«Мектеп чагъынадже муэссиседе къырымтатар тилини огретюв методикасы » ихтисасы боюнджа педагогик амелияты.

Макъсад: Студентлерни къырымтатар тилинде окъутылгъан группа тербиеджисининъ вазифелерини бир бутюнлей эда этмеге азырлав, балаларнен окъув-тербиевий ишлерини системалы кечирюв бильгилерини шекиллендирюв, къырымтатар тилинден лингвистик бильгилерини пекитюв, педагогик фаалиетине иджадий араштырма янашмакъны инкишаф этмек..

Иш джерьяны:

1.Эр бир мевзу боюнджа назарий малюматны къайта ишлемек ве пекитмек:

- ильмий –методик эдебиятнынъ ильк менбаларыны конспектирлев;

- халкъ икметининъ инджилери сайылгъан шиирий ве назм метинлерни сечмек;

- иджадий ишлерни азырламакъ ве къорчаламакъ.

2.Къырымтатар тили мешгъулиетлеринде, эр куньки аятта студентлернинъ фааль тиль арекети.

3. Кунь девамында, мешгъулиетлерде тербиеджининъ тюрлю иш чешитлерини козетмек, язмакъ ве талиль этмек;

4. Балаларнынъ нуткъуны инкишаф этюв программаларнынъ талили;

5. Балаларнынъ нуткъуны инкишаф этюв ве окъутув шекиллери,мундериджеси, вазифеси.

«Мектеп чагъынадже муэссиседе къырымтатар тилини огретюв методикасы» ихтисасы боюнджа педагогик амелиятнынъ вазифеси:

1-вазифе.

Къырымтатар тили меселелери боюнджа педагогик хадимлернен методик иш.

Макъсад: Студентлернинъ земаневий усулларны, педагогик ишнинъ шекиллерини менимсеви, педагогик бильгилерини зенгинлештирюв, къырымтатар тилини огретюв методикасындан профессиональ бильгилерни мукеммелештирмек.

Методик тевсиелер.

Мектеп чагъынадже окъув муэссисенинъ йыллыкъ планына бинаен, студент окув муэссисенинъ педагогик хадимлери ичюн методик ишнинъ шекиллеринден бирини (группа консультациясы, семинар ве илх.) азырлай ве мустакъиль кечире. Студент методик тедбирнинъ макъсады ве вазифесини бельгилей, керекли ильмий-назарий, методик ве амелий малюматларны топлай, дидактик къулланмаларны ве корьгезмелерни азырлай. Бу малюматларгъа, амелиятчы тедбирни кечирген сонъ, мудирнинъ къыскъа такъризи къошула. Бу такъризде тедбирни кечирюв севиесине къыймет кесиле.

Методик тедбирлерни кечирмек ичюн бойлер мевзулар теклиф олуна:

1. „Къырымтатар тили - ана тили”;

2. „Рус-украин ве къырымтатар учьтиллиги шараитлеринде къырымтатар тилинде малюматларны менимсемек спецификасы”

3. „Балаларны экинджи тильге огретювде къырымтатар фольклорынынъ кичик шекиллеринен къулланув хусусиетлери”;

4. „Тербиеджининъ нутукъ медениети”;

5. „Къырымтатар тилининъ фонетика, лексика, грамматикасынынъ спецификасы рус тенъештирилювинде”

6. „Къырымтатар ве рус тиллерини окъутувда эки тарафлама багъ”

7. „Къырымтатар халкъынынъ медениети ве миллий адетлеринен балаларны таныштырув”;

8. „Къырымтатар масалынен чалышув методикасы”;

9. „Къырымтатар языджыларнынъ эсерлеринен балаларны таныштырув вазифеси „

10. „Балаларны къырымтатар тилининъ специфик сеслерини теляффуз этмеге огреткен методика”.

2-вазифе.

Мектеп яшына еткен балаларнынъ нутукъ инкишафы программаларнынъ талили.

Макъсад: Профессиональ фенлерден студентлернинъ бильгилерини теренлештирмек, студентлерде рус тилли режимде мектеп чагъынадже муэссиселернинъ нутукъ инкишафындан вариатив программаларында балаларны къырымтатар тилине окъутув макъсадыны бельгилемек,тенъештирмек бильгилерини шекиллендирюв.

Методик тевсиелер.

Теклиф этильген схемаларгъа уйгъун мектеп чагъынадже муэссиселерде мектеп яшына еткен баланынъ нуткъуны инкишаф эткен вариатив программасынынъ язма талилини япынъыз.

Программалар: 1. Харахады С.И. Башлангьыч сыныфлар ичюн ана тили боюнджа программа. (Утверждено Министерство образования АРК ). Тарпан. Акъмесджит. 2000г. В соавторстве. 2. Харахады С.И. Башлангъыч сыныфларичюн къырымтатар тили боюнджа программа. Утверждено Министром образования и Науки Украины 2003г. (В соавторстве)

Программанынъ ады, муэллиф	Окъутылып башлагъан группанынъ яшы	Фонетика	Лексика	Грамматика		Багълы яйын

Хулясалар чыкъарынъыз

3-вазифе.

