Науқастың ішкі киімдерін ауыстыру

Мақсаты: науқастың жеке бас тазалығын сақтау.

Қолдану көрсетілімдері: іш-киім, жейделердің ластануы, науқастың қатты терлеуі.

Асқынулары: науқастың төсектен құлап кетуі, жалпы жағдайының нашарлауы, медбикенің қолымен терінің жарақаттануы және жұқпаны жұқтыруы.

Қажеттілерді дайындау: таза іш киім жиынтығын, ластанған киімдерді салуға арналған клеенка қапты.

Іс- әрекет алгоритмі:

1. Науқасқа емшара мақсатын түсіндіріп, оның келісімін алыңыз.

2. Қолыңызды жуып, жеке орамалмен сүртіңіз.

3. Өзіңіздің сол қолыңызды науқастың арқасының астына салыңыз.

4. Науқастың денесінің жоғарғы бөлігін көтеріңіз.

5. Ластанған жейденің етек жағынан жинап, оны қолтық асты аймағына және желкесіне дейін шыйыршықтаңыз.

6. Науқасты сүйемелдеп тұрып ластанған жейдені басынан асырып шешіп алыңыз.

7. Науқасты жастыққа жатқызып, екі қолын жейденің жеңдерінен босатыңыз (егер қолының біреуі жарақаттанған болса, онда жейдені алдымен сау қолдан, содан кейін ауру қолдан шешіңіз).

8. Таза жейденің жеңдерін қолдарына кигізіңіз (егер қолының біреуі жарақаттанған болса, онда алдымен жарақаттанған қолға, содан кейін сау қолға кигізіңіз).

9. Жейдені басынан өткізіңіз және оны бойымен жазыңыз.

10. Науқасты жастықтарға жатқызыңыз, кеудесіндегі жейдені түзетіңіз.

11. Ластанған жейдені клеенка қапқа салыңыз.

12. Қолыңызды жуып, кептіріңіз.

Ескерту: Қатаң төсек тәртібінде жатқан науқасқа түймесіз кең жейде кигізіңіз. Кеуде торының алдын жауып алдымен абайлап бір қолына, содан кейін екінші қолына кигізіңіз. Оның төсектегі қалпын өзгертпей, кең жейденің бос қалған екі жағын науқастың кеуде торының екі жағы бөлімдерінің астына қайырып қояды.

Халі ауыр науқастың шашын күту

Мақсаты: науқастың жеке бас тазалығын сақтау.

Қолдану көрсетілімдері: науқастың енжарлық қалпы.

Қажеттілерді дайындау: жылы суды (37-38°С), сабынды немесе сусабынды, шылапшынды, крушканы, тісі жиі тарақты, сүлгіні, 6% сірке су ерітіндісін, таза бас орамалды (мақта-матадан жасалған) кірлеген іш киімдерді салатын қапшықты.

Іс-әрекет алгоритмі:

1. Халі ауыр науқастың басын төсегінде жуыңыз.

2. Басына көтеріңкі қалып беріңіз, матрацты валик тәрізді домалақтап, қатты бұрап, оны науқастың басының астына қойыңыз, оның үстіне клеенка төсеңіз.

3. Науқастың басын мойын деңгейінде артқа қарай шалқайтыңыз.

4. Керуеттін бас жағына шылапшынды қойыңыз.

5. Науқастың басына сорғалата аққан сумен ылғалдаңыз, шашын сабындаңыз, бастың терісін мұқият түрде ысқылаңыз.

6. Шашты бастың маңдай бөлігінен артқа қараған бағытта сусабынмен жуыңыз.

7. Шашты сумен шайыңыз және оларды сүлгімен сығып құрғатыңыз.

8. Шашты тісі жиі тарақпен күнделікті тараңыз. Қысқа шаштарды шаштың түбірінен ұшына қарай, ал ұзын шаштарды бұрымға бөліп алып, ұшынан түбіріне қарай жаймен тарайды. Оларды жұлмауға тырысыңыз.

9. Басына таза орамал тағыңыз.

10.Бас астындағы құралды орнына түсіріңіз, барлық күтім заттарын жинап алыңыз, матрацты түзетіңіз.

11.Қолданылған күтім заттарын зарарсыздандыратын ерітіндіге салыңыз.

Ескерту:

- халі ауыр науқастың басын (егер қарсы көрсетілімдері болмаса) аптасына 1 рет жуу керек.

КӨЗДІ КҮТУ

Мақсаты: науқастың жеке бас тазалығын сақтау, ауруларының алдын-алу, қалі ауыр науқас көзіне таңертеңгі тазалықты жүргізу, дәрілік ерітіндіні тамызу.

Қолдану көрсетілімдері: науқастың қалі ауыр жағдайдағы көзінде шығындылардың (бөліністердің) болуы.

Қажеттілерді дайындау: залалсыздандырылған: дәке тампондарын, лотокті, пинцетті, 1:2000 фурациллин ерітіндісін немесе асептикалық ерітіндіні, мензуркаларды, қолғаптарды, өңдеуге арналған салфеткаларды тастауға арналған лоток, ҚЖАК.

