![](/user_photo/2706_HbeT2.jpg)
- •Вучэбны дапаможнік
- •Прадмова
- •УВодзіны
- •Філасофія і жыццёвы свет чалавека
- •ТЭма 1 фІлАсофІя Як сацЫЯкультурны феномен
- •1 Праблема вызначэння філасофіі. Светапогляд і філасофія 1.1 .1. Праблема вызначэння філасофіі. Светапогляд і філасофія
- •1.2. Спецыфіка праблемнага поля класічнай філасофіі. Прадмет філасофіі і яго гістарычная дынаміка
- •1.3. Функцыі філасофіі
- •ТЭма 2 Гістарычныя тыпы класічнай філасофіі
- •2 Станаўленне філасофіі ў культуры старажытных цывілізацый Усходу 2.1 .1. Станаўленне філасофіі ў культуры старажытных цывілізацый Усходу
- •2 Спецыфіка філасофскай традыцыі старажытнай Індыі, яе культурна-светапоглядныя асновы .2. Спецыфіка філасофскай традыцыі старажытнай Індыі, яе культурна-светапоглядныя асновы
- •2 Асаблівасці філасофскай думкі старажытнага Кітая, яе рацыянальна-прагматычны кірунак .3. Асаблівасці філасофскай думкі старажытнага Кітая, яе рацыянальна-прагматычны кірунак
- •2.4. Характар старажытнагрэчаскай цывілізацыі і асаблівасці антычнай філасофскай традыцыі
- •2 Філасофія і рэлігія. Статус і функцыі філасофіі ў сярэднявечнай еўрапейскай культуры 2.5 .5. Філасофія і рэлігія. Статус і функцыі філасофіі ў сярэднявечнай еўрапейскай культуры
- •2 Філасофія і навука: праблема самавызначэння філасофіі ў новаеўрапейскай культуры 2.6 .6. Філасофія і навука: праблема самавызначэння філасофіі ў новаеўрапейскай культуры
- •2.7. Сацыяльна-гістарычныя і светапоглядныя асновы філасофскай думкі эпохі Асветніцтва
- •2 Нямецкая класічная філасофія і яе роля ў развіцці еўрапейскай філасофскай традыцыі .8. Нямецкая класічная філасофія і яе роля ў развіцці еўрапейскай філасофскай традыцыі
- •ТэМа 3 Станаўленне і асноўныя стратэгіі развіцця посткласічнай філасофіі
- •3.1. Крытыка філасофскай класікі і рацыяналізацыя філасофіі ў творчасці а. Шапенгауэра, с. К’еркегара, ф. Ніцшэ
- •3 Трансфармацыя традыцый класічнай філасофскай спадчыны ў марксізме 3.2 .2. Трансфармацыя традыцый класічнай філасофскай спадчыны ў марксізме
- •3.3. Асноўныя гістарычныя формы пазітывісцкай філасофіі
- •Тэма 4 Філасофія і нацыянальная самасвядомасць. Філасофская думка беларусі. Руская філасофія
- •4.1. Філасофская думка Беларусі
- •Тэма 5 Метафізіка і анталогія
- •5 Катэгорыя «быццё» як пачатак філасофскага аналізу рэчаіснасці .1. Катэгорыя «быццё» як пачатак філасофскага аналізу рэчаіснасці
- •5 5.2 .2. Паняцце субстанцыі. Манізм і дуалізм
- •5.3. Катэгорыя матэрыі. Эвалюцыя поглядаў на матэрыю ў гісторыі філасофіі
- •5 Паняцце руху. Рух і развіццё 5.4 .4. Паняцце руху.Рух і развіццё
- •5.5. Прастора і час як формы быцця матэрыі
- •5.6. Ідэя адзінства свету
- •5.7. Дыялектыка як філасофская тэорыя развіцця, яе прынцыпы, законы і катэгорыі
- •Тэма 6 Філасофія прыроды
- •6 Паняцце прыроды 6.1 .1. Паняцце прыроды
- •ТЭма 7 Праблема чалавека ў філасофіі і навуцы
- •7.1. Праблема сутнасці чалавека ў гісторыі чалавецтва
- •7.2. Дыялектыка асобы і грамадства
- •7.3. Свабода як вышэйшая каштоўнасць быцця асобы
- •7 Жыццё, смерць, бяссмерце ў духоўным вопыце сучаснага чалавецтва 7.4 .4. Жыццё, смерць, бяссмерце ў духоўным вопыце сучаснага чалавецтва
- •7.5. Каштоўнасці і іх роля ў жыцці чалавека
- •ТЭма 8 Свядомасць чалавека як прадмет філасофскага аналізу
- •8 Праблема свядомасці і асноўныя традыцыі яе аналізу ў класічнай філасофіі 8.1 .1. Праблема свядомасці і асноўныя традыцыі яе аналізу ў класічнай філасофіі
