Пациентті көтеру

Көтеруді бастағанда қажеттісі:

медбикелердің аяқтары еденде орнықты орналасқанына көз жеткізу;

пациентті сүйемелдеудің ең сенімді әдісін таңдау;

мүмкіндігінше пациентке жақын келу;

арқасын тік ұстау;

бригада мен пациент қимылды бір ырғақпен орындайтынына көз жеткізу.

Пациентті бір, екі не одан да көп кісілермен

сүйемелдеу, көтеру, ауыстыру әдістері

Бүгінгі күнге медбике денсаулығына салыстырмалы түрде қауіпсіз болып саналатын, пациенттің орын ауыстыруының 30-дан астам техникалық әдістері бар.

Пациентті көтергенде сүйемелдеу (екі не одан да көп адамдар орындайды)

Оң қолымен сіздін көмекшіңіздің оң білезігінің алдынан ұстайсыз — ол білезікті немесе жалғыз ұстау, немесе бір-біріңіздің оң қол басын білезік тұсынан алдыңғы жағынан ұстайсыз — ол қос білезікті ұстау, немесе бір-біріңіздің оң қолыңызды қол алысқандай ұстайсыз — ол қолмен ұстау, немесе он қолыңызбен бір-біріңіздің 1—4 саусақтарын ұстайсыз — ол саусақтармен ұстау.

1.4 Сурет. Пациентті сүйемелдеу әдістері пациентті «қолынан ұстау» әдісімен сүйемелдеу (бір медбике орындайды, пациент көмектесе алады)

Қолдану көрсетілімдері: пациенттің көмектесуге мүмкіндігі бар және отырғыш

(кресло) арқалығына жылжыту, пациентті сүйемелдеу

• Пациентке шараның орындалуын түсіндіріп, айтылғанды оның түсінгеніне көз жеткізіп және орындауға келісімін алыңыз.

• Пациенттің жағдайын және айналадағы жәйттерді бағалаңыз.

• Пациенттен қолдарын айқастырып, кеудесіне қысыңқырап ұстауын сұраңыз (егер бір қолы әлсіз болса, пациент әлсіз қолы білезігі тұсынан күштілеу қолымен ұстайды).

• Пациенттің отырған кресло немесе отырғыштың артқы жағынан тұрыңыз.

• Медбикеге өз қолдарымен пациент қолдарын мүмкіндігінше білезікке жақын жерден ұстаңыз (кеуденің артқы жағынан).

• Пациентті емелдеу не отырғыш (кресло) арқалығына жақындатыңыз.

1.5-сурет.“Қолынан ұстау” әдісімен сүймелдеу

Пациентті «шынтақ көтерген кезде ұстау» әдісімен сүйемелдеу (бір медбике орындайды, пациент көмектесе алады)

Қолдану көрсетілімдері: көмектесуге мүмкіндігі бар пациентті сүйемелдеу және

орнын ауыстыру.

• Пациентке шараның орындалуын түсіндіріңіз, айтылғанды оның түсінгеніне көз жеткізіп және орындауға келісімін алыңыз.

• Пациент жағдайын және айналадағы жәйттерді бағалаңыз.

• Отырғышта (төмен кереуетте) отырған пациенттің бүйір жағынан бетіне қарсы тұрып, бір аяқты отырғышқа қатар қойып, екінші аяқ басын сәл бұрып, пациент аяқтары алдына, тізесіне тіреп қойыңыз.

• Сіз өз денеңіздің салмағын еркін бір аяқтан екіншісіне ауыстыра алатыныңызға және ыңғайлы тұрғаныңызға көз жеткізіңіз.

• Пациенттен алға қарай еңкейіп, сізге жақын тұрған иығымен сіздің кеудеңізге қатты тіреуін сұраңыз (не оған көмектесіңіз).

• Пациент арқасына қарай сәл шалқайып және оны шынтағы астынан сүйемелдеп қатты ұстаңыз. (1.6 сурет) /2.12-сурет/

• Келесі иығыңызды пациенттің иығы сіздің қолыңызға тірелетіндей етіп қойыңыз.