Науқастың көкірек шеңберін өлшеу

Мақстаы: науқастың физикалық дамуын бағалау

Көрсеткіштері: науқасты қарау, науқасты динамикалық бақылау, перзентханаға қабылдау.

Қажеттілерді дайындау: сантиметрлік лента, науқасты бақылау парағы, қолғаптарды, зарарсыздандыратын ерітіндісі бар ыдысты, тазартуға арналған ветощты, ҚЖАК /класс «А»/ .

Іс-әрекет алгоритмі:

1. Науқасты хабардар етіп, келісімін алу.

2.Сантиметрлік лентаның бүтіндігін қарау, сандардың айқындылығына көз жеткізу.

3. Науқасқа киімдерін жоғары көтеруін және қолдарын екі жаққа созуын сұраңыз.

4. Сантиметрлік лентаны арқа жағынан ұстап – жауырнның астыңғы бұрышынан және алдынан 4 қабырға деңгейінде бекіту.

- науқастың қолдары төмен бағытталған, дем алуы еркін. Өлшеуді 2 рет жүргізеді:

- тыныштықта; - максимальді тыныс алғанда; - максимальді тыныс шығарғанда.

5. Алынған нәтижелерді бақылау парағына белгілеңіз.

6. Қолғапты киіңіз, ветощты дезинфекциялық ерітіндіге салып қысыңыз, лентаны 2 рет

5 минуттық интервалмен сүртіп, ағынды су астында шайып, кептіріп, футлярға салып қойыңыз.

7. Қолғапты қауіпсіз жою қаптамасына тастаңыз.

8. Қолыңызды жуып кептіріңіз.

Бит анықталған кездегі санитарлық тазарту

Мақсаты: ауырухана ішілік жұқпаның таралуын алдын ала ескерту, жұмыртқаларды, сіркені және биттерді дененің шашты бөліктерін жою.

Қолдану көрсетілімдері: бит және сіркенің болуы.

Қарсы көрсетілімдері: тері ауыруларында, бес жасқа дейінгі балаларға, жүкті әйелдерге, бала емізетін аналарға жүргізуге тиым салынады.

Қажеттілерді дайындау: биттерге қарсы қолданылатын жиынтықты: медициналық халатты, полиэтиленді орамал, орамал, бір рет қолдануға арналған төсеніш қағазды, сүлгі, педикулцидтердің біреуін («Ниттифор», «Антибит» лосьондарын, «Педилин» сусабын), сірке су қышқылының 6 % ертінітдісін, тістері жиі тарақты, дәке тампондары, лупаны, қырыну құралдары, киім кешекті, зарарсыздандыру камерасына жіберуге арналған қапты клеенканы, резеңке қолғаптарды, аурухананың медициналық картасын, жұқпалы ауыру туралы жедел хабарлама формасын (Ф- 058 /у), жұқпалы ауыруды есекпке алынатын журналды (Ф- 060 /у), зарарсыздандыратын ерітіндісі бар ыдысты, тазартуға арналған ветощты, ҚЖАК /қауіпсіз жоюға арналған контейнерді/.

Іс- әрекет алгоритмі:

1. Науқаспен жылы жүзді сенімді қарым-қатынас жасаңыз.

2. Емшараның мақсаты мен барысын түсіндіріңіз.

3. Үстіңізге қосымша халат, қолғапты киіңіз, орамал тартыңыз.

4. Клеенка төселген кушеткаға немесе орындыққа науқасты (егер оның жағдайы көтерсе) отырғызыңыз. Иығын орамалмен жабыңыз.

5. Педикулоцидтердің бірімен ығалдандырылған тампонмен бастың шашты бөлігінің шетінен бастап, біртіндеп шашты өңдеңіз (молынан ылғалдаңыз).

6. Басын полиэтилен орамалмен, оның үстінен орамалмен байлап қойыңыз (оны ұстайтын уақыт қолданылатын педикулицидттердің түрімен байланысты).

7. Шашты ағынды жылы сумен, содан кейін су сабынмен жуыңыз.

8. Содан соң жылы 6 % сірке су қышқылы ерітіндісімен өңдеңіз.

9. Шашты ағынды жылы сумен шайыңыз, сүлгімен құрғатыңыз.

10. Науқастың иығына бір рет қолдануға арналған төсеніш қағазды жауып, шашын соның үстінде тістері жиі тарақпен 10-15 минут бойы тараңыз.

11. Дәке тампондарын, полиэтиленді орамалды, бір рет қолдануға арналған төсеніш қағазды өртеп жіберу үшін шелекке тастаңыз, науқасқа қолданылған орамалды, ақжайманы, сүлгіні өңдеу үшін қапқа салыңыз.

12. Науқастың және медбикенің киім кешегін қапқа салып, өңдеу үшін зарарсыздандыратын камераға жіберіңіз, ал тарақты, қайшыны зарарсыздандыратын ерітіндісі бар ыдысқа салыңыз.

13. Науқастың аурухана медициналық картасына биттеу айқындалды деген белгі қойыңыз. (күні, тазарту уақыты және медбикенің қолы.)

14. Биттеген науқасты аурухананның қабылдау бөліміндегі жұқпалы ауруларды есепке алу журналына (Ф-060/у) тіркеңіз.

15. СЭС-қа биттеу туралы жедел хабарлама Ф-058/у жолдамасын толтырып жіберіңіз.

16. Емдеу бөлімінде науқасты күнде тексеріңіз, егер бит табылса, қайталап санитарлық өңдеу жүргізіңіз.

Ескерту: шашты қиюды және қыруды қажет болған жағдайларда немесе келісім берген жағдайда өткізеді.