Душтың астында жуындыру

Мақсаты: жеке бас тазалығын сақтау, аурухана ішілік жұқпаны алдын ала ескерту.

Қолдану көрсетілімдері: дәрігердің тағайындауы бойынша.

Қарсы көрсетілімдері: науқастың ауыр жағдайы, қан кету, қызба, жарақат, миокард инфарктісі, ми қан айналымының жедел бұзылуы.

Қажеттілерді дайындау: клеенклы алжапқышты, резеңке қолғапты, щетканы, шомылғыны тазалайтын заттарды, зарарсыздандыратын ерітіндіні, су термометрін, сабынды және жөкені, сүлгіні, таза іш киімдерді, резеңке төсенішті, тазартуға арналған ветощты, ҚЖАК /қауіпсіз жоюға арналған контейнерді/.

Іс -әрекет алгоритмі:

1. Клеенкалы алжапқышты тағыңыз, қолғаптарды киіңіз.

2. Желдеткішті жабыңыз, тазартылған себезгі бөлмесінің еденіне резеңке кілемшені төсеңіз.

3. Суды ағызыңыз (t - 37-38 С).

4. Науқасқа шешінуге көмектесіңіз және оны шынтақ астынан ұстап себезгі бөлмесінде қойылған табуреткаға отырғызыңыз.

5. Егер науқас өз бетінше жуына алмаса, онда сабынды және жөкені қолдана отырып, оны келесі ретпен жуыңыз және шайындырыңыз:

- басын,

- денесін,

- қолдарын,

- шат аймағын,

- аяқтарын.

6. Науқасқа себезгі бөлмесінен шығуға көмектесіңіз. Оны тура сол ретпен сүлгімен сүртіңіз.

7. Науқасқа таза киімдер кигізіңіз.

8. Себезгі бөлмесінің еденін щеткамен және тазалайтын заттармен мұқият жуыңыз, зарарсыздандыратын ерітіндімен тазартыңыз.

9. Қолданылған күтім заттарын зарарсыздандырыңыз.

10. Қолғапты қауіпсіз жою қаптамасына тастаңыз.

11. Қолыңызды жуып кептіріңіз.

Гигиеналық ваннаны жүргізу

Мақсаты: жеке бас гигиенасын сақтау, ауырухана ішілік жұқпаны алдын ала ескерту.

Қолдану көрсетілімдері: дәрігердің тағайындауы бойынша.

Қарсы көрсетілімдері: кез келген қан кету, науқастың халі ауыр жағдайы, қызба жарқатта, тері ауырулары, жедел жұқпалы ауырулар, миокард инфакті, ми қан айналымының жедел бұзылуы.

Қажеттілерді дайындау: су термометрін, қайшыны, сүлгіні, жеке сабынды және жөкені, су сабынды, таза іш киімдерді, резеңке қолғаптарды, кеенкалы алжапқышты, зарарсыздандыратын ертінідісі бар ыдысты, аяққа арналған тіректі, тазартуға арналған ветощты, ҚЖАК /қауіпсіз жоюға арналған контейнерді/ .

Іс – әрекет алгоритмі:

1. Науқасқа алда болатын емшара барысын түсіндіріп, оның келісімін алыңыз.

2. Клеенкалы алжапқышты тағып, қолғапты киіңіз.

3. Шомылғыны /ваннаны/ ортасына дейін жылы сумен толтырыңыз, судың температурасы 40-42 С болуы керек.

4. Науқастың шешінуіне көмектесіңіз.

5. Науқасты артқы жағынан, шынтақ астынан сүйемелдеп, аяқтарын тірегішке тіреп, шомылғыға отырғызыңыз, ал судың деңгейі науқастың арқа жағынан желкесіне дейін, ал алдынан төс сүйегінің семсер тәрізді өскініне дейін жетіп тұруы тиіс.

6. Егер науқас өз бетінше ваннаны қабылдай алмайтын болса, онда жөкені қолдана отырып, оны келесі ретпен жуындырыңыз және шайындырыңыз:

- басын,

- денесін,

- қолдарын,

- шат аймағын,

- аяқтарын.

6. Науқастың иғын сүлгімен жабыңыз және оған шомылғыдан шығуға көмектесіңіз. (Қажет болған жағдайда, көмекті екінші адамммен бірге көрсетіңіз ).

7. Науқасты тура сол ретпен сүртіңіз. Табиғи қатпалар және саусақ арлықтары терісінің құрғақтығына көзіңізді жеткізіңіз.

8. Қажет болған жағдайда, науқастың қолының және аяқтарының тырнақтарын алыңыз.

9. Науқасқа шашын тарауға, киімін және аяқ киімдерін киуге көмектесіңіз.

10. Шомылғыдағы суды ағызыңыз және оны зарарсыздандыратын ерітіндімен өңдеңіз, ағын сумен жуыңыз.

11. Қолданылған күтім заттарын, шомылғыны зарарсыздандырыңыз.

12. Қолғапты қауіпсіз жою қаптамасына тастаңыз.

13. Қолыңызды жуып кептіріңіз.

Ескерту:

- ваннаны қабылдау уақыты 25 минуттан артық емес;

- ваннаны қабылдаған кезде науқасты бақылаусыз қалдыруға болмайды, міндетті түрде оның сыртқы түр-әлпетін және пульсін қадағалау қажет;

- науқастың көңіл күйі нашарлаған жағдайда тез арада ванна қабылдауды тоқтатып, дәрігерді шақырып, науқасқа алғашқы көмекті көрсету қажет.