Implode(var, param)

implode() funkciyasi explode() funkciyasina kerisi bolıp esaplanadı hám massivti qatarǵa biriktiredi.

Funkciya param parametrinde berilgen massivtin elementlerin var menen ajıratılǵan qatarǵa awdaradı. Mısal esabında explode() funkciyasi menen massivlestirgenimizdi probeldi bóliwshi esabında paydalanıp shıǵaramiz.

Mısal:

<?

$str = "one two three four five";

$str_exp = explode(" ", $str);

/* $str_exp = array([0] => one, [1] => two,

[2] => three, [3] => four, [4] => five)

*/

$str_imp = implode(" ", $str_exp);

echo($str_imp);

?>

Nátiyje:

join(var, param)

implode() funkciyasiniń analogı – massivtiń qatarǵa birigiwin támiynleydi.

Qatarlardı salistirıwshı funkciya

strcmp(str1, str2)

Bul funkciya qatarlardı salistirıwshı funkciya. Ol eki qatardı salistiradı hám tómendegi nátiyje qaytaradı:

0 – eger eki qatar tolıǵınsha sáykes kelse;

1 – eger str1 qatar leksikografiyalıq jaqtan str2 den úlken bolsa;

-1 – eger str1 qatar leksikografiyalıq jaqtan str2 dan kishi bolsa;

Funkciya registirge seziwsheń, yaǵnıy belgilerdiń registiri salistiriw nátiyjesine óz tásirin ótkeredi (sebebi salistiriw baytlar arqalı ótedi).

Mısal:

<?

$str1 = "ttt";

$str2 = "tttttttttt";

echo("strcmp ($str1 , $str2) nátiyjesi ");

echo(strcmp (str1, str2)); echo("<br>");

echo("strcmp ($str2, $str1)> nátiyjesi ");

echo(strcmp (str2, str1)); echo("<br>");

echo("strcmp ($str1 , $str1) nátiyjesi ");

echo(strcmp (str1,str1));

?>

Nátiyje:

URL menen islewshi funkciya

parse_url()

Funkciya URLdi qayta isleydi hám oniń kompanentaların qaytaradı.

Sintaksis:

array parse_url(string url)

Bul funkciya óz ishine URLniń kóplegen kompanentaların alatuǵin uyimlasqan massivti qaytaradı: "scheme", "host", "port", "user", "pass", "path", "query" hám "fragment".

Eger biz tómendegidey skript jazsaq:

<?

$url = "http://www.google.com.ru/search?hl=ru&ie=UTF-8&oe=UTF-8&q=tatunf&lr=";

$arr = parse_url($url);

print_r($arr);

?>

onda keyingi nátiyjeni qabıl etemiz:

parse_str()

URL komponentaların ózgerıwshılerge kirgizedi.

Sintaksis:

void parse_str(string str [, array arr])

parse_str() funkciyası eger str qatar ózinde ózgerıwshılerdi jámlegen bolsa hám olar URL arqalı jiberiletuǵın bolsa olardı ózgeriwshilerge ózlestiredi. Yaǵnıy bul funkciya ózgerıwshılerge mánislerdi ornatadı.

<?

$url = "http://www.google.com.ru/search?hl=ru&ie=UTF-8&oe=UTF-8&q=tatunf&lr=";

$arr = parse_str($url);

echo $q . "<br/>";

echo $oe;

?>

Nátiyje:

Registirdi qayta ózgertiw funkciya

strtolower()

Funkciya qatardıń belgilerin tómengi registirge qayta ózgertiredi.

Sintaksis:

string strtolower(string str)

Mısal:

<?

$str = "HELLO WORLD";

$str = strtolower($str);

echo $str; // "hello world" shi’garadı

?>

strtoupper()

Qatardıń belgilerin joqari registirge qayta ózgertiredi.

Sintaksis:

string strtoupper(string str)

Mısali:

<?

$str = "Hello World";

$str = strtoupper($str);

echo $str;

// HELLO WORLD shıǵaradı

?>

4.12. PHP-freymvorklar

Freymvork bul kúndelikli máselelerdi sheshiwge arnalǵan túrli biblioteka hám qurallar toplamı.

