляючы сэнс і змест моўных форм, выявіць сапраўдныя, правесці працэдуру верыфікацыі сэнсу.
Паняцце ці прапанова лічыцца сапраўдным, калі гэта можна выказаць іншым словам ці сказам, якія маюць тое ж значэнне, але не паўтараюць зыходных тэрмінаў. Таму прапануецца выключыць з навукі агульныя сверджанні з-за немагчымасці кожны раз знайсці адэкватную форму для зыходнага сверджання. Больш таго, аказваецца, што нават верыфікацыйная ісціна страчвае свой сэнс адразу пасля працэдуры верыфікацыі і патрабуе новых і новых пацвярджэнняў. Зыходзячы з гэтага, некаторыя прадстаўнікі неапазітывізму прыходзяць да крайніх агнастычных высноў, лічачы распрацоўку любой тэорыі бесперспектыўнай справай, пазбаўленым сэнсу заняткам.
На іх думку, усё, што можа даследчык – гэта абстрагавацца ад бясконцай разнастайнасці ўласцівасцей рэальнага аб’екта і пабудаваць навуковы аб’ект, абстракцыю «макраскапічнага» ўзроўню, якая паддаецца пратакаліраванню, замацаванню ў моўнай форме. З гэтымі лагічнымі канструкцыямі і мае справу навука. Спрабуючы выбрацца з лабірынту супярэчнасцей, якія ўзнікаюць пры вызначэнні прыроды пазнання, неапазітывізм шукае выхад у распрацоўцы канцэпцыі лінгвістычнага аналізу. Гэта школа ўзнікла як рэакцыя на беззмястоўнасць і ірацыяналізм пазітывісцкай гнасеологіі і рэлятывісцкія вывады прадстаўнікоў семантычнай школы.
Прадстаўнікі лінгвістычнай філасофіі (Л. Вітгенштэйн, Джастын, Дж. Серл) бачаць сваю задачу ў даследаванні фактычнага ўжывання слоў і ў тлумачэнні памылак, якія ўзнікаюць пры выкарыстанні гэтых слоў. У прыватнасці, С. Чэйз лічыць задачай філасофіі зразумець, а затым і непасрэдна «лячыць» неадэкватны душэўны стан, выкліканы неразуменнем людзьмі адзін аднаго. Галоўным становіцца не даследаванне сэнсаў і значэнняў мовы навукі, а аналіз звычайнай мовы. Так, Вітгенштэйн, падкрэсліваючы думку пра немагчымасць устанаўлення адзінага ідэалу дакладнасці і крытэрыю навуковай ісціны, лічыў, што адзіны спосаб пераадолець супярэчнасці ў галіне пазнання – гэта проста дамовіцца, што мы будзем разумець пад тым ці іншым ідэалам і крытэрыем. Адным з «рэцэптаў» для пывышэння эфектыўнасці вербальнай камунікацыі ён называў неабходнасць выключэння са звычайнай мовы абстрактных філасофскіх паняццяў. Сама ж філасофія аб’яўлялася не навукай, а толькі дзейнасцю, звязанай з інтэрпрэтацыяй паняццяў, якія выкарыстоўвае чалавек у звычайнай камунікацыі.
Падводзячы вынікі аналізу ідэй неапазітывістаў, неабходна адзначыць, што, нягледзячы на рознасць падыходаў, усіх іх аб’ядноўвае імкненне стаць вышэй за матэрыялізм і ідэалізм, выйсці за рамкі існуючых ідэалогій, перакананне ў нейтральным характары, аб’ектыўнасці і сапраўднай навуковасці ўласных канцэпцый. Распрацоўка і абгрунтаванне прынцыпу верыфікацыі прывялі прыхільнікаў неапазітывізму да далейшага адыходу ад светапоглядных праблем і ператварылі іх дактрыны ў метад, які вядзе да абмежавання прадмета навукі праз галіну фармальна-лагічных працэдур. А гэта і ёсць паслядоўнае адмаўленне магчымасцей навуковага пазнання свету, звядзенне працэсу пазнання да простай інтэрпрэтацыі суб’ектам (реферэнтам) сэнсу і значэння слоў.
Распрацоўваючы праблемы логікі навукі, вывучаючы лагічную структуру звычайнай мовы, удакладняючы яе семантычныя асаблівасці і выступаючы супраць уніфікацыі мовы, неапазітывісты прыходзяць да іншай крайнасці – высновы аб універсальнай унікальнасці моўных канструкцый. Гэты вывад змяшчае ў сабе скрыты элемент агнастыцызму. А адыход ад жыццёва важных сацыяльных і ідэалагічных праблем, абсалютызацыя лагічнай праблематыкі прывялі да зніжэння папулярнасці гэтага кірунку, узмацнення антыпазітывісцкіх тэндэнцый, крытыкі яго іншымі філасофскімі школамі (экзістэнцыялізм, філасофская антрапалогія і інш.).
Рэлігійная філасофія. Сучасная рэлігійная філасофская думка не ўяўляе сабой аднародную сістэму: у яе рамках функцыянуе шэраг плыняў, школ. Аналізуючы хрысціянскую філасофію, выдзелім перш за ўсё неатамізм, які спрабуе прыстасаваць да ўмоў сучаснасці філасофскае вучэнне тамізму.
