1. Багш: «Байр» гидг седкүл мадниг бас зургудан илгəхинь сурҗана. Зургуд болһнд ахр келвр бичх кергтə.

ЧЕЕҖƏР ДАСТН

ТОДЛТН

Балакан Алексей

Ахуч күн - әмндән туста.

Мана бүл

Ээҗ үкрəн саана,

Эрт намаг серүлнə.

Аав бууһан үүрəд,

Аң хəəһəд һарна.

Рис. Старик за письмом Экм көдлмштəн йовна.

Эцкм машиһəр гүүлгнə.

Бадм школдан одна.

Би яслдəн ирнəв.

ТААҖ МЕДТН

Үсинь уунав,

Өрминь иднәв,

Үвлднь болхла, рис. коровы

Өвсәр асрнав.

УМШТН. ШИНҖЛТН.

Көвүд ямаран керг күцәв?

СӘН ҮЛГҮР

Нарта өдр билә. Бадм Бемб хойр паркур ирнә. Эн хойр көвүн зөвәр удан меечг шивлдәд наачаһад, сундл деер сууһад амрв.

Эн көвүдәс хол биш нилх теврсн күүкд күн бас ирәд суув. Һартан бәрдг туңгрцган хаҗудан оркчкад, экнь нилхдән хотынь өгв.

Тиигәд бәәҗәтл, салькн экләд серҗңнв. Бархлзад хар үүлн һарад ирв. Хур экләд орв. Күүкд күн босад, бичкнән теврҗ авад, адһсн бәәдлтәһәр йовҗ одв.

163

- Бадм, хәлә, одак күүкд күн һартан бәрдг түңгрцгән мартҗ оркҗ! – гиҗ Бембә генткн хәәкрв.

- Эн түңгрцгчн саахнда мана хаҗуд суусн күүкд күүнә. Үкс гий, тер күүкд күүг күцәд, эн түңгрцгинь өгхмн, - гиҗ Бадм келв.

Күүкд күүнә ардас көвүд гүүлдәд һарв. Көөһә йовҗ, көвүд күүкд күүг күцәд ирв.

- Эгч, та түңгрцгән сундл деер мартҗ орксн бәәҗит. Бәртн, - гиһәд күүкд күүнд түңгрцгинь һартнь бәрүлҗ өгв.

Күүкд күн байрлад, көвүдт ханлтан өргв.

1. Келврин учр – утхинь шинҗллһн

Сурврмудин хәрү текстас олтн.

1. Эн келврт кенә тускар келгдҗәнә?

2. Көвүдин өөр кен ирҗ суув?

3. Күүкд күн ю мартв?

4. Көвүд ямаран шиидвр авбв?

5. Күүкд күн яһв?

6. Эн көвүд ямаран улс?

Чик эс гиҗ буруһинь келтн:

1. Бембә Бадм хойрин өөр көгшн аав суув. ____

2. Хур экләд орв. ____

3. Күүкд күн түңгрцгән мартв. _Ч__

4. Бембә Бадм хойр герин өөр сууна. ____

5. Көвүд түңгрцгинь күргҗ өгв. ____