- •Спецыфіка дзіцячай літаратуры як масацтва слова:
- •2.Дзіцячы фальклор, спецыфіка, ф-цыі яго жанраў. Вывучэнне дзіцячага фальклору.
- •4. Малыя жанры дзіцячага фальклору (пацешкі, заклічкі, дражнілкі):
- •6. Гульнёвы фальклор(лічылкі, жараб’ёвыя загаворы, гульні):
- •7. Малыя фальклорныя жанры.
- •8.Бел. Народныя казкі. Класіфікацыя, паэтыка
- •11.Развіцце бел дзіцячай літаратуры у пачатку 20 ст
- •12. Праблематыка апавяданняў Якуба Коласа для дзяцей.
- •13. Ідэйна-выхаваўчы змест паэм я. Коласа “рак-вусач” і “міхасёвы прыгоды”.
- •14. Тэматычная разнастайнасць вершаў я. Колса для дзяцей.
- •15. Янка купала – для дзяцей і пра дзяцей.
- •16. Тэма трагічнага дзяцінства ў апавяданнях з. Бядулі
- •17. Ідэйны змест і выхаваўчае значэнне казак з. Бядулі “Мурашка Палашка” і “Сярэбраная табакерка”
- •18. Алесь Якімовіч – казачнік
- •19. Янка Маўр – апавядальнік.
- •20. Пазанавальнае і выхаваўчае значэнне аповесці я. Маўра
- •21. Праблема фарміравання характару падлетка у аповесці м. Лынькова “Міколка-паравоз”
- •22. Праблематыка і жанравыя асаблівасці аповесці-казкі “Пра смелага ваяку Мішку і яго слаўных таварышаў”
- •23. Ідэйна-мастацкі аналіз апавяданняў м. Лынькова
- •24. Асноўныя тэндэнцыі развіцця дзіцячай літаратуры ў 20-я гады. Дыскусія пра казку і яе згубны ўплыў на развіццё беларускай дзіцячай літаратуры
- •25.Асноўныя тэндэнці развіцця дзіцячай літаратуры ў 30-я гг.
- •26. Літаратурная дзейнасць в. Віткі для дзяцей.
- •28.Асноуныя тэндэнцыi развiцця бдл у 60-90 г.
- •29. Казачны свет в. Віткі:
- •30. Казкі Ул. Дубоукі для дзяцей, іх жанравая разнастайнасць
- •31. Максім танк для дзяцей
- •32. Творчасць с. Шушкевіча для дзяцей
- •33. Тэматыка і праблематыка казак у. Караткевіча
- •34. Праблематыка трылогіі і. Сяркова “Мы з Санькам у тыле ворага”
- •35. Жанравая і тэматычная разнастайнасць твораў п. Місько для юнага чытача
- •36. Тэматыка I праблематыка апавяданну я. Брыля для дзяцей
- •37. Сучасная паэзія для дзяцей.
- •38. Сучасная проза для дзяцей.
- •39. Сучасная літаратурная казка
- •40. Сучасная дзiцячая драматургія
4. Малыя жанры дзіцячага фальклору (пацешкі, заклічкі, дражнілкі):
Пацешкі-невялікія вершы, песні з захапляльным жартаўліва-гумарыстычным зместам, ў якіх адбываецца сюжэтнае развіццё дзеяння, для якога ўласцівы імклівасць і дынамізм. Дзеці любяць іграць са своімі ножкамі, ручкамі і такая гульня падтрымліваецца дарослымі з дапамогай забаўлянак-пацешак; яна выклікае ў малых добры настрой. Пацешкi выконвалi i вялiкую педагагiчна-выхаваўчую ролю, прывучалi дзяцей разумець дабро, быць праўдзiвымi, добрасумленнымi, працавiтымi. Праз забаўлянкi дзецi атрымлiвалi першыя ўрокi маральна-этычных паводзiн чалавека ў грамадстве, засвойвалi мараль, выпрацаваную народам на працягу стагоддзяў. Напрыклад: Сарока-варона кашу варыла, гэтаму дала, гэтаму дала, а табе, маленечкі, не дала. Заклічкі- кароценькія прыгаворы або песні, якія звернуты да сонца, дажджу, насякомых, птушак, раслін. Заклічкам ў той час надаваўся магічны сэнс. . Праз многія заклічкі адбываецца зварот да сонца як да крыніцы дабарабыту(Свяці, свяці, сонейка…)….. І ў цяперашні час дзеці ўбачыўшы божую кароўку гавораць: Божья кароўка, ты ляці на небка…. У заклічцы не проста зварот да прыроднай стыхіі, але выяўленая ў слове, рытме, інтанацыі гама пачуццяў - перажыванняў, захаплення, пяшчоты. Эмоцыі радасці, даверу, упэўненасці ў добрым закладзены ў самім ладзе верша - у хвалепадобных паўторах, у змене малюнкаў-просьбаў. Заклічка нараджае ў дзіцяці веру ў важнасць і значнасць слова. Гэтая вера ўмацоўваецца самім дзеяннем загаворы і ў той жа час пачуццём абароненасці ў выпадку неспрыяльнага зыходу просьбы, бо звяртаецца да сілаў прыроды дзіця заўсёды разам з іншымі дзецьмі (магчыма, і з дарослымі). Дражнілкі- невялікія вершаваныя творы, у якіх высмейваецца супраціўнік, яго імя, знешні выгляд, рысы характару.. Напрыклад: Андрэй-верабей, на кадушцы сядзеў. Усіх жаб пераеў, адну не даеў і жывот забалеў. Многія дражнілкі, як і мянушкі, вельмі трапна падмячаюць якую-небудзь рысу характару або знешнасці і надоўга замацоўваюцца за чалавекам. Чым эмацыянальней рэагуе на іх чалавек, тым з болыцай ахвотай і стараннем скандуюць дражнілку дзеці. Асобныя дражнілкі вельмі з’едлівыя, часам натуралістычныя, што абумоўлена іх прызначэннем.