Кунь девамында, мешгъулиетлерде тербиеджининъ тюрлю иш чешитлерини козетмек, язмакъ ве талиль этмек.

Макъсад: Студентлерни балаларны къырымтатар тилине окъутув методикасы боюнджа психологик-педагогик бильгилеринен къулланмагъа огретмек, Балаларнен кечирильген тюрлю иш шекиллерини козетип,талиль япмагъа огретмек.

Методик тевсиелер

Студентлер оларгъа пекитильген группаларнынъ окъув - тербиевий процессини козетип,талиль япалар: мешгъулиетлер, режим процесслери ве илх.

7. Къырымтатар тили инкишафы боюнджа 2-3 мешгъулиетнинъ кетишатыны язынъыз.

8. Окъутувнынъ метод ве усулларыны бельгиленъиз, оларнынъ бутюнлигине (целесообразность) делиллер кетиринъиз.

9. Студентлер козетюв нетиджелерини кунделик дефтерине кирсетелер. Куньделик бутюн амелият девамында алып барыла.

4-вазифе.

Къырымтатар тили режими группада тербиеджининъ нуткъуны характеризлев.

Макъсад: Тербиеджининъ къырымтатарджа нутукъ медениетини бельгилемек ве къыймет кесмек.

Методик тевсиелер

Тербиеджининъ нутукъ медениетине дёртбаллы система боюнджа къыймет кесинъиз.

4 -косьтерильген корьсетмелернинъ даимий пейда олувы, Яйынлыкъ къырымтатар тилининъ эдебий нормаларыны къанаатлендире.

3- бирер хата, самокоррекциягъа ёл къоюлгъан .

2-хаталар сыкъ расткеле.

1-эр бир джумледе олгъан хаталар.

Теджрибе протоколы:

Къырымтатар нутукъ медениетининъ корьсетмелери	Бахалар балнен къоюлгъан
Яйыннынъ догърулыгъы,эдебий нормаларгъа уйгъунлыгъы. Яыйыннынъ зенгинлиги,образлыкъ Акъыл фаалиетининъ усулларыны менимсемек дереджеси, мантыкълыкъ. Сёзлёрни сайлавда догърулыкъ ве (уместность) Яйыннынъифаделиги.

5-вазифе.

Балаларны къырымтатар тилине окъутув боюнджа тербиеджининъ кварталлыкъ иш планынынъ талили.

Макъсад: балаларны къырымтатар тилине огреткенде тербиеджи вазифелерини эда этмек ичюн керек олгъан педагогик бильгилерини студентлерде шекиллендирмек, окъув-тербиевий процессини планлаштырмакъ; макъсад къоймакъ, окъутув процессини тешкилятландыргъан усул, метод, васталарны догърулыгъынен сайламакъ, тербиеджининъ такъвим планларыны талиль этмек.

Къырымтатар муитинде нутукъ инкишафы боюнджа ишни планлаштырув талилининъ схемасы.

„Бала ве этрафтаки алем” болюгинден мешгъулиелернинъ чешити ве сайысы,балаларны къырымтатар медениетине, урф-адетлерине якъынлаштырмакъ. Лугъат иши.

1.”Бедий эдебият” болюгинден мешгъулиетлерни планлаштырмакъ, Балаларны Украина ве Къырым языджыларынен,класик языджыларынен, къырымтатар халкъ фольклорынынъ эсерлеринен таныштыргъан мешгъулиетлернинъ чешитлери ве сайысы.

2. Къырымтатар тили инкишафы боюнджа мешгъулиетлернинъ язылувы. Оларнынъ сайысы, языларнынъ толусы, программагъа уйгъунлыгъы,

3.Эр куньки аятта ишни планлаштырмакъ: шекиллери,методлары,усуллары.

4. План боюнджа миллий байрамларнынъ , миллий оюнларнынъ кечирилюви, оларнынъ сайысы, яшнынъ уйгъунлыгъы.

5.Язув тили.

6.Иш планынынъ умумий бахасы.

6-вазифе

Балаларнынъ къырымтатар тили инкишафы ве окъутув шекиллери, мундериджеси.

Макъсад: Къырымтатар тилинде окъутылгъан группанынъ тербиеджиси вазифесинде студентлернинъ мустакъиль иши. Студентлер зачёт тедбирлерини кечирелер. Кечирильмезден эвель, зачёт мешгъулиетлернинъ конспектлери мектеп чагъынадже педагогика кафедрасынынъ методисти ве группанынъ тербиеджиси тарафындан тасдыкълана. Зачётны окув- тербиевий ишни подгруппанынъ бутюн студентлери козетип,музакере этелер. Амелиятнынъ нетиджелери педагогик советинде музакере этиле ве эсабат кягъытларнынъ толдурылмасынен екюнлене.