- •8 Адлюстравальна-інфармацыйная і сацыяльная прырода свядомасці 8.2 .2. Адлюстравальна-інфармацыйная і сацыяльная прырода свядомасці
- •8.3. Актыўна-творчы характар свядомасці. Свядомасць і самасвядомасць
- •8.4. Грамадская і індывідуальная свядомасць
- •Тэма 9 паЗнаНне як каштоўнасць культуры і прадмет філасофскага аналізу
- •9.1. Спецыфіка пазнавальных адносін чалавека да свету і разнастайнасць філасофскага пазнання
- •9 Суб’ект і аб’ект пазнання. Формы пачуццёвага і рацыянальнага пазнання 9.2 .2. Суб’ект і аб’ект пазнання. Формы пачуццёвага і рацыянальнага пазнання
- •9 Ісціна як аснова, мэта пазнання. Крытэрый ісціны .3. Ісціна як аснова, мэта пазнання. Крытэрый ісціны
- •9 Метады і формы навуковага пазнання .4. Метады і формы навуковага пазнання
- •9 9.5 .5. Формы ненавуковага пазнання
- •Формы ненавуковага пазнання
- •ТэМа 10 Навука, яе кагнітыўны і сацыякультурны статус
- •11.2. Паняцце сацыяльнай рэальнасці. Грамадства як сістэма
- •Паняцце сацыяльнай рэальнасці. Грамадства як сістэма
- •11.3. Паняцце дзейнасці і грамадскіх адносінаў
- •Паняцце дзейнасці і грамадскіх адносінаў
- •Падсістэмы грамадства 11.4
- •11.5. Сацыяльная падсістэма
- •1 11.6 1.6. Палітычная падсістэма
- •11.7. Духоўная падсістэма
- •Тэма 12 АсноЎныя прАблемы пАлІтычнАй фІлАсофІі
- •12.1. Феномен улады ў жыцці грамадства
- •12.2. Палітычная ўлада і сацыяльны інтарэс
- •1 12.3 Дзяржава і грамадзянскае грамадства 2.3. Дзяржава і грамадзянскае грамадства
- •12.4. Палітыка і права. Канцэпцыя прававой дзяржавы
- •12.4 Палітыка і права. Канцэпцыя прававой дзяржавы
- •Тэма 13 філасофскія праблемы сацыяльнай дынамікі
- •13.1. Грамадства як сістэма, што развіваецца
- •1 13.2 Крыніцы і рухаючыя сілы развіцця грамадства 3.2. Крыніцы і рухаючыя сілы развіцця грамадства
- •Тэма 14 ФіЛаСоФіЯ культуры
- •14.1 Паняцце культуры
- •14.1. Паняцце культуры
- •14.2. Традыцыі і навацыі ў дынаміцы культуры
- •Заключэнне Філасофія і каштоЎнасныя прыярытэты ў культуры XXI ст.
7.2. Дыялектыка асобы і грамадства
Дыялектыка асобы і грамадства
7.2
Адносіны індывіда і грамадства можна зразумець толькі пры гістарычным падыходзе да гэтай праблемы. Узнікненне асобы было абумоўлена змяненнем сувязі паміж індывідам і супольнасцю. Калі аб,яднанне індывідаў ва ўсіх галінах жыцця выступала як неабходная ўмова існавання іх як супольнасці, то адрозненне, якое ўзнікла ў выніку прагрэсу прадукцыйных сіл, паміж індывідуальным і грамадскім жыццём, стала важным фактарам далейшага развіцця грамадства і саміх індывідаў.
Тып сувязі і адносін паміж асобай і грамадствам залежыць ад формы грамадскага парадку. Асновай перыядызацыі формаў сацыяльнага парадку ў марксізме з’яўляецца вучэнне аб грамадска-эканамічных фармацыях. К. Маркс выдзеліў тры асноўныя перыяды чалавечай тэорыі: дакапіталістычны, капіталістычны і камуністычны. У аснове гэтай перыядызацыі – адносіны спосабу вытворчасці да чалавека, яго развіцця. Гэта перыядызацыя адлюстроўвае спіралепадобны характар чалавечай гісторыі: з’яўленне грамадскага чалавека, страта чалавекам сябе (адмаўленне) і вяртанне яго да самога сябе на якасна новай ступені грамадскага развіцця (адмаўленне адмаўлення). Кожная ступень сацыяльна-гістарычнага развіцця звязана з пэўным развіццём прадукцыйных сіл, абумоўленым гістарычным працэсам. Што ўяўляюць сабой індывіды, – гэта залежыць, як відаць, ад матэрыяльных умоў іх вытворчасці.
