- •Міністэрства культуры Рэспублікі Беларусь
- •Прадмова
- •Раздзел і. Краязнаўства як навука і грамадская дзейнасць
- •Глава 1. Тэарэтычныя і метадалагічныя пытанні краязнаўства
- •Глава 2. Рэгіянальная структура Беларусі па розных прыметах як аснова айчыннага краязнаўства
- •Пытанні і заданні
- •I. Дайце азначэнне
- •II. Прадоўжыце лагічны рад
- •IV. Адзначце правільны (ыя) адказ (ы)
- •V. Суаднясіце
- •VI. Ці згодны Вы са сцвярджэннем? (Так/Не)
- •Раздзел II. Узнікненне краязнаўчых даследаванняў беларускіх зямель у вялікім княстве літоўскім і рэчы паспалітай (да 1794 г.)
- •Глава 1. Патрыятызм як рыса народнай свядомасці беларусаў і светапоглядная аснова краязнаўчага руху
- •Глава 2. Узнікненне гісторыка-краязнаўчых апісанняў і даследаванняў
- •Глава 3. Узнікненне рэгіянальных геаграфічных і прыродазнаўчых апісанняў і даследаванняў
- •Глава 4. Узнікненне бібліяграфічнага краязнаўства
- •Пытанні і заданні
- •IV. Размяркуйце ў храналагічнай
- •V. Ці згодны Вы са сцвярджэннем? (Так/Не)
- •VI. Гістарычныя партрэты. Пазнайце імя краязнаўца
- •Раздзел ііі. Краязнаўства на беларускіх зямлях у перыяд расійскай імперыі
- •Глава 2. Развіццё краязнаўчага руху ў 1865–1917 гг.
- •2.1. Арганізацыйныя аспекты краязнаўчага руху і асноўныя кірункі вывучэння рэгіёнаў
- •Пытанні і заданні
- •I. Дапоўніце сказы
- •II. Адзначце правільны (ыя) адказ (ы):
- •III. Суаднясіце
- •V. Ці згодны Вы са сцвярджэннем?
- •Vі. Гістарычныя партрэты. Пазнайце імя краязнаўца
- •Раздзел IV. Краязнаўчая дзейнасць
- •Колькасныя паказчыкі грамадскага краязнаўчага руху
- •1.2. Дзяржаўнае краязнаўства
- •1.3. Школьнае краязнаўства
- •1.4. Бібліятэчна-бібліяграфічнае краязнаўства
- •Глава 2. Краязнаўства ў Заходняй Беларусі (1921–1939)
- •2.1. Грамадскі краязнаўчы рух, дзяржаўнае
- •І школьнае краязнаўства
- •2.2. Краязнаўчая дзейнасць беларускіх нацыянальна-культурных і навуковых арганізацый
- •2.3. Бібліятэчна-бібліяграфічнае краязнаўства
- •Пытанні і заданні
- •V. Што аб’ядноўвае
- •Vі. Гістарычныя партрэты. Пазнайце імя краязнаўца
- •Раздзел V. Краязнаўчая дзейнасць у беларусі ў 1946–1980-я гг.
- •Глава 1. Аднаўленне краязнаўчага руху
- •І развіццё школьнага краязнаўства
- •Глава 2. Развіццё дзяржаўнага краязнаўства
- •2.1. Краязнаўства ў вышэйшых навучальных установах
- •2.2. Музейнае краязнаўства
- •Глава 3. Краязнаўчая дзейнасць добраахвотных арганізацый. Стварэнне Беларускага краязнаўчага таварыства
- •Глава 4. Бібліятэчна-бібліяграфічнае краязнаўства
- •Пытанні і заданні
- •V. Што аб’ядноўвае
- •Vі. Гістарычныя партрэты. Пазнайце імя краязнаўца
- •Раздзел VI. Развіццё краязнаўства ў рэспубліцы беларусь (1991–2000)
- •Глава 1. Грамадскі краязнаўчы рух.
- •Дзейнасць Беларускага краязнаўчага таварыства
- •Глава 2. Школьнае краязнаўства
- •Глава 3. Дзяржаўнае краязнаўства
- •3.1. Развіццё краязнаўчай дзейнасці навуковых устаноў
- •3.2. Развіццё краязнаўства ва універсітэтах
- •Глава 4. Бібліятэчна-бібліяграфічнае краязнаўства
- •Пытанні і заданні
- •V. Што аб’ядноўвае
- •Vі. Гістарычныя партрэты. Пазнайце імя краязнаўца
- •Літаратура
- •Гісторыя краязнаўства беларусі
- •220007, Мінск, вул. Рабкораўская, 17.
