2.4 Súwret. Html-kod bólimleri hám olarǵa qollanilǵan css-qaǵıydalar

2.6. Ólshemler

CSS kóplegen ólshem birliklerin qollap-quwatlaydı hám web-betlerdi júda anıq qılıp kórsetiwge imkan beredi.

• Piksel (pixel) – onıń úlkenligi paydalanıwshı monitorındaǵı pikseldiń úlkenligi hám shuqırlıǵına qarap ózgeredi. Bir piksel ekrandaǵı noqat eni hám bálentligine teń. Sonıń ushın bul ólshem birligi monitorlarda paydalanǵanlıǵı maqul. Mısalı:

.classname { margin:5px; }

• Punkt (point) – 1/72 diyumǵa teń. Bul ólshem birligi poligrafiyadan kelip shıqqan bolıp sol ortalıqqa mas keledi, lekin monitorda da keń qollanıladı. Mısalı:

.classname { font-size: 14pt; }

• Dyum (inch) – 72 punktǵa teń hám baspaǵa shıgarıw tarawında paydalanatuǵın ólshem birligi bolıp esaplanadı. Mısalı:

.classname { width: 3in; }

• Santimetr (centimeter) – baspada paydalanatuǵın jáne bir ólshem birligi. Bir santimetr 28 punktan azǵana úlkenlew. Mısalı:

.classname { height:2cm; }

• Millimeter (millimeter) – bul santimetrdiń 1/10 (3 punktǵa derlik teń). Mısalı:

.classname { font-size:5mm; }

• Pika (pica) – jáne bir tipografiyaǵa tiyisli ólshem birligi, 12 punktǵa teń. Mısalı:

.classname { font-size :1pc; }

• Em (em) – házirgi shrift úlkenligine teń (latin álippesiniń m háripiniń eni). Bul CSS-tiń eń paydali ólshew birlikleriniń biri, sebebi ol arqalı salıstırmalı úlkenliklerdi beriwde qollaniladı. Mısalı:

.classname { font-size: 2em; }

• Eks (ex) – bul da shrift úlkenligine tiyisli ólshem birligi. Ol kishi x háripiniń biyikligine teń. Bul ólshem birligi tórtmúyeshlik blokiniń keńligin beriwde paydalanadı. Mısalı:

.classname {width:20ex; }

• Payiz (percent) – bul birlik em-ǵa jaqin bolıp, onnan 100 ese úlken. Eger 1 em házirgi shrifttiń úlkenligine teń bolsa, bul shrifttiń payzindaǵı ańlatpasi 100%. Mısalı:

.classname {height : 120%; }

2.5 súwrette bul ólshem birlikleri bir úlkenliktegi tekst ushın qollanilǵanlıǵı kórsetilgen.

2.5 Súwret. Bir nátiyjege alıp keletin hár túrli ólshem birlikleri

2.7. Shrift hám tekst bezeliwi

CSS járdeminde shrifttiń tórt tiykarǵı qásiyetlerin sazlaw múmkin: semyası – family, stili – style, úlkenlik – size hám qalınliq – weight. Bul qásiyetlerden paydalanip, teksttiń web-betlerindegi kórinisin yaki baspaǵa shıǵarıwın anıq qılıp sazlawımız múmkin.

Font-family

Bul qásiyet paydalanǵan shriftti belgileydi. Bul qásiyet bir neshe shriftti belgilewge ruxsat beredi, olar shep tárepten oń tárepke beriliwi kerek. Mısal ushın, abzaclar ushın shriftti beriw ushın tómendegi CSS qaǵıydadan paydalanıwımız múmkin:

p{font-family:Verdana, Arial, Tahoma, sans-serif;}

Eger shrift atında ashiq jay bar bolsa, onıń atı qos tırnaq ishine alınıwı kerek:

p{font-family: “Times New Roman”, Georgia, serif;}

Esletpe:

Web-betlerde paydalanıwǵa mas keletin shriftlar bul Arial, Helvetica, Times New Roman, Times, Courier New hám Courier, sebebi bul shriftlardıń hámmesi zamanagóy brauzer hám operatsion sistemalarda bar. Verdana, Georgia, Comic Sans MS, Trebuchet MS, Arial Black hám Impact shriftların Mac ва PC-larda qollanıw múmkin, lekin olar basqa operatsion sistemalarda islemew múmkin (mısal ushın Linux da). Basqa keń tarqalǵan biraq isenimligi tómen bolǵan shriftlar bul Palatino, Garamond, Bookman ва Avant Garde. Eger isenimsiz shrifttan paydalanatin bolsańiz, CSS-da alternative shriftlar kórsetiliwi lazım, bul shrift tabilmaǵan halda bul alternative shrift qollanilǵanlıǵı ushın.

2.6 súwrette bul eki CSS-qaǵıydalar toplamın paydalanıwi kórsetilgen