Хоць першабытная абшчына, рабства, феадалізм уяўляюць сабой розныя сацыяльна-гістарычныя ўтварэнні, іх матэрыяльная вытворчасць мае агульную аснову, якая заключаецца ў тым, што спажывецкая вартасць адыгрывае ў іх галоўную, а менавая – пабочную ролю. Эканамічнай мэтай тут з’яўляецца атрыманне спажывецкіх вартасцей, узнаўленне індывіда. Кожная форма натуральнага багацця, пакуль яно не заменена менавай вартасцю, мяркуе істотныя адносіны індывіда да прадмета, так што індывід з аднаго са сваіх бакоў сам арэчаўлівае сябе ў прадмеце, і яго валоданне прадметам выступае разам з тым як пэўнае развіццё індывідуальнасці.
Капіталістычная вытворчасць з’яўляецца на аснове параўнальна высокага ўзроўню развіцця прадукцыйных сіл. Гэты ўзровень характарызуюць адносіны асабістай незалежнасці індывідаў, заснаваныя на рэчавай залежнасці. Мэтай грамадскай вытворчасці пры капіталізме становіцца не спажывецкая, а менавая вартасць, г. зн. не чалавек, а багацце само па сабе.
Ва ўмовах прыватнай уласнасці і капіталістычнага раздзялення працы «асобасныя адносіны чалавека з грамадствам падмяняюцца рэчавымі адносінамі. Рэчавыя адносіны, рэчавасць актыўна супрацьстаяць асобе і ўсяму, што з ёю звязана, усяму працэсу духоўнай творчасці».
У выніку сутнасныя сілы – не ў самім чалавеку, а «па-за»: «адзінства розных відаў працы і іх узаемная дапаўняемасць існуюць па-за індывідамі і незалежна ад іх, так, як бы гэта было адзінства, і гэта ўзаемная дапаўняемасць былі нейкімі прыроднымі адносінамі». Узнікаючая пры гэтым рэчавая сувязь, адчуджанасць «даказваюць толькі тое, што людзі яшчэ знаходзяцца ў працэсе стварэння ўмоў свайго сацыяльнага жыцця...».
Сёння досыць глыбока ўсведамляецца , што на працягу многіх дзесяцігоддзяў панавання савецкай улады ў тэорыі і практыцы выхавання і адукацыі, як і ў самім грамадскім жыцці, чалавек разглядаўся і ацэньваўся аднабакова, галоўным чынам як сродак вырашэння грамадскіх задач, але не як мэта грамадскага развіцця. Ва ўмовах празмернай заарганізаванасці, росквіту бюракратызму і фармалізму, слабага праяўлення дэмакратыі члены нашага грамадства, паводле слоў К. Маркса, былі раздзелены фактычна на тых, хто кіруе, і тых, кім кіруюць. Працоўныя, будучы аддаленымі ад рэальнага валодання сродкамі вытворчасці, а, значыць, сапраўднага кіравання дзяржаўнымі і грамадскімі справамі, аказаліся не творцамі, а як бы саўдзельнікамі эканамічных, сацыяльных, палітычных і ідэалагічных працэсаў, увасабляемых толькі бюракратыяй. У выніку і ў тэорыі запанавалі пагардлівыя адносіны да патрэб і інтарэсаў чалавека, яго жыцця, духоўнага свету, што прывяло да развіцця сацыяльнай інерцыі ў шырокіх масах, палітычнай індэферэнтнасці, зніжэння маральнага ўзроўню нашага грамадства ў цэлым.
