- •1. Тэорыя літаратуры ў сістэме навук аб літаратуры.
- •2. Паходжанне мастацтва. Мастацтва як спосаб пазнання свету.
- •3 Літаратура ў сістэме культуры.
- •4 Літаратура як мастацтва слова. Месца літаратуры сярод іншых відаў мастацтва.
- •5. Літаратура як мастацтва слова. Літаратура і смі.
- •6. Мастацкі вобраз. Літаратурны вобраз.
- •7. Міфалогія – фальклор – літаратура. Міф у сучаснай літаратуры.
- •8. Аўтар, апавядальнік, персанаж у літаратурным творы.
- •9. Змест і форма літаратурнага твора.
- •10. Літаратурны твор як сістэма. Паняцце пра цэласнасць мастацкага тэксту.
- •11. Элементы зместу: тэма, праблема, ідэя. Задума твора.
- •12. Ідэя твора. Аўтарская і аб’ектыўная ідэя ў літаратурным творы.
- •13. Выбар тэмы. Тэматыка мастацтва.
- •14. Тыпы аўтарскай эмацыянальнасці. (або пафас):
- •15. Прадметны свет літаратурнага твора.
- •16. Літаратурны вобраз. Вобраз-персанаж: сродкі стварэння.
- •17. Мастацкая дэталь. Дэталь і падрабязнасць.
- •18. Персанаж і пісьменнік: герой і аўтар. Формы і прыемы псіхалагізму.
- •19. Персанаж і яго каштоўнасная арыентацыя.
- •20. Час і прастора ў літаратурным творы. Паняцце пра хранатоп.
- •21. Мова мастацкага твора. Паэзія і проза.
- •22. Мова як матэрыял літаратуры. Літаратурная мова і мова мастацкага твора.
- •23. Метафара і яе разнавіднасці. Метафарычнае мысленне ў літаратуры.
- •24. Тропіка.
- •25. Паэтычны сінтаксіс.
- •26. Элементы формы: кампазіцыя.
- •27. Кампазіцыйныя прыемы.
- •28. Сюжэт і фабула літаратурнага твора. Сюжэт як сродак раскрыцця характараў персанажаў.
- •29. Неаўтарскае слова: літаратура ў літаратуры.
- •30. Сістэмы вершаскладання.
- •31. Сілаба-танічная сістэма вершаскладання.
- •32. Рытміка. Метрыка (стапа, памер, метр, рытм).
- •33. Строфіка. Віды строф.
- •34. Цвердыя формы верша.
- •35. Белы верш, вольны верш, свабодны верш: суадносіны ва ўжыванні тэрмінаў.
- •36. Рыфма і рыфмоўка
- •37. Гукапіс літаратурнага твора. Інтанацыя.
- •38. Літаратурныя роды. Прынцыпы класіфікацыі літаратурных родаў.
- •39. Эпас як літаратурны род.
- •40. Лірыка як літаратурны род. Паняцце пра лірычнага героя.
- •41. Асаблівасці драмы як літаратурнага рода.
- •42. Літаратурныя жанры. Жанравыя канфрантацыі і традыцыі. Кананізацыя жанраў.
- •43. Міжродавыя і пазародавыя літаратурныя формы.
- •44. Літаратурныя іерархіі і рэпутацыі.
- •45. Міжнародныя літаратурныя сувязі. Нацыянальная спецыфіка літаратуры.
- •46. Літаратурны працэс: дынаміка і стабільнасць.
- •47.Літаратурны працэс: мастацкія сістэмы 19-20 стст.
- •48. Літаратуразнаўства і літаратурная крытыка.
- •49. Да пытання аб вывучэнні генэзісу літаратурнага твора.
- •50. Прынцыпы разгляду літаратурнага твора.
- •51. Стыль пісьменніка.
- •52. Жанры літаратуры і праца публіцыста.
35. Белы верш, вольны верш, свабодны верш: суадносіны ва ўжыванні тэрмінаў.
Вольны верш - у рускім сілаба-танічным вершаскладанні – нероўнастопны ямб з неўрэгуляваным чаргаваннем радкоў рознай даўжыні. (Разнастопны верш). Ужываўся ў 18 стагоддзі ў байках, "казках", у 19 стагоддзі ў пасланнях, элегіях ("Погасло дневное светило" Пушкіна), драме "Гора ад розуму" Гогаля. У 20 стагоддзі выходзіць з ужывання.
Белы верш – нерыфмаваны верш у сілабічнай і сілаба-танічнай сістэмах вершавання. Паходжанне тэрміна звязана з практыкай ранняга кнігадрукавання, дзе рыфмаваныя радкі пазначаліся чырвонай фарбай, а нерыфмаваныя – звычайнай. Калі ва ўсім вершы не было рыфмаў, то ен друкаваўся звычайнай фарбай і называўся “белым”. У белым вершы арганізуючую ролю бярэ на сябе клаузула (конец фразы, які абратае асабісты рытмічны ход). У ім павышаецца сэнсавыяўленчая і інтанацыйная роля рытму, адкрываюцца шырокія магчымасці натуральнай пабудовы моўнай фразы, перадачы жывога маўлення. Менавіта таму ў драматургіі часта выкарыстоўваецца пяцістопны ямб, які добра перадае жывую гаворку. (Шэкспір “Гамлет”, “Кароль Лір”, Пушкін “Барыс Гадуноў”).
