77.Көпжақты беттердің өзара қиылысу сызығы қалай анықталады?

Көпжақты беттердің өзара қиылысу сызығы қалай анықталады? Екі призманың қиылысу сызығын табу үшін призма қырларын қиып өтетін қиюшы жазықтықтарын жүргіземіз. Қиюшы Р1 жазықтығы тік орналасқан үшжақты призманың қырынан өтіп, көлбеу орналасқан үшжақты призманың табанын К1 және М1 нүктелерінде қиып өтеді. Байланыс сызығының көмегімен фронталь проекция жазықтығынан К2 және М2 нүктелерін табамыз. Бұл нүктелерден жүргізілген түзулер тік орналасқан үшжақты призманың қырын С2 және L2 нүктелерінде қиып өтеді.Осындай жолмен бірнеше қиюшы жазықтықтар жүргізіп, екі призманың бірнеше нүктелерін (А, В, Е және С) табамыз.

Егер осы табылған нүктелерді өзара қоссақ, онда бұл нүктелердің жиынтығы жалпы жағдайда орналасқан және тік орналасқан призмалардың қиылысу сызығы болады.

78. Қисық сызық дегеніміз не?

Қисық сызықтар әртүрлі жағдайларда: - белгілі бір заңдылықпен үздіксіз қозғалатын нүктелер жиынтығы; - екі қиылысып жатқан беттердің қиылысу сызығы; - математикалық теңдеулер; - нүктелер жиынтығының берілген қасиеттері арқылы беріледі.

79. Жазықтық қисық сызығы дегеніміз не?

Егер қисық сызықтың барлық нүктелері бір жазықтық бойында орналасқан болса, онда мұндай қисық сызықтарды жазықтық қисық сызығы дейді.

80.Кеңістік қисық сызығы дегеніміз не?

Егер қисық сызықтың бір немесе бірнеше нүктесі ғана жазықтық бойында орналасса, қалған нүктелері кеңістікте болса, онда бұл сызықты кеңістік қисық сызығы дейді.

80. Кеңістік қисық сызығы дегеніміз не?

Кеңістік қисық сызықтардың жазық қисықтардан айырмашылығы – сызықтардың бір немесе бірнеше нүктелері ғана жазықтық бойында жатуы мүмкін . Бұл кеңістік қисық сызықтарына мысал ретінде цилиндрлік жəне конустық бұрама сызықтарын қарастырайық. Бұрама қисық сызық нүктенің бірқалыпты айналуы мен түзу сызықты қозғалысынан пайда болады. Цилиндрлік бұрама қисық сызықдеп бірқалыпты айналатын түзудің бойымен қозғалатын нүктенің жүру жолын айтады (78-сурет). Кей жағдайда цилиндрлік бұрама қисық сызықты гелиса деп те атайды. 78-суреттен көріп отырғандай шеңберді тең бөлікке бөліп, шеңбердің ұзындығын анықтап, оны тең бөліктерге бөліп алып, осы нүктелерден өзара перпендикуляр сызықтармен қосып, бұрама сызықты саламыз. Нүктенің цилиндр бойымен толық бір бұрама айналғанда көтерілген биіктігін (h)бұрама сызықтың адымы дейді. Егер цилиндрлік бұрама қисық сызықтың нүктесі шеңбер осінен сағат тіліне бағыттас айналса, онда бұрама сызық оңқай сызық болады. Егер сызықтың нүктесі шеңбер осінен сағат тіліне қарама-қарсы айналса, онда цилиндрлік бұрама сызық солақай болады (78-сурет).

Конустық бұрама қисық сызық деп өзімен қиылысатын түзуден бірқалыпты айналатын түзудің бойымен қозғалатын нүктенің жүру жолын айтады Конустық бұрама сызық пен цилиндр лік бұрама қисық сызықтың айырмашылығы – оның шеңбердегі үстінен қараған түрі Архимедтің спиралі түрінде берілсе, конустың алдынан қарағандағы көрінісі кеміген (өшкен) синусоида түрінде беріледі