Філасофіі неатамізму. Тамізм, стваральнікам якога быў Фама Аквінскі, узнік у XIII стагоддзі як напрамак, што асіміляваў і выкарыстоўваў філасофскія ідэі Арыстоцеля для патрэбаў царквы. Пасля адносна кароткага перыяду росквіту тамісцкая філасофія падверглася распаду. Пераломным момантам у працэсе абнаўлення тамізму стаў 1879 год, калі ён атрымаў афіцыйнае прызнанне Ватыкана і зноў стаў дзеючай тэалагічна-філасофскай дактрынай, называнай неатамізмам.
Прадстаўнікі неатамізму (Ж. Марытэн, Э. Жыльсан і інш.) зыходзяць з таго, што да «духу і метаду» філасофіі Фамы трэба адносіцца актыўна, – развіваць яе, папаўняць, выпраўляць і інтэрпрэтаваць па-новаму, аднак так, як рабіў бы гэта «сам святы Фама, калі б ён жыў у XX стагоддзі».
Неатамісты лічаць, што для чалавека імпульсам творчасці павінна быць вера. Неатамізм – дактрына, якая прызнае першынство веры перад розумам, спрабуе рацыяналізаваць яе.
Згодна з неатамістамі, усе формы быцця (у тым ліку і людзі) складаюцца з двух элементаў: матэрыі і формы. Матэрыя – гэта пасіўны, няпэўны элемент рэчаіснасці, фактарам жа, які надае ёй пэўнасць, фарміруе яе, выступае нематэрыяльная форма. У прымяненні да чалавека гэтай формай з’яўляецца душа. Усё існае ў свеце спарадкавана ў рамках пэўнай іерархіі, на верхавіне якой знаходзіцца чыстая форма, чысты дух – «стваральнік і ахоўнік свету». Ніжэй знаходзяцца «чыстыя інтэлігенцыі» (ангелы), яшчэ ніжэй – на бясконцай адлегласці ад Бога і на вельмі вялікай ад ангелаў – знаходзіцца чалавечы род, а яшчэ ніжэй – жывёлы (яны валодаюць анімальнай душой, гэта значыць надзелены псіхічным жыццём, але не здольныя існаваць па-за матэрыяй) і раслінныя арганізмы, якія маюць вегетатыўную душу. Унізе знаходзяцца мёртвыя матэрыяльныя элементы. З пункту гледжання тамізму чалавек створаны Богам для таго, каб ён мог служыць Яму, і гэтаму павінна быць падпарадкавана ўся зямная дзейнасць.
Згодна з філасофіяй неатамізму, гістарычны працэс залежыць ад звышнатуральных трансцэндэнтных сіл. Гэтым фактычна выключаецца магчымасць актыўнага ўздзеяння чалавека на ход гісторыі. У цэлым філасофія неатамізму ўяўляе сабой тэалагічна арыентаваную метафізіку. Па сваёй праблематыцы і тэрміналогіі апошняя прыкметна адрозніваецца ад сярэдневяковага тамізму, у ёй электрычна злучаны асноўныя элементы вучэння Фамы Аквінскага (прынцып гармоніі веры і розуму і інш.) з асобнымі палажэннямі навейшых ідэалістычных сістэм. У сучасных умовах намецілася і ажыццяўляецца новая арыентацыя неатамізму на далучэнне яго да сучаснай філасофіі шляхам сінтэзу тамісцкіх прынцыпаў з некаторымі ідэямі экзістэнцыяналізму, фенаменалогіі, філасофскай антрапалогіі і інш.
Сацыяльная філасофія неатамізму асуджае секулярызацыю сацыяльнага быцця, бо яна пагражае існаванню цэласнага чалавека, вядзе яго да маральнай дэградацыі. Адгэтуль робіцца вывад аб пануючай ролі рэлігіі і царквы ў нармальным, натуральным развіцці грамадства.
У рамках рэлігійнай філасофіі атрымліваюць развіццё іншыя філасофскія кірункі, і сярод іх персаналізм, які ўяўляе сабой тэістычную антрапалагічную дактрыну. Ён узнік у пачатку 30-х гадоў XX стагоддзя як рэакцыя дробнабуржуазных слаёў на дэперсаналізацыю грамадскага жыцця. Найбольшае распаўсюджанне персаналізм атрымаў у Англіі і Амерыцы. Яго прадстаўнікамі з’яўляюцца англійскі філосаф X. У. Кер (1857–1931), нямецкі філосаф В. Штэрн (1871–1938), амерыканскія філосафы Р. Т. Флюэлінг (1871–1960), Б. Боун (1847–1910), Э. Ш. Брайтмен (1884–1953) і інш.
Персаналісты лічаць чалавека субстанцыяй (быццё, якое складаецца з нематэрыяльнай формы, душы, і матэрыі), яны аналізуюць яго ў двух аспектах: звышнатуральным, духоўным і па-за эмпірычным (чалавек-асоба), а таксама матэрыяльным, эмпірычным (чалавек-індывід).