Informacion sistemalarda freymvork dástúriy sistemanıń dúzilisi bolıp esaplanadı, yaǵnıy úlken dástúriy proekttiń komponentlerin islep shıǵıwdı hám birlestiriwdi ańsatlastırıwshı dástúriy támiynat. Freymorktıń bibliotekadan parqı sonda, bibliotekalar wazıypaları bir birine jaqın bolǵan podprogrammalardı óz ishine alatuǵın bolsa, freymvork bolsa hár túrli wazıypalarǵa arnalǵan bibliotekalardı óz ishine aladı. Ayrım avtorlar karkas sózin qollaydı.

PHP freymvorklar koncepciyasi

Aqırǵı jıllarda freymvorklar keń tarqalǵan bolıp, veb qosımshalardı jaratıwda tiykarǵı platformaǵa aylandı. Demek freymvorklar veb qosımshanıń tiykarǵı strukturasın támiyinleydi. PHP-freymvorklar bizge waqıtı únemli paydalanıwǵa, islep shıǵıw processin ańsatlastırıwǵa hám qaytalanatuǵın kodlardan qutılıwǵa járdem beredi. PHP freymvorksız veb qosımshalardı jaratıw, alıp barıw hám jańalaw qıyın jumısqa aylanıp baratır.

Házirgi waqıtta kópshilik PHP proektler Model View Controller (MVC) arxitekturası tiykarında islep shıǵılǵan. MVC bul proektlestiriwdiń arxitekturalı shablonı bolıp, kópshilik programmalastırıw tillerde qollanıladı hám programmalarda biznes-logikanı paydalanıwshı interfeysınan ajıratıwǵa imkaniyat beredi. Demek interfeyske tásir etpey qosımshanıń logikasın ózgertiwge, yamasa programmalıq kodın ózgertpey qosımshanıń dizaynın ózgertiwge boladı, bul dizaynerler ushın júdá qolaylı, sebebi túsiniksizliklerden qutılıwǵa hám islep shıǵıw processin ańsatlastırıwǵa imkaniyat beredi.MVC dep aytqanımızda, biz tómendegilerdi názerde tutamız: Model – bul maǵlıwmat bazası menen islesiwshi arxitekturanıń bólegi, View – paydalanıwshılarǵa kórinetuǵın bólegi, Controller – maǵlıwmatlardı hám modullerdi basqarıwshı logikanıń bólegi. Zamanagoy freymvorklardıń kópshiligi MVC arxitekturasın tiykar etip aladı. Sonday-aq zamanagoy freymvorklarda Front Controller proektlestiriw shablonı qollanıladı. Bul shablonda kiris zaprosqa qarap paydalanıwshı kerekli kontrollerge jóneltiledi. Front Controller-sız freymvorktı paydalanıwdıń mánisi joq dep aycaq boladı.

php freymvorklardan qashan paydalanamiz?

Freymvorklardıń barlıq múmkinshiliklerdi paydalanıw ushın qosımshalardı islep shıǵıwda tájiriybeńiz bolıw kerek. PHP freymvorklard járdeminde kodtıń qaytalanıwınan qutılıwǵa hám islep shıǵıw processin sistemaǵa salıwǵa boladı.

Hár adamdıń ózine say talapları hám ádetleri boladı. Bir dástúrshi ushın PHP-freymvork jumıstı tez hám sıpatlı alıp barıwǵa járdem berse, basqa bir dástúrshige paydasız bolıwı múmkin. Kópshilik jaǵdaylarda bul qánigeligine baylanıslı, biraq ulıwma etip aytqanda freymvorklar waqıttı únemli paydalanıw hám kúndelikli jumıslardan qutılıw ushın arnalǵan.

Sonıń ushın, ádette freymvorklardan 2-3 betlik saytlardan quramalı bolǵan saytlardı islep shıǵıw ushın paydalanamız.

Zamanagoy freymvorklar

Zamanagoy freymvorklar aktiv rawajlanadı, hár ayda ashıq kodlı freymvorklardıń qatelikleri dúzetiledi hám olarǵa taza funkciyalar qosıladı. Kópshilik freymvorklardın járdemshi xújjetleri ingliz tilinde alıp barıladı, sonıń ushın taza imkaniyatlar menen tanısıw ushın sizge freymvork saytı menen tanısıwǵa usınıs etemiz. Tómende eń belgili freymvorklardıń tiykarǵı imkaniyatların hám artıqmashılıqların aytıp ótemiz hám olardı tezlik, turaqlılıq, paydalanıwǵa qolaylılıq kóz qarastan kórip shıǵıldı.