Науқасты тасымалдау

• Науқастың хал-жағдайына байланысты қабылдау бөлімшесінен емдеу бөлімшеге зембілмен немесе каталкамен, отырғыш-каталкамен, жаяу тасымалдау әдісін дәрігер анықтайды.

Халі ауыр жағдайдағы науқасты каталкамен (қол арбамен) тасымалдау

Іс-әрекет алгоритмі:

1.Каталканы кушеткаға перпендикулярлы тік қояды, оның бас жағы кушетканаң аяқ жағында болуы керек.

2.Үш адам науқастың жанында бір қыр жағында тұрады:

• бірінші адам - науқастың басын және жауырын астын,

• екінші адам - жамбас және санның жоғарғы бөлігін,

• үшінші адам - тізе және балтыр астынан қолын жақындатып ұстайды.

3. Науқасты көтеріп онымен бірге каталка жаққа 90^о С бұрылады.

4. Науқасты каталкаға жатқызып, оның үстін жабады.

5. Халі ауыр жағдайдағы науқас бөлімшеге жіберілді деп хабар береді.

6. Бөлімшеге науқаспен бірге медициналық картасын жібереді.

Науқасы отырғыш – каталкамен тасымалдау

1. Медбике кталканың аяққа арналған тірегішін басып отырғыш – каталканы алға қарай еңкейтеді.

2. Аяққа арналған тірегішке науқастың тұруын сұрайды, сосын науқасты демеп-ұстап, отырғышқа отырғызады.

3. Отырғыш каталканы бастапқы қалпына келтіреді.

4. Тасымалдағанда қадағалайды: науқастың қолы отырғыш-каталканың шетінен, шынтақ сүйектің маңынан шықпауы қажет.

Қолды әлеуметтік деңгейде өңдеу

Мақсаты: науқастармен және қоршаған орта объектілерімен жанасу нәтижесінде медицнналық қызметкерлердің қол терісі ластанғанда, транзиторлы микрофлора мен ласты жою, науқас пен қызметкерлерге жұқпалық қауіпсіздіктен сақтану.

Қолдану көрсетілімдері: тамақты үлестіру алдында, науқасты тамақтандырғанда, әжетханаға барғаннан кейін, науқасқа күтім жүргізер алдында және жүргізгеннен кейін, (егер қолдары науқастың биологиялық сұйықтықтарымен жанасбаса), қарау, тексеру іс-әрекеттері алдында.

Қажеттілерді дайындау: дозатырлы сұйық сабынды, секундтық тілі бар сағатты, қағаз орамалдарды, ҚЖАК.

Іс-әрекет алгоритмі:

1.Саусақтардан сақинаны, жүзікті, сағатты және тағы да басқа әшекей-бұйымдарды шешіңіз, қол терісінің бүтіндігін тексеріңіз.

2.Халаттың жеңдерін білектің 2/3 бөлігіне дейін қайырып ораңыз.

3. Су шүмегін шынтақпен ашып, судың температурасын (35-40°С) реттеңіз,

4. Ағынды судың астында қолыңызды жуыңыз.

5.Сабынды алып, келесі ізбе-ізділікпен жуыңыз:

- алақанды алақанмен сабындап;

- сол қолдың сыртқы жақ бетін оң алақанымен және керісінше;

- алақанды алақанмен, бір қолдың саусақтары екінші қолдың саусақтары арасында;

- саусақ бас-қыртыстарын бір-біріне ысқылай, құлып тәрізді,

- тырнақ астын алақанға ысқылай,

- айналмалы қозғалыспен бас бармақты,

- соңында білекті айналдыра жуыңыз,

қол терісінің бетін мұқият білектің 2/3 бөлігіне дейін 30 секунд бойы 2 рет сабындап жуыңыз.

5.Сабынды көбікті кетіру үшін ағынды судың астында қолыңызды жуыңыз, содан кейін қолыңызды саусақ басын жоғары қаратып ұстай суды шынтаққа қарай жібере шайыңыз, жуғышқа ағуы қажет, қолдың саусақтары таза болу қажет.

6.Шүмекті шынтақ қимылымен жабыңыз.

8.Қолыңызды қағаз сүлгімен кептіріңіз, тастаңыз.

Естерту: Егер шынтақ шүмегі болмаса, онда суды ағызу кезінде сабындап алу қажет, ал қолды жуып болған соң, шүмектің үстіне су құю арқылы шайып тастау қажет.