Чалавек з’яўляецца асобай, таму што яму ўласціва самастойная дзейнасць, ён мае свабодную і разумную духоўную першааснову, свабоду выбару, і ён незалежны ад свету. Чалавек з’яўляецца асобай, таму што існуе як духоўнае быццё. Што ж тычыцца індывіда, то ён з’яўляецца звычайнай часцінкай матэрыі, валодае псіхічным жыццём і ўяўляе сабой частку грамадства. Будучы смяротным, ён усю сваю дзейнасць скіроўвае на зямныя даброты. Як частка прыроды і грамадства, чалавек-індывід падпарадкоўваецца як грамадскім законам, так і законам прыроды. Ён мусіць падпарадкоўвацца грамадству, дзяржаве. Калі чалавек-індывід падпарадкаваны грамадству, дзяржаве, то чалавек-асоба знаходзіцца над грамадствам і падпарадкаваны толькі Богу, праз царкву.
Згодна з персаналістамі, свет пазнавальны таму, што ён створаны асобай. Але паколькі асобы, якія ствараюць, нераўнацэнныя, і яны могуць фарміраваць толькі тыя рэчы і з’явы, з якімі маюць справу на практыцы,– настолькі чалавечае пазнанне небязмежна. Чалавек, згодна з вучэннем персаналістаў, можа пазнаць усё, што залежыць ад яго, але не ўсё, што створана Найвышэйшай, духоўнай асобай. У прыватнасці, чалавек не можа пазнаць, у чым заключаецца сутнасць свету, якія мэты ляжаць у аснове яго развіцця, якое яго прызначэнне і г. д. Адгэтуль вывад: аднаго чалавечага пазнання, ажыццяўляемага навукай, недастаткова для таго, каб мець поўныя веды аб свеце, патрэбен іншы шлях пранікнення ў сутнасць свету. Гэты інакшы шлях пазнання свету дае рэлігія. Вось чаму вынікае неабходнасць рэлігіі, якая злучае чалавека з Найвышэйшай, Боскай істотай і раскрывае тайны быцця.
Атрымліваецца, што рэлігія і навука не толькі сумяшчальныя, але і неабходна дапаўняюць адна адну. Навука дае веды пра рэчы і з’явы, а рэлігія – пра канчатковыя прычыны быцця. Такое разуменне ўзаемаадносін рэлігіі і навукі, на думку персаналістаў, будзе садзейнічаць, з аднаго боку, умацаванню панавання рэлігіі, з другога — прызнанню дасягненняў навукі, яе развіцця. У сваю чаргу, папа Ян Павел II аб’явіў аб заканчэнні пазіцыйнай вайны з вучонымі, якая цягнулася вякамі. Ахвярам праследавання з боку царквы, такім, як ерэтыкі, як Галілеа Галілей і Чарльз Дарвін, ад імя Папы аб’яўлена амністыя. «Вера і розум» – два крылы, з дапамогай якіх чалавечы дух узнімецца да пазнання ісціны» – напісаў ён у сваёй 13-й энцыкліцы. Ян Павел II звярнуўся да паствы з заклікам узнавіць парваную шмат вякоў назад нітачку дыялогу з даследчыкамі прыроды.
Экзістэнцыялізм («exsistentia» абазначае «існаванне», быццё чалавека ў свеце) – своеасаблівая рэакцыя філасофскага мыслення на рэвалюцыю ў прыродазнаўчых навуках і абставіны сацыяльнага жыцця пачатку XX ст. Ідэі, якія ўвайшлі ў гэту канцэпцыю, пачалі распрацоўвацца перад Першай сусветнай вайной у Расіі (Л. Шастоў, Н. Бярдзяеў), Даніі, Германіі, а таксама пасля Другой сусветнай вайны ў Францыі. Прадстаўнікі экзістэнцыялізму лічаць, што як матэрыялісты, так і ідэалісты ўпускаюць сутнасную сувязь свету і чалавека: першыя раствараюць яе ў замкнута цыркулюючым быцці прыроды, другія ў бясконцым быцці ідэй. Таму яны прапануюць звярнуцца да суб’ектыўнага свету асобнага чалавека.
Сваю галоўную задачу экзістэнцыялізм бачыў у доказе першаснасці жыццёвага свету асобнага чалавека, даследаванні суб’ектыўнага светаадчування індывіда, а не ў аналізе бяздушнага свету аб’ектыўных рэальнасцей. Важнейшым прадметам даследавання становіцца праблема асабістай свабоды чалавека, маральнага выбару і адказнасці за свае дзеянні. Экзістэнцыялісты імкнуцца распрацаваць такія канцэптуальныя сферы, якія б садзейнічалі індывідуальнаму самапазнанню, дапамагалі б індывіду выпрацаваць сістэму выразных значэнняў і зместу, падказалі б выхад з бяздушнага свету ў свет гуманных, па-сапраўднаму чалавечых адносін і каштоўнасцей.
