48. Сучасны стан і тэндэнцыі развіцця аматарскай мастацкай творчасці

Аматарская творчасць як спецыяльна арганізаваная дзейнасць па стварэнні, засваенні, распаўсюджванні культурных каштоўнасцей ва ўмовах вольнага часу. Аматарская мастацкая творчасць як сродак выяўлення творчых здольнасцей асобы, яе самавызначэння.

Функцыі аматарскай мастацкай творчасці: выхаваўчая, культуратворчая, рэкрэатыўна-забаўляльная, кампенсаторная, камунікатыўная, інфармацыйна-асветніцкая, мастацка-адукацыйная, развіцця асобы. Творчасць і майстэрства як фактары фарміравання асобы. Жанравая структура аматарскай мастацкай творчасці.

49. Рэжысёрскія асновы культурна-адпачынкавых праграм

Рэжысура як арганізацыя відовішчнага боку культурна-адпачынкавай праграмы. Рэжысёрская задума як вобразнае бачанне будучай адпачынкавай праграмы.

Прынцыпы рэжысуры культурна-адпачынкавых праграм. Агульнамастацкія, эстэтычныя законы відовішчных мастацтваў і іх узаемасувязь са сцэнічнымі законамі актывізацыі аўдыторыі. Педагагічная складаючая прынцыпаў рэжысуры культурна-адпачынкавых праграм. Прыём як сродак увасаблення рэжысёрскай задумы. Характарыстыка асноўных прыёмаў рэжысуры: сцэнічная рэалізацыя метафары, наўмыснае раскрыццё фабулы, прыём паўтора (рэфрэн), выкарыстанне экрана, перанос сцэнічнага дзеяння ў глядзельную залу і інш.

Творчая група рэжысёра культурна-адпачынкавых праграм. Рэжысёрская канцэпцыя праграмы і яе ўвасабленне ў калектыўнай творчасці. Пастановачная работа рэжысёра. Віды рэпетыцый: застольныя, планіровачныя, мантажныя, прагонныя, генеральныя. Методыка правядзення рэпетыцый з выканаўцамі. Асаблівасці правядзення генеральнай рэпетыцыі.

50.Сцэнарый як драматургічная аснова культурна-адпачынкавай праграмы

Аўтарская ідэйна-тэматычная задума – аснова будучай культурна-адпачынкавай праграмы. Звышзадача і ракурс як адлюстраванне аўтарскай задумы. Характарыстыка паняццяў “сцэнарны план”, “літаратурны сцэнарый”, “мантажны ліст” у кантэксце асноўных этапаў работы над сцэнарыем.Асноўныя графы мантажнага ліста як рэжысёрскай партытуры адпачынкавай праграмы.

Характарыстыка асноўных кампазіцыйных элементаў сцэнарыя: экспазіцыя, завязка, развіццё дзеяння, кульмінацыя, развязка і фінал. Асноўныя законы кампазіцыі: цэласнасць, узаемасувязь і супадначаленасць частак цэламу, падначаленасць выразных сродкаў аўтарскай задуме. Нумар і эпізод як адзінкі сцэнічнай інфармацыі. Паняцце “бесперапыннае драматургічнае дзеянне” і ўмовы яго дасягнення.

51.Сацыяльна-педагагічныя асновы арганізацыі культурна-адпачынкавай дзейнасці

Культурна-адпачынкавая дзейнасць як сацыяльна-культурны працэс, як сродак далучэння людзей да нацыянальнай і міравой культуры. Псіхолага-педагагічная сутнасць культурна-адпачынкавай дзейнасці.

Псіхалагічныя механізмы культурна-адпачынкавай дзейнасці: улік сацыяльна-псіхалагічных асаблівасцей розных катэгорый насельніцтва як удзельнікаў культурна-адпачынкавага працэсу. Вывучэнне запытаў і інтарэсаў чалавека ў сферы вольнага часу як умова арганізацыі культурна-адпачынкавай дзейнасці.

Асаблівасці арганізацыі выхаваўчага працэса ў аматарскіх калектывах і аб’яднаннях. Метады стымулявання культурна-адпачынкавай актыўнасці людзей. Метады арганізацыі творчай дзейнасці. Сацыяльная псіхалогія ў арганізацыі масавых форм культурна-адпачынкавай дзейнасці. Суб’ект – аб’ектная сувязь як умова педагагічнага працэсу ў культурна-адпачынкавай сферы.