58. Лицензиялауға жататын барлық қызмет түрлері

Негізінен туристік саладағы лицензия «Лицензия туралы» Заңмен белгіленген мерзімге беріледі. Лицензиардың басшысы не осыған уәкілетті адам лицензияға қол қояды және лицензиардың мөрімен куәландырылады. Туристік қызметтің тиісті түрімен айналысу құқығына лицензия өтінушіге заңнамада көрсетілген біліктілік талаптарына сай келген жағдайда беріледі. Туроператорлық қызметті жүзеге асыруға лицензия алу үшін, Турагенттік қызметті жүзеге асыруға лицензия алу үшін, Экскурсиялық қызметті жүзеге асыруға лицензиялау үшін, Туризм нұсқаушысының қызмет көрсетуін жүзеге асыруға лицензия алу үшін құжаттар жинастыру қажет. Өтінуші ұсынылған құжаттардың анықтығына Қазақстан Республикасының заңнамасымен бірге белгіленген жауаптылықта болады. Өтінушінің өткізген құжаттарында қамтылған мәліметтерді тексеру қажет болған ретте, лицензия беру туралы шешім тексеруден соң қабылданады.Тексерудің нәтижелері бойынша туроператорлық, турагенттік, экскурсиялық қызметтерді," сондай-ақ туризм нұсқаушысының қызмет көрсетуін жүзеге асыру құқығына лицензия беру туралы қортынды шығарылады. Туристік саладағы лицензияланатын қызметтерге қойылатын біліктілік талаптары болады. Туроператорлық қызметті лицензиялау кезінде өтінушіге қойылатын біліктілік талаптары Турагенттік қызметті лицензиялау кезінде өтінушіге қойылатын біліктілік талаптары, Экскурсиялық қызметті лицензиялау кезінде өтінушіге қойылатын біліктілік талаптары, туризм нұсқаушысының қызмет көрсетуін лицензиялау кезінде өтінушіге қойылатын біліктілік талаптары болуын қамтиды. Белгілі бір жағдайларда лицензия беруден бас тарту, лицензияны тоқтату, қайтарып aлy және оның колданылуын тоқтата тұру жағдайлары да заңнамалық тұрғыда қарастырылады.

59. Автокөлікті сақтандыру

Бүгінгі күнде автокөлікті сақтандыру автокөлік иелерінің көбіне қол жетімді бола бермейтін залалды өтеу көзі болып табылады. Сақтандыру жол апаты немесе көлікті айдап кету жағдайында кездейсоқ шығындардан құтылуға қалай көмектесетінін өмірінде осындай жағдайға ұшыраған адам ғана біледі. Бұл мәселенің лайық шешімін Allianz Қазақстан сақтандыру компаниясы ұсынады. Автокөлікті сақтандыру автокөлік иелерін сақтандыру жағдайының нәтижесінде болған автокөліктің жойылуы (құруы), жеткіліксіздігі немесе залал келтірілуі тәуекеліне байланысты күтпеген шығындардан арашалайды. Сақтандыру жол-көлік апаты, ұрлау немесе айдап әкету, кездейсоқ сыртқы ықпал, үшінші тұлғалардың құқыққа қарсы әрекеттері, ағаштардың құлауы, қозғалмайтын заттармен соқтығысуы, өрт, жарылыс, табиғат аптаттарының нәтижесіндегі мүліктік шығындардың орнын толтырады. Автокөлікті сақтандыру тарифі автокөліктің үлгісі, пайдалану мерзімі, Сақтанушының көлікті жүргізу тәжірибесі, тәуекелдер жинағы, франшиза мөлшері және сақтандыру аймағына тәуелді. Негізгі Сақтандыру тарифтері 3%-дан басталады.

Автокөлікті сақтандыру

Сақтандыру жағдайы:

• көлікті ұрлап айдап кету, ұрлау;

• жол-көлік оқиғасының нәтижесінде көлік құралының зақымдалуы немесе жойылуы;

• түрлі қозғалмалы/қозғалмайтын затпен соғылысуды қосқанда, кездейсоқ сыртқы ықпал, табиғат апаты, ұшу аппараттары мен олардың бөліктерінің құлауы;

• үшінші тұлғалардың қарсы әрекеттері;

• өрт, жарылыс.

Сақтанушы ұсынуы қажет құжаттар:

• көлік құралының мемлекеттік тіркелуі туралы куәлік (техпаспорт) немесе КҚ-на меншіктік құқығын растайтын басқа құжат;

• жүргізуші куәлігі, жеке тұлғаларды сақтандыру жағдайында – жеке куәлік;

• жеке тұлғаларға: Сақтандырылушының жеке куәлігі және салық төлеушінің тіркеу нөмірі; заңды тұлғаларға: тіркеу куәлігі және салық төлеушінің тіркеу нөмірі;

• cақтандырушы талабы бойынша басқа да қажетті құжаттар.

Сақтандыру төлемі келесідей жағдайларда жасалмайды:

• қажетті қорғаныс және аса қажеттілік жағдайларында жасалған іс-әрекеттерді қоспағанда, Сақтанушының сақтандыру жағдайын туындатуға бағытталған не оның туындауына ықпал ететін қасақана іс-әрекеттер жасауы;

• cақтанушының заңнамалық актілермен белгіленген тәртіпте қасақана қылмыстар немесе сақтандыру жағдайымен себептік байланыстарда болатын әкімшілік құқық бұзушылықтары болып танылған іс-әрекеттер жасауы;

• шартта көрсетілген басқа да жағдайларда.

Бағдарлама артықшылықтары:

• қажетті сақтандыру тәуекелдері Сақтанушының қалауынша таңдалады;

• сенімді қайта сақтандыру қорғауы;

• төлемдер сақтандыру сомасының көлемінде шынайы залал мөлшерінде төленеді;

• шығындарды реттеу жылдамдығы;

• фирмалық ТЖО-да сіздің таңдауыңыз бойынша қалпына келтіретін жөндеу жұмыстарын жүргізу.