5. Беларускія народныя дзіцячыя песні: Дзіцячыя песні ўяўляюць сабой розныя па паходжанню і зместу творы. Многія з іх раней уваходзілі ў рэпертуар дарослых, таму збіральнікі фальклору яшчэ і зараз адны і тыя ж тэксты адносяць то ў разрад дзіцячых, то ў разрад бяседных або гумарыстычных. Сапраўды, дзіцячыя песні — гэта не толькі творы, прызначаныя спецыяльна для дзяцей. Многія песні дарослых даўно перайшлі ў дзіцячы рэпертуар. У фальклорных зборніках мождна знайсці мноства чароўных беларускіх песен. Сюжэты у бел дзіцячых песнях больш разгорнутыя ў параўнанні з сюжэтамі забаўлянак і калыханак. У адной песні можа быць некалькі падзейных ліній, магчымы нечаканыя павароты падзей. Сама песня, яе змест, вобразы – вось што цікавіць малых, бо я ны ужо могуць самастойна або з дапамогай дарослых вызначыць свае адносіны да пачутага. Дзеючыя асобы дзіцячых песен – птушкі (верабей, бусел, сава, перапяліца, дзяцел), жывелы (заяц, воўк, конь, казёл, бык, кот). Яны надзяляюцца рысамі, якія уласцівы чалавеку (хітрасць, упартасць, даверлівасць), пападаюць ў складныя сітуацыі, на вырвшэнне якіх уплываюць згаданыя рысы. Падобныя песні вызначаюцца не толькі павучальным, але і пазнавальным зместам. Яны вучаць дзяцей назіральнасці, спрыяюць развіццю ў іх здольнасці, аналогій, супастаўленняў. Дзіцячыя песні, таксама як і калыханкі, і забаўлянкі характэрызуюцца канкрэтнасцю малюнкаў і мастацкіх вобразаў, займальнасцю, дынамічнасцю сюжэтаў. Характэрнай рысай многіх песень з’яўляецца незвычайнасць адлюстраваных у іх дзеянняў, відавочная неадпаведнасць уяўленням аб навакольным свеце. Гэта так званыя небыліцы. Песні са свядомай устаноўкай на неверагоднасць, неадпаведнасць рэчаіснасці распаўсюджаны ў фальклоры многіх народаў і карыстаюцца нязменнай папулярнасцю ў дзяцей. І калі ў песні пра жаніцьбу вераб’я маленькая мурашачка надзяляецца якасцямі вялікай жывелы, гэта ўспрымаецца як камічнае, бо дзецьмі ўжо добра засвоены сапраўдныя суадносіны рэчаў.
А для дарагіх гасцей
Мурашку зарэзаў,
Кадку мяса насаліў,
Шост кілбас навесіў.
Такі ж прыём і ў песнях пра смерць камара або мухі, дзе гэтым нязначным падзеям надаецца сэнс зусім ім неадпаведны. Некаторыя песні-небыліцы першымі радкамі папярэджваюць слухача, што расказ у іх вядзецца пра заведама немагчымыя рэчы. Яны вельмі блізкія да казак-небыліц, змест іх часта звязаны з незвычайным падарожжам на неба або ў трыдзесятае царства. У дзіцячых песнях перадаюцца маральныя погляды народа, паказваецца праца і адносіны да яе. Многія з песень вельмі тактоўна, з лёгкім жартам крытыкуюць зазнайства, палахлівасць, самахвальства. Усе гэтыя песні, нягледзячы на незвычайных дзеючых асоб, цесна звязаны з рэальным жыццём, бытам і звычаямі вёскі. Вельмі папулярныя сярод дзяцей песні без канца, якія называюць да’ кучнымі. «Сакрэт» іх бясконцасці ў пабудове: апошнія радкі патрабуюць паўтарэння ўсяго тэксту з самага пачатку («Як жыў журавок і з журавачкай», «Сядзеў я на пні» і інш.).