2.11 Súwret. Keste maydaniń enine maslasip keńeyedi
Shegaralardan paydalanıw
Blok modelinde shegaralarının dárejesi maydan dárejesine uqsas. Bul blok modeliniń orayına jılısqanda keyingi dáreje bolıp esaplanadı. Shegaralardı ózgertiw ushın paydalanatuǵın tiykarǵı qásiyetleri bul border, border-left, border-top, border-right hám border-bottom bolıp esaplanadı. Hár biri suffiks qosımtası járdeminde payda bolǵan qosımsha qásiyetlerge iye, mısal ushın -color, -style hám -width.
Margin qásiyetinde paydalanǵan qásiyetlerdi ornatıw tórt usılı shegaralardı ornatıw ushın da paydalanıw múmkin:
/* barlıq shegaralar*/
border-width:1px;
/* joqarı/tómengi hám shep/ oń*/
border-width:1px 5px;
/* joqarı, shep/oń hám tómengi */
border-width:1px 5px 10px;
/* joqarı, oń, tómengi hám shep */
border-width:1px 5px 10px 15px;
2.12 súwretinde kórsetilgendey bul qaǵıydalardıń hár biri kvadrat elementlerdiń gruppalarına izbe-izlikte qollanılǵan. Eger olardıń birinshisine qarasaq, bárshe shegaralardıń eni 1 pikselge teń ekenligi túsinikli boladı. Al ekinshi elementte joqarı hám tómengi shegaralardıń eni 1 pikselli, al olardıń shetki shegaraları 5 pikselli enge iye. Úshinshi elementte joqarǵı shegaranıń eni 1 pikselli, onıń shetki shegaraları 5 piksellerden, al tómengisi – 10 piksel. Tórtinshi element joqarǵı shegarası 1 piksel, ón táreptegi shegara – 5 piksel, tómengisi – 10 pikselli hám shep eni 15 piksel menen kórsetilgen.
2.12 Súwret. Tolıq hám qısqartılǵan jazılǵan shegaralardı belgilew qaǵıydaları
Sońǵı element ushın aldınǵı elementtiń tómeninde jaylasqan qisqartirilǵan jazıw qaǵıydasi paydalanılmadi. Onıń’ornına olardıń hár bir shegaraları bólek belgilendi. Kórip turǵanıńızday uqsas nátiyje alıw ushın kóplegen belgilerdi kiritip ketiwimiz kerek boldı.
Ishki boslıqlardı sazlaw
Blok modeliniń eń tereń dárejesi bul qálegen shegara hám maydanlardıń ishine qollanılatuǵın ishki boslıq bolıp esaplanadı. Ishki boslıqtı ózgetiw ushın qollanılatuǵın tiykarǵı qásiyetler bul padding, padding-left, padding-top, padding-right hám padding-bottom bolıp esaplanadı.
Joqarıdaǵı kórsetilgen qásiyetlerdi sazlaw tórt jolı padding qásiyetine da tiyisli:
/* barlıq ishki boslıqlar */
padding:1px;
/* joqarǵı/tómengi hám shep/ oń */
padding:1px 2px;
/* joqarǵı, shep/ oń hám tómengi*/
padding:1px 2px 3px;
/* joqarǵı, oń, tómengi hám shep */
padding:1px 2px 3px 4px;
2.13 súwrette 2.7 mısalda qara shrift penen belgilengen hám keste ketekshelerindegi tekstke qollanǵan ishki boslıq qaǵıydaları kórsetilgen. Ketekshelerdiń ólshemleri soralmaǵan, sonlıqtan ol tekstti maksimal qorshap aladı. Bunıń nátiyjesinde elementtiń ishindegi boslıq ústinen 10 pikselge, oń tárepten 20 pikselge, tómennen 30 pikselge hám shep tárepten 40 pikselge teń boladı.
2.7 mısal. Ishki boslıqlardıń qollanıwı
<!DOCTYPE html>
<html>
<head>
<title>Ishki bosliq</title>
<meta charset="utf-8">
<style>
#object1 {
border-style: solid;
border-width:1px;
background: orange;
color:darkred;
font-family:Arial;
font-size:12pt;
text-align:justify;
display:table-cell;
width:148px;
padding:10px 20px 30px 40px;
}
</style>
</head>
<body>
<div id='object1'>Shayır edim, kózim kórgenin jazdım, Kókiregimniń sezip, bilgenin jazdım, Zaman qısletinen sarǵaydım, azdım, Bolar ma dep jaqtı kúnler xalıq ushın.</div> </body>
</html>
