68. Пневмониямен ауыратын балаларды жүргізу ерекшеліктері

Әртүрлі респираторлы ұйымдар мен бұйрықтар ұсыныстарына сәйкс пневмония емінің негізі болыа этиотропты терапия саналады. Емдеу мекемелерінен тыс дамыған пневмония белгілері бар балаларды амбулаторлық-поликлиникалық этапта дәлелділік деңгейін есепке алатын ауруханадан тыс пневмония емі бойынша Нұсқаулықпен ( Клиникалық хаттама ҚР Эксперттік Кеңесі отырысында бекітілді (№11хаттама 6 шілде, 2012 жыл) жүргізу ұсынылады.

Клиникалық белгілері. Бактериалды пневмония балада үнемі немесе қайталамалы түрде дене температурасы >38,5 С, тыныс алу актісіне кеуде клеткасының қосымша бұлшықеттерінің қатысуы және тыныс алу жиілеуі жағдайында болжанады (Д). Дәрігерге қайталап қаралған, гипертермиямен үй жағдайында 3 күн емделген, ата-анасы температурасының тұрақты жоғарылауына, өз-өзін сезінуінің нашарлауына, тамақтан бас тартуына, тыныс алуының қиындауына шағым айтатын балаларда ауруханадан тыс пневмония күдігі тууы керек (Д).

Ауруханадан тыс пневмония күдігі бар балаларға міндетті зерттеу ретінде рентгенография қолданылмауы керек (А). Госпитализацияланбаған ауыр емес пневмониясы бар балаларға кеуде торының рентгенографиясы қолданылмайды (А-). Бүйір проекциядағы рентгенография міндетті болмауы керек (В-).

Жедел фаза белгілері вирусты инфекцияны бактериалды инфекциядан ажырату үшін клиникалық қолданыста болмайды (А-). С-реактивті белок ауыр емес пневмония емінде маңызды емес және үнемі анықталуы міндетті емес (А+). Ауыр пневмония және ауруханадан тыс пневмониясы бар балаларға микробиологиялық диагностика жүргізілуі керек (С). Жеңіл ағымды пневмония және ем алып жатқан балаларға микробиологиялық зерттеу жүйелі түрде қолданылмауы керек. Қолданылатын микробиологиялық әдістер қан себіндісін, мұрын-жұтқыншақ бөліндісін, ПТР немесе иммунофлюоресценция арқылы вирусты анықтау үшін назалды жұғындыны, респираторлы вирус, Micoplasma pneumonia және Chlamydia pneumonia анықтау үшін плевральды сұйықтық болған жағдайда жедел және сауығу фазаларында жүргізілетін серологиялық зерттеулерді қамту керек және микроскопия, бактериологиялық себінді, пневмококкты антигенді анықтауға немесе ПТР-ға жолданылуы керек.

Барлық балалар үшін пероралды антибактериалды терапияның алғашқы таңдау препараты ретінде амоксицилин ұсынылады, себебі ол ауруханадан тыс пневмония тудыратын көптеген қоздырғыштарға әсер етеді және балалар оны жақсы көтереді. Альтернативті препараттарға коамоксиклав, цефаклор, эритромицин, азитромицин, кларитромицин, спирамицин жатады. (В) макролидті антибиотиктер бірінші қатардағы эмперикалық терапияға реакци болмаған жағдайда кез-келген жаста емге қосыла алады (Д). Макролидті антибиотиктер Micoplasma pneumonia немесе Chlamydia pneumonia-мен қоздырылған пневмонияға күдік туған кезде немес аурудың өте ауыр формасында қолданылуы керек. Пероралды қолданылатын антибиотиктер қауіпсіз, балаларға тіпті ауыр дәрежелі ауруханадан тыс пневмония кезінде да эффективті болып табылады (А+).

Үйде немесе стационарда ем алған ауруханадан тыс пневмониямен ауырған балалар симптомдары сақталған немесе емге көнбеген жағдайларда қайта тексерулерден өтуі керек.