1 Курстық жұмыстың мазмұны

1.1 Курстық жұмыстың тақырыбын таңдау және оны орындауға қойылатын талаптар

Курстық жұмыс пәннің оқу жоспарына сәйкес жүргізіледі. Студент курстық жұмыстың тақырыбын берілген тақырыптардың ішінен өзі таңдап, дәріскермен мақұлданып, тіркеледі.

Ұстаз жұмыстың бағытын анықтауға, студенттердің реферат жоспарына, әдебиеттерді таңдауына, көмектеседі, жұмысқа пікір береді және бағалайды.

Курстық жұмыстың тақырыбын таңдағаннан кейін студент ақпарат көздерін, соның ішінде құқықтық, нормативті және әдістемелік құжаттарды жинап, әдебиет тізімі нақтылайды. Керекті әдебиет тізімі төменде көрсетілген.

Қажет жағдайда студент жұмыс жоспарына, әдебиет тізіміне, рефератты дайындау және өткізу уақытына байланысты ұстазға хабарласады.. Рефераттың мазмұны курстық жұмыстың тақырыбы мен жоспарына сәйкес келуі керек.

1.1.1 Курстық жұмысты орындау бағыты

Бағыты төмендегідей болуы керек:

1. Курстық жұмыстың мазмұны мен мақсатын анықтау керек, жұмыс кезінде қаралатын нақты сұрақтардың тізімін жасау керек, осы сұрақтарға толық жауап беруі керек.

2. Кітапхана каталогтарын (жүйелік, пәндік, алфавиттік), сайттарды және т.б. ақпарат көздерін пайдалана отырып қажетті құқықтық, нормативті құжаттар мен әдебиеттерді жинау.

3. Курстық жұмыстың жоспарын құру керек, бұл жоспарда нақты тақырып, негізгі сұрақтарды (тараулар және т.б.) қарастыру керек.

4. Таңдаған тақрыбы бойыншпа жинаған құжат (нормативтер, стандарттар т.б.), әдебиет материалдарын талдап, қажетті жерлерін пайдалану керек.

5. Курстық жұмысты талапқа сай көркемдеу.

6. Белгіленген уақтта өткізіліген курстық жұмыс қа баға беріліп, пікір жазылады

7. Егер жұмыс талапқа сай болмаса (сын-пікірге байланысты) жұмысты толықтыру үшін студентке қайтарылады.

1.1.2 Курстық жұмысты көркемдеу

1. Алғашқы беті (титульный лист);

2. мазмұны;

3. реферат;

4. кіріспе

5. негізгі бөлім;

6. қортынды;

7. пайдаланылған әдебиеттер тізімі.

Реферат – курстық жұмыстың қысқаша мазмұны. Мұнда жұмыстың көлемі, суреттер, иллюстрациялық материалдар, кестелер, пайдаланылған әдебиеттер саны көрсетіледі, түйін сөздер (ключевые слова) тізімі, реферат мәтіні. Реферат мәтінінің орташа көлемі 1 беттен аспауы керек.

Түйінді сөздер тізімі рефераттық жұмыстың мазмұнын сипаттайды. Онда 5 тен 15 дейін түйінді сөздер атау септікте үтір арқылы жазылады.

Курстық жұмыс А4 форматты қағазда, сол жағы - 30 мм, оң жағы - 10, жоғарғы - 15, төменгі - 20 мм параметрлері сақталуы тиіс, интервал – 1,5.

Курстық жұмыс тараулардан тұрады, әр тарау жаңа беттен басталып, тақырыптар рим санымен, ал беттер арап санымен беттің оң жақ төменгі бөлігінде белгіленеді.

Алғашқы бет (титульды) бірінші бет болып саналады, бірақ реттік сан қойылмайды. Кіріспе бөлімінен бастап реттік сан қойылады.

Тараулардың тақырыптары үлкен әріппен, шрифтің көлемі 14 рх, майлы әріппен жазылады, «Тақырып» деген сөз жазылмайды.

