Пациентті «қолтық астынан ұстау» әдісімен сүйемелдеу (бір медбике орындайды, пациент көмектесе алады)
Қолдану көрсетілімдері: көмектесуге мүмкіндігі бар пациентті сүйемелдеу және
орнын ауыстыру.
Пациентке шараның орындалуын түсіндіріңіз, айтылғанды оның түсінгеніне көз жеткізіп және орындауға келісімін алыңыз.
Пациент жағдайын және айналадағы жәйттерді бағалаңыз.
Отырғышта (төмен кереуетте) отырған пациенттің бүйір жағынан бетіне қарсы тұрып, бір аяқты отырғышқа қатар қойып, екінші аяқ басын сәл бұрып, пациент аяқтары алдына, тізесіне тіреп қойыңыз.
Қолды пациент қолтығына енгізу: бір қол басын алдынан артқы бағытта, алақанды жоғары жаққа, бас бармақ қолтықтан тыс орналастырылады; екінші қол – артқы жақтан алға қарай, алақан жоғары жаққа, бас бармақ сыртынан қолтықтан тыс орналастырылады. 2-13 сурет.
Сіз өз денеңіздің салмағын еркін бір аяқтан екіншісіне ауыстыра алатыныңызға және ыңғайлы тұрғаныңызға көз жеткізіңіз.
Пациеттен алға қарай еңкейіп, сізге жақын тұрған иығымен сіздің кеудеңізге қатты тіреуін сұраңыз (не оған көмектесіңіз).
Пациентті белден ұстап сүйемелдеу (бір медбике орындайды, пациент көмектесе алады)
Қолдану көрсетілімдері: көмектесуге мүмкіндігі бар пациентті сүйемелдеу және
орнын ауыстыру.
Пациентке шараның орындалуын түсіндіріңіз, айтылғанды оның түсінгеніне көз жеткізіп және орындауға келісімін алыңыз.
Пациент жағдайын және айналадағы жәйттерді бағалаңыз.
Пациенттің бетіне қарай бүйір жағынан тұрыңыз. Бір аяқты пациент аяғының алдына, тізесіне тіреп қойыңыз.
Пациентің белдегі белбеуіне (юбкасына) екі қолдың бас бармағын қойыңыз, әрі қарай барлық саусақтармен киімінен ұстаңыз. 2-14 сурет (пациентке қосымша жалпақ белбеу салуға болады).
Белбеудің сенімді тағылғанына көз жеткізіңіз.
Пациент сіздің беліңіз тұсынан ұстауын, не сіздің белбеуіңізден ұстауын сұраңыз.
Пациентті жүрген кезде сүйемелдеу (бір медбикемен орындалады)
Қолдану көрсетілімдері: жарақаттан не инсульттан және т.б. кейін адамнын жүруіне
көмектесу.
Пациентке ұстау, сүйемелдеу мәнін түсіндіріп, оның түсінгеніне көз жеткізіңіз.
Пациент жағдайын және мүмкіндіктерін бағалаңыз:
ол өздігінен не жасай алады;
ол қандай колдауды қажет етеді;
оған қосымша құралдар керек пе (таяқ, балдақтар, жүруге көмектесетін жабдықтар).
Айналадағы жағдайды бағалаңыз (еден ылғалдығы, жеңіл аяқкиім, едендегі бөгде заттар, пациент жолында тұрған аспаптар).
Пациентпен қатар тұрыңыз.
«Бас бармақпен алақанды ұстау» әдісін қолданып; пациенттің оң қолын өзіңіздің оң қолыңызбен (не сол қолын сол қолыңызбен) ұстап: пациент қолы тіке, алақанымен медбике алақанына тірелген, бас бармақтар «кілттенгендей» жабылған (2.15 –сурет) түрде.
Пациентті оң қолмен шынтақ астынан, қолтығынан не белінен сүйемелдеңіз.
Пациентке мүмкіндігінше жақын тұрып, егер пациент өзіне сенімсіз болса, оның тізесін (егер медбике оң жағынан тұрған болса) оң аякпен тіреңіз (2.16-сурет).
Пациент өзіне сенімсіз болса, онымен бірге жүріңіз.
