- •Бібліятэказнаўства. Гісторыя
- •Складальнік
- •Тлумачальная запіска
- •Прыкладны тэматычны план
- •Змест дысцыпліны Уводзіны. Прадмет, задачы, асноўныя падыходы і паняцці
- •Раздзел і. Бібліятэкі Старажытнага Усходу (ііі – і тыс. Да н. Э.) Тэма 1. Перадумовы зараджэння бібліятэк
- •Тэма 2. Узнікненне і развіццё бібліятэк у Шумеры, Акадзе, Дзяржаве Хетаў, Асіра-Вавілоніі, Егіпце
- •Раздзел іі. Бібліятэкі ў эпоху Антычнасці і элінізма
- •Тэма 3. Бібліятэкі ў Старажытнай Грэцыі
- •Тэма 4. Бібліятэкі ў Старажытным Рыме
- •Раздзел ііі. Бібліятэкі ў эпоху Сярэднявечча (V – xiiі стст.) Тэма 5. Бібліятэчная справа на Усходзе (Кітай, Японія, Арабскі халіфат)
- •Тэма 6. Бібліятэчная справа ў Візантыі, Заходняй Еўропе, Старажытнай Русі. Узнікненне бібліятэк на тэрыторыі Беларусі
- •Раздзел IV. Бібліятэкі ў эпоху Адраджэння (хііі – першая палова XVII ст.) Тэма 7. Бібліятэчная справа і еўрапейскі Рэнесанс (Італія, Далмацыя, Венгра-Харватыя, Германія, Францыя, Англія)
- •Тэма 8. Бібліятэкі ў Расіі
- •Тэма 9. Бібліятэкі ў Беларусі
- •Тэма 11. Бібліятэчная справа ў Расіі
- •Тэма 12. Бібліятэчная справа ў Беларусі
- •Раздзел vі. Бібліятэчная справа ў XIX – пачатку XX ст. Тэма 13. Навуковыя і нацыянальныя бібліятэкі
- •Тэма 14. Агульнадаступныя бібліятэкі
- •Тэма 15. Бібліятэчная справа ў Беларусі
- •Раздзел vіі. Бібліятэчная справа ў XX – пачатку ххі ст. Тэма 16. Асноўныя кірункі развіцця бібліятэчнай справы
- •Тэма 17. Міжнароднае бібліятэчна-бібліяграфічнае супрацоўніцтва
- •Тэма 18. Сучасны стан развіцця бібліятэчнай справы ў Беларусі (пасля 1991 г.)
- •Інфармацыйная частка Літаратура
- •2. Рабочая праграма вучэбнага курса
- •Для студэнтаў фідк
- •Заняткі па засваенню тэарэтычнага матэрыялу Семінары
- •Пытанні:
- •Абавязковая літаратура:
- •Дадатковая літаратура:
- •Семінар 2. Бібліятэкі Сярэднявечча
- •Пытанні:
- •Абавязковая літаратура:
- •Дадатковая літаратура:
- •Семінар 3. Бібліятэкі эпохі Адраджэння
- •Пытанні:
- •Абавязковая літаратура:
- •Дадатковая літаратура:
- •Дадатковы матэрыял да тэмы “Бібліятэкі Беларусі”:
- •Семінар 4. Бібліятэчная справа эпохі Асветніцтва
- •Пытанні:
- •Абавязковая літаратура:
- •Дадатковая літаратура:
- •Семінар 5. Бібліятэчная справа ў хіх – хх ст.
- •Пытанні:
- •Абавязковая літаратура:
- •Дадатковая літаратура:
- •Семінар 6. Сучасны стан і перспектывы развіцця бібліятэк.
- •Пытанні:
- •Асноўная літаратура:
- •Літаратура да пытання № 4:
- •Дадатковая літаратура:
- •Тэсты па курсу “Бібліятэказнаўства. Гісторыя” варыянт 1
- •Варыянт 2
- •Варыянт 3
- •Варыянт 4
- •Варыянт 5
- •Варыянт 6
- •3. Рабочая праграма вучэбнага курса “Бібліятэказнаўства. Гісторыя” для студэнтаў фзн (4 і 5 гады навучання)
- •4. Метадычныя рэкамендацыі да семінарскіх заняткаў
- •ДакладЫ, курсавыЯ і дыпломныя работЫ Тэматыка
- •Метадычныя рэкамендацыі па напісанні дакладаў
- •Метадычныя рэкамендацыі па напісанні курсавых і дыпломных работ
- •Літаратура:
- •Пытанні для падрыхтоўкі да экзамену
- •7. Рэкамендуемыя формы кантролю за засваеннем курса
- •Курса “Бібліятэказнаўства. Гісторыя”
- •Карта ацэнкі работы студэнта
Тлумачальная запіска
“Бібліятэказнаўства: гісторыя” ў якасці раздзела ўваходзіць у курс “Бібліятэказнаўства”. Яго асноўнай мэтай з’яўляецца раскрыццё сусветнай гісторыі бібліятэчнай справы праз вывучэнне патрэбнасці грамадства ў бібліятэцы, яе ролі ў вытворчым і культурным жыцці. Вывучэнне сусветнай гісторыі бібліятэчнай справы як састаўной часткі сусветнай культуры неабходна для разумення агульных заканамернасцей развіцця культуры і спецыфічных праблем бібліятэчнага працэсу.
