2.6 Súwret. Shrift tańlaw.

font-style

Bul qásiyet járdeminde shrifttiń kórinisin tańlawińiz múmkin, bul ádettegi-normal, kursiv – italic hám qiya – oblique. Tómendegi qaǵıydalar úsh klass jaratadı (normal, italic, oblique), olar muwapiq tásir qıladı:

.normal { font-style:normal; }

.italic { font-style:italic; }

.oblique { font-style:oblique; }

font-size

Aldınǵı olshem birliklerine tiyisli bólimde biz shrift úlkenligin ózgertiwde bir neshe usılların kórip shıqtıq, lekin olar hámmesiniń aqırı eki zat bolıp shıǵadi: bekkemlengen hám salıstırmalı. Bekkemlengen sazlaw tómendegi qaǵıydaǵa uqsas, bul qaǵıyda shrift úlkenligin 14 punktǵa teń qıladı:

p{font-size:14pt;}

Alternativa sıpatinda házirgi shrift úlkenligi menen islewdi tańlawımız múmkin hám tekst hám baslamalar ushın qollanıwımız múmkin. Tómendegi qaǵıydalarda bir neshe baslamalardıń salıstırmalı úlkenlikleri belgilengen, bul jerde <h4> tegi tiykarǵı tekstge qaraǵanda 20% úlkenlew hám hár bir keyingi baslama aldınǵısidan 40% ge úlkenlew:

h1 { font-size:240%; }

h2 { font-size:200%; }

h3 { font-size:160%; }

h4 { font-size:120%; }

2.7 súwrette shrift úlkenligin belgilew ámelde kórsetilgen

2.7 Súwret. Tórt baslama úlkenligin hám abzats úlkenligin sazlaw

font-weight

Bul qásiyetten paydalanip, shrifttiń qalınlıǵın belgilewimiz múmkin. Bul qásiyet bir qansha mánis qabıl etiwi múmkin, biraq kópshilik jaǵdayda normal ham bold manisleri qollanadı:

.bold {font-weight: bold; }

Bezew

text-decoration qásiyetinen paydalanip, tekst tómenine sızıw – underline, ústine sızıw – line-through, joqarınan sızıw – overline hám janıp-óshiw – blink effektlerin berıwimiz múmkin. Tómendegi qaǵıyda taza over atlı klass jaratadı, bul klass tekst ústine sızıwdı qollaydı (sızıqlardıń qalınlıǵı shrift qalınlıǵına teń boladı):

.over {text-decoration:overline;}

2.8 súwrette shrift stili, qalınlıq hám bezew toplamı keltirgen

2.8 Súwret. Bar bolǵan stil hám bezewdiń qaǵıydalarına mısal.

Razryadka

Qatar, sóz hám háriplerdiń razryadkasin (aralıǵın) ózgertetuǵın qásiyetleri bar. Mısal ushın, tómendegi qaǵıydalar abzac qatarlarınıń arasındaǵı aralıqtı line-height qásiyeti arqalı sazlaydı hám onı 25%-ke úlkenlew etedi hám word-spacing qásiyetin 30 pikselge belgilep, sózler ara aralıqtı 3 pikselge teńlestiredi:

p {

line-height :125%;

word-spacing :30px;

letter-spacing:3px;

}

Tegisleniw

CSS-de text-align járdeminde tekstti tegislew tórt túrli usılları bar: shep tárepke –left, oń tárepke – right, ortada – center hám keńlik boyınsha – justify. Tómendegi qaǵıyda da abzac teksti keńlik boyınsha tegisleniwine sazlanǵan:

p{text-align:justify;}

Ózgertiriw

Tekstti text-transform járdeminde ózgertıwdıń tórt jólı bar – ózgertiw joq – none, sózlerdiń birinshi háriplerin bas háriplerge ózgertiw – Capitalize, hámme háriplerdi bas háriplerge ózgertiriw – UPPERCASE hám hámme háriplerdi kishi háriplerge ózgertiriw – lowercase. Tómendegi qaǵıyda upper atli klass jaratıp, oni tekstge qollanǵanda hámme háriplerdi bas háriplerge ózgertirip beredi:

.upper{text-transform:UPPERCASE;}

Qatar bası

Text-indent qásiyeti járdeminde birinshi qatar basın belgilewimiz múmkin. Tómendegi qaǵıyda hár bir abzactıń qatar basına 20 piksel aralıq belgileydi, lekin basqada ólshem birlikleri paydalanıwi múmkin:

p{text-indent:20px;}

2.9 súwrette tekstke tómendegi qaǵıyda qollanildi:

p {

line-height: 150%;

word-spacing: 10px;

letter-spacing: 1px;

}

.justify { text-align: justify; }

.uppercase { text-transform: uppercase; }

.indent { text-indent: 20px; }

.capitalize { text-transform: capitalize; }