Нівеліроўка асобы стала, па сутнасці, дамінуючай у тэорыі і практыцы выхавання. Упор рабіўся на ідэальную мадэль савецкага чалавека, фактычна адарваную ад рэчаіснасці, якая не адлюстроўвала рэальнай супярэчлівасці яго жыццядзейнасці, духоўнага свету, маральнага вобліку. Філосафы, псіхолагі, педагогі нямала папрацавалі над тым, каб пазітыўныя бакі фарміравання асобы ў нашым грамадстве прадставіць у гіпертрафіраваным выглядзе. Яны дзейнічалі паводе ўказанняў кіруючых камандна-бюракратычных вярхоў, стваралі падманнае ўяўленне аб рэальным вобліку савецкага чалавека. Дагматычны стыль мыслення, няздатнасць паслядоўна выкарыстоўваць дыялектычны метад пазнання чалавека як цэласнасці ў кантэксце грамадскага жыцця з уласцівымі яму супярэчнасцямі, арыентацыя на ідэалагічныя ўстаноўкі, якія насілі суб’ектывісцкі характар, перашкаджалі вывучэнню праблем грамадскага выхавання ў адзінстве новага і старога, якое нараджаецца і адмірае, свядомага і стыхійнага, асэнсаванню прычын сацыяльна актыўных і сацыяльна пасіўных, антыграмадскіх дзеянняў, разрыву паміж словам і справай і г. д. Даволі рэдкімі былі публікацыі, у якіх ставіліся і разглядаліся пытанні пра «ценявыя» бакі жыццядзейнасці чалавека ў нашым грамадстве, з’явах і прычынах упадку, распаду, дэградацыі пэўнай часткі сацыяльных груп і некаторых асоб.
У часы застою не закраналіся пытанні даследавання супярэчнасцей паміж грамадствам і асобай, аднабокасці духоўнага развіцця асобы, яе выхавання. Крайне рэдка вывучаліся праблемы ўзгодненасці ці бязладдзя грамадскіх і асабістых інтарэсаў, цэнасных арыентацый, мэт, задач грамадства, з аднаго боку, і асобы – з другога, абмежаваных магчымасцей свабоднага праяўлення сутнасных сіл чалавека ў працоўнай дзейнасці. Не асвятляліся праблемы супярэчліага адзінства выхавання і самавыхавання, унутраных рознагалоссяў у складзенай практыцы выхавання і інш. У выніку ва ўяўленнях пра савецкага чалавека і яго жыццёвых чаканняў вызначылася забяганне наперад, выдача жадаемага за сапраўднае ў рэальных выніках выхавання, асабліва моладзі, штучнае праецыраванне ўласна камуністычных мэт і ідэалаў на існуючую рэчаіснасць. Такія даследаванні фактычна не выконвалі сваю канструктыўную выхаваўчую ролю, не выступалі ў якасці дзейсных сацыяльных арыенціраў. Больш таго, гэта адмоўна паўплывала на фарміраванне свядомасці савецкіх людзей, выпрацоўку іх жыццёвых арыентацый на сацыяльна актыўную дзейнасць, грамадзянскую пазіцыю, агульначалавечыя нормы маралі.
Аб’ектыўнай асновай, якая вызначае характар грамадскіх адносін, з’яўляецца існуючая ў грамадстве сістэма раздзялення працы. Грамадскае раздзяленне працы рэалізуецца ў пэўнай сацыяльнай структуры, сістэме класаў, сацыяльных груп, якія займаюцца рознымі відамі дзейнасці. На ўзроўні гістарычных супольнасцей людзей складваецца гістарычна канкрэтная сістэма грамадскіх адносін, заснаваных на аб’ектыўна неабходнай залежнасці індывідаў, праца паміж якімі раздзелена. Адрозненні індывідаў, іх патрэб, умоў працы ўтвараюць «матыў» для ўстанаўлення паміж імі грамадскіх адносін.
Такія адносіны ствараюцца не асобнымі індывідамі, а сацыяльнымі групамі і выступаюць як апасродкаваныя сувязі паміж людзьмі. Яны не супадаюць з дзеяннямі некаторых асоб, а «складаюцца» ва ўзаемадзеянні многіх індывідаў, разглядаюцца як вынік дзеючых у розных кірунках імкненняў, учынкаў і г. д.
У класавым грамадстве ў рамках раздзялення працы грамадскія адносіны – гэта не адносіны аднаго індывіда да другога, і адносіны індывідаў у іх класавай абумоўленасці. Асобны індывід з’яўляецца суб’ектам грамадскіх адносін, выступаючы толькі ў якасці сярэдняга індывіда, як прадстаўнік класа, нацыі і г. д., як выразнік сацыяльна-тыповых рыс. У гэтым сэнсе грамадскія адносіны як сувязі агульныя, сацыяльна-тыповыя – безаблічныя. Але грамадства не існуе па-за рэальнымі асобамі ва ўсёй татальнасці іх праяўлення.
