Тақырып: № 6 Қоршаған ортада әсерді бағалау

Мақсат – Қоршаған ортада әсерді бағалаудың ерекшелектері туралы студеттерге түсінік беру.

Жоспар:

1 Қоршаған ортада әсерді бағалаудың түсінігі

2 Қоршаған ортада әсерді бағалау құжаттамасы

3 Экологиялық сараптама

1. сұрақ Қоршаған ортада әсерді бағалаудың түсінігі

Қоршаған ортаға әсердi бағалау - шаруашылық және ізге де қызметтiң қоршаған орта мен адам денсаулығына ықтимал салдарлары бағаланатын, Қазақстан Республикасы экологиялық заңнамасының талаптары ескерiле отырып, қолайсыз зардаптарды (табиғи экологиялық жүйелер мен табиғи ресурстардың жойылуын, жұтаңдауын, бүлінуін және сарқылуын) болдырмау, қоршаған ортаны сауықтыру жөніндегі шаралар әзірленетін рәсім.   Қоршаған ортаға әсердi бағалау қоршаған ортаға және халықтың денсаулығына тiкелей немесе жанама әсер етуi мүмкiн болатын кез келген шаруашылық және өзге де қызмет түрлерi үшiн мiндеттi болып табылады. Қоршаған ортаға әсер ететiн шаруашылық және өге де жобаларды, қоршаєан ортаға әсерiн бағаламай әзiрлеуге және iске асыруға тыйым салынады. Әсердi бағалау нәтижелерiн жоспарлау алдындағы, жоспарлау құжаттамасының, жобалау алдындағы және жобалау құжаттамасының ажырамас бөлiгi болып табылады. Жобаланып жатқан және жұмыс iстеп тұрған объектiлердiң перспективалық қызметi ҚР Экологиялық кодекстiң талаптарына сәйкес қоршаған  ортаға әсерiн бағалауға жатады. Жобалардың тапсырыс берушiсi (бастамашысы) мен әзiрлеушiсi қоршаған ортаға әсер етуге жүргiзiлген бағалау нәтижелерiн ескеруге және қоршаған орта мен адам денсаулығына неғұрлым аз зиян келтiретiн нұсқаның қабылдануын қамтамасыз етуге мiндеттi. 

2 Сұрақ Қоршаған ортада әсерді бағалау құжаттамасы

Қоршаған ортаға әсердi бағалау жөнiндегi құжаттама: шаруашылық және өге де қызметке тапсырыс берушiнiң деректемелерiн;жоспарланып отырған қызметтi iске асыру қажеттiгi негiзделген өтiнiштi (арызды, ниетi туралы декларацияны), инвестициялар негiздемесiн, техникалық-экономикалық негiздеменi (жобаны), жұмыс жобасының бекiтiлген бөлiгiн, түсiндiрме жазбаны; қоршаған орта компоненттерiнiң қызметтi iске асырғанға дейiнгi не қазiргi кездегi жай-күйiнiң сипаттамасын; жобаның жазбасын, оған қоса: бүкiл жобаның мақсаты мен сандық сипаттамаларының және орналастыру ауданына құрылыс және пайдалану сатысы кезеңiнде қойылатын талаптардың сипаттамасын;  жоспарланып отырған қызметтiң қоршаған орта элементтерiне ықтимал әсерлерiнiң түрлерi қоршаған ортаға эмиссиялардың, тұтынылатын шикiзаттың және алынатын ресурстардың көлемi мен оның қосындыларының құрамымен бiрге көрсетiле отырып, пайдаланылатын материалдар мен жабдықтардың типтерi мен санын қоса алғанда, өндiрiстiк процестердiң негiзгi сипаттамаларын;  қолданылатын технологияның ең озық қолжетiмдi технологияларға және техникалық үлестiк нормативтерге сәйкестiгi тұрғысынан талдауды; баламалы нұсқалар туралы ақпаратты және жобалық нұсқаны таңдаудың негiзгi себептерiне нұсқауды; 

Жоспарланып отырған қызметтiң тапсырыс берушiсi (бастамашысы) қоршаған ортаға әсерге жүргiзiлген бағалау нәтижелерi бойынша жоспарланып отырған немесе жүзеге асырылатын қызметтiң экологиялық зардаптары туралы мәлiмдеме әзiрлеп, табыс етедi, ол осы қызметтi iске асыруға болатыны туралы шешiм әзiрлеуге негiз болады.   Қоршаєан ортаға әсердi бағалаудың әрбiр кезеңiндегi құжаттама мазмұнының толымдылығы қоршаєан ортаға әсердi бағалауды жүргiзу жөнiндегi нұсқаулықпен айқындалады.