Тэматычны план для студэнтаў завочнай формы навучання (5-гадовае навучанне)

Тэмы	Колькасць аўдыторных гадзін			У тым ліку
				лекцыі	семінары
Раздзел І. Асновы вучэння аб бібліятэцы
Тэма 1. Генезіс і сутнасць бібліятэкі	1		1
Тэма 2. Прынцыпы дзейнасці бібліятэк	1		1
Тэма 3. Функцыі бібліятэк	1		1
Тэма 4. Бібліятэка як сістэма	0,5		0,5
Тэма 5. Тыпалагізацыя і класіфікацыя бібліятэк	1		1
Раздзел ІІ. Бібліятэчная справа як галіна дзейнасці
Тэма 6. Агульная характарыстыка бібліятэчнай справы	1		1
Тэма 7. Бібліятэчныя сеткі і сістэмы	4		2		2
Тэма 8. Кіраванне бібліятэчнай справай	1		1
Раздзел ІІІ. Тэарэтычныя асновы бібліятэказнаўства
Тэма 9. Станаўленне і развіццё бібліятэказнаўства	1	1
Тэма 10. Сутнасць, функцыі і структура бібліятэказнаўства	3	1			2
Тэма 11. Метадалогія бібліятэказнаўства	1	1
Тэма 12. Бібліятэказнаўства ў сістэме навук	0,5	0,5
Усяго	16	12			4

Метадычныя ўказанні для семінараў тэматыка семінараў

Сёння галоўным метадам вывучэння спецыяльнай дысцыпліны з’яўляецца самастойная работа студэнтаў у міжсесійны перыяд. На СРС выдзяляецца ўсё больш і больш гадзін у вучэбным плане. Пры вывучэнні курса "Бібліятэказнаўства. Раздзел І. Тэорыя" адным з кірункаў самастойнай работы студэнтаў з’яўляецца падрыхтоўка да семінарскіх заняткаў, накіраваная на вывучэнне асноўнай і дадатковай літаратуры па прапанаваных ніжэй тэмах.

У падрыхтоўку да семінарскага занятку ўваходзіць вывучэнне рэкамендуемай літаратуры, канспектаванне, складанне разгорнутых адказаў па кожным пытанні. Неабходна прачытаць асноўную і дадатковую літаратуру, зрабіць выпіскі і падрыхтаваць разгорнуты пісьмовы адказ на кожнае пытанне семінара. Зробленнымі запісамі студэнт можа карыстацца пры адказах на семінарскіх занятках.

Выступленне студэнта павінна сведчыць аб добрым валоданні вывучаным матэрыялам, аб уменні звязаць яго з адпаведным напрамкам практычнай дзейнасці бібліятэк. Неабходна лагічнасць і паслядоўнасць у адказе, а таксама ўменне выдзяліць найбольш важныя палажэнні і зрабіць вывады па кожным пытанні семінара.

Студэнты, якія дапаўняюць выступленні, выказваюць крытычныя і ацэначныя меркаванні, вядуць дыскусію па тэматыцы семінараў, маюць магчымасць атрымаць дадатковыя балы суадносна рэйтынгаваму рэгламенту па курсу “Бібліятэказнаўства. Раздзел 1. Тэорыя”.