- •220007, Г.Мінск, вул. Рабкораўская, 17.
1.3. Школьнае краязнаўства
У фарміраванні вучэбна-выхаваўчай дзейнасці савецкай школы краязнаўству адводзілася значная роля. У 1919 г. пры Наркамаце асветы БССР была створана экскурсійная секцыя. Асобная ўвага надавалася падрыхтоўцы настаўнікаў да арганізацыі краязнаўчых даследаванняў. Менавіта настаўнікі ў гарадах і вёсках былі найбольш актыўнымі ўдзельнікамі краязнаўчага руху, даводзілі ідэі краязнаўства да вучняў і мясцовага насельніцтва. У такіх нарматыўных дакументах, як “Палажэнне аб адзінай працоўнай школе”, дэкларацыі “Асноўныя прынцыпы адзінай працоўнай школы”, акцэнтавалася ўвага на вывучэнні школьнікамі навакольнай прыроды і жыцця роднага краю шляхам удзелу ў даступных даследаваннях (назіранні, экскурсіі і інш.). “Краязнаўчы прынцып”, як пісалі ў той час, знайшоў адлюстраванне ў вучэбных праграмах. У 1926 г. была створана Школьная краязнаўчая камісія, у склад якой ад ЦБК увайшлі М.Каспяровіч і Г.Аляксандраў, а пры акруговых і раённых краязнаўчых таварыствах – школьна-краязнаўчыя секцыі. У школах ствараліся краязнаўчыя гурткі. Многія з іх працавалі вельмі актыўна, выкарыстоўвалі разнастайныя формы і метады даследчыцка-збіральніцкай працы. Так, у краязнаўчым гуртку пры Уздзенскай сямігодцы Мінскай акругі налічвалася 70 членаў. Вучні збіралі матэрыялы аб паўстанні 1863 г., рэвалюцыйных падзеях 1905 г. у краі, складалі гістарычныя апісанні вёсак. Вынікі даследаванняў асвятляліся на старонках школьнага рукапіснага часопіса. Члены гуртка Асіповіцкай чыгуначнай школы стварылі краязнаўчы музей 100.
Школьнае краязнаўства набыло масавы характар. З агульнай колькасці ўдзельнікаў краязнаўчага руху ў БССР 87% складалі настаўнікі і вучні101. У пачатку 1930 г. у школах былі створаны 12 краязнаўчых музеяў і 8 краязнаўчых куткоў.
На працягу 20-х гг. у школьных краязнаўчых даследаван-нях склаўся комплексны падыход да вывучэння мясцовага жыцця, прыярытэт аддаваўся гісторыка-этнаграфічным і моўным даследаванням. Але рэпрэсіі і прымусовая пераарыентацыя краязнаўцаў на выкананне непасільных задач (даследаванне прыродных рэсурсаў, рацыяналізацыю вытворчасці) дэфармавалі і школьны краязнаўчы рух. Колькасць нізавых краязнаўчых арганізацый у школах скарачалася, у 1932 г. іх засталося толькі 46. Але крах грамадскага краязнаўства і рэпрэсіі не маглі цалкам вынішчыць краязнаўчую работу ў школах. У пастанове “Аб мерапрыемствах па разгортванні краязнаўчага руху” ад 1 чэрвеня 1932 г. СНК БССР паставіў задачу ўзмацніць краязнаўчую работу ў школах, разгарнуць падрыхтоўку настаўнікаў-краязнаўцаў на курсах і канферэнцыях. Былі распрацаваны спецыяльныя праграмы краязнаўчай падрыхтоўкі настаўнікаў102, праведзены даследаванні і інструктажы па разгортванні краязнаўчай працы ў шэрагу раёнаў (Койданаўскім, Дубровенскім, Шклоўскім, Аршанскім і інш.). Спецыяльная падрыхтоўка дапамагала настаўнікам авалодаць формамі, метадамі і зместам краязнаўчай працы ў школе. З ліку настаўнікаў выйшла многа вядомых краязнаўцаў. Яны ўзначальвалі краязнаўчыя арганізацыі, прымалі ўдзел у краязнаўчых з’ездах і канферэнцыях, праводзілі даследаванні па шырокім коле тэм.
Дзякуючы краязнаўчай працы, школьнікі далучаліся да актыўнага ўдзелу ў грамадскім жыцці населеных пунктаў і сацыялістычных пераўтварэннях. Краязнаўства выконвала станоўчую ролю ў выхаванні патрыятычнага светапогляду беларускай моладзі.