Асоба ўступае ў сацыяльную сувязь не як абстрактны індывід, а ва ўсёй сваёй канкрэтнасці, непаўторнасці, як цэласная сістэма. Вытворчасць і засваенне грамадскіх адносін адбываюцца ў працэсе рэальнага жыцця канкрэтных людзей, якія ўцягваюцца «ў стасункі паміж сабой не як чыстыя Я, а як індывіды, што знаходзяцца на пэўнай ступені развіцця сваіх прадукцыйных сіл і патрэб...», як індывіды ў сваёй сацыяльнай вызначанасці. Сацыяльная вызначанасць («эканамічная маска») і адносіны, якія ўзнікаюць паміж імі на гэтай аснове,– не спараджэнне іх асабістых якасцей, а адлюстраванне асобнай сацыяльнай структуры.
Такім чынам, сацыяльная сувязь утрымлівае ў сабе як агульныя, аб’ектыўна неабходныя моманты, дзякуючы якім грамадскае жыццё набывае цэласнасць, так і моманты, якія характарызуюць яе канкрэтнасць і непасрэднасць. Суадносіны свядомасці і ўсеагульных формаў сацыяльнасці ўстанаўліваецца не непасрэдна, а праз рэальную асобу.
Разгляд асобы на ўзроўні агульных, аб’ектыўна неабходных сувязей ажыццяўляецца шляхам тэарэтычнага аднаўлення грамадства. Асобасная структура грамадства адпавядае яго сацыяльна-класавай структуры, аднак першая з’яўляецца адносна самастойнай. Сацыяльна-тыповыя асаблівасці індывіда залежаць не толькі ад яго месца ў сістэме грамадскіх адносінаў, але і ад усведамлення свайго становішча, сваёй арыентацыі. Цэнасныя пазіцыі індывіда фарміруюцца ўсёй сукупнасцю грамадскіх адносін.
Як суадносяцца асобна ўзяты індывід і ўся сукупнасць грамадскіх адносін? Грамадства і асобны чалавек не з’яўляюцца абсалютна супрацьлеглымі, паколькі індывідуальнае і родавае жыццё чалавека не разглядаюцца як штосьці адрознае, хоць па неабходнасці спосаб існавання індывідуальнага жыцця бывае альбо больш адметным, альбо больш усеагульным праяўленнем родавага жыцця.
Развіццё чалавека як прадстаўніка рода не супадае з развіццём гістарычна канкрэтных індывідаў. Далучэнне індывідаў да грамадскай сутнасці носіць сацыяльна-дыферэнцыраваны характар, залежыць ад таго, да якой сацыяльнай супольнасці яны належаць. Адрозненні паміж грамадскай сутнасцю і сацыяльна няпоўным індывідам фіксуюцца ў паняццях «частковы індывід» і «асоба».
Ці можа сутнасць грамадства непасрэдна супадаць з сутнасцю асобнага індывіда ва ўмовах сацыяльнай аднароднасці? Грамадская сутнасць выступае як аснова сутнасці індывідаў: тая сума прадукцыйных сіл, капіталаў і сацыяльных форм адносін, якую кожны індывід і кожнае пакаленне застаюць як нешта дадзенае, ёсць рэальная аснова таго, што філосафы ўяўлялі сабе ў выглядзе «субсідыі» і ў выглядзе «сутнасці чалавека». Далучаючыся да грамадскай сутнасці, індывіды адрозніваюць яе. Думаць інакш – значыць лічыць, што сутнасць асобы папярэднічае яе існаванню, што не адпавядае марксісцкаму разуменню суадносін грамадскага і індывідуальнага.
Марксізм адкрыў дваістасць грамадскай прыроды чалавека. Індывід выступае, з аднаго боку, як прадукт усяго культурна-гістарычнага развіцця, а з другога – як персаніфікацыя грамадскіх адносін.
Грамадскія адносіны ўяўляюць сабой вынік усяго папярэдняга развіцця, у якім «адклаліся» працэсы, якія адбываліся ў мінулым, і «крышталізуюцца» адносіны, якія існуюць у цяперашні час. Кожная канкрэтная асоба ўтрымлівае ў сабе ў «знятай» форме гістарычную практыку шэрагу пакаленняў, аўтаномна і не зводзіцца цалкам і поўнасцю да існуючай сацыяльнай структуры. Праблема выхавання ў гэтым выпадку страчвае сэнс, паколькі чалавек у сваёй сутнасці аказваецца тоесным сукупнасці дадзеных грамадскіх адносін.
Такім чынам, дваісты характар грамадскай прыроды чалавека, адкрыты К. Марксам, дазваляе зразумець, як суадносяцца асоба і навакольны сацыяльны свет. Нас гэта праблема цікавіць з пункту гледжання вырашэння пытання аб метадзе даследавання асобы, г. зн. працэсу вывучэння станаўлення цэласнай асобы.