У Беларусі белы верш сустракаецца ўпершыню ў С.Полацкага. Таксама ўжываецца ў творчасці Купалы, Багдановіча, Дубоўкі, Куляшова.
Вершы, у якіх адны радкі зарыфмаваны, а другія не, называюцца напаўбелымі. (Бандароўна Купалы).
Свабодны верш (верлібр) – дысметрычны верш, у аснове рытму якога – чаргаванне вершаваных радкоў як аднатыпных інтанацыйна-сэнсавых адзінстваў. Надзвычай важнае значэнне набывае ў ім графічная разбіўка верша на радкі, вызначэнне месца міжрадковых паўз. Менавіта вершаваны радок выступае ў свабодным вершы ў якасці асноўнай рытмічнай адзінкі.
Для свабоднага верша характэрна надзвычайнае багацце і гнуткасць паэтычнага сінтаксісу, у тым ліку розных рытарычных фігур, сінтаксічных перыядаў (пералічэнне, далучэнне, супрацьстаўленне і г.д.). Узнік свабодны верш у амерыканскай і еўрапейскай літаратурах у сяр. 19 ст. Тэрмін “верлібр” упершыню быў уведзены ва ўжытак французскім пісьменнікам Канам у 1884 г. Асаблівае распаўсюджанне гэты верш набыў у 20 ст. (Блок, Цветаева, Маякоўскі).
Родапачынальнікам на Беларусі з’яўляецца Багдановіч. Таксама пісамі такія вершы Вярцінскі, Лойка, Сіпакоў, Танк і інш.
36. Рыфма і рыфмоўка
Рыфма (ад грэч. суразмернасць) – паўтаральная сугучнасць асобных слоў ці іх частак на пэўных, адных і тых жа месцах у вершаваных радках.Усталяванасцю сваей пазіцыі рыфма адрозніваецца ад іншых відаў гукавых паўтораў, што сустракаюцца ў вершы. Часцей за усе бывае ў канцы вершарадоў. Аднак, апрача канцавых, есць пачатковыя рыфмы (калі сугучныя словы стаяць у пачатку суседніх вершаваных радкоў) і ўнутраныя рыфмы (калі сугучнасць яднае словы, з якіх адно знаходзіцца ў сярэдзіне, а другое – у канцы аднаго і таго ж радка).
Рыфма – з’ява гукавая, а не графічная.
Рыфмавызначаецца характарам і ступенню сугучнасці, размяшчэннем у вершаваных радках і сваей функцыянальнасцю.
Па месцы націску рыфмы могуць быць з націскам на апошнім складзе – мужчынскія, на перадапошнім – жаночыя, на трэцім ад канца – дактылічная, на чацвертым (і далей) ад канца – гіпердактылічная.
У залежнасці ад колькасці і якасці гукавых супадзенняў адрозніваюць рыфмы:
- багатыя (у словах-рыфмах супадаюць многія гукі – хмарамі-ударамі)
- глыбокія (супадаюць не толькі націскныя і паслянаціскныя, але і 2 пераднаціскныя гукі – асаку-пасяку)
- бедныя (мужчынскія адкрытыя рыфмы, у якіх супадаюць толькі націскныя галосныя – сям’ю-п’ю)
Што датычыць дакладнасці сугуччаў вылучаюць рыфмы:
дакладныя (супадаюць націскныя галосныя і ўсе наступныя гукі – нівы-шумлівы)
недакладныя
- асанансныя (супадаюць толькі галосныя гукі – вішні-мыслі)
- кансанансныя (супадаюць толькі зычныя гукі – вышэй-вішань)
- апорныя (супадаюць гукі ў націскных – апорных – складах, пры несупадзенні гукаў паслянаціскных – надзея-сядзела)
- усечаныя (у канцы нейкага са слоў-рыфм недастае для поўнага сугучча аднаго гука – раса-сад)
- рознанаціскныя (у выразна сугучных словахнаціскі падаюць на розныя склады – радавалася-гадавалася)
- няроўнаскладовыя (словы, якія рыфмуюцца, пасля аднолькавых націскных складоў маюць розную колькасць галосных – няпроста-выпроствалі)
- анаграмныя (у сугучных словах асобныя гукі ідуць не ў аднолькавым парадку – слава-звала)
Рыфмы спалучаюць сугуччамі два самастойныя словы. Часамі ж сугуччы ахопліваюць і больш слоў, утвараючы састаўныя рыфмы. (панічы – па начы). Як супрацьлегласць гэтаму сустракаецца т.зв. ламаная рыфма, якая дзеліць словы на часткі. Размяшчэнне рыфмы, або рыфмоўка, залежыць ад месца рыфмы ў вершаваных радках, колькасці рыфмаў, спосабу сувязі вершаваных радкоў.
У залежнасці ад колькасці рыфм ў страфе рыфмоўка бывае парнай, трайной, чацвярной, мнагакратнай.
Паводле спосабу рыфменнай сувязі рыфмоўка чатырохрадкоўяў можа быць сумежнай (аабб), перакрыжаванай (абаб), апаясной, або кальцавой (абба).
Функцыі рыфмы ў вершаваным творы:
- інструментоўка верша
- інтанацыйная роля
- рытмічная арганізацыя верша
- кампазіцыйная функцыя
- семантычная блізкасць або аддаленасць
- мнеманічнае значэнне (дапамагае хутчэйшаму, лепшаму запамінанню рыфмованых твораў).