Тэарэтычныя вытокі экзістэнцыялізму звязаны з тэалагічнымі разважаннямі дацкага філосафа С. К’еркегора, ірацыяналістычнымі ідэямі філасофіі жыцця (Ф. Ніцшэ, В. Дыльтэй), фенаменалогіяй Э. Гусерля, ніцшэанская крытыка навуковага пазнання і супрацьпастаўлення рацыянальнага мыслення экзістэнцыяльнаму пазнанню. Запазычыўшы ў К’еркегора катэгорыю «экзістэнцыя», прадстаўнікі гэтай плыні абвясцілі чалавека цэнтральным звяном Сусвету і адпаведна сфармулявалі асноўную задачу філасофіі. Свет прадметаў існуе толькі таму, што ён закрануты ўспрыняццем чалавека і штосьці значыць для яго. Чалавек не здольны адносіцца да рэчаіснасці як да аб’ектыўнага, незалежнага ад яго свядомасці, свету. Гэтыя адносіны заўсёды асабістыя, афарбаваныя суб’ектыўнасцю і інтарэсамі чалавека, адлюстроўваюць сумненне, страх, трывогі і іншыя перажыванні суб’екта. Менавіта з гэтай прычыны экзістэнцыя не паддаецца рацыянальнаму пазнанню, непадуладна розуму і, паводле К’еркегора, думка тут знаходзіцца ў чужым атачэнні. Усе адносіны да жыцця пранізаны суб’ектыўнымі перажываннямі, таму спробы рацыянальна пазнаць свет чалавека няўхільна вядуць да скандалу для розуму і яго поўнай дыскрэдытацыі.
Экзістэнцыялізм у Гусерля запазычвае яго фенаменалагічны метад, сутнасць якога грунтуецца на прызнанні першаснасці жыццёвага свету, але які нельга пазнаць з дапамогай такіх метадаў, як назіранне, параўнанне, вопыт і г. д. Жыццёвы свет у гэтым выпадку аказваецца толькі светам феноменаў, непасрэдных відавочнасцей, якія індывід перажывае і інтуітыўна спасцігае. Фенаменалагічны метад і ёсць той непасрэдны спо-саб перажывання рэчаіснасці, шлях уваходжання ў паток перажыванняў і індывідуальных прадбачанняў. У Гусерля фенаменалогія выступае адначасова як крытыка рацыянальнага пазнання і як яго новая форма, здольная пераадолець абмежаванасць навукі.
Такім чынам, аналіз ідэйных вытокаў філасофіі экзістэнцыялізму наглядна даказвае, што ўсе яны ўяўляюць сабой вынік суб’ектыўна-ідэалістычнай інтэрпрэтацыі сапраўдных праблем чалавечай жыццядзейнасці. Пры гэтым кожная са школ (нямецкая і французская) мае як атэістычны варыянт, так і клерыкальную форму.
Заснавальнік нямецкага экзістэнцыялізму – М. Хайдэгер. Асноўная думка хайдэгераўскай канцэпцыі раскрываецца ў яго ўяўленні чалавечага існавання як зыходнага пункту асэнсавання ўсяго існага. Для філосафа важна растлумачыць не аб’ектыўны свет і яго атрыбуты – прастора, час,– а зразумець часавую і прасторавую атрыбутыку чалавечага існавання, даследаваць не безаблічнае і бяздушнае быццё, а чалавечае быццё ў гістарычных рамках часу, дзе заўсёды прысутнічае свядомасць суб’екта. Гэта быццё разгортваецца перад іншым, супрацьлеглым полюсам, выступае як напружанае чаканне смерці, у ім чалавек адчувае сябе як штосьці часовае, як тое, што можа быць заменена іншымі, тымі, хто можа гэтак жа адчуваць сябе. Усё абезаблічвае чалавека, пазбаўляе яго індывідуальнага пачатку, ператварае творчы суб’ект у сярэднестатычную адзінку. Гэтаму працэсу садзейнічае хуткі рух навукі і тэхнікі. Навукова-тэхнічны прагрэс – гэта фактар адыходу ад сапраўднай быційнасці чалавека, разбурэнне чалавечай аўтэнтычнасці.
Для таго, каб вярнуць сваю індывідуальнасць, чалавек павінен пераключыцца з навукова-тэхнічнай арыентацыі на самаарыентацыю, на сферу сваіх патрэбнасцей і жыццёвых планаў. Чалавек здольны, адчуўшы «экзістэнцыяльны страх», раскрыўшы страшную перспектыву смерці, вярнуцца да самога сябе, адчуць сапраўднасць сваёй жыццядзейнасці. А гэта значыць, што, гледзячы ў вочы смерці, падыходзіць да той грані, якая адкрывае перад чалавекам звышзадачу – навучыцца правільна думаць аб жыцці і смерці.
Задача новай філасофіі – крытыка тэхнакратызму, які вядзе да няшчаднай эксплуатацыі прыроды, дэперсаналізацыі чалавечай асобы, выпрацоўкі новай формы «мовы–думкі». Пры гэтым неабходна адмовіцца ад традыцыйных філасофскіх паняццяў «чалавек», «асоба», «рэчаіснасць», «дух», «пазнанне» і інш. як ад марных, беззмястоўных і бессэнсоўных. Неабходна акунуцца ў шматзначнасць слоўнай стыхіі і працаваць над стварэннем новай мовы. Практычна, паняцце «чалавек» Хайдэгер замяняе расплыўчатым словам-сімвалам «Dasein» (быццё, якое ёсць быццё, існаванне), яно становіцца цэнтральным паняццем зноў створанай моўнай канструкцыі ў філасофіі.
Яго міфапаэтычная інтэрпрэтацыя раскрыцця цэласнасці чалавечага існавання паставіла важную метадалагічную праблему, на першы погляд не патрабуючую новай аргументацыі. Хайдэгер крытыкуе думку аб тым, быццам бы чалавеку вядома, што такое шчасце, воля, жыццё, мараль і г. д. За знешняй даступнасцю і аксіяматычнасцю гэтых тэрмінаў схаваны глыбокі пласт незразумелага, дзіўнага і таямнічага. Таму, лічыў ён, неабходна разбудзіць цікавасць да разумення сэнсу гэтых пытанняў, раскрыць, у якой ступені могуць быць пазнаны існаванне, свабода, маральныя нормы і г. д. Гэтым і павінна займацца філасофія, якая свядома абмяжоўвае свае інтарэсы сферай пазнання сэнсу чалавечага быцця.