Паказана, што ні вывучэнне асобы як сацыяльнага тыпу, ні ролевая канцэпцыя, ні тэорыя цэнасных арыентацый не вырашаюць задачы тэарэтычнага адлюстравання асобы як сацыяльнай каштоўнасці. Вырашэнне праблемы, на нашу думку, можа быць дасягнута шляхам вывучэння спосабу ўключэння індывіда ў сацыяльнае цэлае, што дае магчымасць разгледзець яго як рэальную грамадскую істоту, раскрыць не толькі сацыяльныя заканамернасці ў маштабах грамадства, але і ўлічыць неаднароднасць сацыяльнай дэтэрмінацыі на індывідуальным узроўні, а таксама асаблівасці адносін індывіда да аб’ектыўных сувязейў.
У даследаванні асобы сацыялагічны падыход да індывіда не павінен адцягвацца ад яго субстанцыяльнасці. Неабходна ўлічваць рэальны факт несупадзення асобы «як такой» з тым, што задаецца аб’ектыўнымі грамадскімі ўмовамі. Адгэтуль вынікае неабходнасць размежавання грамадскага і індывідуальнага, сацыяльнае значэнне якога фіксуецца ў паняццях «індывід», «асоба».
У апошнія гады XX ст. на Захадзе зноў абмяркоўвалася ідэя аб змяненні маральнай атмасферы грамадства з пазіцыі так званай «новай этыкі». Пры гэтым нярэдка выказвалася думка, што «новая этыка» можа развівацца толькі як сістэма прыкладных ведаў, у якой адно з першых месцаў належыць экалагічнай этыцы, іншы раз называнай «планетарнай этыкай».
Які ні быў важны сам па сабе зварот сучасных заходніх філасофска-этычных школ да глабальных праблем, нельга не заўважыць, што пры гэтым большасць філосафаў недаацэньваюць, на наш погляд, ролю развіцця агульнай этычнай тэорыі, распрацоўкі агульных падыходаў да вырашэння гэтых праблем. Галоўная мэта адукацыі, на думку многіх заходніх вучоных, – рыхтаваць спелую, цэласную асобу.
Адным з найбольш значных кірункаў заходняй філасофска-сацыялагічнай думкі, у рамках якой абмяркоўваецца праблема асобы, з’яўляецца тэхніцызм. Ідэі гэтага кірунку прадстаўлены ў канцэпцыях «адзінага індустрыяльнага грамадства» Р. Арона, Ж. Фурасцье, «стадый росту» У. Растоу, «постіндустрыяльнага грамадства» Д. Бела, «тэхнатроннай цывілізацыі» З. Бжэзінскага. Асноўная яго тэарэтычная ўстаноўка заключаецца ў абсалютызацыі сацыяльнага значэння тэхнічнага фактару. З тэхнічным прагрэсам звязваецца магчымасць росту ўсеагульнага спажывання, а да апошняга зводзіцца вырашэнне усіх сацыяльных праблем.
Канстатуючы, што чалавек перажывае востры канфлікт з грамадствам і самім сабой, прыхільнікі тэхніцызму бачаць выйсце з крызіснай сітуацыі ў далейшым развіцці навукова-тэхнічнай думкі і машыннай цывілізацыі. Пры гэтым ігнаруецца значэнне вытворчых адносінаў у сацыяльна-гістарычным развіцці. Абсалютызацыя ролі тэхнікі ў грамадскім прагрэсе прыводзіць да таго, што ў канцэпцыях прыхільнікаў тэхніцызму асоба паўстае не як суб’ект гістарычнагага развіцця, а як істота, поўнасцю падпарадкаваная логіцы развіцця матэрыяльнай вытворчасці. «Сучасны чалавек, – адзначаў Эрых Фром, – не хоча прыкладаць намаганняў, асабліва намагання думкай, ён хоча мець справу з тэхнікай».
Такім чынам, з пункту гледжання тэхніцызму, у сучаснай вытворчасці індывід выступае ўсяго толькі як элемент тэхнічнай сістэмы, але не як суб’ект дзейнасці (у якасці апошняга могуць разглядацца група, карпарацыя і да т. п.). Такая логіка разважанняў фактычна прыносіць асобу ў ахвяру чужым і непадуладным ёй грамадскім структурам. У гэтых умовах вытворчасць набывае самадастатковае значэнне, выступае як мэта, а чалавек толькі як сродак нармальнага яе функцыянавання. Для асобы праца становіцца не сферай рэалізацыі яе творчых магчымасцей, а вымушаным спосабам забеспячэння жыцця. У звязку з гэтым паўстае задача зрабіць працу маральна прымальнай, сфарміраваць у работніка зацікаўленыя адносіны да яго самога ў працэсе вытворчасці. Гэту задачу вырашае тэорыя «чалавечых адносін» у прамысловасці.
