4. Codeigniter

Saytı: http://www.codeigniter.com/, http://codeigniter3.info/

CodeIgniter bul PHP tilinde jazılǵan, ashıq kodlı MVC freymvork bolıp, veb-sistemalardı hám qosımshalardı jaratıw ushın arnalǵan. EllisLab kompaniyası tárepinen islep shıǵarılǵan bolıp, házirgi iyesi Britaniyalı Kolubmiyanıń Texnologiyalıq Institutı.

Ózgeshelikler:

• Úyreniwge ańsat;

• Jaqsı hújjetlengen;

• Rawajlanǵan awqam;

• Programmistke ǵárezsizlik támiyinlep beredi, hesh qanday strukturalı sheklewler joq;

• Qálegen xostingde isleydi;

• Tez isleydi hám kóp resurslardı talap etpeydi;

• MySQL, PostgreSQL, MSSQL, SQLite, Oracle maǵlıwmat bazaların qollap quwatlaydı.

Kemshilikler:

• PHP4 ti qollap quwatlawshı, artıq kodlar kóp;

• ORM ornatılǵan joq;

• Ruxsatlardı bólistiriw sisteması joq;

• Rawajlanıw tezligi tómen;

• CSRF-hújimlerge turaqsızlıq.

5. Symfony

Saytı: https://symfony.com/

Symfony – bul MVC tiykarındaǵı PHP freymvork bolıp, úlken klasslar bibliotekasına iye. Onıń arxitekturası quramalı veb-qosımshalardı jaratıwǵa arnalǵan paydalı komponentlerdi hám qolaylı instrumentlerdi óz ishine aladı. Symfony tez islep shıǵıw hám qosımshalardı basqarıwdı usınıs etedi hám veb-dástúrshilerdiń kúndelikli jumısların sheship beredi. Symfony biypul hám MIT licenziyası tiykarında tarqatıladı.

Ózgeshelikler:

• Kóplegen maǵlıwmat bazalardı qollap quwatlaydı (MySQL, PostgreSQL, SQLite yamasa basqada PDO menen sáykes maǵlıwmat bazalardı basqarıw sisteması);

• Email menen islesiwshi ornatılǵan klasslar;

• Kórinislerde shablonlar ushın alǵır sisteması;

• Ornatılǵan kod generatorı;

• Francuz Sensio sponsorın qollap quwatlaydı;

• Júdá iyilgish;

• Dependency Injection funkciyaları bar;

• Joqarı ónimdarlıq.

Kemshilikler:

• Úyreniwge qıyın;

• Tek úlken proektlerge qolaylı;

• Rus tilinde hújjetlenbegen;

• Rus tilinde awqam joq;

• ORM ornatılmaǵan.

6. Yii

Saytı: http://www.yiiframework.com/, http://yiiframework.ru/

Yii – bul joqarı nátiyjeli, komponentli strukturalı PHP freymvork bolıp, úlken quramalı veb-qosımshalardı islep shıǵıwǵa arnalǵan. Ol kodtı qayta paydalanıw koncepciyasın qollanıwǵa maksimal imkaniyat beredi hám veb dástúrlew processin júdá tezlestiriwi múmkin. Yii ataması eki mániske iye bolıp, birinshisi qıtay tilinen alınǵan «ańsat hám evolyucion» mánisin ańlatadı, ekinshisi bolsa «Yes it is!» sóziniń akronimi bolıp esaplanadı.

Ózgeshelikler:

• Joqarı tezlik;

• Maǵlıwmat bazalar menen islewde DAO hám ActiveRecord interfeysleri;

• Kóp tillerdi qollap quwatlaydı (internacionalizaciya);

• Betlerdi hám fragmentlerdi keshlew;

• Qáteliklerdi uslap qalıw hám qayta islew;

• Formalardı kirgiziw hám tekseriw;

• Autentifikaciyalaw hám avtorizaciyalaw;

• AJAX tı qollaw hám JQuery menen integraciyalasqan;

• CRUD (create-read-update-delete) ámeller ushın PHP-kodladı generaciyalaw (skaffolding);

• Sırtqı kórinisin bezew ushın temalardı qollap quwatlaw;

• Sırtqı bibliotekalardı qosıw;

• Maǵlıwmat bazalardıń migraciyasın qollap quwatlaw;

• Avtomat testlew;

• REST qollap quwatlaw;

• Rus tilinde aktiv awqam.

Kemshilikler:

• Úyreniwge salıstırmalı qıyın.

Sorawlar

1. PHP tiliniń ózgeshelikleri neden ibarat?

2. PHP tilinde grafikalıq qollanbalardı jaratıw múmkinbe?

3. PHP tilinde ózgeriwshiler hám konstantalar qalay anıqlanadı?

4. PHP tilinde ózgeriwshilerdi anıqlaw shártpe?

5. var_dump funkciyası ne ushın qollanıladı?

6. $_POST hám $_GET massivlerdiń maqseti nede?

7. Cookies maqseti hám olardı jarıyalaw qalay ámelge asırıladı?

8. Bir hám eki ólshemli massivler qalay etip jarıyalanadı?

9. Associativ massivtıń ádettegi massiv penen salıstırǵanda qanday ózgeshelikleri bar?

10. Paydalanıwshı tárepinen kiritilgen qatarlardı skriptlerden qalay etip tazalawǵa boladı?

11. Qatar ishinde tekst qalay etip izlewge boladı?

12. Qatardı sózlerge qalay etip ajıratıwǵa boladı?

13. Freymvork degenimiz ne? Freymvorklardıń ózgeshelikleri