5.5. Нотныя выданні і аўдыёвізуальныя матэрыялы

Нотныя выданні

Нотныя выданні – выданні, большую частку аб’ёму якіх займае нотны запіс музычных твораў з тэкстам ці без яго.

Бібліяграфічны запіс на нотныя выданні складаецца па агульных правілах падрыхтоўкі бібліяграфічнага запісу на кнігі і брашуры з улікам асаблівасцей дадзенага віду дакументаў.

Крыніцай бібліяграфічных звестак з’яўляецца выданне ў цэлым. Нотны тэкст служыць крыніцай звестак для ўдакладнення ці вызначэння сродкаў выканання, выяўлення дыяпазону голасу, танальнасці твора, формы пераказу нотнага тэксту.

Схема бібліяграфічнага запісу на нотнае выданне

Загаловак

Асноўная назва [Агульнае абазначэнне матэрыялу]:

звесткі, якія адносяцца да назвы / звесткі аб адказнасці. –

Звесткі аб выданні. – Форма выкладу нотнага тэксту. –

Месца выдання: Выдавецтва, дата выдання. – Аб’ём. –

(Назва серыі: звесткі, якая адносяцца да назвы серыі).

Заўвагі.

Нумар дошкі.

У залежнасці аб аб’екта на нотнае выданне можна складаць аднаўзроўневы, многаўзроўневы ці аналітычны запіс.

У залежнасці ад выбару першага элемента бібліяграфічнага запісу нотнае выданне можа апісвацца пад загалоўкам, які ўключае імя асобы, або пад назвай.

Загаловак, які ўключае назву ўстановы, у загалоўку запісу нотных выданняў не прымяняецца.

Асноўная назва запісваецца так, як яна прыведзена ў крыніцы апісання, незалежна ад таго, ці з’яўляецца яна тэматычным (“Борис Годунов”) або тыпавым абазначэннем формы, жанру, характару музычнага твора (“Вясельныя песні”; “Саната” і інш.)

Гребенщиков, Б. Ещё 30 песен БГ и группы “Аквариум” [Ноты]: [в нот. записи с гитар. аккордами: для вокал.ансамбля] / сл. Б.Гребенщикова

Звесткі, якія адносяцца да назвы, змяшчаюць інфармацыю аб форме, відзе музыкі, танальнасці, сродках выканання, нумарацыі сачынення, літаратурным ці нотным інцыпіце, аб назве твора або зборніка, з якога апублікаваны ўрывак і твор. Таксама прыводзяцца звесткі аб колькасці і назве частак, дзей твора, аб творчай гісторыі сачынення і яе выкананні, аб відзе, прызначэнні выдання і інш.

Кобекин, В.А. Екатеринбургские элегии [Ноты]: для флейты и фп. / В. Кобекин

Бах, И.С. Французские сюиты [Ноты]: BWV 812–817: для клавира / Иоганн Себастьян Бах; ред. С.Диденко

У звестках аб адказнасці прыводзяць імёны аўтараў, іншых асоб, якія прымалі ўдзел у стварэнні твора, нотнага выдання з указаннем іх ролі ў падрыхтоўцы і выпуску выдання, а таксама назвы арганізацый, ад імя якіх надрукавана выданне.

/ Э.Зарыцкі; сл.Р.Барадуліна

Звесткі аб адказнасці прыводзяцца ў запісе ў той паслядоўнасці, як яны ўказаны на тытульным лісце. У тым выпадку, калі яны вызначаны з розных крыніц інфармацыі, іх прыводзяць у наступным парадку: аўтар (аўтары) музыкі (твора), аўтар (аўтары) кніг; аўтары гарманізацыі, перакладу і запісу, расшыфроўкі, апрацоўкі і г.д.; аўтар (аўтары) слоў; складальнік, рэдактар, перакладчык; аўтар прадмовы, уступнага артыкула, пасляслоўя і г.д.; мастак і іншыя асобы; назва арганізацыі.

Калі імёны аўтараў музыкі і слоў, аўтара асноўнага тэксту і прадмовы, уступнага артыкула і інш. супадаюць, гэтую інфармацыю адзначаюць у звестках аб адказнасці.

Звесткі аб форме выкладу нотнага тэксту прыводзяцца так, як яны ўказаны ў выданні. У іх адзначаецца, у якой форме ў выданні прадстаўлены нотны тэкст для выканання (у форме партытуры, асобных партый (галасоў), дырэкцыёна, камплекта партытуры і партый).

Звесткі аб аб’ёме звычайна змяшчаюць колькасць старонак выдання. У асобных выпадках даецца ўказанне аб’ёму выданняў партытур, партый, дырэкцыёнаў. Пры гэтым прыводзіцца іх агульная назва з указаннем у круглых дужках колькасці старонак.

3 парт. (8, 14с.)

У тых выпадках, калі выданне змяшчае больш трох партытур, партый, дырэкцыёнаў, тады ў круглых дужках запісваюць агульную колькасць старонак са словамі “разд.паг.”

11 парт. (86с. разд.паг.)

Калі партытура, дырэкцыён складаюць толькі частку выдання, тады ўказваюць агульную колькасць старонак выдання і колькасную характарыстыку партытуры, партыі, дырэкцыёна.

36с. (12с.)

Пры складанні бібліяграфічнага запісу нотнага выдання міжнародны стандартны музычны нумар у Беларусі ў сучасны момант не выкарыстоўваецца, але пры гэтым указваецца нумар дошкі. Нумар дошкі – гэта дзяржаўны рэгістрацыйны нумар, які з’яўляецца лічбавым або літарна-лічбавым абазначэннем канкрэтнага музычнага твора. Нумар дошкі змяшчаецца ў ніжняй частцы фармату кожнай нотнай старонкі пад нотаносцам. Ён прыводзіцца ў той форме, якая даецца ў выданні, з папярэднім скарачэннем слоў “Н.д.”

Н.д. 10464.

Аднаўзроўневы бібліяграфічны запіс

Балтин, А.А. Былина [Ноты]: для арфы с орк. / Александр Балтин. – Партитура. – М.: Композитор, 2001. – 55 с., 1 парт. (15 с.). Тит.л. парал.: рус., англ. Н.д. 10464.