Сэнс гэтай тэорыі відавочны. Укараненне ў практыку сістэмы рэкамендацый, распрацаваных у рамках канцэпцыі «чалавечых адносін», садзейнічае змякчэнню маральнай атмасферы на вытворчасці, зняццю напружанасці праз псіхастымуляцыю (колер, музыка, пераадоленне манатоннага рытму шляхам укаранення на асобных участках брыгаднага метаду, адмаўлення ад работы на канвееры, частковага ўдзелу рабочых у вырашэнні асобных вытворчых пытанняў). Аднак гэта акалічнасць не павінна засланяць той факт, што асноўнае прызначэнне канцэпцыі «чалавечых адносін» – эфектыўна выкарыстоўваць «чалавечы фактар» у вытворчасці ў інтарэсах грамадства і асобы. Такім чынам, акцэнт пераносіцца з Homo faber на Homo consumens, г. зн. з «чалавека, які вырабляе» на «чалавека, які спажывае».
У «масавым спажыванні», якое рэалізуецца ў сферы размеркавання, тэхніцызм бачыць маральнае апраўданне «тэхналагічнага дэтэрмінізму». «Масаваму спажыванню» спадарожнічаюць «масавая культура», «масавая інфармацыя». «Масавае спажыванне» падаецца як з’ява, пры якой стала магчымым задавальненне асноўных матэрыяльных патрэб кожнага чалавека. Аднак гэта даволі складаная сацыяльная з’ява патрабуе, на наш погляд, усебаковага аналізу, паколькі чалавеку не дадзена стаць суб’ектам дзейнасці і ў сферы спажывання, яго патрэбы праграмуюцца, навязваюцца сістэмай рэкламы, сродкамі масавай інфармацыі. «Масавае спажыванне» нівеліруе асобу, насаджвае стандартные густы і стэрэатыпы паводзін. Прыватнае жыццё чалавека стандартызуецца, абезаблічваецца. Таму прастора «па той бок» матэрыяльнай вытворчасці, вольны час не могуць быць умовай усебаковага развіцця асобы. У сваёй індывідуальнай жыццядзейнасці асоба застаецца аб’ектам маніпулятарскага ўздзеяння.
У тэхнітысцскіх канцэпцыях асобы і грамадства, якія разглядаюць сучасныя спосабы кіравання чалавечымі патрэбамі як неабходны працяг функцый тэхніка-арганізацыйнай сістэмы, ідэя маніпуляцыі свядомасцю знаходзіць сваё тэарэтычнае абгрунтаванне і ідэалагічнае замацаванне. Мяркуецца, што чалавечыя паводзіны могуць быць «наладжаны» накшталт функцыянавання машыны шляхам выкарыстання розных сродкаў, напрыклад нейрахірургічных аперацый, геннай селекцыі. Ідэі маніпулявання паводзінамі чалавека з’яўляецца адной з самых антыгуманных установак. Чалавек не можа быць «сканструяваны» па менеджарскіх рэцэптах.
Трактоўка асобы не як суб’екта гістарычнай дзейнасці, а як аб’екта маніпуляцый выконвае пэўную ідэалагічную функцыю – функцыю апраўдання сацыяльнай няроўнасці і знаходзіць сваё лагічнае завяршэнне ў канцэпцыі двух тыпаў асобы «постіндустрыяльна грамадства» – «элітарной» і «масавападобнай». «Элітарная» асоба характарызуецца як носьбіт сапраўды асобасных, індывідуальных якасцей, творца інтэлектуальных і духоўных каштоўнасцей; «масавападобная» асоба – як канфармісцкая, тая, што поўнасцю падпарадкоўваецца прадпісанням, нормам сучаснага грамадства.
Падставай для выдзялення гэтых двух тыпаў асобы, згодна з думкай прыхільнікаў дадзенай канцэпцыі, з’яўляюцца тэхналагічныя патрэбы грамадства. Так, Д. Бел лічыць, што ў будучым пераважная большасць (маса) насельніцтва апынецца выключанай з вытворчай дзейнасці з прычыны высокага ўзроўню развіцця вытворчых сіл. Інтэлектуальная дзейнасць стане прывілеяй нязначнай меншасці (эліты). Паводле Д. Бела, становішча асобы ў «постіндустрыяльным грамадстве» будзе вызначацца ўзроўнем тэхнічнай кваліфікацыі і адукацыі, а яе інтэлектуальныя здольнасці, у сваю чаргу, прадвызначаны біялагічна. Інакш кажучы, генетычна абумоўленыя здольнасці чалавека ляжаць у аснове сацыяльна-асобаснай структуры грамадства.