Іс-әрекет алгоритмі:

1.Науқасқа емшара барысын түсіндіріп, оның келісімін алыңыз.

2.Көздерін қарап, жағдайын бағалаңыз.

3.Науқасқа Фаулер қалпын беріңіз.

4.Қолыңызды гигиеналық деңгейде жуып, қолғапты киіңіз.

5.Мензуркаға фурацилин ерітіндісін құйыңыз.

6.Дәке тампонын пинцеттің көмегімен фурацилин ерітіндісіне ылғалдатып, оны мензурканың қабырғасына, аздап қана сығып қысыңыз.

7. Оң қолға тампонды ұстап, сол көздің қабағын сыртқы бұрышынан, ішкі бұрышына қараған бағытпен сүртіңіз.

8. Іріңді қабыршақтар толық кеткенше тампондармен сүртуді 4-5 рет қайталаңыз.

9.Дәке тампонын фурацилин ерітіндісіне ылғалдатып, оң көздің қабағын сыртқы бұрышынан, ішкі бұрышына қараған бағытпен сүртіңіз, осы бағытпен сүртуді қайталаңыз.

10.Іріңді қабыршақтар толық кеткенше тампондармен сүртуді 4-5 рет қайталаңыз.

11.Қолданған дәке тампондарын өңдеуге арналған салфеткаларды тастауға арналған лотокқа тастаңыз.

12.Қолданылған қолғапты, тампондарды қауіпсіз жоюға арналған контейнерге салыңыз. Пинцетті, мензуркаларды, тамызғыштарды немесе ундинканы ішінде зарарсыздандыру ерітіндісі бар ыдысқа салыңыз.

14.Қолыңызды жуып,кептіріңіз.

Ескерту: көзді тазалаған кезде бірдей бір тампонмен екі көзді сүртуге болмайды. Бір көзден екінші көзге инфекция жұғуы мүмкін.

ҚҰЛАҚТЫ КҮТУ

Мақсаты: науқастың жеке бас тазалығын сақтау, құлақ ауруларының алдын-алу, құлақ құлығының жиналып қалу себебінен есту қабілетінің төмендеуін ескерту, дәрілік ерітіндіні тамызу.

Қолдану көрсетілімдері: науқастың ауыр жағдайы, есту жолында құлықтың жиналып қалуы.

Қарсы көрсетілімдері: құлақ қалқанындағы және сыртқы есту жолындағы қабыну процестері.

Қажеттілерді дайындау: залалсыздандырылған: лотокты, тамызғышты, пинцетті, мензурканы, мақта турундаларын, салфеткаларды, қолғаптарды, 3%-дық сутеғі асқын тотығы ерітіндісін, сабынды суды, ішінде зарарсыздандыратын ерітіндісі бар ыдысты, қауіпсіз жоюға арналған контейнерді.

Іс-әрекет алгоритмі:

1.Науқасқа емшара барысын түсіндіріп, оның келісімін алыңыз.

2.Қолыңызды гигиеналық деңгейде жуыңыз, қолғаптарды киіңіз.

3.Ішінде сабынды суы бар ыдысты дайындаңыз.

4.Науқастың басын тазаланатын құлаққа қарама-қарсы жағына қисайтыңыз, лотокты астына қойыңыз.

5.Сүрткіні жылы сабынды ерітіндіде ылғалдап алып, құлақ қалқанын сүртіңіз; сосын оны құрғақ сүрткімен құрғатыңыз (кірді кетіру үшін).

6.Алдын-ала су моншасында (t-36-37°С) жылытылған 3% сутегі асқын тотығы ерітіндісін залалсыздандырылған мензуркаға құйыңыз.

7.Оң қолыңа 3% сутегі асқын тотығының ерітіндісін, ал сыртқы естеу жолын түзету мақсатымен сол қолыңызбен құлақ қалқанын артқа және жоғары қарай тартыңыз; құлаққа 2-3 тамшы тамызыңыз.

8.Құрғақ турунданы жеңіл айналмалы қимылдармен сыртқы есту жолына 1 см тереңдіктен асырмай енгізіп, оны 2-3 минутқа қалдырыңыз.

9.Турунданы сыртқы есту жолынан айналмалы қимылдармен шығарып алыңыз, бұл есту жолындағы бөліністер мен құлықтың шығуын қаматамасыз етеді.

10.Екінші есту жолын да тура осындай реттілікпен тазартыңыз.

11.Қолғаптарды шешіңіз.

12.Қолданылған қолғапты, турундаларды, салфеткаларды қауіпсіз жоюға арналған контейнерге салыңыз. Пинцетті, мензурканы зарарсыздандыру ерітіндісі бар ыдысқа салыңыз.

13.Қолыңызды жуып, кептіріңіз.

Ескерту: құлақты тазалаған кезде мақтаны қатты затқа орауға болмайды, есту жолы жарақаттануы мүмкін.