4.10. Tekst blokları menen islewshi funkciya

wordwrap(str [,width [,break [,cut]]])

wordwrap() funkciyası dáslepki tekstti break belgi járdeminde str tekstti width uzınlıqtaǵı qatarlarǵa bóledi. Sonlıqtan, bóleklew sózlerdiń shegaralarında bolıp ótedi, tekst tolıq oqılıwshı ahwalında qaladı.

Mısal:

<?php

$str = "Muxammed Al-Xorezmiy atındaǵı Tashkent informaciyalıq texnologiyaları universiteti Nókis filialı";

$mod_str = wordwrap($str,35,"<br/>");

echo($mod_str);

?>

Nátiyje:

str_replace(from, to, str)

str_replace() funkciyası dáslepki str qatardaǵı from qatarlardı to qatarlarǵa almastiradı. Bul funkciya ekilik qatarlar menen islesiwi múmkin.

Bul júdá kerekli funkciya. Mısalı, eger siz miymanlar kitabın jaratsańız, tekst kiritiw formasında tekstti belgilew ushın HTMLdiń standart teglerinen paydalanbaqshısız. Siz bul funkciya járdeminde HTMLdegi standart teglerdegi formatlawǵa saylaǵan belgilerdi almastirsańız boladı. Mısal:

$txt = str_replace("[B]","<B>",$txt);

Yaǵnıy eger siz tekstti yarım qalın etip kórsetiwge "[B]" belgilerdi paydalansańız, siz onı HTMLde paydalanılatuǵın "<B>" tegine almstırıwıńız múmkin.

substr_replace(str, replacement, start [, length])

Bul funkciya dáslepki teksttegi qatarlardı basqa bir qatarlarǵa almastıradı. Ol str qatarında start ornınan baslap length uzınlıqta replacement qatarına almastiradı. Eger length uzınlıǵı argumentte kórsetilmegen bolsa, onda almastiriw aqırına deyin dawam etedi.

Eger start argumentiniń mánisi oń bolsa, onda esaplaw str qatardıń basınan baslanadı, keri jaǵdayda sońinan. Lengthdiń teris emes jaǵdayında, ol almasıwshı bólektiń uzınlıǵın kórsetedi. Eger ol teris bolsa, onda bul str qatarınıń aqırǵı belgilerinen sońǵı almasatuǵın bólekke deyin belgilerdiń sanı.

strtr(str, from, to)

Bul funkciya qatarlarda kompleksli almasıwlarǵa arnalǵan.

strstr() funkciyası from qatarına kirıwshı hár belgi to qatarındaǵı sáykes belgilerge almasadı hám str qatarın qaytaradı. Eger from hám to qatarlarǵa hár qıylı uzınlıqqa iye bolsa, onda uzın qatardıń artqisha aqırǵi belgiler esapqa alınbaydı.

Usi kóriniste, bir-neshe almasiwlardı orinlaw múmkin:

<?php

$str_out = "156";

echo strtr($str_out,

"123456789",

"abcdefghij");

?>

Nátiyje:

strrev(str)

Funkciya str qatardı revers qıladı (belgilerdi qayta izbezlikte shıǵaradı).

4.11. Qatardı biriktirıwshı/bólıwshı funkciya

str_repeat(str, number)

Qatarlardı qaytalaw funkciyası. Str qatarin number parametirinde kórsetilgen márte qaytalaw.

Mısal:

<?

echo str_repeat("Sálem!",3);

// Sálem! Sálem! Sálem! shıǵaradı

?>

str_pad( input, pad_len [, pad_str [, pad_type]] )

Bul funkciya qatardı belgilengen uzınliqqa shekem basqa qatar menen toltıradı.

strinput bul dáslepki qatardı ańlatadı. pad_length argumenti qaytarılatuǵin qatardıń uzınlıǵın belgileydi. Eger ol dáslepki qatarǵa qaraǵanda kishi mániske iye bolsa, onda qatar toltırılmaydı. Shártli emes pad_string argument toltırıwshı belgi esabında qaysi qatardı paydalanıwdı kórsetesdi. Ádette probeller paydalanıladı. Shártli emes pad_type argument qaysı tárepten qatardı toltırıwdı kórsetedi: ońnan, shepten yamasa eki jaqtanda. pad_type keyingi mánislerdi qabıl etiwi múmkin:

STR_PAD_RIGHT (ádette)

STR_PAD_LEFT

STR_PAD_BOTH

explode(arg, str [,maxlimit])

explode() funkciyası qatarlardı massivke ajratadı. Bul funkciya dáslepki str qatardı arg belgisi menen ajratılǵan massivke aylatdiradı. Shártli emes maxlimit parametr massivtiń maksimal elementler sanın kórsetedi. Qalǵan bólinbegen bólegi aqirǵi elementte jaylasadı.

Mısal:

<?

$str = "one two three for five";

$str_exp = explode(" ", $str);

/* endi $str_exp = array([0] => one, [1] => two,

[2] => three, [3] => for, [4] => five)

*/

?>