Әр тараудың иллюстрациялары, графиктері, кестелері, диаграммалары, сызбалары сол тараудың нөмірі бойынша белгіленеді.Мысалы, сурет 1.2 (бірінші тараудың екінші суреті) немесе оларды қосымшаға қосады. Олардың тақырыптары болуы керек. Егер суреттің немесе схеманың мәтіндік немесе сандық ақпараты болса, шрифтің көлемі 10 рх, суреттің тақырыбы (шрифтің көлемі 12 рх) беттің ортасына (асты сызылмайды және бөлінбейді) жазылады.

Сандық материал кесте және қосымша түрде беріледі, кестені мәтіннен кейін жазады. Әр кестеге жұмыста сілтеме жасалуы керек. Кестелер сол, оң және төмен жағынан қоршалуы керек.

Кестелер мен формулаларды тарау ретіне байланысты арап санымен белгіленеді, мысалы, кесте 2.1 (екінші тараудың бірінші кестесі). Формуланың нөмірі беттің оң жағында жақшаларда келтіріледі, мысалы, р - 2 = с (2.2), яғни бұл екінші тараудың екінші формуласы деген сөз. Егер жұмыста бір ғана формула болса онда оны нөмірлеу қажет емес.

Белгілерге түсініктемелер формуланың астынан келтіріледі, формуладан кейін үтір қойылып, содан кейін жаңа жолдан сол жақтан – «мұндағы» деген сөзді (қос нүкте қойылмайды) жазып, содан кейін бірінші белгіні қойып сызықшадан кейін осы белгінің анықтамасын қою керек. Әр белгілердің анықтамасынан кейін үтір нүкте қойылады, ал соңғысында нүкте қойылады.

Кестенің тақырыбы болуы керек (шрифт 12рт), оны «Кесте 2.1» сөзден кейін жазу керек. «Кесте» деген сөз және кестенің тақырыбы бас әріптермен жазылады, нүкте қойылмайды. Кестенің тақырыбы екінші бетке ауыстырылмайды. Ал кестенің жалғасы екінші бетке жалғастырылса, онда кестенің басына «Кестенің жалғасы» деп жазылып нөмірі көрсетілуі керек. Мысалы:

1.1- Кесте – тақырыбы жазылады

1. - Кестенің жалғасы

Кестелер мен иллюстрациялар мәтінде алғашқы аталған кезде ғана қойылады, ал оларға мәтінде сілтемелер түріне байланысты жасалынады: 1.2-сурет, 2.1- кесте, (2.2) формула.

Пайдаланылған әдебиеттері тізімі төмендегідей ретте жазылады:

1. Қазақстан Республикасының конститутциясы;

2. президенттің декреттері;

3. президенттің жарлығы;

4. кодекстер;

5. заңдар;

6. қаулылар;

7. ережелер;

8. инструкциялар;

9. методикалық нұсқаулар;

10. кітаптар, оқу құралдары;

11. журналдардан, газеттерден және т.б. мақалалар.

Кітаптар, оқу құралдары, мақалалар алфавитті тәртіппен: авторлардың тегі немесе егер авторы болмаған, бірнеше авторлар жазған жағдайда кітаптың атауымен қойылады.

Пайдаланылған әдебиетке сілтеме квадрадты жақшаларда келтіріледі, мысалы [4], бұл әдебиеттер тізіміндегі төртінші әдебиет болып табылады.

Кестелерге, суреттерге сілтемелер домалақ жақшаға алынады, мысалы (кесте 2.1), (сурет 4.3), (қосымша А).

Пайдаланылған әдебиеттер тізімінен кейін, келесі беттен «ҚОСЫМШАЛАР» деген сөз жазылады да қосымшаларды қосады. Әр қосымша жаңа беттен басталады және оның тақырыбы болуы керек.

Курстық жұмыстың жалпы көлемі 30 немесе 50 беттен аспауы керек (қосымшаны санағанда). Курстық жұмысты қолжазбамен (анық), компьютерде терілуі тиіс. Дайын жұмыс қатты немесе жұмсақ түптелуі керек