Дәрменсіз пациентті кереуеттің бас жағына қарай орнын ауыстыру (бір медбике орындайды)

Қарсы көрсетілімдері: омыртка жотасы жарақаты; омыртқа жотасына жасалған ота;

эпидуральды анестезия.

• Пациентке шараның орындалуын түсіндіру, айтылғанды оның түсінгеніне көз жеткізіп және орындауға келісімін алыңыз.

• Айналадағы жәйттерді бағалаңыз. Тұтқаларды төмен түсіріп (егер олар болса), кереует тежегішін бекітіңіз.

• Пациенттің кереует ортасында көлденең жатқанына көз жеткізіңіз. Пациенттен басын көтеруді сұраңыз, егер оның жағдайы болмаса, сақтықпен басын көтеріп, жастығын алып, басты кереует бас жағына қарай төмендете түсіріңіз.

• Орнын ауыстыру шарасы пациенттің аяқ жағынан басталады:

• пациент аяғы тұсында 45°бұрыш деңгейінде тұрыңыз;

• аяқтарды 30 см-дей арақашықтыққа қойыңыз;

Дәрменсіз пациентті кереуеттің бас жағына қарай орнын ауыстыру

• бас жаққа жақын тұрған аяқты сәл кейін қойыңыз;

• тізелеріңізді, қолдарыңызды пациент аяғы тұсына келгенше бүгіп,

кері қойылған аяққа салмақты ауыстырыңыз;

• пациенттің аяқтарын қиғаш (диагональ) бойынша бас жаққа ауыстырыңыз.

• Тізелерді бүгіп пациент кеудесі деңгейіне жеткенше қолдарды ауыстырыңыз.

• Қиғаш (диагональ) бойынша пациент жамбасын бас жаққа ауыстырыңыз.

• Бір қолды пациент мойнының астына жіберіп, иығын сүйемелдеу, екінші қолды арқа астына қойыңыз.

• Басты, кеуденің жоғарғы бөлігін қиғаш (диагональ) бағытымен бас жаққа жылжытыңыз.

• Бүйірдегі тұтқаны көтеріп (егер ол болса), кереуеттің екінші жағына шығып, тұтқаны түсіріңіз.

• Кереуеттің бір жағынан екіншісіне шығып, пациент денесі қажетті биіктікке көтерілгенше аталған шараларды қайталау.

• Алма кезек дененің жоғарғы бөлігін, жамбасын, аяқтарын жылжытып пациентті төсектің ортасына ауыстырыңыз.

• Пациент басын, иықтарын көтеріп, жастық салыңыз. Оның ыңғайлы жатқанына көз жеткізіңіз.

Пациентті кереует шетіне орнын ауыстыру (бір медбике орындайды, пациент көмектесе алады)

Қолдану көрсетілімдері: басқа орын ауыстырудың алдыңғы сатысы.

Қарсы көрсетілімдері: омыртка жотасы жарақаты; омыртқа жотасына жасалған ота;

эпидуральды анестезия.

• Пациентке шараның орындалуын түсіндіріп, айтылғанды оның түсінгеніне көз жеткізіп және орындауға келісімін алыңыз.

• Айналадағы жәйттерді бағалаңыз. Тұтқаларды төмен түсіріп (егер олар болса), кереует тежегішін бекітіңіз.

• Пациенттің кереует ортасында көлденең жатқанына көз жеткізіңіз. Медбике тұрған жақ қапталындағы тұтқаны түсіріңіз.

• Пациенттен басын көтеруді сұрап, жастығын алып, басты кереует бас жағына қарай төмендете түсіріңіз.

• Пациенттің бас жағында тұрып, аяқтарды 30см-дей арақашықтықта қойыңыз, тізелерді бүгіп, бірақ алға қарай еңкеймеу керек.

• Пациент шынтақтарын қусыра ұстауын сұраңыз.

• Бір қолды пациент мойны мен иығы астына, екіншісін арқаның жоғарғы бөлігі астына жіберіңіз.

• «Үш» деп санағанда денені бұрып, пациент арқасының жоғарғы өзіңізге қарай тартыңыз.

• Қолдар қалпын ауыстыру: бір қолды белге, екіншісін санның астына

қойыңыз.

• «Үш» деп санағанда денені бұрып, пациент кеудесінің төменгі бөлігін өзіңізге қарай тартыңыз.

• Қолдарды пациент тақымы мен аяқ басы астына қойып және «үш» деп санағанда, өзіңізге қарай жылжытыңыз.

• Пациентке басын көтеріп, жастық салыңыз, қапталдағы белдікті көтеріңіз (егер ол болса).

• Орын ауыстыру себебіне байланысты шараны орындаңыз.