На яго погляд, «філасофія ніколі не зможа непасрэдна надаваць сілы ці ствараць формы дзеяння і ўмовы, якія выклікаюць гістарычнае дзеянне». Значэнне філасофскіх ведаў заключаецца ў тым, што «яны забяспечваюць для новага чалавецтва неабходную метафізічную кампетэнтнасць, санкцыю на ахоп цэлага». У сваю чаргу, цэласнасць экзістэнцыі, сапраўднасць чалавечага існавання вызначаюцца, паводле Хайдэгера, не становішчам чалавека ў сістэме сацыяльных адносінаў і звязанымі з гэтым становішчам перажываннямі, а ўсведамленнем адчайна трагічнай сутнасці жыцця. Вось чаму песімізмам пранізана разуменне гэтым філосафам праблемы чалавека, скептыцызм і бязвыхаднасць праглядваюць у яго ацэнках сучаснай эпохі.
Тэму экзістэнцыяльнага статусу чалавека развіваў сучаснік Хайдэгера – К. Ясперс. Ён таксама лічыў, што навука не можа станоўча адказаць на пытанне: хто мы? І хоць межы навукі ўвесь час пашыраюцца, яна не можа пранікнуць у тайну жыцця, таму што сама з’яўляецца часткай гэтага жыцця. Навука дае чалавеку арыентацыю, а не сапраўдныя веды і ісціну. Філасофія ж ідзе далей за навуку, бо яна імкнецца разгадаць тайныя шыфры жыцця, зразумець знакі быцця, інтуітыўна ўспрыняць скрыты сэнс сімвалаў свету. Спрабуючы пранікнуць у сутнасць экзістэнцыі, яна сутыкаецца з тым, што не паддаецца рацыянальнаму асэнсаванню, якое ўспрымаецца як звышнатуральная знешняя сіла, як штосьці трансцэндэнтнае. Філасофстваванне вядзе да расшыфроўкі ірацыянальнага сэнсу жыцця. Сапраўдная самасць чалавека, яго экзістэнцыя раскрываюцца толькі ў трансцэндзіраванні чалавекам сваіх адносінаў да іншых людзей, г. зн. рэалізуючы магчымасці працэсу камунікацыі.
Будучы суб’ектамі камунікацыі, людзі выконваюць пэўныя ролі, якія да таго ж пастаянна змяняюцца: муж, бацька, балельшчык, клерк, амерыканец і г. д. У адрозненне ад сапраўднага тэатра ўсе адначасова з’яўляюцца не толькі акцёрамі, але і гледачамі, і драматургамі, і сцэнарыстами, і нават рэжысёрамі. Аднак галоўная роля належыць Богу, Ён з’яўляецца «галоўным рэжысёрам» чалавечага тэатра. Вось чаму ўсе формы адносінаў, якія існуюць у свеце, усе аб’яднанні, у якія ўступае чалавек, ілюзорныя, яны заснаваны на падманных прынцыпах бачнай камунікацыі, фанатычнай веры ў тую ці іншую ідэю. Менавіта такім аб’яднаннем, паводле Ясперса, і была нацыянал-сацыялістычная партыя ў Германіі. Чалавек толькі імкнецца ў камунікацыі расшыфраваць замысел «галоўнага рэжысёра», але ён асуджаны заўсёды выконваць ролю марыянеткі ў руках Бога. Зварот да Бога, вера ў Яго, сувязь з Ім, прычым асабістая, а не калектыўная. Гэтыя палажэнні Ясперса характарызуюць яго як прыхільніка пратэстанцкага веравучэння, а яго вучэнне – як разнавіднасць хрысціянскага экзістэнцыялізму.
Такім чынам, нямецкі экзістэнцыялізм прадстаўлены як атэістычнай пазіцыяй Хайдэгера, так і рэлігійнай, звязанай з пратэстантызмам Ясперса. Нягледзячы на разыходжанне ідэй і некаторых вывадаў, сутнасць гэтых філасофскіх канцэпцый адзіная: свет чалавека пазнаецца толькі ў ірацыянальным акце асабістай адкрытасці і не належыць навуковай рэфлексіі.
Французскі экзістэнцыялізм прадстаўлены канцэпцыяй Г. Марселя ў яго каталіцкім варыянце, атэістычнай пазіцыяй Ж. П. Сартра, А. Камю, С. дэ Бавуар. Само існаванне чалавека ў свеце Марсель інтэрпрэтуе як сувязь «Я» і «другога Я», а не як сувязь з чужым, безаблічным «Ты». Адносіны да іншага – гэта «інтэрсуб’ектыўнасць», саўдзельніцтва ў жыцці іншага, любоў да яго. Для Марселя існаваць – значыць быць любімым. Рэалізацыя чалавечых адносінаў, ці інтэрсуб’ектыўнасці, – працэс супярэчлівы. Чалавек уступае ў жыццё з верай у чалавека і дабро. Але на жыццёвым шляху яго чакаюць расчараванні, яго вера бывае падманута «іншым Я». У гэтай сітуацыі чалавек нечакана можа выявіць сваё непатрэбства, пакуту, асуджанасць на самоту. Выйсце з гэтай трагічнай сітуацыі – надзея.