У раздзеле “Бібліятэказнаўства: гісторыя”, які абапіраецца на законы і катэгорыі філасофіі, тэорыі бібліятэказнаўства і гісторыі кнігі, разглядаецца развіццё бібліятэчнай справы ў кожную гістарычную эпоху ў цеснай сувязі з канкрэтнымі ўмовамі пэўнай дзяржавы, вывучаецца дзейнасць бібліятэк з пазіцыі патрэб грамадства, падаюцца асноўныя тэарэтычныя і практычныя пытанні эвалюцыі бібліятэк.
Адносіны паміж дзвюмя пярвічнымі функцыямі бібліятэкі – функцыяй фондаўтварэння і функцыяй абслугоўвання, змены ў іх узаемадзеянні складаюць галоўны прадмет гісторыі бібліятэк. Вывучэнне гісторыі бібліятэк менавіта як часткі сусветнай гісторыі культуры дазваляе выявіць і асэнсаваць тыя з’явы, якія найбольш моцна паўплывалі на іх развіццё і сталі пачаткам новага этапу іх эвалюцыі. Гісторыя бібліятэк разглядаецца ў сувязі з праблемамі, звязанымі з узнікненнем і развіццём бібліятэк і бібліятэчных сістэм, з генезісам поглядаў і тэорыі на арганізацыю грамадскага карыстання творамі пісьменства і друку ў мінулым і сучаснасці.
Асноўнымі задачамі раздзела з’яўляюцца:
– характарыстыка гістарычных перыядаў і этапаў развіцця бібліятэк, вызначэнне асноўных фактараў фарміравання бібліятэкі як сацыяльнага інстытута;
– асэнсаванне сацыяльных патрабаванняў да бібліятэкі і бібліятэкара;
– раскрыццё ўяўленняў аб эвалюцыі разнастайных тыпаў і відаў бібліятэк, іх функцый, даступнасці фондаў для чытачоў;
– авалоданне ведамі аб інфармацыйна-пошукавай сістэме бібліятэкі ў яе гістарычным развіцці і на сучасным этапе;
– дасягненнях бібліятэчнай думкі, буйнейшых бібліятэках, дзеячах.
У выніку вывучэння раздзела “Бібліятэказнаўства. Гісторыя” студэнты павінны ведаць:
– асноўныя этапы эвалюцыі бібліятэк і бібліятэчнай справы;
– ролю і месца бібліятэкі ў развіцці чалавечага грамадства;
– заканамернасці і тэндэнцыі развіцця бібліятэкі як сацыяльнага інстытута;
– значэнне арганізацыі інфармацыйна-пошукавай сістэмы ў абслугоўванні чытачоў;
– асноўныя тыпы і віды бібліятэк у іх гістарычным развіцці;
– буйнейшыя бібліятэкі мінулага і сучаснасці;
– знакамітых дзеячаў бібліятэказнаўчай думкі.
Студэнты павінны ўмець:
– карыстацца асноўнымі паняццямі, тэрмінамі бібліятэказнаўства;
– выкарыстоўваць веды па гісторыі бібліятэк у далейшай прафесійнай падрыхтоўцы для бібліятэчна-інфармацыйнай дзейнасці;
– валодаць галоўнымі фактамі і вынікамі вывучэння гісторыі бібліятэк Беларусі і замежных краін;
– улічваць гістарычныя ўмовы пры разглядзе важнейшых падзей і ролі асобы ў развіцці бібліятэк.
Матэрыял вывучаецца студэнтамі ў першым семестры і прадугледжвае разнастайныя формы заняткаў. Яны разлічаны, у тым ліку, на 48 гадзін аўдыторных. Прыкладнае размеркаванне аўдыторных гадзін па формах заняткаў наступнае: лекцыі – 36 гадзіны, семінары – 12 гадзін.
Прадугледжваецца кантроль ведаў у форме экзамену.