- •Міністэрства культуры Рэспублікі Беларусь
- •Прадмова
- •Раздзел і. Краязнаўства як навука і грамадская дзейнасць
- •Глава 1. Тэарэтычныя і метадалагічныя пытанні краязнаўства
- •Глава 2. Рэгіянальная структура Беларусі па розных прыметах як аснова айчыннага краязнаўства
- •Пытанні і заданні
- •I. Дайце азначэнне
- •II. Прадоўжыце лагічны рад
- •IV. Адзначце правільны (ыя) адказ (ы)
- •V. Суаднясіце
- •VI. Ці згодны Вы са сцвярджэннем? (Так/Не)
- •Раздзел II. Узнікненне краязнаўчых даследаванняў беларускіх зямель у вялікім княстве літоўскім і рэчы паспалітай (да 1794 г.)
- •Глава 1. Патрыятызм як рыса народнай свядомасці беларусаў і светапоглядная аснова краязнаўчага руху
- •Глава 2. Узнікненне гісторыка-краязнаўчых апісанняў і даследаванняў
- •Глава 3. Узнікненне рэгіянальных геаграфічных і прыродазнаўчых апісанняў і даследаванняў
- •Глава 4. Узнікненне бібліяграфічнага краязнаўства
- •Пытанні і заданні
- •IV. Размяркуйце ў храналагічнай
- •V. Ці згодны Вы са сцвярджэннем? (Так/Не)
- •VI. Гістарычныя партрэты. Пазнайце імя краязнаўца
- •Раздзел ііі. Краязнаўства на беларускіх зямлях у перыяд расійскай імперыі
- •Глава 2. Развіццё краязнаўчага руху ў 1865–1917 гг.
- •2.1. Арганізацыйныя аспекты краязнаўчага руху і асноўныя кірункі вывучэння рэгіёнаў
- •Пытанні і заданні
- •I. Дапоўніце сказы
- •II. Адзначце правільны (ыя) адказ (ы):
- •III. Суаднясіце
- •V. Ці згодны Вы са сцвярджэннем?
- •Vі. Гістарычныя партрэты. Пазнайце імя краязнаўца
- •Раздзел IV. Краязнаўчая дзейнасць
- •Колькасныя паказчыкі грамадскага краязнаўчага руху
- •1.2. Дзяржаўнае краязнаўства
- •1.3. Школьнае краязнаўства
- •1.4. Бібліятэчна-бібліяграфічнае краязнаўства
- •Глава 2. Краязнаўства ў Заходняй Беларусі (1921–1939)
- •2.1. Грамадскі краязнаўчы рух, дзяржаўнае
- •І школьнае краязнаўства
- •2.2. Краязнаўчая дзейнасць беларускіх нацыянальна-культурных і навуковых арганізацый
- •2.3. Бібліятэчна-бібліяграфічнае краязнаўства
- •Пытанні і заданні
- •V. Што аб’ядноўвае
- •Vі. Гістарычныя партрэты. Пазнайце імя краязнаўца
- •Раздзел V. Краязнаўчая дзейнасць у беларусі ў 1946–1980-я гг.
- •Глава 1. Аднаўленне краязнаўчага руху
- •І развіццё школьнага краязнаўства
- •Глава 2. Развіццё дзяржаўнага краязнаўства
- •2.1. Краязнаўства ў вышэйшых навучальных установах
- •2.2. Музейнае краязнаўства
- •Глава 3. Краязнаўчая дзейнасць добраахвотных арганізацый. Стварэнне Беларускага краязнаўчага таварыства
- •Глава 4. Бібліятэчна-бібліяграфічнае краязнаўства
- •Пытанні і заданні
- •V. Што аб’ядноўвае
- •Vі. Гістарычныя партрэты. Пазнайце імя краязнаўца
- •Раздзел VI. Развіццё краязнаўства ў рэспубліцы беларусь (1991–2000)
- •Глава 1. Грамадскі краязнаўчы рух.
- •Дзейнасць Беларускага краязнаўчага таварыства
- •Глава 2. Школьнае краязнаўства
- •Глава 3. Дзяржаўнае краязнаўства
- •3.1. Развіццё краязнаўчай дзейнасці навуковых устаноў
- •3.2. Развіццё краязнаўства ва універсітэтах
- •Глава 4. Бібліятэчна-бібліяграфічнае краязнаўства
- •Пытанні і заданні
- •V. Што аб’ядноўвае
- •Vі. Гістарычныя партрэты. Пазнайце імя краязнаўца
- •Літаратура
- •Гісторыя краязнаўства беларусі
- •220007, Мінск, вул. Рабкораўская, 17.