Яна – асаблівы этап інтэрсуб’ектыўнасці, адзіны лек у бязмежным акіяне адзіноты. Але і надзеі могуць разбурыцца, і яны могуць аказацца ўсяго толькі чарговым міражом. Перажываючы крах надзеі, чалавек зноў трапляе ў адзіноту. Ніводнае грамадства не бароніць чалавека ад расчараванняў у людзях, ад паняверкі, зневажэння веры і страты надзеі. Сучасная цывілізацыя ставіць у катастрафічна няшчаснае становішча, з якога не заўсёды можна знайсці патрэбнае выйсце. Развіццё навукі і тэхнікі не здольна зрабіць індывіда шчаслівым, а, наадварот, узмацняе трагізм яго становішча ў свеце. Гэта вядзе, з аднаго боку, да бязмежнай пагоні за багаццем і жыццёвымі ўцехамі, а з другога – ператварае чалавека ў рэч, з функцыяй вялізнага бяздушнага механізму. Рэальнага выхаду з гэтага крызісу няма, чалавек не здольны змяніць свет, у якім жыве, пераадолець адчужанасць, рэалізаваць прынцып любові да бліжняга і стварыць умовы для сапраўднага чалавечага існавання.
У гэтай сітуацыі, лічыў Марсель, застаецца адзіна суцяшэнне – уцёкі ад грамадства, адыход ад людзей і вяртанне да Бога, гэтаму найвышэйшаму «Ты». Бог выступае адзіным сродкам для асабістага выратавання, ён ніколі не падмане, і вера ў Бога і надзея на Бога ніколі не могуць быць зняважанымі. Любоў да Бога, якая ўвасабляе вечную веру і вечную надзею, ёсць вышэйшы этап інтэрсуб’ектыўнасці, дзе чалавек толькі і здольны зразумець сваю сутнасць, раскрыць усю веліч веры, надзеі і любові. Рэальнае быццё экзістэнцыі развіваецца ад вернасці сабе, іншым, свету– да вернасці Богу. Толькі рэлігія з’яўляецца панацэяй ад усіх бед, толькі вера можа выратаваць свет ад пагібелі і разбурэння. Сацыяльны сэнс філасофіі Марселя – не ў пераадоленні рэальных прычын крызісу, а ў пераадоленні адчаю з дапамогай веры.
Асноўнае прызначэнне філасофіі, паводле Сартра, – раскрыць індывіду яго асабістыя магчымасці, дапамагчы яму здабыць сапраўдную свабоду, стаць будаўніком свайго лёсу. На шляху да свабоды ўзнікаюць невырашальныя супярэчнасці, і абумоўлены яны дзвюма прычынамі. Першая звязана з «фактычнасцю» чалавечага існавання: чалавек смяротны па сваёй прыродзе, і імкненне рэалізаваць сваю свабоду ў канчатковым выніку становіцца абсурдным перад тварам немінучай смерці. Другая прычына вынікае з сацыяльнага характару быцця чалавека – сумеснага быцця з іншымі людзьмі. Менавіта гэта акалічнасць вядзе да змянення сапраўднай экзістэнцыі, фарміруе непераадольную перашкоду для рэалізацыі асабістай волі, абумоўлівае супярэчнасць, якую нічым нельга скасаваць. Сутнасць супярэчнасці заключаецца ў тым, што, усвядоміўшы сваю волю, адчуваючы сябе такім, чалавек адначасна выступае і як вольны суб’ект, і як аб’ект (рэч, прадмет) для мыслення іншага суб’екта. Сартр скарыстаў гегелеўскую мадэль «панскай і рабскай» свядомасці (у якасці суб’екта чалавек–пан, у якасці аб’екта, быцця, для іншага ён – раб). Аўтар лічыць гэту супярэчнасць непераадольным антаганізмам, які ўзмацняецца імкненнем чалавека як мага хутчэй дасягнуць поўнай свабоды.
Згодна з прыродай, чалавек павінен быць свабодным, аднак імкненне рэалізаваць сваю прыроду, жаданне стаць «звышчалавекам» прынцыпова неажыццявіма. Экзістэнцыяльнае ўсведамленне гэтага характарызуецца Сартрам як «няшчасце», а само быццё чалавека ёсць ланцуг неажыццявімых жаданяў, імкненняў да ілюзорных мэт, якія суправаджаюцца расчараваннем і крахам няздзейсненых надзей. Таму ён вызначаў існаванне чалавека як «бясплённае». Грамадства, іншыя людзі, на думку Сартра, абмяжоўваюць волю індывідуума, яго свабоду, робяць чалавека канфармістам, фарміруюць спосабы і формы рэалізацыі асобных імкненняў, інтарэсаў і захапленняў, пазбаўляюць экзістэнцыю ад аўтэнтычнасці, вядуць да непраўдзівасці ўсяго яго быцця. Адзіная магчымасць адчуваць свабоду адкрываецца ў дзеяннях, якія носяць непасрэдны, імпульсіўны характар і не маюць у якасці свайго матыву альбо стымула ніякіх знешніх умоў.