З крытыкай тэхнітыстычных надзей на вырашэнне эканамічных і сацыяльных праблем развіцця чалавека выключна на шляху навукова-тэхнічнага прагрэсу выступае цэлы шэраг буржуазных мысліцеляў. Так, Э. Фром лічыць, што тэхналогія сама па сабе бесчалавечная і яе трэба «гуманізаваць». Гэта можна ажыццявіць з дапамогай «гуманістычнага планавання», якое павінна распаўсюдзіцца не толькі на тэхніку і тэхналогію, але і на самога чалавека. Акцэнт павінен быць зроблены менавіта на развіццё самога чалавека.
Эрых Фром выстраіў і адстойваў сваю светапоглядную пазіцыю: ён ператварыў чалавека ў меру ўсіх рэчаў і самога працэсу развіцця гісторыі. І толькі свабода, паводле яго пераканання, стварае неабходныя ўмовы, якія робяць чалавечае існаванне цалкам адпаведным яго сапраўднай сутнасці, сама ж гэта сутнасць і ёсць галоўны крытэрый духоўнага і любога іншага прагрэсу грамадства.
Пошук сродкаў гуманізацыі чалавечага быцця вядуць і прадстаўнікі так званага «Рымскага клуба» – міжнароднай неўрадавай арганізацыі, якія аб’ядноўваюць у сваіх шэрагах вучоных, грамадскіх дзеячаў і дзелавых людзей больш чым з 30 краін свету, якія займаюцца распрацоўкай перспектыў развіцця чалавецтва. На іх думку, чалавек сучаснага буржуазнага грамадства страчвае сваю індывідуальнасць, ператвараючыся ў выніку індывідуалістычнай, спажывецкай арыентацыі ў аднамернага Homo economicus, які ў сваёй жыццядзейнасці кіруецца прынцыпам як мага больш «мець» рэчаў, як мага больш спажываць тавараў, а не «быць» сапраўднай асобай. Таму, як падкрэсліваў прэзідэнт Рымскага клуба А. Пячэі, чалавек альбо «павінен мяняцца – як адметная асоба і як часцінка чалавечай супольнасці – альбо яму суджана знікнуць з зямлі».
Але што абазначае «змяніцца», і якім чынам чалавек можа змяніцца? Згодна з А. Пячэі, ён павінен стаць сапраўдным чалавекам, які ўсведамляе сваё месца і значэнне ў грамадстве, сваю адказнасць за ўсё, што адбываецца ў свеце, жыць паўнацэнным жыццём. Характарыстыка сапраўднасці чалавечага жыцця суадносіцца А. Пячэі з паняццем «чалавечыя якасці». Змест гэтага паняцця вельмі расплывісты і няпэўны. «Чалавечыя якасці – гэта, па сутнасці, экзістэнцыяльныя якасці», у аснове фарміравання якіх ляжыць рэалізацыя ў кожнай асобе агульначалавечых гуманістычных ідэалаў пры ўмове, што кожны чалавек усведамляе іх значнасць і будзе здольным рэалізаваць свае творчыя сутнасныя сілы. Чалавек можа змяніцца дзякуючы прыняццю новай сістэмы каштоўнасцей і ідэалаў шляхам пераарыентацыі свядомасці.
Арыентацыя прадстаўнікоў Рымскага клуба на трансфармацыю свядомасці асобы з мэтай фарміравання «чалавечых якасцей» у аснове сваёй утапічная. Сацыяльныя якасці чалавека фарміруюцца яго рэальным жыццём у грамадстве, вызначаемым сукупнасцю канкрэтна-гістарычных грамадскіх адносін.
Ідэя фарміравання новага чалавека развіваецца таксама тэарэтыкамі Франкфурцкай школы (Г. Маркузе, Т. Адарно і інш.). Прадстаўнікі Рымскага клуба, Франкфурцкай школы адзіныя ў метадалогіі разгляду асобы – гэта перавага пазагістарычнага падыходу да праблемы чалавека. Грамадская прырода чалавека, на наш погляд, патрабуе адэкватнага асэнсавання праблем развіцця асобы.