- •220007, Г.Мінск, вул. Рабкораўская, 17.
Прадмова
Краязнаўства з’яўляецца адным з важнейшых кірункаў дзейнасці бібліятэк усіх тыпаў і відаў на сучасным этапе. Паспяхова развіваюцца краязнаўчыя бібліятэчна-бібліяграфічная практыка і навука. Падрыхтоўка да краязнаўчай дзейнасці з’яўляецца запатрабаваным кампанентам прафесійнай бібліятэчна-бібліяграфічнай адукацыі. Будучыя бібліятэкары-бібліёграфы ўсіх спецыялізацый вывучаюць дысцыпліну “Бібліятэчна-бібліяграфічнае краязнаўства”. Найбольш грунтоўна авалодваюць гэтым прадметам студэнты спецыялізацыі “бібліятэчна-бібліяграфічнае краязнаўства”. “Гісторыя краязнаўства Беларусі” з’яўляецца адной з дысцып-лін названай спецыялізацыі. Згодна з вучэбным планам яна вывучаецца студэнтамі ФЗН і ФБІС спецыялізацыі “бібліятэчна-бібліяграфічнае краязнаўства” на ІV і V курсах.
Асноўнымі мэтамі дадзенай дысцыпліны з’яўляюцца вывучэнне беларускага краязнаўства як гісторыка-культурнага феномена, асэнсаванне яго як грамадскай з’явы. У працэсе вывучэння курса студэнты набываюць веды аб развіцці краязнаўчага руху ў Беларусі, яго арганізацыі і формах у розныя гістарычныя перыяды, выніках даследаванняў, знакамітых краязнаўцах. Тым самым дысцыпліна дапамагае звязаць веды, набытыя ў галіне бібліятэчна-бібліяграфічнай краязнаўчай дзейнасці, з дасягненнямі айчыннага краязнаўства як навукі і практычнай дзейнасці.
Краязнаўства ў гістарычным аспекце выкладаецца ва універсітэтах пераважна для студэнтаў гісторыкаў, географаў, філолагаў. У вучэбных дапаможніках “Географическое краеведение” (1986, 2002, аўтар Я.М.Мяшэчка), “Историческое краеведение” (1980) і іншых асобныя главы прысвечаны развіццю краязнаўства ў Беларусі. Гісторыка-краязнаўчы матэрыял у гэтых дапаможніках пададзены з улікам будучай галіны дзейнасці спецыялістаў. Яго паўната і паслядоўнасць залежаць ад сфарміраваных у розныя гістарычныя перыяды ўяўленнях аб гістарычным мінулым Беларусі, аб прыналежнасці да суб’ектаў айчыннай культуры пэўных асоб, арганізацый і ўстаноў. Гісторыка-краязнаўчыя веды займаюць пэўнае месца і ў шматлікіх праграмах вучэбных дысцыплін краязнаўчага зместу, выкладаемых у ВНУ1. Аднак асобнага вучэбнага выдання па гэтай дысцыпліне, у якім бы абагульняліся вынікі развіцця айчыннага краязнаўства на ўсіх гістарычных этапах, яшчэ не было. Дадзены вучэбны дапаможнік з’яўляецца першым такога роду выданнем.
Спецыфіка адлюстравання гісторыка-краязнаўчых ведаў для студэнтаў бібліятэкараў-бібліёграфаў заключаецца ў больш шырокім, не абмежаваным пэўнай галіной краязнаўства, падыходзе. Дасягненні краязнаўчага руху па кожнай галіне ўяўляюць цікавасць для гэтых спецыялістаў, што вынікае з інфармацыйнага, культурнага і адукацыйнага характару бібліятэчна-бібліяграфічнай дзейнасці. У вучэбным дапаможніку з улікам бібліятэчнай прафесіі зроблены акцэнт і на выніках дакументавання краязнаўчых ведаў, краязнаўчых інфармацыйных рэсурсах.
Вучэбны дапаможнік “Гісторыя краязнаўства Беларусі” напісаны на падставе вучэбнай праграмы дысцыпліны і ахоплівае асноўныя падзеі, з’явы, тэндэнцыі айчыннага краязнаўства ад пачатку яго ўзнікнення да сучаснасці.