Канцэпцыя экзістэнцыялізму вядзе да поўнай маральнай дэзарыентацыі сучаснага чалавека. Погляды Сартра паслужылі асновай для распрацоўкі такога напрамку сучаснай заходняй філасофіі, як «негатыўная дыялектыка» (Т. Адарно). Даючы ацэнку вынікам сваіх філасофскіх пошукаў у рэчышчы экзістэнцыялізму, філосаф прыйшоў да высновы аб безвыніковасці зробленых спроб разабрацца ў сутнасці чалавечага быцця.
У цэлым філасофія экзістэнцыялізму, дэманструючы карціну супярэчнасцей, застаецца адным з найбольш папулярных філасофскіх напрамкаў сучаснасці. Гэтаму садзейнічае шэраг абставінаў. Экзістэнцыялісцкая праблематыка сугучна масавай псіхалогіі сучаснага грамадства з яго адчуваннем катастрофы і ўсеагульнага крызісу, страха перад тварам экалагічных праблем, войнаў, палітычных пераваротаў, эканамічнай нестабільнасці і г. д. Экзістэнцыялізм свабодны ад уласцівых некаторым філасофскім вучэнням ілюзій аб магчымасці бяскрызіснага развіцця грамадства. Усяляк падкрэсліваецца татальнасць крызісных з’яў, а грамадства характырызуецца як «хворае», якое непазбежна ідзе да пагібелі, а чалавек – жыве як на краі бездані. У цэнтры ўвагі знаходзіцца праблема ўнутранага свету чалавека, яго надзеі, турботы, расчараванні, што само па сабе імпануе масавай будзённай свядомасці, светаадчуванню. Філасофская дактрына экзістэнцыялізму мае ярка выражаную этычную афарбоўку, што таксама робіць яе больш прывабнай у супастаўленні з абстрактнымі філасофскімі канструкцыямі, уласцівымі некаторым сучасным філасофскім школам. Ідэі экзістэнцыялісцкай філасофіі выказаны не толькі ў навуковых артыкулах і манаграфіях, але і прадстаўлены ў раманах, драматычных творах г. Марселя, А. Камю, Ж. П. Сартра, што робіць іх даступнымі не толькі для філосафаў-прафесіяналаў, але і для шырокага кола чытачоў.
Дамінуючай тэндэнцыяй развіцця заходняй філасофіі ў сучасную эпоху з’яўляецца ўзмацненне яе ірацыяналістычнай скіраванасці. Пацвярджэннем гэтаму служаць такія філасофскія плыні, як крытычны рацыяналізм, структуралізм, герменеўтыка.
Крытычны рацыяналізм (Э. Агацці, К. Попер, И. Лакатос, П. Фейерабенд, Д. Уоткінс і інш.) – прадукт распаду неапазітывісцкай традыцыі. Заснавальнік гэтага кірунку – К. Попер – першапачаткова падаваў сваю канцэпцыю як вучэнне аб метадах навуковага пазнання, а потым назваў яе «крытычным рацыяналізмам». Прызнаючы прынцыповую немагчымасць авалодання ісцінай, «крытычныя рацыяналісты» прапануюць гэтым тэрмінам абазначыць недасягальны ідэал, а для характарыстыкі навуковых вынікаў выкарыстоўваць тэрмін «праўдападобнасць». Праўдападобнасць ёсць набліжанасць да ісціны, яе падабенства і непаўнацэнная замена. Пошук праўдападобнага і ёсць тое, на што можа прэтэндаваць навука. У гэтым прадстаўнікі «крытычнага рацыяналізму» бачаць рэалізм асабістай пазіцыі, у адрозненне, як яны лічаць, ад утапічнай пазіцыі марксістаў, якія прызнаюць аб’ектыўны характар ісціны.
Аднак «крытыцызм», як высветлілася, мае досыць вузкае поле прымянення і вызначае толькі тэндэнцыю да пастаяннай замены адной тэорыі іншымі. Перанесены ў сферу грамадскай практыкі, ён праяўляе сваю абмежаванасць, таму што сацыяльныя праблемы і канфлікты, аказваецца, далёка не заўсёды могуць быць вырашаны толькі шляхам дыскусій, абмеркаванняў і пошуку тэарэтычнага кансенсусу.
Структуралізм (К. Леві-Строс, Ж. Лакан) – канкрэтна-навуковая метадалагічная арыентацыя, узнікла ў 20–30-я гады ХХ ст. у Францыі. У якасці задачы навуковага даследавання вылучыла выяўленні структуры аб’ектаў. Структуралізм узнік у пачатку ХХ ст. У шэрагу гуманітарных дысцыплін (літаратуразнаўства, псіхалогія, лінгвістыка і інш.) як рэакцыя на плоскі эвалюцыянізм пазітыўнага сэнсу. Ён выкарыстоўвае структурныя метады даследавання, распрацаваныя ў матэматыцы, фізіцы і іншых прыродазнаўчых навуках. Для структуралізму характэрна: паглыбленая ўвага да апісання актуальнага стану даследуемых аб’ектаў, высвятленню ўнутрана ўласцівых ім пазачасавых уласцівасцей, імкненне да дакладнага адрознення даследуемых аб’ектаў і доследных сродкаў і адпаведна адмова ад прыярытэту ізаляваных фактаў і фіксаванне адносінаў паміж фактамі і фіксаванне адносінаў паміж фактамі ці элементамі вывучаемай сістэмы. Пры вывучэнні аб’екта структуралізм лічыць рух ад пярвічнай арганізацыі назіраемых фактаў у рамках даследчай задачы да выяўлення і апісання ўнутранай структуры аб’екта і далей, да стварэння тэарэтычнай мадэлі аб’екта з яе інтэрпрэтацыяй у даследуемым матэрыяле. На развіццё структуралізму паўплывала наступнае: стварэнне семіётыкі, ідэі Ф. Сасюра ў лінгвістыцы, Леві-Строса ў этыялогіі, Л. С. Выгогскага і Піяжэ ў псіхалогіі, а таксама распрацоўка металогікі і матэматыкі (Фрэге, Гільберт).