Матэрыял размеркаваны па буйнейшых гістарычных перыядах развіцця краязнаўства, асобна адлюстраваны пытанні агульнай характарыстыкі краязнаўства і прыметы тэрытарыяльнага падзелу краіны. У аснову перыядызацыі краязнаўства пакладзена перыядызацыя гісторыі Беларусі. Матэрыял, пададзены ў дапаможніку, адабраны з улікам значнасці фактаў і з’яў для таго, каб адлюстраваць шляхі развіцця краязнаўства, яго грамадскую ролю, сувязі з іншымі сферамі і галінамі. Важнае месца адведзена суб’ектам краязнаўчай дзейнасці: асобам, арганізацыям і ўстановам. Колькасць іх вялікая, таму пры адборы імён і арганізацый улічваліся значнасць укладу ў краязнаўчую дзейнасць, удзел у стварэнні і дакументаванні краязнаўчых ведаў, развіцці інфармацыйнай інфраструктуры краязнаўства. Перавага аддавалася тым асобам, якія жылі і працавалі ў Беларусі, арганізацыям і ўстановам, што дзейнічалі на яе тэрыторыі. Але ўлічваючы значнасць укладу некаторых небеларускіх даследчыкаў, падарожнікаў, адміністрацыйных чыноўнікаў, вайскоўцаў, а таксама ўстаноў і арганізацый, у навуковыя інтарэсы, прафесійныя і службовыя абавязкі якіх уваходзіла вывучэнне беларускіх рэгіёнаў, асвятляецца і іх дзейнасць. Гэта паказвае складанасць краязнаўчага руху як грамадскай з’явы, яго шырокія знешнія сувязі, тлумачыць у пэўнай ступені прасторавую і галіновую распаўсюджанасць краязнаўчых ведаў. Вывучэнне “Гісторыі краязнаўства Беларусі” дапаможа ў фарміраванні прафесіянальнай свядомасці будучых спецыялістаў, інфармацыйна-рэгіянальнага стылю іх мыслення.
Мэтавая накіраванасць дысцыпліны вызначае кола задач, скіраваных на фарміраванне ў студэнтаў адпаведных ведаў і ўменняў, а менавіта:
– вызначыць асноўныя перыяды развіцця краязнаўства ў Беларусі, паказаць значэнне рэгіёнаў і іх насельніцтва як аб’ектаў і суб’ектаў гістарычнага працэсу;
– раскрыць станаўленне асобных арганізацыйных формаў краязнаўства: грамадскага, дзяржаўнага, школьнага; іх дасягненні, асаблівасці і ўзаемасувязі, мэты і метады дзейнасці;
– прааналізаваць кірункі краязнаўчых даследаванняў на кожным гістарычным этапе і рэалізацыю іх галоўных вынікаў у дакументальнай форме, што ўяўляе асаблівую значнасць для бібліятэчных работнікаў;
– паказаць фарміраванне напрамку бібліятэчна-бібліяграфічнага краязнаўства.
У выніку засваення курса студэнты павінны ведаць:
– арганізацыю і агульны стан краязнаўчай дзейнасці ў асобныя гістарычныя перыяды;
– выдатных краязнаўцаў і арганізацыі, якія ўнеслі значны ўклад у даследаванне асобных рэгіёнаў і папулярызацыю краязнаўчых ведаў;
– змястоўныя кірункі краязнаўчых даследаванняў у асобныя перыяды і асноўныя краязнаўчыя крыніцы;
– бібліятэчна-бібліяграфічнае краязнаўства як элемент краязнаўчага руху ў асобныя гістарычныя перыяды.
У выніку вывучэння дысцыпліны студэнты павінны ўмець:
– выкарыстоўваць гістарычныя веды па краязнаўстве як кампанент прафесіянальнай падрыхтоўкі для бібліятэчна-інфармацыйнай дзейнасці;
– ужываць вядомыя факты пры разглядзе прычынна-выніковых сувязей гісторыі краязнаўства;
– выяўляць суб’ектаў розных формаў краязнаўства, пазнавальнай і асветніцкай дзейнасці па вывучэнні рэгіёнаў у асобныя гістарычныя перыяды;
– аналізаваць дакументальную спадчыну гісторыка-краязнаўчага вывучэння рэгіёнаў.
Для вывучэння “Гісторыі краязнаўства Беларусі” неабходна засваенне шэрага дысцыплін, у тым ліку “Гісторыі Беларусі”, “Гісторыі кнігі”, “Бібліятэчна-бібліяграфічнага краязнаўства”, дысцыплін па вывучэнні матэрыяльнай і духоўнай культуры беларусаў.
Асноўныя віды заняткаў па дысцыпліне: лекцыі, семінары, практычныя работы; праводзіцца кантроль за самастойнай працай студэнтаў. Вывучэнне курса студэнтамі завяршаецца экзаменам.