Ідэі структуралізму адыгрываюць пэўную метадалагічную ролю ў аб’яднанні міждысцыплінарных даследаванняў з’яў культуры, у збліжэнні гуманітарных і прыродазнаўчых навук пры захаванні іх спецыфікі.
Структуралізм займаецца не толькі пытаннямі разумення (пазнання), але і праблемамі «будовы» аб’ектаў пазнання – грамадства на тым ці іншым этапе, культуры, навуковай тэорыі, міфа і г. д. Свет паўстае перад структуралізмам як своеасаблівая іерархія структур. Адны з іх – базавыя, глыбінныя (напрыклад, структура роднасці), іншыя – вытворчыя,якія ўзнаўляюць іх у сімвалічнай форме (напрыклад, структура міфа). У межах кожнай са структур можна вызначыць і воблік іх элементаў (называных «індывідамі»), і тэндэнцыі іх сувязей паміж сабой, і напрамак іх эвалюцыі.
У своечасовай заходняй сацыялогіі адрозніваюцца два асноўныя падыходы да даследавання грамадства. Прадстаўнікі аднаго з іх засяроджваюць сваю ўвагу на разглядзе агульных праблем, распрацоўцы канцэпцый, якія ахопліваюць грамадства ў цэлым, агульных прынцыпаў яго функцыянавання і развіцця. Прадстаўнікі другога займаюцца даследаваннем асобных лакальных сфер грамадскага жыцця, той ці іншай спецыяльнай галіны – сацыяльнай структуры, сацыяльнага планавання, палітычных адносін, сям’і, занятасці людзей, вольнага часу, спорту і г. д. Першы напрамак уяўляе сабой філасофію гісторыі, другі – эмпірычную сацыялогію.
Аднак шырокае распаўсюджанне структурных метадаў у розных сферах ведаў спарадзіла спробы, ігнаруючыя пазнавальныя межы, якія ўласцівы структуралізму, як і ўсякай канкрэтна-навуковай, ? з’яўляюцца не правамернымі. Антыгістарычнаму падыходу да паняцця структуры, адмаўленню ўнутраных супярэчнасцей як крыніцы развіцця і змянення структур аб’ектаў дыялектыка проціпастаўляе прынцыпы дыялектычнага аналізу.
Заснавальнікамі сучаснай філасофскай герменеўтыкі (тлумачальны) з’яўляюцца нямецкія філосафы Ф. Шлейермахер (1768–1834), В. Дыльтэй (1833–1911), Э. Гусерль (1859–1938), М. Хайдэгер (1889–1976). Герменеўтыка разглядаецца як метад «уключэння» ў пазіцыі аўтара таго ці іншага тэксту, што дае магчымасць узнаўляць карціны, апісаныя ў ёй, з такой жа ступенню дакладнасці, як гэта ўяўлялася сведкам падзей, як майстэрства разумення пісьмова зафіксаваных жыццёвых з’яў. Рух па герменеўтычным кругу азначае бясконцы працэс узнікнення і вырашэння супярэчнасцей пазнання.
Уводзіцца паняцце жыццёвага свету, асабовага кантэксту культуры, у якім толькі і можна зразумець той ці іншы помнік, той ці іншы тэкст аўтара. Жыццёвы свет уяўляецца як моўнае асяроддзе, якое адкрывае даследчыку пэўны гарызонт разумення. Быццё культуры выражаецца ў моўнай форме, і задача навукі, якая пазнае быццё культуры, заключаецца ў пошуках дакладнага шыфру да тлумачэння моўных сімвалаў. З’яўляючыся сродкам перадачы вопыту ад пакалення да пакалення, мова садзейнічае культурнай традыцыі, а дыялог паміж традыцыямі ёсць пошук агульнай мовы. Ён набывае значэнне асаблівай рэальнасці, ўнутры якой індывід усведамляе сябе і якую нельга ахапіць знешнімі ў адносінах да яе ці суб’екта сродкамі. Паколькі слова шматзначнае, пастолькі важна ўстанавіць яго адэкватнае значэнне. У гэтым і бачыцца задача герменеўтычнай філасофіі.
Праблемы, пастаўленыя філасофскай герменеўтыкай, – прадразуменне, інтуіцыя, прадпасылачнае пазнанне, інтэрпрэтацыя і інш. – важнейшыя пытанні тэарэтыка-пазнавальнай дзейнасці. Аднак прэтэнзія герменеўтыкі выступіць не проста ў форме аднаго з метадаў, а ў якасці «універсальнай філасофіі» з’явілася звышзадачай, якую нельга выканаць.